આપણી સાથે, આપણી આજુ બાજુ, આપણી આસ પાસ આપણાં રોજ બરોજના કામમાં સહાય કરતી વ્યક્તિઓ તરફનો આપણો અભિગમ કેટલો વિધાયક ? કેટલો નકારાત્મક ? લેખાંક ( 4 ).

આપણી સાથે, આપણી આજુ બાજુ, આપણી આસ પાસ આપણાં રોજ બરોજના કામમાં સહાય કરતી વ્યક્તિઓ તરફનો આપણો અભિગમ કેટલો વિધાયક ? કેટલો નકારાત્મક ?         લેખાંક ( 4 ).

ટપાલી/આંગડીયો અર્થાત કુરીયર:-

ટપાલી સરકારનો કર્મચારી હોય છે તો આંગડીયો ખાનગી કંપનીનો કર્મચારી હોય છે.બંનેનું કામ લગભગ સમાન છે. લોકોને સુખ-દુખઃ કે ખુશી અને ગમના સમાચારો ઘેર જઈ પહોંચાડવા. કેટલાક વર્ષો થયા ટપાલ સેવા દિન પ્રતિ દિન કથળતી જતી હોય મોટા ભાગના લોકો આંગડીયા સરવીસ થોડી મોંઘી હોવા છતાં ઉપયોગ કરતા થયા છે.

ટપાલી કે આંગડીયાનો કોઈ વ્યક્તિગત પરિચય હોતો નથી. નામ પણ ભાગ્યે જ જાણવાની પરવા કરાતી હોય છે .સમયે સમયે આ વ્યકતિઓ બદલાતી પણ રહે છે. ઉપરાંત ઘેર ટપાલ પહોંચાડવાનો કોઈ નિશ્ચિત સમય હોતો નથી અને તેથી કેટલીક વાર ક-સમયે પત્ર પહોંચાડનાર મેળવનારના ગુસ્સાનો ભોગ બનતા હોય છે. કટાણું મોઢૂં કરી પત્ર સ્વીકારનાર ટાઢ-તડકો કે વરસાદની પરવા કર્યા વગર પત્ર પહોંચાડનાર તરફ કોઈ સહાનુભૂતિ દર્શાવ્યા વગર કે ધોમ તડકામાં આવનારને એક ઠંડા પાણીના ગ્લાસ માટે પણ પૂછતો હોતો નથી, પરંતુ જમતા ઉઠાડ્યાની કે પોતાની બપોરની ઉંઘ બગાડી તે માટે બડ બડ કરતો રહે છે. પછી ભલેને પત્રમાં કોઈ શુભ અને સારા સમાચાર જણાવ્યા હોય ! આવો આ વ્યહવહાર કેટલો ઉચીત ગણાય ?

થોડા સમય પહેલા બંધ થયેલ ” તાર “ની સુવિધા ઝ્ડપથી સમાચાર પહોંચાડવા માટે ઉપયોગમાં લેવાતી ત્યારનો એક પ્રસંગ યાદ આવે છે. તારની ભાષા અંગ્રેજી રહેતી, અને તાર લાવનાર ભાગ્યે જ અંગ્રેજી જાણતા. આવા સંજોગોમાં તાર મેળવનાર કેવી હરકતો કરતા તે જાણવું રસપ્રદ બનશે ! એક વ્યક્તિને ત્યાં તાર આવ્યો. તાર વાંચી, મોટેથી ઘરવાળીને પાણી ગરમ મૂકવા કહ્યું. તાર લાવનારે આ સાંભળ્યું અને કોઈકના મૃત્યુના કે કોઈ દુઃખદ સમાચાર તારમાં હોવા જોઈએ તેવું અનુમાન કરી તે ઝડપથી ઘર બહાર નીકળી ગયો. પેલા ને જતો જોઈ ગરમ પાણીમાં ચા-ખાંડ નાખવાની સુચના તુરત જ ઘરવાળાએ ઘરવાળીને આપી ! હકિકતે તારમાં ઉચ્ચ ધોરણમાં પોતાના ભાઈના સારા માર્ક્સ સાથે ઉતિર્ણ થયાના સમાચાર હતા ! પરંતુ આ સમાચાર લાવનાર તાર વાળાને વધામણી ના આપવી પડે તે માટે મોટેથી ” પાણી ગરમ મૂકવા ” કહેલું.

અખબાર દેવા આવનાર વ્યક્તિ:-

મોટા ભાગના લોકોને વહેલી સવારે અખબાર વાંચવાની આદત હોય છે. કેટલાક તો અખબારના એટલા આદતી હોય છે કે, ટોઈલેટમાં જો અખબાર ના વાંચે તો કુદરતી હાજત અટકી પડતી હોય છે. આ અખબાર ઘેર ઘેર વહેલી સવારે પહોંચતુ કરવાનું કામ આધેડ ઉમરના લોકો વધતી જતી મોઘવારીમાં ઘર ખર્ચને પંહોચી વળવા પૂરક આવક મેળવવા, તો કેટલાક વિધ્યાર્થિઓ પોતાના અભ્યાસનો ખર્ચ કાઢ્વા આ કામ કરે છે. વિદેશમાં તો આ કામ મોટે ભાગે વિધ્યાર્થિઓ/વિધ્યાર્થિનીઓ કરતી જોવા મળે છે.

ક્યારે ક અખબાર કોઈ અગમ્ય કારણ સર ગ્રાહકને મોડું મળે તો ગ્રાહક નારાજ થઈ ગુસ્સે થાય છે અને કેટલાક ગંદા શબ્દોમાં ફેરિયાનું અપમાન પણ કરતા હોય છે. મોડા થવાનું વ્યાજબી કારણ પણ સાંભળવા તૈયાર હોતા નથી. આમ પેલી કહેતી પ્રમાણે ” જેની સવાર બગડી તેનો દિવસ પણ બગડ્યો ” અખબાર પહોચાડનાર અને મેળવનાર બંનેનો દિવસ બગડે છે. અખબાર લાવનાર વ્યક્તિની અંગત મજબૂરી વિષે ભાગ્યે જ આવા ગ્રાહકો દરકાર કરે છે. સંભવ છે કે, ફેરિયાની પોતાની તબિયત નાદુરસ્ત હોય, તેના પરિવારમાં કોઈ અઘટિત બનાવ બન્યો હોય કે અખબાર જ મોડું આવ્યું હોય ! ફેરિયા તરફ સહાનુભૂતિ દાખવી આશ્વસ્ત કરવામાં મોટા ભાગના લોકો કેમ ઉણા ઉતરતા હશે ?

દૂધ ભરવા આવતી વ્યક્તિ:‌-

સામાન્ય રીતે દૂધ પણ પરિવારની વ્હેલી સવારની જરૂરિયાત ગણાય છે. દૂધ ભરવા આવનાર વ્યક્તિનો મોટે ભાગે સામનો ગૃહિણી સાથે થતો રહે છે. જો દૂધ લાવનાર મોડો થાય તો તેણીનું કામનું શીડ્યુલ વેર વીખેર થઈ જતા તેણીના પૂણ્ય પ્રકોપનો સામનો કરવાનો થતો રહે છે. બાળકોને શાળાએ જતાં પહેલાં દૂધ પાવાનો રિવાજ મોટા ભાગના પરિવારોમાં જળવાઈ રહ્યો છે અને તેની સાથે જ પરિવારની સવારની ચા પણ બનતી હોઈ, આ રોજિંદા ક્રમનો ફેરફાર દૂધ મોડું આવતા સમગ્ર પરિવારને ખલેલ પંહોચાડતું હોય દૂધ લાવનારે ગ્રહિણીનો ગુસ્સો સહન કરવો પડે છે. આમ છતાં કેટલીક મહિલાઓ સહાનુભૂતિથી મોડા થવાનું કારણ જાણવા કોશિશ કરે છે અને જરૂર જણાય તો લાગણી ભરી સહાનુભૂતિ પણ દર્શાવે છે. અને આશ્વસ્ત પણ કરે છે જે મહિલાઓના સંવેદનશીલ દિલનું ધૌતક છે.

આપણાં કોઈ પણ પ્રકારના કામો કરનાર તરફ તમામ લોકો આવું સંવેદનશીલ દિલ કેમ  નહિ રાખી શકતા હોય ? આ યક્ષ પ્રશ્ન નથી ?

હવે પછી લેખાંક ( ૫ ) ક્રમશઃ

 

 

 

Advertisements

2 comments

    1. આપે બ્લોગની મુલાકાત લીધી અને આપને લેખ ગમ્યો તે જાણી આનંદ થયો. ફરી પણ અનૂકુળતાએ મુલાકાત લેતા રહેશો અને આપનો પ્રતિભાવ પણ જણાવતા રહેશો તો ગમશે !

      સ-સ્નેહ

      અરવિંદ

      Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s