નાનકડું હૉલેન્ડ પોતાના દેશ માટે જે કરી શક્યું તે ભારત કેમ ન કરી શકે?—સ્પાર્ક— શ્રી વત્સલ વસાણી

ગુજરાત સમાચારની તા.24, નવેમ્બર,2013 અને રવિવારની ” રવિ ” પૂર્તિમાં ” સ્પાર્ક ” કોલમમાં પ્રસિધ્ધ થયેલો શ્રી વત્સલ વસાણી નો આ લેખ આપ સૌ મિત્રોને પસંદ પડશે તેમ ધારી મારાં બ્લોગ ઉપર તેઓ બંનેના આભાર અને સૌજન્ય સાથે મૂકી રહ્યો છું.

સ્પાર્ક – વત્સલ વસાણી
નાનકડું હૉલેન્ડ પોતાના દેશ માટે જે કરી શક્યું તે ભારત કેમ ન કરી શકે?—સ્પાર્ક— શ્રી વત્સલ વસાણી

બીજા વિશ્વયુદ્ધમાં જર્મનીએ હૉલેન્ડ પર હુમલો કર્યો. હિટલર એ વખતે સર્વસત્તાધીશ હતો. જર્મની સામે હૉલેન્ડ જેવડો નાનકડો દેશ શી રીતે ટકી શકે? એ વખતે હૉલેન્ડ એક ગરીબ દેશ ગણાતો. હૉલેન્ડની ગરીબી અને કમજોરીનાં કારણો તો ઘણાં હોઇ શકે પણ તેમાં સૌથી મહત્વનું કારણ તો એ છે કે હૉલેન્ડની ભૂમિ સમુદ્રની સપાટીથી નીચી છે. આથી સમુદ્રમાં આવતી ભરતીથી બચવા હૉલેન્ડને દીવાલો બાંધવી પડે છે. હૉલેન્ડની અડધી તાકાત તો સમુદ્ર સામે રક્ષણ મેળવવામાં જ ચાલી જાય છે. આથી જર્મની સામે લડવા માટે એની પાસે મોટું લશ્કર, યુદ્ધનાં સાધનો અને શસ્ત્રો પણ ન હતાં. હિટલરને તો લાગતું જ હતું કે હૉલેન્ડને મિનિટોમાં જ જીતી લેવાશે. જર્મનીની તાકાત સામે એ ટકે પણ શી રીતે?

જર્મનીએ હુમલો કર્યો તો હૉલેન્ડના લોકો વિચારવા લાગ્યા કે કરવું શું? પણ હૉલેન્ડના લોકોએ જે વાત વિચારી તે સમજવા જેવી છે. હિન્દુસ્તાન આવી વાત ક્યારેય વિચારી ન શકે અને જો વિચારી શકતું હોત

તો આવડા મોટા દેશને પૂરા એક હજાર વર્ષ માટે ગુલામ શા માટે રહેવું પડે?
હૉલેન્ડના લોકોએ વિચાર્યું કે આ રીતે તો આપણે ગુલામ થઇ જઇશું. અને ગુલામ બનીને રહેવું યોગ્ય નથી. એના કરતાં તો આઝાદ રહીને મરી જવું જ બહેતર છે. એમણે નક્કી કર્યું કે જે ગામ પર જર્મની હુમલો કરે તે ગામે સમુદ્ર સામેના રક્ષણ માટે બાંધેલી દીવાલ તોડી નાખવી. આથી આખું ગામ સમુદ્રમાં ડૂબી જશે અને સાથે હુમલો લઇને આવેલું જર્મનીનું લશ્કર પણ ડૂબી જશે. આપણે આપણાં ગામ ડૂબાડતા જઇશું. જે તે ગામ પર જર્મનીનું લશ્કર કબજો કરે તે ગામને આપણે ડૂબાડતા જઇશું. આ રીતે આપણે પૂરા દેશને ડૂબાડી દઇશું અને જો એવું બને તો એક પણ હૉલેન્ડવાસી, હૉલેન્ડનું એક પણ બાળક નહીં બચે પણ આપણે ગુલામ તો નહીં જ થઇએ. ત્રણ ગામ પર હિટલરની ફોજે હુમલો કર્યો અને ત્રણે ગામ આ રીતે દીવાલ તોડીને ડૂબી ગયા, સાથે જર્મનીનું લશ્કર પણ ડૂબી ગયું. ફોજ ત્યાંથી પાછી ફરી. હિટલરે પોતાની ડાયરીમાં લખ્યું કે આજ મને ખબર પડી કે સંગીનો, બંદુકો અને બમોથી પણ વધુ શક્તિશાળી પ્રજાનું આત્મબળ હોય છે. લોકો જો મરણિયા બની જાય તો દુનિયાની કોઇ તાકાત એને ગુલામ ન બનાવી શકે. હિટલરે કહ્યું કે આવા લોકો સામે લડવું મુશ્કેલ છે.

હિન્દુસ્તાન ગુલામ થયું અને પૂરા હજાર વર્ષ માટે જુદી જુદી પ્રજાનું ગુલામ રહ્યું. થોડી એવી તાકાત લઇને લોકો આવ્યા અને આપણને ગુલામ બનાવી દીધા.
ઓશો આ માટે કહે છે કે ‘હિન્દુસ્તાનની વસ્તી એ વખતે ચાલીસ કરોડની હતી અને અંગ્રેજોની વસ્તી ત્રણ કરોડ. હજારો માઇલો દૂર બેસીને એ લોકો હકૂમત કરતા રહ્યા અને આપણે એ હકૂમતને સહેતા અને સ્વીકારતા રહ્યા.’

‘રાજનૈતિક લોકો કહે છે કે આપણામાં ફાટફૂટ હતી એટલે આ લોકો રાજ્ય કરતા હતા. પણ મારી દ્રષ્ટિએ એ લોકો ખોટું સમજાવે છે. કેમકે જેટલી ફાટફૂટ આપણે ત્યાં છે તેટલી તો દુનિયામાં ચારે તરફ છે. અસલી વાત એનાથી જુદી છે અને તે એ છે કે અહીંના મોટા ભાગના લોકો માનતા હતા કે રાજનીતિ સાથે આપણે શી લેવાદેવા છે? આપણે એની સાથે શી મતલબ છે? દિલ્હીના તખ્ત પર કોઇ પણ આવીને બેસે આપણને શો ફરક પડવાનો હતો? દેશનો મહેતર માનતો હતો કે મારે તો પાયખાનાં જ ધોવાનાં છે પછી ત્યાં મોગલ બાદશાહ બેસે, અંગ્રેજ બેસે કે હિન્દુસ્તાનનો કોઇ પણ નવો બાદશાહ બેસે? સામાન્ય પ્રજાના જીવનમાં શો ફરક પડવાનો હતો? મોચીને જિંદગીભર જૂતા જ સીવવાના હતા, ખેડૂતને ખેતી અને વેપારીને વેપાર કરવાનો હતો. ગાદી પર કોઇ પણ આવે કે બદલાતા રહે તો સામાન્ય પ્રજાને શી નિસ્બત?

‘…અને હિન્દુસ્તાનાં જે લોકોની વાત પર પ્રજાને વિશ્વાસ છે, જેમની પાછળ પાછળ લોકો ચાલે છે તે બધા જ આ બાબતમાં ઉદાસ છે. પૂરા એક હજાર વર્ષ ગુલામીનો ઈતિહાસ ઉખેળીને જુઓ તો ખ્યાલ આવશે કે સંન્યાસીઓ અને ધર્મગુરુઓથી ભરેલા આ દેશમાં ક્યારેય એવો અવાજ ન ઊઠયો કે તોડી નાખો ગુલામીની આ જંજીરોને અને સળગાવી દો ગુલામીના આ શાસન અને માનસને. આત્માના અમરત્વની વાતો કરતા લોકોને ગુલામીની જંજીર તોડતાં મરવું પડે તો એમાં તકલીફ શી છે?’

‘…પણ એનું મુખ્ય કારણ એ હતું કે ધર્મ અને અધ્યાત્મને રાજનીતિથી દૂર રાખવાનો પ્રયત્ન થયો છે. આપણે એ બન્નેને એકબીજાના પરિપૂરક નથી માન્યા. આથી દોષ એ વિચારસરણીનો છે અને હું તો કહું છું કે ધર્મ વિનાની રાજનીતિ માત્ર મરેલું શરીર છે અને રાજનીતિની અવગણના સાથે એના તરફ ઉદાસ રહીને જીવતો ધર્મ કેવળ પ્રેત આત્મા છે. એની પાસે શરીર નથી.’

‘આ બન્નેએ સમજપૂર્વક નજીક આવવું જોઇએ. સમજ એ વાતની હોવી જોઇએ કે ધર્મ સદા ઉપર રહે અને રાજનીતિ નીચે. ધર્મ મસ્તક છે, તો રાજનીતિ પગ. ધર્મ આત્મા છે તો રાજનીતિ શરીર. ધર્મ જીવનનું લક્ષ્ય છે તો રાજનીતિ એક સાધના. ધર્મ મંજિલ છે તો રાજનીતિ માર્ગ. માર્ગ ક્યારેય મંજિલ પર સવાર ન થઇ શકે.

દેશના બુદ્ધિશાળી, સમજદાર, સુશિક્ષિત અને નિષ્ઠાવાન લોકોએ હવે આગળ આવવું જોઇએ. સારા સારા લોકોને પસંદ કરીને, જેમની પાસે દ્રષ્ટિ છે એમને વિનંતી કરીને હવે રાજનીતિમાં લાવવા જોઇએ. અને જો આવું થાય તો ભારતનું ભવિષ્ય સુંદર અને સ્વર્ણિમ શા માટે ન થઇ શકે?

પરંતુ જે રીતે આજે ચાલી રહ્યું છે તે જ આગળ ચાલતું રહેશે તો ભારતનું ભવિષ્ય અંધકારમય છે. આ માટે ઓશો પૂરી મક્કમતા સાથે કહે છે કે, દુષ્ટ માણસોના હાથમાંથી જો શાસનની ધુરા છોડાવવી પડે તો સજ્જન લોકોએ, ભારતના ‘સાચા’ સંતોએ, કવિઓ, કલાકારો અને લેખકોએ હવે સવેળા જાગવું પડશે. હું તો કહું છું કે હિન્દુસ્તાનના શુભનિષ્ઠા ધરાવતા લોકોએ એકઠા થઇને ઓછામાં ઓછાં વીસ વર્ષ કોશિશ જરૃર કરવી જોઇએ.

તમાશબીન બનીને જોતા રહેવાનો સમય હવે પૂરો થયો. નાનકડું હૉલેન્ડ પોતાના દેશ માટે જે કરી શક્યું તે ભારત કેમ ન કરી શકે?

ક્રાન્તિબીજ
સાધુ ભૂખા ભાવ કા, ધન કા ભૂખા નાહિ,
ધન કા ભૂખા જો ફિરે, સો તો સાધુ નાહિ.

Advertisements

2 comments

  1. I am sorry I don’t agree with the views expressed by Shri Vatsal Vasani. In India we have been seeing the worst results of the cocktail of the religion and politics.It has proved the largest factor for tearing of social fabric. Instead of unifying the people it has divided them on religious lines. No, religion should not at all be mixed with the politics. This is a very dangerous cocktail and we have witnessed the result a number of times.

    Look at the countries where religion has been separated form the politics. Look at their progress and achievement. There occurred no violence on communal or religious lines. Vasani, unfortunately, is propagating and advocating an absolutely wrong theory. Is he interested in creating more chaos and divide?

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s