હે ! મારાં યુવાઓં રખે પ્રમાદી બનશો ! આપનો જોશ, રોષ અને આક્રોશ જાળવી રાખવા હાર્દિક અપીલ !!

અન્નાજીનો સંદેશ—મૈં રહું ના રહું યે ક્રાન્તિકી મશાલ જલતી રહે ઈસે બુઝને ના દેના ! રાષ્ટ્રિય સંપત્તિકો નુકશાન ના હો ! ક્રમાંક— ( 2 )

હે ! મારાં યુવાઓં રખે પ્રમાદી બનશો ! આપજોશ, રોષ અને આક્રોશ જાળવી રાખવા હાર્દિક અપીલ !

૨૭, ઓગસ્ટ,2011, શનિવાર,  ભારતના ઈતિહાસમાં સુવર્ણાક્ષરે લખાશે !

ઉપરોક્ત મથાળા સાથેની આ બીજી પોસ્ટ મૂકી રહ્યો છું જે દેશના યુવા ધનને વધુ
સ્પર્શે છે તેવા મુદાઓની મારા દ્રષ્ટિ કોણથી રજૂઆત કરી છે.

સ્વતંત્રતાના 60 વર્ષ દરમિયાન રાજકારણીઓ ચૂંટણીમાં પડેલા મતના 51% થી પણ ઓછા
મતે ( લઘુમતિ મત મેળવનારાઓ ) ચૂંટાયેલા તમામ સ્તરના મોટા ભાગના પ્રતિનિધિઓ જનતાની
વેદના.વ્યથા કે પીડા ઓછી કરવાને બદલે સ્વાર્થી બની પોતાના સ્વહિત સાધવામાં મચી
રહેલાઓનો પ્રતિકાર કરવા અને દેશની યુવાઓંની શક્તિને યોગ્ય દિશામાં વાળવા સાથે જ જન
સમુદાયની રોજ બ રોજની બળતરાને શબ્દાર્થમાં મૂકવા કોઈ મસીહા આવે અને આ મદાંધ
સત્તાધીશોને પડકારે તેવી કોઈ ઊંચેરી પ્રતિભાની લાંબા સમયથી રાહ જોવાઈ રહી હતી જે
જનતાને અન્નાજીમાં નજરે પડી અને તેમની એક હાકલે સમગ્ર દેશની પીડિત પ્રજા તેમની પાછળ
ચાલી નીકળી. જન સમુદાયે અદભુત અને અપૂર્વ એકતા દર્શાવી. આમ જનતાના બુલંદી
અવાજથી સત્તાધીશોની ખુરશી હચમચવા લાગી.
આ લડતને અપૂર્વ ટેકો મળ્યો દેશના
યુવા ધનનો ! યાદ આવી સ્વતંત્રતાની ચળવળ દરમિયાન ગાંધીજીની એક હાકલે અનેક યુવાઓં
અભ્યાસ છોડી આ લડાઈમાં જોડાઈ ગયેલા. અનેક યુવાઓં એ સ્વતંત્રતા ના મળે ત્યાં સુધી
અપરિણિત રહેવાની પ્રતિજ્ઞા પણ લીધેલી ! તો કેટલાકે જાન પણ ગુમાવેલા ! શ્રી જયપ્રકાશ
નારાયણ જેવા નેતાએ તો પરિણિત હોવા છતાં આજીવન બ્રહ્મચર્ય પાળવાની પ્રતિજ્ઞા લીધેલી
અન્નાજીની હાકલે આંખ બંધ કરી આ લડતને સફળ બનાવવા ઝુકી પડી, મુખ્ય મોરચો સંભાળનાર છે દેશના યુવાઓં
!

અન્નાજીએ 15, ઓગસ્ટ, 2011 સુધીમાં જનલોક્પાલ બીલ સંસદામાં સાંસદો પસાર ના કરે તો, દિલ્હીમાં અનિશ્ચિત કાળના અનશનની જાહેરાત કરી અને રણશીંગુ ફુક્યું. રણનીતિની વ્યુહ રચના અન્નાજી સાથે તેમના સાથી ચાણક્યોએ ગોઠવી અને 12 દિવસ સુધી અન્નાજીના અનશન ચાલ્યા. દેશભરમાં ખૂણે ખૂણે અન્ના અન્નાનો અવાજ બુલંદીએ પહોંચાડ્યો યુવા ધને ! લડાઈ દરમિયાન અનેકચડાવ- ઉતાર આવ્યા ! પરંતુ આખરે સરકારમાં બેઠેલા પ્રધાનોઅનેકોંગ્રેસપક્ષનાખેંરખાઓ/ખાઈપીધેલા માંધાતાઓ, ડફોળ
પુરવાર થયા અને અન્નાજીએ મૂકેલી માંગણીઓ શરણે આવી સ્વીકારી લીધી.

આ લડાઈ દરમિયાન ઉપરથી માંડી છેક છેવાડેની વ્યક્તિ સુધી આંદોલનની સળગતી મશાલ
સંપૂર્ણ સમજ અને જવાબદારી પૂર્વક શિસ્ત બધ્ધ અને અહિંસા ઉપરાંત રાષ્ટ્રિય સંપત્તિને
એક પૈસાનું પણ નુકશાન કર્યા વગર અદભુત એકતા દ્વારા કોમ-ધર્મ-ભાષા કે જ્ઞાતિના
ભેદભાવ વગર સફળતા પૂર્વક તેના તાર્કિક અંત સુધી પહોંચાડી દેશના યુવા ધને ! કોણ કહે છે કે આજનું યૌવન બહેકી ગયું છે ? કોઈ ઉત્તરદાયિત્વ નિભાવતું નથી તેવા આક્ષેપો, યુવાઓંનોજુશોજોઈ
ખોટા ઠર્યા ! દેશના તમામે તમામ યુવાઓંની શક્તિ, તાકાતને લાખ લાખ સલામ, લાખ લાખ
ધન્યવાદ અને અભિનંદન !

આ બીલની સંસદમાં ચર્ચા સમયે મોટા ભાગનાગઈ છે. મિત્રો ! પહેચાનો-ઓળખીલો આ ધરાર થઈ
પડેલા મદોન્મત માલિકો ( ? ) ને ! આ શકય બન્યું કારણ કે ૬૦ વર્ષથી એક ધારી સત્તા
ભોગવનારઓ મૂળભુત વાત ભૂલી ગયા કે તેઓ માલિક નહિ પણ
જનતાના સેવકો
છે. આ આંદોલનથી આ રહસ્ય ખુલ્લું થતા જ કેટલાક સાંસદો ભડકી
ઉઠ્યા અને નિવેદનો કરવા લાગ્યા કે સંસદ સર્વોચ્ચ અને સર્વોપરી છે અને તેને
યોગ્ય લાગે તેવા કાયદાઓ બનાવવાનો બંધારણીય અધિકાર છે. એક સત્ય ભૂલાઈ ગયું કે કાયદા લોકો માટે હોય છે નહિ કે લોકો કાયદા માટે
!
અને કોઈ પણ કાયદો બદલાવવાની કે નવો લાવવાની માંગ કરવાનો અધિકાર
માત્ર અને માત્ર જનતાને છે. સંસદથી પણ સર્વોચ્ચ અને સર્વોપરી જનસંસદ છે.

મારાં ધારવા મુજબ સરકારમાં બેઠેલા અધિકારીઓ-સત્તાધીશો એ તેમના બાપ જન્મારામાં પણ
આટલી વિશાળ સંખ્યામાં, દેશભરમાં લોકો બહાર નિકળી એક અવાજે આંદોલન આગળ ધપાવે અને
નાની ચીનગારીને જલતી મશાલોમાં પરિવર્તીત કરી શકે તે ક્યારે ય જોયું નહિ હોય ! અને
ક્યારે ય દેશનું યુવા ધન બહોળી સંખ્યામાં રસ્તા ઉપર આવી ગયેલું નહિ જોયું હોય આજની
પેઢીએ !

હા ! આપણાં દેશના લોકોએ આ શક્ય બનાવ્યું અને સફળતા અપાવી.

આ પોસ્ટ દ્વારા મારી તમામ લોકોને વિશેષમાં યુવાઓંને વિનંતિ છે કે જો, જો, રખે
આંદોલનની સફળતાથી પોરસાઈ પ્રમાદમાં ના સરી પડાય ! સાચુ કામ હવે જ શરૂ થઈ રહ્યું છે,
ત્યારે જ, જોગાનુ જોગ દેશમાં ધાર્મિક તહેવારોની હાર માળા/ભરમાર શરૂ થવા જઈ રહી છે.
આ ધાર્મિક તહેવારોની આડશ નીચે આ રાજકારણીઓ પોતાનો રોટલો આજ સુધી શેકી લેતા આવ્યા
છે. આવા સંજોગોમાં મારું એક સુચન છે કે, જે રાજકારણીઓ આપણાં/જનમતથી વિપરીત મત ધરાવતા માલુમ પડયા છે તેમના માટે આવા ઉત્સવોમાં પ્રવેશબંધી ફરમાવી દેવામાં આવે
! પ્રવેશ ઈચ્છતા રાજકારણી સાંસદો-ધારા સભ્યોએ સ્પષ્ટ શબ્દોમાં જન લોકપાલની તરફેણ કરવી પડશે, ઉપરાંત રાઈટ ટૂ રીકોલ-ચૂંટાયેલા પ્રતિનિધિને પાછો બોલાવાનો અધિકાર, અને રાઈટ ટુ રીજેક્ટ -ચૂંટણીમાં ઉમેદવારની ના પસંદગી દર્શાવવાનો અધિકાર- ના હવે પછી થનારા આંદોલનમાં
સક્રિય ટેકો આપવાની જાહેરાત કરવી પડશે !

આ અધિકારો નહિ હોવાને કારણે જ હાલની સંસદમાં ૧૫૦ કરતાં પણ વધારે સાંસદો ફોજદારી
કેસોમાં આરોપી છે. કેટલાક ભ્રષ્ટાચારમાં ખરડાયેલા છે તો કેટલાક ઓમપુરીજીના શબ્દોમાં
અનપઢ-ગમાર-ચોર અને લૂંટારા છે. કેટલાક વિદેશો સાથે સ્થાપિત હિતો ધરાવનારા સ્વીસ
બેંકોમાં ખાતા ધરાવનારા દેશ દ્રોહી પણ છે. અને કદાચ એટલે જ લાલુજીએ પોતાનાવક્તવ્યમાંકહેલુંકે “ જે ડાળ ઉપર આપણે બેઠા છીએ તે તોડવાની વાત નહિ કરો “ આ લાલુજીને ખરા અર્થમાં ઘાસ ખાતા, આપ, અર્થાત યુવાઓં જ કરી શકવા સમર્થ અને સક્ષમ છો ! ખરું કે નહિ ?

કોંગ્રેસના દિક્ષિતજીએ કહ્યું “સમય પ્રમાણે બદલતા થવું જોઈએ” અર્થાત કોંગ્રેસને અનુકૂળ થઈ રહો જો તેમ નહિ કરો તો સીબીઆઈ ફરજ પાડશે ! અમૂલ બેબી રાહુલ જાણે બાપની પેઢી હોય તેમ
ઈદનાચાંદની જેમ સંસદમાં આવી પ્રશ્નોતરીના સમયમાં, કદાચ કોઈએ લખી આપેલું, તેના
સુચિતાર્થો સમજયા વગર, ભાષણ ભરડી ગયા અને ગૃહને ગુમરાહ કરવાની કોશિશ કરતા ગયા !

સુષ્માજીએ પણ સરસ વાત કરી કે, ”આપણાં વડાપ્રધાન ઓછું બોલે છે, અને જ્યારે જે
બોલે છે તે કોઈ સાંભળતું નથી.” ( ઘરની ટેવ સંસદમાં બેસવાથી ભૂલી ઓછી શકાય, મનમોહનજી
પરિણીત છે , હો ! )આના અનુસંધાનમાં અમેરીકાના પ્રમુખે આપણાં વડાપ્રધાન માટે કહેલું
કે, “મનમોહનસિઘ બોલે છે ત્યારે, દુનિયા સાંભળે છે.” આ શબ્દોમાં રહેલો વ્યંગ સમજવાને બદલે કોંગ્રેસીઓ ગૌરવ સમજે છે, કેવી કરૂણ વિટંબણા !

આ સફળતાને આવનારા દિવસોમાં વધુ મજબૂત અને સંગઠિત બનાવવા આવનારા તહેવારોના દિવસો કે જે 10 થી 12 દિવસ સુધી ચાલુ રહેતા હોય છે સૌ પ્રથમ “ ગણેશ “ બાદ “ નવરાત્રિ “અને
“ દીવાળી ” ના તહેવારો દેશભરમાં છવાઈ જશે અને આ તહેવારો દરમિયાન બહોળી સંખ્યામાં
માનવ મહેરામણ ઉભરાતો રહેશે ત્યારે, આવો ! યુવા મિત્રો ! આ દિવસોનો જનલોકપાલ બીલ,
રાઈટ ટુ રીકોલ, રાઈટ ટુ રીજેક્ટ વિષે લોકોને સમજણ આપવા/કેળવવા કટિબધ્ધ થઈએ અને આ
મોકાનો ભરપૂર લાભ ઉઠાવીએ.

આપણાં આંદોલનની જન સાધારણને સમજ આપવા નાના નાના જુથમાં મિટિંગો ગોઠવી શકાય !
વિગતો દર્શાવતા પેમફ્લેટ લોકોમાં વહેંચી શકાય, સ્લાઈડ તૈયાર કરાવી ડીસપ્લે કરી શકાય
વગેરે કે જેથી સમગ્ર જન સમુદાયમાં આ સંદર્ભે સજાગતા-જાગૃતિ પ્રગટાવી લોકમત કેળવી
શકાય.

હું સમજું છું કેટલાક લોકોને ધાર્મિક તહેવારોની સાથે રાજકિય વાદ-વિવાદ કે વાતો
જોડવાનું કદાચ વ્યાજબી/યથાર્થ ના લાગે ! તેમની જાણ માટે મને કહેવાદો કે. અંદાજે એક
સદી પહેલાં, કે જ્યારે આપણો સમાજ અત્યંત રૂઢીવાદી-પરંપરાવાદી અને અતિ ધાર્મિક હતો
ત્યારે અને આ સમય દરમિયાન સ્વતંત્રતાની લડત પણ ચાલુ હતી અને અંગ્રેજ સરકારનો સભાઓ
કે રેલીઓ માટે અંકુશ/પ્રતિબંધ હતો ત્યારે બાલ ગંગાધર તિલક કે જેઓ મહાત્મા ગાંધીજીની પહેલાંઆ લડત શરૂ કરનારાઓમાંના પ્રથમ હરોળના એક નેતા હતા તેમણે મહારાષ્ટ્રમાં જાહેરમાં “ ગણેશોત્સવ “ ઉજવવાની શરૂઆત કરી હતી અને આ ઉત્સવો દરમિયાન સ્વતંત્રતાનો સંદેશો ધાર્મિક્તાના ઓઠા હેઠળ લોકોમાં પહોંચાડવામાં આવતો હતો, આ ગણેશોત્સવની રસમ ધીમે ધીમે આજે દેશમાં ફેલાઈ ચૂકી છે. જો શ્રી તિલક સામે ત્યારના રૂઢિવાદી સમાજે પ્રતિકાર નહિ કરતા આ
પ્રવૃતિને દેશભરના આમ સમુદાયના હિત અને કલ્યાણની હોઈ સ્વીકારી લીધેલી તો આજે તો
આપણે 21મી સદીમાં નેટ-ફેસ બૂક-ટવીટર-મોબાઈલના યુગમાં જીવી રહ્યા છીએ ત્યારે આ લોકો
માટેની લડતને, લોકો સુધી પહોંચડવા, સ્વાભાવિક રીતે લોક સમુદાય એકઠો થવાનો જ છે ત્યારે, લોકમત કેળવી, મજબુત બનાવી આ લડાઈની જલતી મશાલને વધુ પ્રજવલિત કરવા કટિબધ્ધ થઈ એક ઉમદા હેતુ ને સિધ્ધ કરવા પ્રતિબધ્ધ થવું તે સમયની માંગછે.મને વિશ્વાસ છે કે દેશનુ યુવા ધન આ વાત તેના યોગ્ય સંદર્ભ/પરિપ્રેક્ષ્યમાં બરાબર સમજી પોતાના
કાર્યક્રમો ઘડી કાઢશે !અંતમાં આ સફળતાથી ફુલાઈ ના જશો ! પ્રમાદમાં સરી નહિ પડશો ! આ તોઅન્નાજી કહે છે તેમ લડાઈની માત્ર શરૂઆત છે. વધુ લડાઈ માટે સતત સતર્ક અને સભાન રહેવાનું છે.યાદ રહે મિત્રો ! ટોપી પહેરવાથી માત્ર અન્ના ના બની શકાય  ! વિચાર-વાણી અને વર્તનમાં એક સંવાદિતા ઉપરાંત સત્ય, નિષ્ઠા, પ્રમાણીકતા અને કઠોર સંકલ્પ જ સફળતા તરફ દોરી જઈ શકે !

આવાનારા દિવસોમાં આપણે હાલના તમામ રાજકિય પક્ષોમાં છેક તળિયેથી શરૂ કરી સાંસદો
સુધી વ્યાપી ગયેલી માનસિકતા કે ચૂંટાઈ ગયા બાદ તે સર્વે આપણાં માલિક બને છે તેને
સમૂળી ઉખેળી પુરવાર કરવું છે કે, આપ કોઈ જનતાના માલિક નથી, સેવકો છો અને સેવક થઈ ને જ રહો ! આપ સર્વેમાં રહેલું જોશ-રહેલો રોષ, ક્રોધ અને આક્રોશનો વિસ્ફોટ
એટલો વ્યવસ્થિત વ્યુહબાજીથી કરવાનો છે કે જે લોકમત કેળવવામાં મુખ્ય ભાગ ભજવનારો બની
રહે ! આળસ-પ્રમાદ છોડો, બસ લગે રહો ! લગે રહો ! ધ્યેયપ્રાપ્તિ સુધી ! ઈંદીરાજી
કહેતા કે, કઠોર પરિશ્રમનો કોઈ વિકલ્પ નથી. આપણાં સૌ માટે પણ આ વાત સાચી છે કઠોર
પરિશ્રમ વગર સફળતા સંભવ નથી જ નથી !

મારા યુવા દોસ્તો ! પૂરું કરું તે પહેલાં એક ખૂબ જ મહત્ત્વની વાત આપના ધ્યાન ઉપર મૂકી રહ્યો છું. સર્વે જાણે છે કે, ભ્રષ્ટાચાર છે ક ઉપરથી તળીયા સુધી વ્યાપક બની ચૂક્યો છે. પાર્લામેન્ટ થી પંચાયતઅને પ્રધાનો-સનંદી અધિકારીઓ થી ગ્રામ સેવકો સુધી નાયગરા ધોધની જેમ વહી રહ્યો છે. તે સંજોગોમાં ભ્રષ્ટાચારની સમસ્યાને માત્ર કાયદાકીય નહિ ગણતાં સામાજિક સમસ્યા તરીકે
સ્વીકારી છે ક તળીયેથી દૂર કરવા સતત અને સઘન પ્રયાસો, જનમાનસ બદલવાનું આ ભગીરથ
કાર્ય એક જબર જસ્ત પડકાર છે તેમ સમજી પ્રતિબધ્ધ્તા સાથે કટિબધ્ધ થઈ મચી પડવું પડશે.
જનલોકપાલ બીલ મંજૂર થયા બાદ સીટીઝ્ન ચાર્ટર તમામ ઓફિસોમાં ડીસપ્લે કરવાની શરૂઆત થાય તે સમય દરમિયાન દરેક ગામ અને શહેરોમાં એક અથવા વધુ વોર્ડ/વિસ્તાર પ્રમાણે
સીટીઝન-કાઉન્સીલની રચના સ્વૈચ્છિક રીતે કરવી અનિવાર્ય બની રહે છે. આ કાઉન્સીલમાં
બીન રાજકીય, નિષ્ઠાવાન, પ્રમાણિક, જનતાને વફાદાર એવા પ્રતિષ્ઠિત નાગરીકોને સમાવી
શકાય ! આ કાઉન્સીલ પોતાના વિસ્તારમાં જનતાના નાના મોટાં કામો ઓફિસોમાં ઝ્ડપથી કઈ
રીતે નિપટાવી શકાય તેનું માર્ગ દર્શન જનતાને આપતી રહે અને કોઈ પણ કામ પતાવવા જો કોઈ
વ્યક્તિ રૂશ્વત માંગેતો તે વિષે તપાસ હાથ ધરી જે તે ખાતામાં ફરિયાદ દાખલ કરે !
ઉપરાંત કામ માટે કોઈ ફોર્મ નિયત થયા હોય તો તે ઉપલબ્ધ કરાવી સાથે કયા કયા દસ્તાવેજો
બીડવા અનિવાર્ય છે તે વિષે લોકોને સમજ આપે અને ઓફિસોમાં આ કામ વધુમાં વધુ કેટલા
દ્દિવસોમાં પૂર્ણ થશે તેની જાણકારી સરકારી ઓફિસમાંથી મેળવી અરજદારોને આપે ! આવી
સામાન્ય જાણકારી અખબારોમાં પ્રસિધ્ધ કરી શકાય, પેમફ્લેટ દ્વારા લોકો સુધી પહોંચાડી
શકાય, અને ગામ કે શહેરના કેટલાક વિસ્તારોમાં બોર્ડ દ્વારા ડીસપ્લે કરી શકાય
!

યુવાઓં દોસ્તો ! આપ સમક્ષ એક પડાકાર ખડો થયો છે, પરંતુ મને આપની શક્તિમાં વિશ્વાસ છે કે, આપ સૌ દેશને ભ્રષ્ટાચાર મુકત કરવાનું આ ઉમદા કાર્ય સફળતા પૂર્વક પાર પાડી આવનારા દિવસોમાં સફળતાના શિખરો સર કરવા સમર્થ અને સક્ષમ છો તે પુરવાર કરી બતાવશો.

દેશભરમાં પ્રગટેલી આ ક્રાંતિની જ્યોતને વધુ અને વધુ પ્રજવલિત કરતા રહેવું તે યુવાઓં આપનું
દેશ પ્રત્યેનું ઉત્તરદાયિત્ત્વ બની રહે છે !!! દેશના યુવાઓં ઉઠો, જાગો અને ધ્યેય
પ્રાપ્તિ સુધી જંપીને નહિ બેસવા સંકલ્પ કરો !!! પરિવર્તન લાવવા કટિબધ્ધ બની આપની
ધ્યેય પ્રાપ્ત કરવાની પ્રતિબધધ્તા પુરવાર કરવાની આ અમૂલ્ય તક/મોકાનો ભરપૂર લાભ
ઉઠાવો !

Advertisements

4 comments

  1. Now it is time for new & young generation to take over. Here in New Jersey in middlesex county we had a meeting in support of Anna’s JAN LOKPAL BILL, highly educated & honest youngsters from tri-state area addressed the meeting and showed their metal. Likewise in India it is time for the young and educated & honest generation to take over.

    Another suggestion to keep the fight continue….(Because the elected parliamentarian is not a ruler but a representative who is to speak his/her citizen’s need/opinion)
    (a) The citizens of every constituency ask their elected parliamentarian to come home and meet with the people and ask their stand. Tell the representative what they (People) wish him/her to do in the subject of JAN LOKPAL BILL. If he/her refuse, ask him/her to resign.
    (b) If he/her refuse to resign, teach him/her a lesson.
    (c) Elect a sensitive and honest representative.
    (d) New rep is than asked to meet his/her constituency citizen once, every month and update the citizen with the proceedings in the parliament.

    (e) If the new rep is found not abiding by the honesty, teach him/her a lesson. No need to go to a court which is time consuming process.

    Let the matter be handled by the citizens peacefully in their own constituency. COURT,LAWYER and JUDGE…system is time consuming and a PLAYGROUND FOR THE POLITICIANS.

    Like

  2. Where this youth gone on the voting day? Why not caste the votes? If voted the proper candidate, this situation will not arises. When the same people goes for voting, they caste their vote for the candidate from his relegious / caste etc.. even though such candidate is notorious / corrupt one.

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s