હરખ હવે તું હિન્દુસ્તાન મૃત દેહની રાખમાંથી હીરા અને મોતી મળશે ! દેશની ગરીબી ખત્મ થવાની વેળા આવી પહોંચી છે !

આવું કદિ સાંભળ્યું છે ?

હરખ હવે તું હિન્દુસ્તાન મૃત દેહની રાખમાંથી હીરા અને મોતી મળશે ! દેશની ગરીબી ખત્મ થવાની વેળા આવી પહોંચી છે !

થોડા દિવસ પહેલાં નેટ ઉપર મારાં એક બ્લોગર મિત્રએ મૂકેલો લેખ વાંચેલો જે શબ્દશઃ નીચે આપ્યો છે- “ Posted by: pravina on: December 3, 2011In: ચિંતન લેખ
“ બરાબર ધ્યાન દઈને વાંચજો. આજે હું જે કાંઈ લખી રહ્યું છું તે ખરેખર સત્ય છે. ટાઢા પહોરના ગપ્પા નથી. આજે સવારે જીમમાં ‘યોગ’ નો વર્ગ લેતી હતી. એક નવી સ્ટુડન્ટ જણાઈ. વર્ગ ખતમ થયા પછી મારી સાથે વાત કરવા આવી. ૩૫થી ૪૦ વર્ષની ઉમર હશે તેની. મોઢા ઉપર ચમકને બદલે જોવા જઈએ તો આજના જમાનામાં જે દરેક વ્યક્તિના ચહેરા પર્હોય છે તેવો તનાવ. ( સ્ટ્રેસ). મને કહે તમારા મોઢા પર કેવીરીતે ચમક છે. મારો તો જવાબ સીધો હતો “યોગ” ની નિયમિતતા.આ તો સાધારણ ચાલુ વાત થઈ.પછી મને પુછ્યું તમે ‘ઈંન્ડિયન’ મરણ પછી શરીરને બાળો ,મતલબ ‘ક્રીમેટ’ કરો. મારો જવાબ હા,માં જ હોય. મને તે સવાલ પાછળનો અર્થ જાણવો હતો.
મેં પુછ્યું, તું કયા ક્ષેત્રમાં નોકરી કરે છે.નામ તેનું હતું સોફિયા, મને કહે ‘હું , ક્રીમેશન પછી જે ‘એશીઝ’ હોય
તેમાંથી ‘હીરા’ બનાવવાના ધંધામાં છું. જોકે એ તો તે કંપનીમાં ખૂબ ઉંચા હોદ્દા પર હતી.હું તો વાત સાંભળીને સડક થઈ ગઈ. મેં તેને કોફી પીવાની ઓફર કરી.‘સ્ટારબક્સ’માં જઈ કોફી પીતાં વાત આગળ વધારી. તેણે કહ્યું એશીઝ-માંથી કાર્બન છૂટો પાડી તેને પ્રોસેસ કરે છે. આપણને ખબર છે કે હીરા કાર્બનના સંમિશ્રણથી બને છે. મને ઈંતજારી થઈ એટલે મેં માત્ર જાણવા ખાતર ભાવ પૂછ્યો. તો કહે એ તમારે કેટલા ‘કેરેટનો હીરો’ જોઈએ છે તેના પર આધાર રાખે. એક કેરેટ, બે કેરેટ કે નાના નંગ. નવાઈની વાત તો એ હતી કે મરતાં પહેલાં તેના ભાવ સ્થગિત કરી શકાય અને હપ્તામાં તેના પૈસા પણ ચૂકવી શકાય.
શું આવું કદી સાંભળ્યું છે?
થયું લાવો મારા વાચક મિત્રોને જણાવું. અમેરિકન હતી એટલે જાણી જોઈને
થોડાંક અંગ્રેજી શબ્દો વાપર્યા છે તેથી ક્ષમા ચાહું છું.”
8 | Nitin Vyas
December 10, 2011 at 7:14 am
“ Cremation diamonds are real certified, high-quality cremation jewelry diamonds. A beutiful Cremation Urn Alternative created from the cremation ashes of your loved one…Some company offers certified, high-quality, cremation diamond, an exclusive Diamond guarantee against any and all defects.Cremation diamonds are a one of a kind style of cremation jewelry and a meaningful alternative to cremation urns. A true memorial to a unique life. Embrace your cremation diamond jewelry as a personal precious bond.
Cremation diamonds provide way to embrace your loved ones memory day by day. Cremation diamonds are a more personal choice that is kept close day to day. Cremation urns can still be used to hold the remaining ashes. The cremation diamond is the most unique and timeless cremation jewelry tribute available. Create a testimony to their unique life”

આજ રીતે થોડા દિવસો પહેલાં “ દિવ્ય ભાસ્કર “ની “ સારે ગાંવકી ફિકર” ની કોલમમાં વાંચવા મળ્યું કે, “ દક્ષિણ કોરિયામાં મૃતદેહની રાખમાંથી મોતી સર્જે છે.

અમેરીકા અને દક્ષિણ કોરિયામાં દુનિયાના મોટા ભાગમાં છે તેવો જ રિવાજ મૃતદેહને દફનાવવાનો પ્રવર્તે છે. પરંતુ આ બંને દેશમાં કેટલાક સ્મય થયા મૃતદેહને અગ્નિ સંસ્કાર આપવાનું શરૂ થયું છે. દક્ષિણ કોરિયાની એક કંપની મૃતદેહની રાખમાંથી મોતી બનાવી આપે છે. ત્યાંની “ ડેથ બીડ “ નામની કંપની નવસો ડોલર ચાર્જ લઈ સ્વજનોની રાખમાંથી ચમકદાર આસમાની રંગના મોતી બનાવી આપવાનો વ્યવસાય શરૂ કર્યો છે. છેલ્લાં થોડાક જ સમયમાં એણે પાંચસોથી પણ વધુ ક્લાયન્ટને મોતીમાં રૂપાંતરિત કર્યા છે. ના, નાન આ મોતીની માળા બનાવી પરિવાર જનો પહેરતા નથી, પરંતુ એ ને પારદર્શક કાચના ગ્લાસ વગેરે પાત્રોમાં રાખીને તેને પોતાની પાસે હોવાનો અહેસાસ કરે છે !

મૃતદેહની રાખમાંથી બનતા હીરા અને મોતી બનાવવાનો વ્યવસાય અમેરિકા અને દક્ષિણ કોરીયામાં શરૂ થયો છે ત્યારે આ સંજોગોમાં આપણાં પ્રખર અર્થ ( અનર્થ ) શાસ્ત્રી વડાપ્રધાન મન ( મૌન )મોહન સિઘે આ લેઈટેસ્ટ ટેકનોલોજી આપણાં દેશમાં આયાત કરવી જોઈએ કારણ કે, આપણાં દેશમાં તો મોટાભાગના મૃતદેહોનો અગ્નિ સંસ્કાર જ કરવામાં આવે છે. પરંતુ રાખમાંથી હીરા અને મોતી બની શકે છે તે જાણ્યા પછી મૃતકના પરિવારો મૃતદેહના અગ્નિ સંસ્કાર બાદ પરંપરાગત રીતે રાખને જલમાં નહિ પધરાવતા પોતાની સાથે લઈ જતા થશે અને હીરા મોતી બનાવનારને વ્યાજબી ભાવે વેંચશે અથવા વિદેશમાં નિકાસ કરતા થશે આમ મૃતદેહની રાખ કિંમતી પુરવાર થશે !
ગરીબ કે અમીર અરે, ભિખારી ! સુધ્ધાંના મૃતદેહોનો અગ્નિ સંસ્કાર થતો હોય તેમાંથી દુનિયાની બજારની માંગ પ્રમાણે હીરા અને મોતી બનાવી નિકાસ કરી જે તે વ્યક્તિના પરિવારને મૃતદેહની રાખનું વ્યાજબી મૂલ્ય ચૂકવી ગરીબી રેખા હેઠળથી ઉપર લાવી શકવાની સુવર્ણ તક સરકાર સમક્ષ ખુલ્લી છે. આ વેપલાથી લાખો નહિ પરંતુ કરોડોનું વિદેશી હુંડીયામણ મળતું થશે જેથી રૂપિયો પણ આંતર રાષ્ટ્રિય બજારમાં મજબૂત બનશે, સંભવ છે કે આવનારા દિવસોમાં રૂપિયો ડોલર સમકક્ષ બની રહે !

મને યાદ છે કે, પરમાણૂં સંધિ કરવા માટે જીદે ચડેલા –સરકાર તૂટે કે દેશ-તેની પરવા નહિ કરનારા મન ( મૌન )મોહનસિંઘ આ ટેકનોલોજી મેળવવા સામ-દામ-દંડ કે ભેદ વાપરી યેન કેન પ્રકારેણ તમામ પ્રયાસો કરી છૂટશે ! કારણ તમામ દેહ ધારીઓનું મૃત્યુ તો નિશ્ચિત જ છે અને તેનો મૃતદેહ અગ્નિને સોંપવાથી હીરા કે મોતીમાં પરિવર્તિત થતાં, જીવતા કરતા મૃતદેહની કિમંત વધુ ઉપજતા ગરીબી ક્રમશઃ દૂર થતી જશે. કહેવાય છે કે,” જીવતો હાથી લાખનો, પરંતુ મરેલો સવા લાખનો “ તેવું જ કંઈક હવે મૃતદેહ માટે પણ કહેવાશે અને જેનો યશ મન(મૌન)મોહન સિંઘ અને યુપીએ સરકારના સર્વોચ્ચ સોનીયાજીને મળશે ! આ બંનેના નામો આવનારા દિવસોમાં દેશના ઈતિહાસમાં સુવર્ણ અક્ષરે નહિ, પરંતુ હીરા અને મોતી વડે લખાશે ! આપણો દેશ “ સુપરપાવર “ બની જશે ! ચાલો બોલો “ મેરા ભારત મહાન !”

આ ટેકનીક મેળવી લીધા બાદ સોનીયાજી, મન ( મૌન ) મોહનસિંઘ કે પ્રણવજીને કરક્સરના પગલાં ભરવા અપીલો નહિ કરવી પડે ! પેટ્રોલનો ભાવ વધારો તેલ કંપનીઓ કરી રહી છે, નહિ કે સરકાર, તેવા નિવેદનો પ્રણવજીને નહિ કરવા પડે ! ( ઉત્તર પ્રદેશની ચૂંટણી પહેલાથી પેટ્રોલનો ભાવ વધારો કરવાની તેલ કંપનીઓની માંગ છેક સંસદનું સત્ર પૂરું થાય ત્યાં સુધી મુલતવી કેમ રખાયેલી તેવા અણીયાળા પ્રશ્નોનો સામનો પણ નહિ કરવો પડે ! અને લોકોને મૂર્ખ નહિ બનાવવા પડે ) ડીઝ્લ-કેરોસીન અને રાંધણ ગેસના ભાવ નહિ વધારવા પડે ! અરે યાર ! ફાઈવ સ્ટાર જ નહિ પરંતુ હવે તો ટેન સ્ટાર હોટલોમાં મિટિંગો બે –રોક ટોક યોજી શકાશે ! કોઈ સત્તાધીશ રાજકારણીઓને પ્લેનમાં ઈકોનોમી કલાસમાં મુસાફરી નહિ કરવી પડે ! હવે તો ચાર્ટર પ્લેનમાં જ ઉડી શકાશે ! કોંગ્રેસના યુવરાજને દેખાડો કરવા પણ, રાજધાનીમાં મુસાફરી કે, મુંબઈની લોકલ ટ્રેનમાં મુસાફરી કરવાની આવશ્યકતા નહિ રહે ! નવી નકોર લેટ્સ્ટ મોડેલની કારો ખરીદી શકાશે ! પ્રધાનો અને અન્યોને વિદેશ પ્રવાસો ઈચ્છા પડે ત્યારે પરિવાર સહિત ( રાષ્ટ્ર્પતિના ચીલે ચાલી ) યોજી શકાશે અને કોઈ તે અંગે પ્રશ્ન નહિ ઉઠાવી શકે ! વગેરે અગણિત ફાયદાઓ દેશને અને દેશવાસીઓને આ મૃતદેહની રાખમાંથી હીરા અને મોતી બનાવી શકવાની ટેકનોલોજી પ્રાપ્ત થતાં મળવાના હોઈ, તમામ કાર્યો પડતા મૂકી આ ટેકનીક મેળવવાને સર્વોચ્ચ પ્રાથમિકતા આપવી જ રહી ! જેથી દેશભરમાં સોનીયાજી, મન ( મૌન ) મોહન સિંઘ અને યુપીએ સરકારનો જય જય કાર થઈ જાય અને આવનારી 2014ની સંસદની ચૂંટણીમાં થમ્પીંગ મેજોરીટી પણ નિશ્ચિત બની રહે !

દેશવાસીઓના સદનસીબે આજે ઈંદિરા ગાંધી કે ડાબેરીઓ સત્તા ઉપર નથી અને માત્ર ભૌતિક વાદી અને ઉપભોક્તાવાદી સોનીયાજી અને મન ( મૌન ) મોહન સિઘની એક હથ્થુ સત્તા ચાલે છે નહિ તો મૃતદેહોના અગ્નિ સંસ્કારનું પણ રાષ્ટ્રિયકરણ કરી નાખવામાં આવત અને રાખમાંથી બનતા હીરા અને મોતી સરકારી ખજાનામાં જમા થયા કરત !

ચાલો એક સાથ સૌ પોકારો “ મેરા ભારત મહાન ‌! ”

Advertisements

7 comments

  1. લખવા ખાતર લખી લખી નાખીએ એ જુદી વાત છે. પણ હિરા બનાવવા માટે માનવ દેહની જરૂર નથી.
    કાર્બનના કોઇ પણ કણ માંથી બની શકે. એ લાકડામાં પણ હોય અને કોલસામાં પણ હોય.
    લેબોરેટરી માં હિરા બન્યા છે પણ એકદમ માઈક્રો સાઈઝ ના, લગભગ પાઉડર સ્વરૂપે. અને એ પણ ખૂબજ ઉંચી કિમત પર. વેપારી દ્રષ્ટિએ પરવડે જ નહી.
    મોટા વાપરી શકાય એવા અને પરવડે એવા હિરા બિગ બોસ (ઈલ્યુમીનીટી વાળા) બનાવવા જ ના દે.એ ધનવાનો પાસે એટલો સ્ટોક પડ્યો છે કે હિરા નો જંગી જથ્થો બજારમાં આવવા જ ન દે. હિરા ની કિમત એની અલભ્યતા ને કારણે છે. વધુ હિરા આવી જાય તો એની કિમત જ ન રહે.

    Like

  2. ચોક્કસ સરસ રીત . પણ એ હીરા ( મોતી નહીં ! ) સ્વજનની યાદ કાયમી કરવા હોય છે – સંપત્તિ બનાવવા નહિ . કદાચ એ હીરા અસલી કરતા વધારે મોઘા હશે .
    પણ … દેહદાન કર્યા બાદ વધેલા હાડકાનો આ સરસ ઉપયોગ લાગે છે.

    Like

  3. મારો હિરો બનાવે તો સારું મર્યા પછી રિટાયરમેન્ટમાં ઇન્વેસ્ટમેન્ટ કર્યું કહેવાય ચાલો અત્યારથી મારી વેલ્યુ આંકી લૌ.-જીવતો માણસ લાખનો મુઓ રાખનો(પણ હવે તો હિરા-મોતિનો!!!!)lol.

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s