ભલે આવ્યો શ્રાવણ ! હર હર મહાદેવ ! મહાદેવને દૂધનો અને બીલી પત્રોનો જ અભિષેક શા માટે ?

ભલે આવ્યો શ્રાવણ ! હર હર મહાદેવ ! મહાદેવને દૂધનો અને બીલી પત્રોનો જ અભિષેક શા માટે ?

 

આપ સૌ જાણો છો કે, આગામી થોડા દિવસોમાં જ શ્રાવણ માસ આવી રહ્યો છે આ શ્રાવણ માસ આપણાં દેશમાં અદકેરું અને વિશેષ મહત્વ ધરાવે છે. મહાદેવ અર્થાત શિવને લગતા ઘણાં બધા ઉત્સવો ઉજવવામાં આવે છે. જેમાં શ્રાવણમાં મહાદેવને દૂધ અને બીલી પત્ર ચડાવવામાં આવે છે જે થકી.પૂણ્ય મેળવી લેવાની અભીપ્સા રહેતી હશે.

છેક ઓગષ્ટ ૨૦૦૯થી મેં એક કરતા વધુ વાર, મારાં વિધ્ધવાન બ્લોગર મિત્રો સમક્ષ મારાં મનમાં ઉદભવેલો પ્રશ્ન રજૂ કરતો રહ્યો છું કે, મહાદેવને દૂધ તથા બીલી પત્રો શા માટે ચડાવવામાં આવે છે ક્યા સમયે, કોણે આ પ્રયોજયું હશે અને તેની પાછળનો તર્ક, કાર્ય-કારણ અર્થાત રેશનલ શું હોઈ શકે ?

જ્યારે અસંખ્ય બાળકો દૂધ વગર ટળવળતા હોય, એક ટીપું પણ તેમના ભાગ્યમાં નસીબ ના થતું હોય ત્યારે. આજે 21મી સદીમાં. આ દૂધનો અભિષેક અંધશ્રધ્ધા નથી ? આજ દૂધ. દૂધ વંચિત બાળકોને પાવાથી પૂણ્ય ના મળે ? અલબત્ત કેટલાક વિસ્તારોમાં આવું દૂધ બાળકોને પીવડાવવાની શરૂઆત થઈ હોવાના સમાચાર ક્યારે ક મળે છે જે સીલ્વર લાઈન જણાય છે.

આ વિષે આદરણીય સ્વામી સચ્ચિદાનંદે કહ્યાનું   મને યાદ આવે છે કે, “આપણે ત્યાં મહાદેવને દૂધ ચડાવી પૂજા કરવામાં આવે છે તે જો શક્ય હોય તો પૂરેપૂરી રીતે બંધ કરી અને આ દૂધ ગરીબ બાળકો વચ્ચે વહેંચી દેવું જોઈએ  પણ જો શ્રધ્ધાળુને દૂધ ચડાવવું જ હોય તો  ભલે દૂધ ચડાવે પણ આ દૂધને નીકમાં વહી જવા દેવાને બદલે એક કુંડી/વાસણમાં એકઠું કરી રીસાયકલથી શુધ્ધ કરી, ગરીબ બાળકોને  પીવા આપવું જોઈએ.”

આ સૂચન કેટલા લોકોએ સ્વીકાર્યુ તે જાણવામાં આવ્યું નથી. મહાદેવના મંદિરમાં આ દૂધ  જે નીકમાં વહેતું હોય છે તે સ્થળે તીવ્ર દુર્ગન્ધ આવતી હોય છે કે કોઈ વ્યક્તિ ત્યાં 1-2 મિનીટ પણ ઉભી ના રહી શકે. પંરતુ આપણી અંધ શ્રધ્ધા એટલી પ્રબળ હોય છે કે ગંદ્કી આપણને કોઠે પડી ગઈ છે . આપણાં ઈશ્વરે પણ આનો સ્વીકાર કર્યે જ છૂટ્કો, કારણ ભક્તો રાખે તેમ ભગવાને પણ રહેવું પડે છે.

આજે હજુ પણ મોટાભાગના લોકો અંધ્શ્રધ્ધાથી દોરવાઈ અરે ! પોતાના બાળકને પણ દૂધથી વંચિત રાખી દૂધનો અભિષેક કરતા જોવા મળે છે. આવા લોકોના મનમાં ક્યારે ય ” દૂધ જ શા માટે ?” તેવો પ્રશ્ન ઉપસ્થિત નહિ થતો હોય ? કોઈ ગુરૂ-સ્વામી કે સંતો સમક્ષ રજૂ કરી કેમ નહિ પૂછતા હોય ?.

આથી જ્યારે શ્રાવણ માસ દરવાજે ટકોરા મારી રહ્યો છે ત્યારે મને ફરીને એક વાર મારાં બ્લોગર મિત્રો અને વડિલો કે જે અત્યંત વિધ્ધ્વાન, અભ્યાસુ અને ચિંતક છે તેમની સામે ઉપસ્થિત થઈ મારાં મનમાં ઉભરેલા અને પ્રત્યુત્તરની ચાર વર્ષ થયા રાહ જોઈ રહેલા પ્રશ્નો દોહરાવી રહ્યો છું.

( 1 ) મહાદેવને દૂધ શા માટે ચડાવવામાં આવે છે ? તેની પાછળ રહેલ તર્ક-રેશનલ કે કાર્ય-કારણ જણાવો. સાથે બીલી પત્રોના અભિષેક વિષે પણ જણાવવા વિનંતિ.

( 2 ) કયા સમયે અને કયા કાળમાં, કોણે આ દૂધ ચડાવવાની પ્રથા શરૂ કરી અને તેની પાછળ શું પ્રયોજન હોઈ શકે ? અને આજની આ 21મી સદીમાં આ પ્રથા કેટલી પ્રસ્તુત ગણી શકાય ? માત્ર બીલી પત્રો જ શા માટે ?

( 3) મહાદેવના મંદિરમાં મહાદેવની સામે” નંદી” અને નંદીના અગ્રભાગમાં “કાચબો” મૂકવામાં આવ્યા છે તેની પાછળનું રહસ્ય શું હોઈ શકે ? આ ” નંદી ” અને ” કાચબો ” શાના પ્રતિક છે અને શાનો સંકેત કરે છે ?

મને વિશ્વાસ છે કે, આ વર્ષે મને અચુક જવાબ મળશે, ભલે છેલ્લાં ચાર વર્ષ થયા ના મળ્યો હોય તો પણ ! મારાં વિધ્ધવાન બ્લોગર મિત્રો મને નિરાશ નહિ કરે તેવી આશા સાથે‌‌‌‌‌‌‌‌‌‌‌‌………..

 

Advertisements

8 comments

  1. પ્રિય અરવિંદબાઈ

    તમારા બ્લોગ પર ઘણા વખત પછી આવું છું. મારી ગેરહાજરીને મિત્રતા પર પૂર્ણ વિરામ ન માની લેતા.
    હવે આ બાબત મારા વિચાર….

    આ બાબતની જેમ જ તમારા બ્લોગ પરની એકે એક વાત સાવ સાચી છે. આ આપણી સામાજિક કુરૂપતાઓ છે. એ બધામાં નવી , કલ્યાંણકારી, મંગળ, રૂપાળી દિશામાં પગરણ થાય તે માટે કોઈ જ બેમત નથી.
    પણ આમ કેમ છે, એના મૂળમાં જઈએ તો હજારો વર્ષોથી મનની પ્રક્રિયાનું જે રીતે ઘડતર થતું આવ્યું છે; એ ઊડીને આંખે વળગશે. નાઝી ગોબેલ્સની જાણીતી નીતિ રીતિ -‘ અનેક વખત પુનરાવર્તન કરવામાં આવે તો કોઈ પણ વાત સત્ય સાબિત કરી શકાય છે.’
    બધી સામાજિક કુરૂપતાઓની પાછળ આ નગ્ન વાસ્તવિકતા ખડી છે.
    અને એનો ઉકેલ પણ આ વિચારમાંથી મળે છે. દરેક વ્યક્તિએ પોતે જ જાગૃત થવું પડે છે. નદીનો પ્રવાહ આપણે બદલી નથી શકતા; પણ એમાં તરવા માટેની હોડી બનાવવી કે શોધવી પડે છે. કોઈક કાંઠે ઊભેલાને કહે કે, ‘ આ હોડીમાં બેસી સામે પાર જવાશે.’ પણ જો તેને સાંભ્ળવા કાન અને જોવા આંખ જ ન હોય તો એ સલાહ કોઈ કામની નથી.
    આપણે સૌ આવી જ બધિરતા અને અંધાપામાં આખી જિંદગી કાઢી નાંખતા હોઈએ છીએ, એ જાતે જાગવાથી જ દૂર થાય.
    સામાજિક જાગરૂકતા પ્રગટે એ સારી અને જરૂરી વાત છે; પણ એનું પ્રાગટ્ય વ્યક્તિગત જાગરૂકતામાં છે – એમ મારું માનવું છે.

    Like

    1. શ્રી સુરેશભાઈ,

      આપે દર્શાવેલી મિત્રતાતો મારા જીવનનું મોટું સંભારણું છે, તે કેમ ભૂલાય ? આપ જેમ બ્લોગ ઉપર લાંબા સમય બાદ આવી શક્યા તેમ હું પણ આ વર્ષ દરમિયાન બ્લોગ ઉપર નવી પોસ્ટ મૂકવામાં થોડી ના દુરસ્ત તબિયતને કારણે અનિયમિત બન્યો હતો. ખેર, ફરી સક્રિય થવા કોશિશ કરું છું અને તેમાં આપ સૌ મિત્રોની હુંફ, લાગણી મને પ્રોત્સાહિત કરતી રહેશે તેવો વિશ્વાસ છે. આપ અને પરિવારમાં સૌ કુશળ હશો. કુશળ છું અને આપની અત્રેની રૂબરૂ મુલાકાત વાગોળતો રહું છું. આવજો !

      સ-સ્નેહ

      અરવિંદ

      Like

  2. શ્રી હેમત આતા તરફથી પ્રતિભાવની ઈ-મેલ અન્ય મિત્રોના લાભાર્થે અત્રે રજૂ કરી છે.
    પ્રિય અરવિંદ ભાઈ
    આ તમારા પ્રશ્નો વિષે પુરાણvala જાણે
    પણ મને એક વિચાર આવે છેકે આ વિજ્ઞાનના યુગમાં શામાટે લોકો દૂધ વગર ટ ળવ ળવું પડે માતાના સ્તનમાં પુરતું દૂધ ન હોય ત્યાં સુધી શા માટે બાળકો પૈદા કરવા જોઈએ .મેં મારા બ્લોગમાં ક્યાંક લખ્યું છેકે એક બાઈ પોતાના બાળકને ધવડાવતી હતી મેં એને પૂછ્યું .બાળકને તારું દૂધ પૂરું થઇ જાય છે ? બાળક ધાવી લીધા પછી પણ તેના સ્તનમાંથી દૂધ વહ્યે જતું હતું એ એ બાઈએ મને દેખાડ્યું .
    Ataai
    ~sacha hai dost hagiz juta ho nahi sakta
    jal jaega sona firbhi kaalaa ho nahi sakta
    Teachers open door, But you must enter by yourself.

    શ્રી બીજે મિસ્ત્રી તરફથી ઈ-મેલ થી આવેલ પ્રતિભાવ અન્ય મિત્રોના લાભાર્થે રજૂ કરેલ છે.
    Swamiji in South Africa told to put few drops of milk into water and the rest of milk give to school children, poor people, etc.

    ન્યુઝીલેન્ડથી શ્રી ગાંડાભાઈ વલ્લ્ભની ઈ-મેલ કે જેમાં બીલી પત્રનો આરોગ્ય માટે થતો વિવિધ ઉપયોગ જણાવેલ છે જે આપ સૌ મિત્રોના લાભાર્થે અત્રે રજૂ કરેલ છે.
    નમસ્તે અરવિંદભાઈ,
    વર્ષો પહેલાં મારા સાળાએ પાંત્રીસેક વર્ષ સુધી અહીં ન્યુઝીલેન્ડમાં હીન્દુ ધર્મની વીધીઓ કરી હતી અને તે પણ બદલામાં કશું લીધા વીના. એમની નીવૃત્તી બાદ મેં પણ ૧૯૮૪થી શરુ કરી વીસેક વર્ષ સુધી બધી વીધીઓ કરી છે. એની પાછળનો આશય ધર્મના નામે અહીંના સમાજનું શોષણ થતું અટકે એ હતો. મારા સાળાને કે મને કોઈ કોઈ લોકો આગ્રહ કરીને દાન-દક્ષીણા આપતાં તે દાન આપનારના નામે જ અહીંના ભારતીય મંડળને આપી દેવામાં આવતું.

    મારા ખ્યાલ મુજબ હીન્દુ ધર્મની વીધીઓમાં વીજ્ઞાનને વણી લેવામાં આવ્યું છે. એ વીજ્ઞાન આરોગ્યવીષયક વધુ છે, અન્ય વીજ્ઞાનોની સરખામણીમાં. જો કે આજના કહેવાતા પંડીતો કે બ્રાહ્મણો કે વીધી કરાવનાર કે ગુરુ બની બઠેલા લોકોનું વીધી બાબત અર્થઘટન વૈજ્ઞાનીક ભાગ્યે જ હોય છે એવું મેં જોયું છે. આરોગ્યની દૃષ્ટીએ દુધનું મહત્ત્વ સહુ જાણે છે. ધર્મમાં એને વણી લેવાથી લોકો એનું પાલન કરે. એનો અભીષેક કરવામાં માત્ર પ્રતીક તરીકે એક-બે ટીપાં જ શુદ્ધ પાણીમાં નાખી અભીષેક કરવાનો હોય. પણ આપણી પાસે દુધ ન હોય, ખરીદવાનું હોય તો એક-બે ટીપાં તો ખરીદી ન શકાય. તો વધેલા દુધનો આહારમાં જ ઉપયોગ કરવાનો હોય-ખાસ કરીને બાળકો માટે જે સ્વાસ્થ્યમાં લાભદાયક થાય. બધું જ દુધ ચડાવી દઈ એને બગાડવાનું ન હોય. વળી એને બગાડીને શુદ્ધ કરવા કરતાં ન બગાડવું જ સરાહનીય નથી? ઉપરાંત એનાથી થતું પાર વગરનું પ્રદુષણ અસહ્ય ગણાય.

    બીલીપત્ર વૈદકીય રીતે બહુ જ ગુણકારી છે. આ રહ્યા એના વૈદકીય ગુણો (મારા બ્લોગમાં મેં મુકેલા બીલી વીષેના લેખમાંથી થોડું) :
    (૧) હરસમાં લોહી પડતું હોય તો બીલાનો ગર ખાવાથી મટી જાય છે.
    (૨) પાકાં બીલાં ગળ્યાં હોય છે. તેમાં ખાંડ નાખી શરબત બનાવી પીવાથી ઝાડા મટે છે તથા ઠંડક મળે છે. ખાસ કરી મરડામાં તે ઘણું કામ અાપે છે.
    (૩) બીલીના ઝાડથી હવા શુદ્ધ થાય છે.
    (૪) અાંખના રોગોમાં તેનાં પાન વાટી એનો રસ અાંખમાં અાંજવો.
    (૫) ગૌમુત્રમાં બીલું વાટી તેલ મેળવી પકવીને કાનમાં મુકવાથી કાનની બહેરાશ મટે છે.
    (૬) બીલીના કાચા કોમળ ફળના ગર્ભને સુકવીને બનાવેલું ચુર્ણ અતીસાર-ઝાડા, મરડો, સંગ્રહણી, કોલાયટીસ(મોટા આંતરડાનો સોજો), રક્તાતીસારમાં ખુબ જ રાહત કરે છે. એક ચમચી આ ચુર્ણ દીવસમાં ત્રણ વાર મોળી છાસ સાથે લેવાથી ઝાડામાં પડતું લોહી બંધ થાય છે. ઉપરોક્ત બધી વીકૃતીઓમાં પણ ફાયદો થાય છે. એનાથી જઠરાગ્ની પ્રદીપ્ત થાય છે, વાયુ અને કફ મટે છે.
    (૭) જો મરડો ખુબ જ જુનો હોય તો બીલીના ફળનો ગર્ભ અને એટલા જ વજનના તલનું ચુર્ણ તાજા મોળા દહીંની તર સાથે સવાર-સાંજ લેવાથી મટે છે. જો મળ સાથે રક્તસ્રાવ થતો હોય તો આમાં એક ચમચી સાકર મીશ્ર કરી પીવું.
    (૮) બીલાનો ગર્ભ, ઘોડાવજ અને વરીયાળીનું સરખા વજને મેળવેલ ચુર્ણ મરડામાં અકસીર છે.
    (૯) કાચા બીલાના ગર્ભને સુકવી બનાવેલ એક ચમચી ચુર્ણ એટલી જ સાકર સાથે સવાર-સાંજ લેવાથી ઝાડા મટે છે.
    (૧૦) બીલીપત્રનો રસ બેથી ત્રણ ચમચી જેટલો સાકર નાખી પીવાથી કોઈપણ પ્રકારનો રક્તસ્રાવ મટે છે.
    (૧૧) બીલીપત્રનો રસ ડાયાબીટીસમાં લાભ કરે છે તથા સોજા મટાડે છે.
    (૧૨) ન રુઝાતા ગંધાતા ચાંદા પર બીલીપત્ર વાટી પેસ્ટ બનાવી લગાડવાથી ચાંદાં મટી જાય છે.
    (૧૩) ઉનાળામાં દરરોજ બીલાનું શરબત પીવાથી આંતરડાં મજબુત બને છે અને પાચન શક્તી સુધરે છે. પાચનશક્તી સારી રાખવા માટે એ આશીર્વાદ સમાન છે.
    (૧૪) બીલાના ફળના ગરના ટુકડાઓને છાસમાં લસોટી ચટણી જેવું બનાવી અડધીથી એક ચમચી જેટલું સવાર, બપોર, સાંજ લેવાથી ઝાડા, મરડો, સંગ્રહણી મટે છે.
    (૧૫) બીલામાંથી બનાવવામાં આવતા ચાટણને બીલ્વાવલેહ કહે છે. એકથી બે ચમચી બીલ્વાવલેહનું સવાર, બપોર, સાંજ સેવન કરવાથી પણ મરડો, સંગ્રહણી અને પાતળા ઝાડા મટે છે.
    (૧૬) કાચા બીલાને સુકવી તેના ગર્ભનું બનાવેલ એક ચમચી બારીક ચુર્ણ એટલી જ સાકર મેળવી સવાર-સાંજ લેવાથી પાતળા ઝાડા, લોહીવાળા ઝાડા, ચીકણા ઝાડા વગેરે મટે છે.
    (૧૭) બીલીના પાનનો રસ પણ રક્તસ્રાવને રોકે છે. બીલીના પાન ખુબ વાટી પેસ્ટ બનાવી ન રુઝાતાં ચાંદાં પર લગાવવાથી થોડા જ દીવસોમાં એ મટી જાય છે.
    (૧૮) બીલીના મુળની છાલનું ચુર્ણ પૌષ્ટીક છે અને સોજા ઉતારે છે.
    (૧૯) પાકા બીલાનું શરબત પીવાથી અતીસાર અને આંતરડાનાં ચાદાં મટે છે. કાચા બીલાનું ચુર્ણ સાકર સાથે લેવાથી બાળકોના ઝાડા મટે છે.
    (૨૦) સુકું બીલું, વરીયાળી અને સુંઠનું સરખા ભાગે બનાવેલું એક ચમચી ચુર્ણ એક કપ પાણીમાં ઉકાળી સવાર, બપોર, સાંજ લેવાથી આમસંગ્રહણી મટે છે.
    (૨૧) બીલાની છાલના રસમાં જીરુનું ચુર્ણ અને સાકર નાખી સવાર-સાંજ લેવાથી ધાતુપુષ્ટી થાય છે.
    (૨૨) બીલાના માવાનું ગોળમાં બનાવેલું શરબત પીવાથી બધી જાતના અતીસાર મટે છે.
    (૨૩) બીલાનો રસ અને કેરીની ગોટલીનો રસ મીશ્ર કરી પીવાથી સગર્ભાની ઉલટી બંધ થાય છે.
    બીલ્વાદી ક્વાથ : બીલી, અરણી, અરડુસી, સીવણ અને પાડળ આ પાંચ વનસ્પતીનાં મુળને બૃહત્ પંચમુળ કહે છે. એ પાંચે સરખા ભાગે મીશ્ર કરી ખાંડી, એક ચમચી ચુર્ણનો ઉકાળો કરી સવાર-સાંજ નીયમીત પીવાથી થોડા દીવસમાં વધુ પડતો મેદ એકત્ર થવાથી જે પીડા થાય છે તે મટે છે.

    આપના બીજા પ્રશ્નોનું અર્થઘટન નંદી અને કાચબા વીષે આરોગ્યની દૃષ્ટીએ વીચારીએ તો ગાયનું મહત્ત્વ લોકોના ખ્યાલમાં આવે તે છે. પણ આ બાબતો લોકો પુજા કરાવનારને પુછે અને એ પંડીત જાણકાર હોય તો લોકોને યોગ્ય માર્ગદર્શન આપી શકે. બાકી અમુક લોકોને ભળતા જ જવાબો આપતાં મેં જોયા છે. મારું આ અર્થઘટન મારી દૃષ્ટએ છે, કોઈ શાસ્ત્રમાં મેં વાંચ્યું નથી, અને શાસ્ત્રોનો મને અભ્યાસ પણ નથી.

    કાચબો બીજાં બધાં પ્રાણીઓની સરખામણીમાં સૌથી લાંબું આયુષ્ય ભોગવે છે, અને એની પાછળનું રહસ્ય એની ધીમી ગતીને ગણવામાં આવે છે, ખાસ કરીને એની શ્વાસોચ્છવાસની બહુ જ ધીમી ગતી. એના પરથી પ્રાણાયામનું મહત્ત્વ સમજી શકાય. આ બધું વીગતવાર લખતો નથી, બહુ લંબાણ થયું હોવાથી.

    આ વીધીઓ ક્યારે દાખલ થઈ હશે કે કોણે દાખલ કરી હશે તે બાબત હું કશું જાણતો નથી.

    Like

  3. શ્રી અમૃત હઝારી તરફથી આવેલ ઈ-મેલ દ્વારા પ્રતિભાવ અન્ય મિત્રોના લાભાર્થે અત્રે રજૂ કરેલ છે.
    મિત્રો,
    ૨૧મી સદીમાં અને ખાસ કરીને હું આ લેખ અમેરીકા સથિત મિત્રોને ફોરવર્ડ કરું છું જેથી નવા અને સાચા વિચારોનો પ્રચાર કરી શકીઅે. દરેકને પોતાના વિચારો હોય જ અને તે રાખવા તેમનો અઘિકાર છે. છતાં કોમ્પ્યુટરના આ જમાનામાં જાત અનુભવોથી ઘણાં શીખ્યા હોય છે. તો વાંચો અને તમારાં પોતાના અભિપ્રાયો લખો અને પ્રસારો .
    ચાલો અેક વિચાર કરીને વઘુ વિચારીઅે.
    હું પોતે મારી જાતને અેવા કુટુંબનો વડો છું તેમ મનીને આ વિષયનો વિચાર કરું છું. મારી ઇન્કમ અેવી છે કે મારાં બે બાળકોના ભણતરનાં અને ઘર ચલાવવાનાં નાણાં સરભળ થઇ રહે છે. મારી પત્નિ મહાદેવને વિનંતિ કરવા અને કુટુંબ ઉપર આશિર્વાદ વરસાવવા દૂઘ ચઢાવવામાં માન્યતા ઘરાવે છે. મને પણ થોડી લાલચ રહે છે કે પ્રભુ કૃપા થાય. સાથે સાથે અંતરમાં દુ:ખ પણ થાય કે મારાં બાળકોના મોઢામાંથી આ દૂઘ અમે છીનવી રહ્યા છીઅે. શાળાઅે જતાં બાળકોને તંદુરસ્તીની જરુર હોય છે જે દૂ:ઘથી થોડી આપી શકાય. આ વરસે હું મારી પત્નિને રીક્વેસ્ટ કરીને મહાદેવને દૂઘ ચઢાવવાથી અટકાવી શક્યો છું.
    મારી તમને સૌને વિનંતિ છે કે તમે આ વાંચીને પોતાની જાતને અેવી પરિસ્થિતિમાં કલ્પી જૂઓ અને પછી વિચારીને લાખો ટન વેડફાતાં દૂઘનો સદ્ઉપયાગ થાય તેવાં કર્મમાં જોડાવ અને બીજાને તે દૂઘ ચડાવવાનાં કરમ કરતાં અટકાવવામાં મદદ રુપ થાઓ. ભારતમાં દૂઘની અછત છે. લુચ્ચા લોકો કેમીકલો વડે દૂઘ બનાવીને વેચે છે અને સીઘા સાદા નાગરીકોની તંદુરસ્તિ સાથે ચેડા કરે છે. શું આપણે આ કરવા દઇને પાપનો ટોપલો આપણે માથે ચડાવીશું ?
    આ આખો લેખ તમારાં મિત્રોને મોકલવા વિનંતિ છે.
    Please do not take this forwarded article as a forceful “DO IT”. It is YOUR DISCRETIONARY to use it or not.

    Like

  4. pranam sir, aaje aapno blog joyo saras che
    aapna uttar deva mate aam to hu ghani nani chu chata kevanu k,bilipatra mate to sundar varta che j aapna shashtro ma e tame janta j haso ane dudh mate nu scientific reason e che k khas kari ne sharwan maas ma doodh(milk) varjya (nahi levanu) em che ayurvedik anusar joi e to sharwan mass ma dudh na levay to ghanu kari ne pehla na vakhat ma doodh wast jatu etle shiv ling par chadhavatu ane tyare aavi neek noti e sidhu khetro ma j jatu etle ek prakare khatar bantu etle aam wast na kevay etle aavi pratah padi che.
    ha pan atyare aapne badlavani jarur che aa pratha ne evu kari sakay k pratik roope chadavi baki nu doodh daan kari sakay.
    JAY BHOLENATH

    Like

    1. આપે બ્લોગની મુલાકાત લીધી અને પ્રતિભાવ જણાવ્યો, આભાર.
      મને વાર્તામાં નહિ તથ્યમાં રસ છે. દુધ જ શા માટે ? નંદી અને કાચબો શા માટે ? કોણે શરૂ કર્યું ? ક્યારે શરૂ કર્યું ? અને તેનું કારણ અર્થાત રહસ્ય શું ? મને વિશ્વાસ છે કે આપ દૂધના વેડફાટ સાથે સહમત નહિ જ હો, આ જ દુધ ગરીબ બાળકોને પાવાથી પૂણ્ય મળે કે નહિ ? મને વિશ્વાસ છે કે મારો મુળભૂત મુદો આપ બરાબર સમજ્યા હશો. ફરીને આભાર, મુલાકાત લેતા રહેશો અને પ્રતિભાવ પણ જણાવશો.

      Like

  5. HELLO SHRI ARVINDBHAI, THANKS, SINCE 2013 WE ARE NOW IN INDIA AND AT PETLAD. I DO AGREE WITH YOU. WE JUST OFFER MILK IN NAME OF MAHADEO, PUJARI USE IT FOR HIS FAMILY OR DISTRIBUTE AS PRASAD. MANY DOES NOT TAKE PRASAD OF MAHADEO ONCE OFFERRED, I DONT KNOW THE REASON, ONLY SOME ONE PUJARI OR LOW RANGE BRAHMIN ACCEPT IT. WITH REGARDS..JAY SHRI KRISHNA. Praful Shah

    Like

    1. આભાર પ્રફુલ્લભાઈ ! આપ અત્રે આવીને પેટલાદમાં રહો છો તે જાણી આનંદ. કુશળ હશો. આપ પૂજારીને પૂછો કે આ દુધનો જ અભિષેક શા માટે ? નંદી અને કાચબો શા માટે ? કોણે પ્રયોજયા અને ક્યારથી ? કદાચ સંભવ છે કે કોઈ પૂજારીએ આ વિષે અભ્યાસ કર્યો પણ હોય ! ખેર ! આવજો ! બ્લોગની મુલાકાત લેતા રહી પ્રતિભાવ પણ જણાવતા રહેશો.

      Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s