અ‌‌ ધ…ધ ધ..! આસમાનને આંબતી મોંઘવારી ! — સરકારની નિષ્ફળતા કે રાજકિય ષડયંત્ર કે સાઝીશ ? ! ?

અ‌‌ ધ…ધ ધ..! આસમાનને આંબતી મોંઘવારી ! — સરકારની નિષ્ફળતા કે રાજકિય ષડયંત્ર કે સાઝીશ ? ! ?

યુપીએ સરકાર બીજી મુદત માટે સત્તા ઉપર આવી ત્યારે આવનારા 100 દિવસોમાં મોંઘવારી ઉપર અંકુશ મેળવવાની દેશના લોકોને ખાત્રી આપી હતી. આવી ખાત્રીનો પુનરોચ્ચાર સંસદની છેલ્લી બેઠક બાદ પણ કરવામાં આવ્યો હતો. જગતભરના નિષ્ણાત અર્થશાસ્ત્રીમાના એક ગણાતા રીમોટ કંટ્રોલથી જ ચાલી/બોલી શકતા વડાપ્રધાનને આ વિષે સરિયામ નિષ્ફળતા સાંપડી છે જે અત્યંત સુચક છે. આ મોઘવારીનો આતંક નિરંકુશ રીતે આમ આદમી તથા ફીક્સ આવક વાળા લોકોને પીડતો/સતાવતો રહે તેવી જાણે એક અનોખી સાઝીશ રચવામાં આવી હોય તેવું વિચારવા ફરજ પડે છે.

છેલ્લા છ માસ દરમિયાન કાળું-નાણું-ભ્રષ્ટાચાર-સ્વીસ બેંકમાં પડેલું અઢળક ધન-અન્ના અને રામદેવના આંદોલને આમ જનતામાં જાગૃતિનો સંચાર કર્યાના એંધાણથી સરકાર ચોંકી ઉઠી જણાય છે. કારણ કે લોકો ભ્રષ્ટાચાર-અને કાળાંનાણાં વિષે સભાન અને સતર્ક બની એકતા દર્શાવતા લાગ્યા છે. આ એકતાના પ્રવાહને ખાળવા આમ આદમીને પોતાના અંગત પ્રશ્નોમાં જ મુખ્યત્વે જીવન નિર્વાહ કેમ ચલાવવો તેમાં જ વ્યસ્ત/ગુંચવી કરી/દેવા આ મોંઘવારીના રાક્ષસને નિરંકુશ રીતે દેશભરમાં ફેલાવવાની અનુકૂળતા કરી આપવામાં આવી જણાય છે.

એક સરકારી આંકડા પ્રમાણે દેશમાં ૪૦% લોકો ગરીબી રેખા હેઠળ જીવી રહ્યા છે. તો અન્ય ફિક્સ આવક વાળો વર્ગ વિશાળ સંખ્યા ધરાવે છે. 2 થી 5% વર્ગ પોતાના વૈભવી જીવનનું બિભત્સ પ્રદર્શન કરી રહ્યા છે. ઉપરાંત દેશના તમામે તમામ સાંસદો લાખો અને કરોડોની સંપત્તિ ધરાવનારા છે અને જેઓને સંસદની કેંટીન અત્યંત નજીવા દરે ફાઈવ/સેવન સ્ટાર હોટેલની કક્ષાનું ખાવાનું પૂરું પાડે છે. આ ઉપરાંત મફત હવાઈ અને ટ્રેનની મુસાફરી/મકાન/મુસાફરી દરમિયાન મળતા ભથ્થાઓ વગેરે અલગ કે જેની રકમ પણ લાખો રૂપિયામાં થવા જાય છે.મોટી વિટંબણા તો એ છે કે જે વર્ગ ક્યારે ય બજારમાં કોઈ ખરીદી કરવા જતો નથી તે ચીજ-વસ્તુઓના ભાવ નક્કી કરતો રહે છે.
આ દિન-પ્રતિ-દિન વધતી મોંઘવારીને કારણે ગરીબી રેખા હેઠળ અને ફીક્ક્સ આવક ધરાવનારાઓ માટે જીવવા માટેની પ્રાથમિક મૂળભુત જરૂરિયાત માટે પણ અન્ય રીતે આવક મેળવવી અનિવાર્ય થઈ પડી છે. એક દંપતિ અને વધુમાં વધુ બે બાળકોના કુંટૂંબના માત્ર ભરણ પોષણ માટે ( જેમાં બાળકના શિક્ષણ કે અણધારી આવી પડતી માંદગીના દવા વગેરેનો સમાવેશ થતો નથી ) જે રકમ જોઈએ તે પણ પૂરતી મળતી ના હોય જીવવું અત્યંત દોહ્યલું બન્યું છે. અરે ! બાળકોનું ભણતર પણ હવે લક્ઝરી ગણાવા લાગ્યું છે.
કોઈ વેપારી સમક્ષ દુધ-દાળ-કઠૉળ કે ફળોના ભાવ પૂછો તો વેપારી તેના પણ નાણાં માંગવા લાગે તેવી દહેશત ઉભી થઈ છે. માંદગી દરમિયાન ઘર-ગથ્થુ ઉપચાર કરવો પણ પરવડે તેમ નથી.
આ સામે સરકારી ગોદામોમાં અનાજ સડી રહ્યું હોવા છતાં જરૂરિયાત મંદને નહિ વહેંચવાની ( સર્વોચ્ચ અદાલતાના આદેશ છતાં ) ધરાર અવગણના કરવામાં આવી રહી છે.

ગરીબી હેઠળના લોકો અને ફીક્સ આવક ધરાવતા લોકોને આ મોંઘવારીનો રાક્ષસ રહેંસી રહ્યો હોઈ કાં તો આત્મહત્યા કરતા રહે છે અથવા છે ક તળિયેથી બીજી આવકના શોર્સ શોધવાની અનિવાર્ય રીતે ફરજ પડે છે જે ભ્રષ્ટાચાર-લાંચ-રુશ્વત- શરૂ કરવા તરફ જાણ્યે-અજાણ્યે દોરે છે. અતિ મોઘવારી વચ્ચે બે છેડાં ભેગા કરવાની પીડા તો જે ભોગવતા હોય તે જ જાણે ! આ અનુભૂતિનો વિષય છે. પરિવારના નાના-મોટાં સભ્યોની કોઈ ઈચ્છાઓ પૂરી કરવાની અસમર્થતા કુટુંબનો વડો લાચારી અને મજબુરીથી અસામાજિક પ્રવૃતિ તરફ ના દોરવાય તો જ નવાઈ ! આવા લોકો અનેક પ્રકારની અસામાજિક પ્રવૃતિમાં જાણ્યે-અજાણ્યે જોડાઈ જતા હોય છે. જેવી કે દારૂ કે ડ્ર્ગ્સની હેરાફેરી, નાની-મોટી ચોરી, લૂંટ, ભ્રષ્ટાચાર, લાંચ-રુશ્વત, જુગાર, લોટરી, એકના બે કે ચાર ગણા બનાવી લેવાની લાલચ, છેતરપીંડી, ભેળ-સેળ, ફ્રોડ વગેરે !

આપણા નયા સમાજની એક નરી આંખે દેખી શકાય તેવી વિટંબણા છે કે, એક તરફ નવા ધનિકો અને અતિ ધનિકો દ્વારા થઈ રહેલ વૈભવી ઠાઠ-માઠ્નો દેખાડો, અનેક મોજ શોખની ચીજ-વસ્તુઓની તમામ મીડિયા દ્વારા જાહેર ખબરોનો ચાલી રહેલો સતત ધોધ, સસ્તા દરે અને અલ્પ સમયમાં મળી જતી લોનનું પ્રલોભન, ક્રેડીટ-કાર્ડ ઉપર ખરીદાતી બીન જરૂરિયાતની ચીજ-વસ્તુઓ અને ધનિકો દ્વારા થઈ રહેલું પ્રદર્શન આમ આદમીની આકાંક્ષા અને ઈચ્છાઓને બહેકાવે છે. પરિણામે કરજના ઊંડા ખાડામાં ઉતરતો જતો આમ આદમી તો બીજી તરફ મર્યાદિત આવક અને કુદકે ને ભુસકે વધતી રહેતી મોંઘવારી, સામે જીવન ટકાવી રાખવા સહેલાઈથી નાણાં મેળવવા માટે, શોધાતા નવા સ્ત્રોતો જેમાં ભ્રષ્ટાચાર અર્થાત લાંચ-રુશ્વત પ્રમુખ સ્થાને રહે છે. પરિણામે સામાજિક ઢાંચો જ ધીમે ધીમે ભ્રષ્ટ બની રહ્યો છે અર્થાત આ મોંઘવારીની નાગચુડ સામાજિક દુષણ તરીકે વ્યાપક રીતે ઉપસી રહ્યું છે અને છેક નીચેના સ્તરના છેવાડેના આમ આદમીને પણ લાંચ-રુશ્વત લેતો કરી ભ્રષ્ટાચારી બનાવે છે. આ રીતે આપણાં દેશના સમગ્ર સમાજ અને સંસ્કૃતિને ભ્રષ્ટ કરવાની સાઝિશ કે ષડયંત્ર રચાયું હોય તેમ જણાતું નથી ?
મને યાદ આવે છે કે લોર્ડ મેકોલેએ બ્રિટિશ સલત્નતને જણાવેલ કે, આ દેશના લોકો પ્રમાણિક, સત્યવાદી,ચારિત્ર્યવાન અને સંસ્કારી હોય તેમને જીતવા અતિ કઠિન છે માટે જો શિક્ષણની પ્રથામાં આમુલ ફેરફાર કરી અંગ્રેજી સીસ્ટમ શ્રેષ્ઠ છે તેમ દર્શાવી પ્રભાવિત કરવા અત્યંત જરૂરી હોય તેને તે વિષે સત્તાઓ આપવામાં આવે અને આજે તે પોતની સફળતા માટે ઉપર બેઠો બેઠો મંદ મંદ હાસ્ય કરી રહ્યો હશે !

આ ભ્રષ્ટાચારનો ભોરીંગ નાનામાં નાના માણસને ભરડો લે ત્યારે ભ્રષ્ટાચાર કે લાંચ-રુશ્વત સામે લડત કે આંદોલન કરવા આમ આદમી કેટલી હદે સક્ષમ કે સમર્થ બની શકે ? લોકપાલ પણ દેશના આજ વર્ગમાંથી આવશે અને તેની નિમણુંક કરનારા પણ આ જ દેશના ભ્રષ્ટ નેતાઓ જ હોવાના ને ?

નવાઈની વાત તો એ છે કે દુનિયાભરના મૂડીવાદી દેશોમાં અર્થાત પશ્ચિમના દેશોમાં જીવન જરૂરિયાતની પ્રાથમિક ચીજ-વસ્તુઓના ભાવ વર્ષો સુધી સ્થિર રહી શકે છે ઉપરાંત કોઈ ચીજ-વસ્તુઓમાં ભેળ-સેળ થતી નથી અને જો કોઈ તેમ કરે તો તાત્કાલિક અસરથી સખ્ત કેદ અને ભારે દંડ કરી જે તે ચીજ-વસ્તુઓ બજારમાંથી પાછી ખેંચી ધંધો કે વ્યવસાય બંધ કરી દેવાની ફરજ પાડવામાં આવે છે.
એક તરફ દેશના 40% લોકોને પૂરતું બે ટંક ખાવાનું મળતું નથી, પીવા માટે શુધ્ધ પાણી મળતું નથી, 50%થી પણ વધારે લોકો પાસે રહેવા પાકા મકાન નથી. મુંબઈ, દિલ્હી કલકત્તાની 40% થી વધારે વસ્તી ઝુંપડ પટ્ટીમાં રહે છે ત્યારે મોજ-શોખની વસ્તુઓનો વપરાશ ઝ્ડપથી વધી રહ્યો છે. દેશની ગ્રામીણ-શહેરી આવકની અસમાનતા વધી રહી છે અને આ અસમાનતા એક અંદાજ મુજબ 91% જેટલી વધી છે. સરેરાશ માથા દીઠ દૈનિક વપરાશી ખર્ચ રૂ!.30/- કરતા ઓછી હોય તેવી ગ્રામીણ વસ્તીનું પ્રમાણ 50% કરતાં વધુ છે.

અર્થતંત્રનો વિકાસ જો ગરીબોને રોજગાર ના મળે તેવો હોય તો શું કામ નો ? ખેડુતોની આવક પણ વધતી નથી. ગરીબ અને અવિકસીત જ્ઞાતિમાં જન્મેલ વ્યક્તિ ગરીબ જ રહે છે. જેથી શિક્ષણની અસમાનતા પણ વધતી રહે છે. ગરીબ વ્યક્તિ શ્રેષ્ઠ પ્રકારનું ઉચ્ચ શિક્ષણ મેળવી શકતી નથી. અસમાનતા વધવાથી અશાંતિ, ભ્રષ્ટાચાર અને કૌભાંડો વગેરે વધે છે.
આવકની અસમાનતા રોજગારીમાં વૃધ્ધિનો અભાવ છે. ગરીબી અને બેકારીના પ્રશ્નો વધવાથી તેમજ વિકાસના લાભો અમુક લોકો સુધી જ મર્યાદિત રહેવાથી આવકની અસમાનતા વધતી જાય છે. અને તેથી આ પ્રશ્ન માત્ર આર્થિક જ નહિ રહેતા સામાજિક અને રાજકિય બને છે જે આખરે ગુન્હાખોરી, નક્ષલવાદ, આતંક્વાદ માદક દ્ર્વ્યો-ઘાતક શસ્ત્રો વગેરેની હેરાફેરી તરફ દોરી જાય છે.

સંપત્તિનો બિભત્સ દેખાડો રોકવો તે અત્યંત જરૂરી બન્યો છે. કમાણી કરી ધનિક બનવું તે સારી વાત હોવા છતાં સંપત્તિનો ઉપયોગ આડેધડ બેફામ વપરાશી ચીજ-વસ્તુઓમાં કરવો કે અન્ય પ્રસંગોએ ઝાક ઝ્માળ કરી આમ આદમીને દેખાદેખી, અદેખાઈ કે ઈર્ષ્યા કરતા કરવા તે અત્યંત જોખમી બની રહે છે.

કમનસીબે આ સરકારમાં બેઠેલાઓ ભાવો ઉપર કાબુ મેળવવા કોઈ ઈરાદો કે ઈચ્છાશક્તિ ધરાવતા જ નથી પરિણામે જીવન જરૂરિયાતની ચીજ-વસ્તુઓના ભાવો બેફામ રીતે વધ્યે જાય છે. અરે ! સરકાર પોતે જ ગેસ-પેટ્રોલ અને ડીઝલ વગેરેના ભાવોમાં અવાર નવાર તોતિંગ વધારો કરતી રહે છે જે મોંઘવારીના દાવાનળને વધુ અને વધુ પ્રજવલિત કરી લોકોને દઝાડતો રહે છે.
તાજેતરમાં જ ફરીને થયેલો દૂધના ભાવમાં લીટરે બે રૂપિયા જેટલો વધારો દૂધ અને દૂધની બનાવટોમાં ભેળ-સેળ વધારશે તે નિઃશંક છે. આ તબક્કે મને યાદ આવે છે મહાભારતનો એક પ્રસંગ,ગરીબ અવસ્થામાં જીવતા અને અયાચક વ્રતધારી દ્રોણાચાર્ય પોતાના સંતાનને દૂધ નહિ પીવડાવી શકતા હોય, મૈત્રીભાવે બાલસખા એવા રાજા દ્રુપદ પાસે એક ગાય માંગવા ગયેલા “બુ ભૂક્ષિત કિમ કરોતિ પાપમા” અર્થાત ભૂખ્યો માણસ કોઈ પણ પાપ કરવા તૈયાર થઈ જાય છે, અને તેથી જ દ્રોણાચાર્ય પોતાનું અયાચક વ્રત તોડી રહ્યા ને ? અને રાજા દ્રુપદે તેઓને ગાય તો ના આપી પરંતુ ઓળખવાનો પણ ઈન્કાર કરી અપમાન કર્યું. પરિણામે પ્રતિશાધની આગે જ દ્રોણાચાર્યે રાજા દ્રુપદને નમાવવાની અને પરાજય આપી કેદ કરવાની પ્રતિજ્ઞા લીધી ! આ ગરીબીને કારણે જ મહાભારત સર્જાયું !

આપણાં શાસકો દેશ અને દેશના ગરીબ લોકોને આ દિશામાં તો નથી દોરી રહ્યા ને ?
મને દહેશત છે કે, છેક છેવાડાના આમ આદમીને મોંઘવારીની ચક્કીમાં પીસી લાચારી અને મજબુરીથી ભ્રષ્ટાચાર-લાંચ-રુશ્વતમાં પળોટવાનું આ જબર-જસ્ત ષડયંત્ર રચાયું જણાય છે. જેના સુત્ર ધારો સત્તાધારી પક્ષના વડાપ્રધાનની ખુરશીના ઈચ્છુક પરંતુ વંચિત રહેલા અસંતુષ્ટ એવા પણ મહત્વાકાંક્ષી કેટલાક પ્રધાનો જ હોવા સંભવ રહે છે.
જાણવા પ્રમાણે અમેરિકા જો સેનેટ વધુ કરજ કરવાની પરવાનગી નહિ આપે તો આર્થિક રીતે દેવાળીયું થવાની અને ભ્યંકર મંદીમા સપડાવાની તૈયારીમાં છે. કદાચ આજ અનુસંધાને અમેરિકી વિદેશ પ્રધાન હીલેરી ક્લિંટન આપણાં દેશની મુલાકાતે આવી ગયા અને રીટેલ વેપારમાં 51% મલ્ટી નેશનલ કંપનીઓની ભાગીદારી માટે છૂટ આપવા આપણાં વડાપ્રધાન અને નાણાંપ્રધાન સાથે વાટા ઘાટો કરી મનાવી ગયાના સમાચારો મળે છે. આવનારા દિવસોમાં આપણાં દેશના છૂટક વેપાર કરનારાઓએ પોતાની સ્વતંત્ર દુકાનો બંધ કરી બેકાર થઈ આ જાયન્ટ મોલોમાં નોકરી લેવાની તૈયારીમાં રહેવાનું રહેશે !
તો આજે જ રીઝર્વ બેંકે વ્યાજના દરોમં ફેરફાર કરી જણાવ્યું છે કે આ મોઘવારી આવતા માર્ચ-2012 સુધી તો ઘટવાની કોઈ શક્યતા નથી. અર્થાત મારા મતે ત્યાર બાદ આજની આ મોઘવારી લોકોને સસ્તાઈ લાગવા લાગશે અથવા લોકો આ મોંઘારતથી ટેવાઈ જશે !

અંતમા આપણાં ગુજરાતના મર્ધુન્ય કવિવર શ્રી ઉમાશંકર જોષીના શબ્દોમાં કહું તો “ ભૂખ્યા જનોનો જઠરાગ્નિ જાગશે ( તો ) ખંડેરની ભસ્મ કણીય ન લાદશે !” ઈશ્વર નેતાઓને સદબુધ્ધિ આપશે ?!

અને છેલ્લે હે, દયાળુ ઈશ્વર ! જો પુનર્જન્મ આપતા હો તો આવનારા જન્મમાં કાં તો કોઈ સંપ્રદાયનો સાધુ-સંત-સ્વામી-ગુરૂ-મહંત કે કથાકાર અથવા શરદ પવાર કે રાજા કે કલમાડી તરીકે જન્મ આપજો અને રખે ભૂલ કરતા વડાપ્રધાન તરીકે તો જે નબળા કે લાચાર ( ? ) નથી તેવા મનમોહનસિંઘ જ ચાલુ રહે તેવું ગોઠવજો હો દિન દયાળુ પ્રભુ !

Advertisements

19 comments

  1. મારા બાળપણમાં મારા માતા-પિતા મોઘવારીની બુમો પાડતા હતા
    મારા જીવનમાં મેં પણ મોઘવારીની બુમો પાડી છે અને હાલ મારા
    સંતાનો મોઘવારીની બુમો પાડે છે. દેશમાં મોઘવારી હમેશા રહી છે,
    બલ્કે દુનિયામાં હમેશા મોઘવારી રહી છે,પહેલાના વખતમાં રૂપિયાનું
    અઢી સેર ઘી મળતું હતું તોપણ લોક તે ખાઈ સકતા નહોતા સોનું,મકાન
    જમીન પણ સસ્તા હતા તોપણ મધ્યમ વર્ગ વસાવી સકતા ન્હાતા.
    હા,કેળવણી સસ્તી હતી કારણ કે શિક્ષણ લેનાર ઓછા હતા.
    આજે ખાનાર રેહનાર તથા ભણનાર બધું વધી ગયું છે તો બધું
    મોઘું પણ થાય.
    કોઈ પણ રાજકીય પક્ષને મોઘવારી વધારવાનું ગમતું નથી પણ
    કેટલાક અગમ્ય,અણધાર્યા કારણોસર મોઘવારી વધતી રહે છે જેનો
    સ્વીકાર કરીને પોતપોતાની આવક મુજબ ખરચા કરવા જોઈયે,કરકસર
    કરવી જોઈયે .
    મોઘવારી વધી તે મુજબ લોકોની આવક પણ વધી છે .મારા પિતાનો પગાર
    માસિક રૂ ૬૦ હતો મારો રુ૨૦૦૦ હતો અને આજે મારા પુત્રનો પગાર રૂ ૫૦,૦૦૦
    છે.
    બાબતે ઘણું લખી સકાય પણ બસ !!

    Like

  2. Dear Shri Arvindbhai,
    The promise that is given in Shrimad Bhagvat Gita..’.Yada Yadahi dharmashya….’.has psychologically ruined Hindu and Hinduism. They are waiting for Bhagvan to come & help them to solve their problems. Further , Hindu’s thinking is constantly being changed by those preachers who are interested in “LAXMI” and not in teaching reality of life. We are living in 21st Century where science has proved that what we need is the established truth and facts of life on this planet Earth and not the stories told through mythology.

    Dharm (?) Vs Science is a topic of discussion in every religion.

    Thanks.

    Amrut(Suman)Hazari

    Like

  3. શ્રી હરનિશભાઈની વાત આવતીકાલનો ઈશારો છે.

    યુવાનોની બેકારી અને મોંઘવારી શું ન કરી શકે ? લાખ્ખો ને કરોડોની વાતો તો હવે હિસાબમાં જ નથી. એક બાજુ આ કૌભાંડો અને બીજી બાજુ ભૂખમરો. આવું કોઈ દેશમાં હશે ખરું ? ભારત હવે મ. ગાંધીનો દેશ રહ્યો નથી. ભ્રષ્ટાચાર એ જ શિષ્ટાચાર બની ગયો છે.

    લાચાર.

    Like

    1. શ્રીજુગલકિશોરભાઈ
      આભાર મુલાકાત અને પ્રતિભાવ માટે ! હું નિષ્ઠા પૂર્વક ઈચ્છું છું કે શ્રી હરનિશભાઈની વાત લોહિયાળ ક્રાંતિની સાચી ઠરે અને ભલે તેમાં મારો પણ ભોગ લેવાય ! પરંતુ યક્ષ પ્રશ્ન આવી ક્રાંતિ કરી શકે તેવું પોત આપણાં દેશના યુવાનો ધરાવે છે ખરા ? ખેર ! આવજો ! મળતા રહીશું !
      સ-સ્નેહ
      અરવિંદ

      Like

  4. Shri Arvindbhai, Your article on dearness is good and thought provoking.Everbody,except the govt , is surprised why and how the prices of all comodities and srvicees are rising day after day.Right from gold,silver,land,building,shres and securities,comodities,srvices,all types of fuel,all types of services,entertainment and wht not!!!Even the population and crimes of all sorts are on a steep rise as never before in the history.On the other hand our geographic area is shrinking durint last 1000 years.Our very identity is almost lost and forgotten due to the military,and cultural invasion by Christianity and Islam.Who can we blame but our own selves?Our govt bost that we are the greatest and largest democracy in the word but it is the greatest hypocracy in the word.Except Hindus, others are united and when we are divided we are bound to fall to the flattest level.Within our own country we feel like foreignrs if cross boarders of each state.When the Gods,languages,dress,eating habits,ideologies(political,social,religeous,economic etc.) are different in every state,how can we be united?And petriotism!!!Honesty!!!Discipline!!!Respect for others!!!Where are these virtues??Sometimes I thing our great freedom fighters misjudged our people and the future!And the English rulers were perhaps right in forcasting that we did not deserve freedom and democracy..Alas we were all that we are not..

    Like

    1. શ્રી અનિલભાઈ,
      આભાર મુલાકાત માટે અને સુંદર પ્રતિભાવ માટે પણ ! આપની વાત સાથે શબ્દ્શઃ સહમત છું. આપણાં દેશને સ્વતંત્રતા આપતા બીલને જ્યારે બ્રિટિશ પાર્લામેંટમાં ચર્ચા માટે આવેલ ત્યારે વિરોધ પક્ષમાં બેઠેલા ચર્ચિલે લોર્ડ એટલી ત્યારના બ્રિટનના વડાપ્રધાનને સંબોધી કહેલું કે મીસ્ટર એતલી આપ શું કરી રહ્યા છો તે આપને ખબર નથી. આપ હિંદુસ્તાનની પ્રજાને લૂંટાર-પિંઢારા અને ચાંચિયાઓના હાથમાં સોંપી રહ્યા છો તે વાત સત્ય પુરવાર થઈ છે અર્થાત ચર્ચિલ આ દેશના આગેવાનોના ચારિત્ર્ય અને દાનતને આપણાં ત્યારના ગાંધીજી કે અન્ય નેતાઓ કરતા વધુ સારી રીતે ઓલખી શક્યા હતા ! ચાલો આવજો ! મળતા રહીશું !
      સ-સ્નેહ
      અરવિંદ

      Like

    1. ભાઈશ્રી દવે,
      આપની વાત સાચી હોવા છતાં કેટલા દેશવાસીઓ આવા કાર્યક્રમ માટે તૈયાર થશે તે યક્ષ પ્રશ્ન છે. દેશના લોકો કમભાગ્યે પલાયનવાદી બન્યા છે અને તે માટે ખોટી ધાર્મિકતા-અહિંસા વગેરેને જવાબદાર ગણાવી શકાય ! શ્રી હરનીશભાઈના પ્રતિભાવના પ્રત્યૂત્તરમાં મેં એ જ જણાવ્યું છે કે અધર્મનોનાશ કરવો હોય તો ઈશ્વર અવતાર લશે તેમાં આપણે શું ? આપનાં કેટલા ટકા ? જ્યાં લોકોમાં આવી માનસિકતા ઘર કરી ગઈ હોય ત્યાં આવા તકવાદી નેતાઓ પોતાના હિસાબો સરખા કરવા આમાઅદમીને હથિયાર બનાવી કનેડી રહ્યા છે અને લોકો મૂંગે મોઢે નસીબને દોષ દેતા સહન કરતા રહે છે. અસ્તુ ! આભાર મુલાકાત અને પ્રતિભાવ માટે ! આવજો ! મળતા રહીશું !
      સ-સ્નેહ
      અરવિંદ

      Like

      1. પ્રિય અરવિન્દભાઇ
        તમારી વાત સાચી છે.
        ધાર્મિક અંધતા અને ખોટા રિવાજો, જીંદગીમાં રહેલી અનિશ્ચિતતાની આડપેદાશ છે.
        ધર્મ ગુરુઓના ગોરખધંધા અને સુફીયાણી વાતોમાં લોકો પોતાના શોર્ટકટ માટે આવે છે. પણ જો જીંદગીની અનિશ્ચિતતા દૂર થાય તો ફેર પડે ખરો.
        ઘણા રીવાજો મીથ્યા હોય છે પણ તે માનસિક ટ્રીટમેન્ટ કે આનંદ અને સંવાદ માટે હોય છે. ઈશ્વર તો બધે જ છે પણ લોકો મંદિરમાં જાય છે તે શાંતિ અને સંવાદ માટે જાય છે. લગ્નની ક્રિયાઓ અને જન્મમરણ દિનના પ્રસંગો આનંદ કે યાદ તાજી કરવા માટે હોય છે. લોકો આ સમજીને વર્તે તો ખોટા ખર્ચાઓ ન કરે.
        રાષ્ટ્રપતિની સવારી આગળ ચામર અને દંડૂકા ઘુમાવતા રક્ષકો પરાપૂર્વથી ભૂતોને ભગાડવા આવું કર્યા કરે છે. અંગ્રેજો અને ખ્રીસ્તીઓ ભૂતમાં માનતા હોય છે. હિન્દુ તત્વજ્ઞાન પ્રમાણે ભૂત અસ્તિત્વ ધરાવતું નથી. પણ બધું ચાલ્યા કરે છે.
        ઈશ્વર ખુદ કોઈ અવતાર ધારણ કરતો નથી. પણ સંવેદનશીલ મનુષ્યો અત્યાચાર અને અનાચાર સામે મરી ફીટે છે તેને કેટલાક લોકો ભગવાનનો અવતાર માને છે. પણ દરેક જો એમ સમજે કે મનુષ્ય શરીર મળ્યું છે તો સમાજ માટે પોતાનું ઋણ ચૂકવે તો સારું. બાકી કોઈને સ્વર્ગ કે નર્ક એવું કશું મળતું નથી. શૂન્યથી શૂન્ય ની વચ્ચેની સફર માં આપણી આ જીંદગી આવે છે. ઈશ્વર આપણી સામે બ્રહ્માન્ડ સ્વરુપે છે. એથી વિશેષ આપણે સમજી શકીએ નહીં. આપણે ફક્ત ઈશ્વરને જ જોઇએ છીએ. છતાં પણ ઘણા કહેછે કે મને ઈશ્વર હોય તો ઈશ્વર બતાવો. આપણે આપણને પણ જોઇ શકતા નથી. આપણે આપણા શરીર માં છીએ પણ કેવા, ક્યાં અને કેમ છીએ તેમાં સદંતર અંધ છીએ. શરીરની અંદર આપણે હરીફરી શકતા પણ નથી.

        Like

  5. બહુ સુંદર લેખ.સુંદર અને તટસ્થ એનાલિસીસ– ઘણું નવું જાણવા મળ્યુ. લોહિયાળ ક્રાન્તી જ છુટકારો લાવે–બીજો કોઇ આો જ નથી. સિવાય કે કોઇ બીજો ગાંધી પાકે.આ વાતો તો છેલ્લા પચાસ વરસથી સાંભળીએ છીએ.

    Like

    1. શ્રી હરનિશભાઈ
      મુલાકાત અને પ્રતિભાવ માટે આભાર ! લોહિયાળ ક્રાંતિ અને આ દેશમાં ? ના ભૂતો ના ભવિષ્યતિ ! આપણે તો અહિંસાના પૂજારી અને ગીતામાં પ્રબોધેલા ભગવાનના શબ્દોમાં યદા યદા હી ગ્લાનિ ભવતિ………….. જ્યારે જ્યારે અધર્મ ફેલાશે ત્યારે ત્યારે ધર્મની પુનઃ સ્થાપના કરવા હું અવતાર ધારણ કરીશ ! અર્થાત જો ભગવાનને અધર્મનો નાશ કરવો હશે તો અવતાર ધારણ કરશે ! મારે શું ? મારાં કેટલા ટકા ? આ પ્રકારની માન્યતા ધરાવનારા લોકો માટે ઈશ્વર પણ ના આવે ! અને અહિંસાને વરેલા આ લોકો લોહીથી ડરી જનારા છે ક્યારે ય લોહીયાળ ક્રાંતિ આ દેશમાં સંભવ જણાતી નથી અને આ નબળાઈ શાસકો કે જે લૂંટારા-પિંઢરા કે ચાંચિયાઓથી એક ટકો પણ ઉતરતા નથી તે બરાબર જાણે છે અને તેથી જ આ લૂંટ આ નિષ્ક્રિયતા ધરાર દાખવવામાં આવતી રહે છે. ખેર ! આવજો ! મળતા રહીશું !
      સ-સ્નેહ
      અરવિંદ

      Like

  6. આદરણીય વડીલ શ્રી. જુગલકીશોર કાકા,

    આપનો લેખ ખુબ જ મનનીય અને વિચારવંત છે.

    જ્યાં સરકાર પ્રજાને કે સુપ્રીમ કોર્ટને ગણતી જ નથી. હવે તો કયા પક્ષ કે

    નેતાને સારો ગણવો એજ મોટો મુઝાવતો પ્રશ્ન બની ગયો છે.

    Like

    1. ભાઈશ્રી
      ફરીવાર આપે પ્રતિભાવ જણાવતા શ્રી જુગલકિશોર કાકાનું સંબોધન કર્યું છે. ખેર ! આપની મુલાકાત અને પ્રતિભાવ મારા મતે મૂલ્યવાન છે નહિ કે સંબોધન ! આભાર ! આવજો ! મળતા રહીશૂં !
      સ-સ્નેહ
      અરવિંદ

      Like

  7. અરવિંદભાઈ,

    આ મૂળભૂત પ્રશ્નો હલ કરતા ભારત સરકારને વર્ષો લાગશે.

    આ લેખ ગુજરાતની બહાર હિન્દી ભાષીઓને કેવી રીતે પહોચાડશો ?

    ચાલો સાથે પ્રયત્ન કરીએ ગુજરાતીને રાષ્ટ્રલિપિ બનાવવાનો……

    GUJARAT PLUS…
    http://kenpatel.wordpress.com/

    Like

    1. ભાઈશ્રી પટેલ
      આભાર મુલાકાત અને પ્રતિભાવ માટે ! જો ઈચ્છા શક્તિ પ્રબળ હોય અને અંદરોઅંદરની સાઠમારી એક બીજાને પાડીદેવાની ના હોય તો આવા મૂળભુત પ્રર્શ્નો એક જ દિવસમાં સુલજાવી શકાય ! મૂળમાં વાત વ્યક્તિ દ્વેષની હોય તેમ પ્રથમ દ્રષ્ટીએ જણાય છે. વડાપ્રધાન પદના આકાંક્ષીઓની હુંસા-તુંસીમાં દીન દુઃખી જનતા પીડાય છે. ખેર ! આવજો ! મળતા રહીશું ! હિંદી ભાષીને પહોંચાડવા આપ જેવા મિત્રો મદદ કરશે તો મારું અહોભાગ્ય સમજીશ !
      સ-સ્નેહ
      અરવિંદ

      Like

  8. These problems are well known. ONLY UNITY AND “UNITED WE STAND” IN PRACTICE BY COMMON MAN CAN HELP.
    OR
    INDIA NEEDS , MORARJI DESAI as DECTATOR for TEN YEARS.
    We can trust MORARJI DESAI for his honesty and Philanthropic actions.
    OR
    INDIA NEEDS, 1000 NATHURAM GODSE who knows ‘gandhi’ word very well.

    The large treasure found in the temples will also vanish within months…believe me.

    Open for discussion……….

    Like

    1. ભાઈશ્રી હઝારી અમૃત
      આભાર મુલકાત અને તીવ્ર પ્રતિભાવ માટે ! આપની વાત સાચી હોવા છતાં આજ મોરારજીભાઈ પણ નથી કે નથી નથુરામ ગોડસે ! આ દેશના લોકો તો જાણે શાસકોના જુલ્મો સહેવા ટેવાઈ ગયા હોય તેમ લાગે છે અને તેનું મુખ્ય કારણ જન માનસમાં નસીબમાં લખ્યું હશે તેમ થશે તેવી વિચાર ધારા જડબે સલાટ થઈ ચૂકી છે. અને તેથી જ આ શાસકો પોતાની મનમાની કરી શકે છે. કદાચ ઈશ્વર પણ આ દેશના લોકોને બચાવી શકવા અસમર્થ હોવાનું માનવા મન થઈ આવે છે. ખેર ! આવજો ! મળતા રહીશું !
      સ-સ્નેહ
      અરવિંદ

      Like

  9. સાંસદો ને આટલી બધી સવલતો મળવા છતાં પણ પગાર ઓછો લાગે છે અને પગાર વધારા માટે બુમાબુમ કરે છે.
    બીજી તરફ સરકાર જાત ભાત નાં ટેક્સ ઉઘરાવીને તિજોરીઓ ભરે છે પણ એની સામે આમ જનતા ને એનું વળતર નથી મળતું (કદાચ એ બધું રાજા-કલમાડી નાં ખીસા માં જતું હશે). ખાદ્ય સામગ્રીઓ માં ભેળસેળ ની અવાર નવાર ખબરો પર થી લાગે છે કે સરકાર પોલીસી બનવાનું કે સજા આપવાનું કામ પણ ઠીક થી નથી કરતી. એમાં પણ લાંચ રુશ્વત નું નેટવર્ક ચાલતું હશે.

    Like

    1. શ્રી કેકે
      આભાર મુલાકાત સાથે પ્રતિભાવ માટે પણ ! મારાં મતે સરકાર ધારે તો બધું જ કરી શકે તેમ છે. પરંતુ મૂળભુત રીતે અંદરો અંદર એક બીજાને પાડી દેવાની રમત રમાઈ રહી હોય અને વડાપ્રધાન તો શોભાના ગાંઠીયા માત્ર છે. ઈચ્છા શક્તિ હોય અને ખરા અર્થમાં દીન દુઃખિયા પ્રત્યે હમદર્દી હોય તો સરકાર માટે કોઈ બાબત અસંભવ નથી. જોયું ને અન્નાએ 16 ઓગષ્ટથી અનસન કરવાની હાકલ કરી ત્યાં જ સમગ્ર દિલ્હીમાં 144 મી કલમ આજથી જ લાગુ થઈ ગઈ ! અંદરના અસંતુષ્ટો કે જેઓ વડાપ્રધાન પદ મેળવવાના મહત્વાકાંક્ષી છે તેઓની આ સાઠ-ગાંઠ હોવાની ભરપુર સંભાવના છે.આવજો ! મળતા રહીશું !
      સ-સ્નેહ
      અરવિંદ

      Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s