મારાં બ્લોગની સાત વર્ષની યાત્રા–આઠમા વર્ષમાં પ્રવેશ સમયે—

11, ઓગસ્ટ,2015
મારાં બ્લોગની સાત વર્ષની યાત્રા–આઠમા વર્ષમાં પ્રવેશ સમયે—

વ્હાલા મિત્રો અને વડિલો,

” સર્વાઈકલ સ્પોન્ડીલાઈટીસ”ની બિમારી તો લગભગ અઢી વર્ષ થયા પાછળ પડી છે અને જે આ વર્ષ દરમિયાન પણ ચાલુ રહી છે. પરિણામે ગરદન પાછળ, ખભા અને હાથમાં દુઃખાવાને કારણે લખવું અને ટાઈપ કરવું અને બ્લોગ ઉપર મૂકવું કઠિન બનેલું જ રહ્યું.

તેમ છતાં વર્ષ દરમિયાન મારી પોતાની 11 જેટલી પોસ્ટ તથા અન્ય સમાન વિચારો ધરાવનાર જુદા જુદા અખબારામાં અવારનવાર લખતા કોલમીસ્ટોના અંદાજે 54 જેટલા લેખો બ્લોગ ઉપર પ્રસિધ્ધ કરવાનું શક્ય બન્યું.
બ્લોગ ઉપર મારી નિયમીત રીતે અનિયમીત હાજરી હોવા છતાં મને કહેતાં અને નોંધ લેતા અત્યંત ખુશી અને આનંદ થાય છે, કે આ વર્ષ અર્થાત 11, ઓગસ્ટ,2014 થી 10, ઓગસ્ટ, 2015 સુધીમાં ( વર્ડ પ્રેસની સીસ્ટમ પ્રમાણે ગણત્રી કરતા ) અંદાજે 11,950 અગિયાર હજાર નવસો પચાસ ઉપરાંત ક્લીક મળી અને 7070 જેટલા મિત્રોએ મુલાકાત લીધી અને 120 જેટલા પ્રતિભાવો પણ મળ્યા.

આપ સૌ મિત્રોએ બ્લોગની મુલાકાત નિયમિત રીતે લેતા રહી– મારી ના દુરસ્ત તબિયત તેમજ મારી ” એક્લતા” અને ” ખાલીપા ” ભર્યા જીવનને નવઃપલ્લવિત કર્યું હોઈ આપ સૌ તરફ મારી કૃતજ્ઞતા વ્યકત કરું છું અને આવનારા દિવસોમાં પણ આપ સૌનો સાથ- સહકાર અને લાગણી ભરી હુંફ મળતી રહેશે તેવી આશા અને અપેક્ષા સાથે ફરી આપ સર્વેનો હ્ર્દયપૂર્વક આભાર માનું છું.
આપ સૌની ક્ષેમ કુશળતા ચાહ્તો,

સ-સ્નેહ
અરવિંદ