વાલીયો બન્યો વાલ્મીકી — હવે વાલ્મીકી વાલીયો બની રહ્યો છે !!!

વાલીયો બન્યો વાલ્મીકી — હવે વાલ્મીકી વાલીયો બની રહ્યો છે !!!

વાલીયો લૂટારો નારદમુનીની એક માત્ર ટકોર કે તેના દ્વારા થતી હત્યા કે લૂંટ-ફાટના પાપમાં પરિવારના સભ્યો ભાગીદાર ખરા કે કેમ સાંભળી તેજીને ટકોરો હોય તે રીતે તે વાલ્મીકી કેવી રીતે બન્યો તે વિષેની જાણકારીથી આપણાં દેશના લોકોમાંથી ભાગ્યે જ કોઈ અજાણ હશે અને તેથી તે વિષે વિગતે નહિ લખતા આ વાલ્મીકી બનેલા વાલીયાએ સમય જતાં રામાયણ રચ્યું અને આજે રામાયણની કથા દ્વારા અસંખ્ય કથાકારો લાખો નહિ પણ કરોડપતિ બની જાહોજલાલીથી ભરપૂર વૈભવી જીવન માણતા બન્યા છે તે સર્વ વિદિત છે.

સમયના પ્રવાહ સાથે આ ધરી ઉલ્ટી ફરવા લાગી છે અને ( પૂ.પૂ.પૂ.પૂ. શ્રી.શ્રી.શ્રી.શ્રી. )સાધુઓ-સન્યાસીઓ-સ્વામીઓ-ગુરૂઓ-મહંતો-કથાકારો-બાવાઓ અને બાબાઓ તમામે તમામ આધુનિક વાલ્મીકીનું રૂપ ધારણ કરી વાલિયા બની ચો-તરફથી ધન અને સંપત્તિ એકઠી કરી જાહોજલાલી સાથે ઐશ્વ્રર્યમાં આળોટી રહ્યા છે. સાચા-ખોટા ચમત્કારો સર્જી, વાતો વહેતી કરી, અભણ, અબુધ અને અજ્ઞાન લોકોને પ્રભાવિત કરી અંધશ્રધ્ધાને બહેકાવી અંગત માલ-મિલ્ક્ત અને બેસુમાર સંપત્તિ કરોડોના હિસાબે એકઠી કરી રહ્યા છે. આ દેશના અબુધ,અભણ અને અજ્ઞાન લોકો પેટે પાટા બાંધીને પણ આ આધુનિક વાલ્મીકીના ચરણોમાં દાનનો દરિયો વહેવડાવી રહ્યા છે !

અરે ! કહેવતા ભણેલા, ડીગ્રીધારીઓ, રાજકારણીઓ-સત્તાધીશો,અમલદારો વગેરે પણ આ વાલ્મીકીઓના પ્રભાવ હેઠળ આવી તેમને ગુરૂ પદે સ્થાપી તેમનો પ્રચાર કરી આખા સમાજને ભોળવી રહ્યા છે. કેટલાક તો તેમની સંપત્તિનો વહિવટ પણ કરવેરા ના ભરવાપડે તે રીતે ગોઠવણ કરી દે છે તો કેટલાક ટ્ર્સ્ટીઓ થઈ સંપત્તિ ભોગવવામાં ભાગીદાર પણ બનતા રહે છે.

આધુનિક વાલ્મીકીઓ 5 કે 7 સ્ટાર હોટેલોને પણ શરમાવે તેવા ભવ્યાતી ભવ્ય વૈભવી આશ્રમો તથા મંદિરો બાંધી આમ જનતાને સ્વૈચ્છિક( ? ) રીતે દાન આપવા પ્રેરી રહ્યા છે. આ વાલ્મીકીઓને વિદેશી અનુયાયીઓ અને વિદેશ પ્રવાસમાં વધુ રસ પડે છે. વર્ષના છ માસ પાશ્ચાત્ય દેશમાં ગાળવા ના મળે તો આ વાલ્મીકીઓ ઘાંઘા થાય છે ! વિદેશમાં ત્યાંની તમામ આધુનિક ભૌતિક સુખ-સાધનો ભોગવતા/વાપરતા હોવા છતાં અત્રે આવી ત્યાંની રહેણી-કહેણીની બેફામ ટીકાઓ કરતા રહી અહિના લોકો સમક્ષ ધરાર ખોટી રજૂઆત કરી વિદેશને બદનામ કરતા રહે છે.

આવા કેટલાક આધુનિક વાલ્મીકીઓ જેવા કે ચંદ્રાસ્વામી કે જેનો તાજેતરમાં જ દેશની સર્વોચ્ચ અદાલતે રૂપિયા નવ કરોડનો દંડ ફટકાર્યો છે જે ઈંદીરા ગાંધીની તો નજીક હતા જ પરંતુ નરસિંહ રાવ અને ચંદ્રશેખરના પણ રાજકીય ગુરૂ તરીકે જાણીતા હતા.

સ્વામી ધીરેંદ્ર બ્રહ્મ્ચારી કે જેમને ઈંદીરા ગાંધી ગુરૂ માનતા અને જમ્મુ-કાશ્મીરમાં શસ્ત્રોનું કારખાનું ચલાવતા હતા-તેમને ભારતના રાસ્પુતિન પણ કહેવામાં આવતા ઉપરાંત માત્ર પ્લેનમાં જ મુસાફરી કરતા હોય “ફ્લાઈંગ સ્વામી“ તરીકે પણ ઓળખાતા !

આ ઉપરાંત શંકરાચાર્ય જયેંદ્ર સરસ્વતીને પણ રાજકારણનો ચસ્કો લાગેલો જે તેમને જેલની કોટડીમાં લઈ ગયેલો.

હાલમાં જ યોગ ગુરૂ રામદેવની રાજકીય મહત્વાકાંક્ષા તથા અપાર સંપત્તિ વગેરે જાહેર થઈ છે. તો અન્ના સાથે રહેલા સ્વામી અગ્નિવેશ તથા ભાજપમાં થોડા દિવસ પહેલાં જ પુનઃ પ્રવેશેલા ઉમા ભારતી વગેરે પણ આધુનિક વાલ્મીકીની શ્રેણીમાં જ ગણી શકાય ! બાબા રામદેવના ઉપવાસના પારણાં કરાવનાર શ્રી.શ્રી.રવિશંકર પણ તેમની અગાધ સંપત્તિ માટે જાણીતા છે તો મોરારીબાપુ પણ રામકથા દ્વારા કરોડોની અસ્ક્યામત એક્ઠી કરી શકયા છે તેમ લોકો કહેતા સંભળાય છે.

એક વાત બહુ સ્પષ્ટ છે કે આ દેશમાં મોટા ભાગના( પૂ.પૂ.પૂ.પૂ. શ્રી.શ્રી.શ્રી.શ્રી. ) સાધુઓ-સંન્યાસીઓ-સ્વામીઓ-ગુરૂઓ-મહંતો-કથાકારો-બાવાઓ અને બાબાઓને આધુનિક જાહોજલાલી સાથેની વૈભવી જીવન શૈલી સિવાય જીવન બસર કરવું પસંદ નથી. આધુનિક ભૌતિક સુખ-સાધનોનો ઉપભોગ જ તેમની જીવન શૈલી બની ચૂકી છે. અને તે માટે યેન કેન પ્રકારેણ લાખો કે કરોડો નહિ પરંતુ ખર્વો રૂપિયાઓની સંપત્તિ એક્ઠી કરવી તે જ જીવનનું મુખ્ય લક્ષ્ય બની ચુક્યું છે. અને પોતે અત્યંત ધાર્મિક છે તેવો ભ્રમ સ્થાપિત કરવા ભવ્યાતિભવ્ય આશ્રમો અને મંદિરો બાંધતા રહેવું અનિવાર્ય બન્યું છે. દેશ વિદેશમાં સ્વામીનારાયણના અસંખ્ય મંદિરો બાંધવા માટે પ્રમુખ સ્વામી ઓળખાય છે.

આ માટે દાન મેળવવા અનેક સાચા-ખોટા ચમત્કારોની વાતો ફેલાવવી, લોકોને પ્રભાવિત કરતા રહેવું અને દાન દ્વારા મેળવેલ રકમમાંથી એકાદ ટકા જેટલી રકમ સાર્વજનિક કામમાં લોકો માટે ફાળવવી અને તેની જાહેરાતો ચો-તરફ કરતા રહેવું તેવી ચાલાકી ભરી વ્યુહ રચના અમલી બનાવવી. ઉદાહરણ તરીકે એક કરોડ રૂપિયાનું દાન મળે તો તેમાંથી એક લાખ રૂપિયા સાર્વજનિક કામમાં વાપરવાના જેનો પ્રચાર જાહેરાતો મારફત કરી હાઈ લાઈટ કરવા સતત પ્રયાસશીલ રહેવાનું અને લોક માનસ ઉપર છવાઈ જવાનું તથા નવાણુ લાખ પોતાના અંગત ઉપયોગ માટે રાખવાના !

આ તો મોટા માથાની વાતો થઈ. પરંતુ દેશના દરેક ગામ અને શહેરોમાં આવા નાના-મોટા અનેક વાલ્મીકીઓ પોતની જાળ વિવિધ સંપ્રદાયો સ્થાપી ( દેશમાં ઓછામાં ઓછા 25000 થી 30000 સંપ્રદાયો અસ્તિત્વ ધરાવે છે અને દરેક સંપ્રદાયનો ઈશ્વર અલગ અલગ છે ) અને મંદિરો અને આશ્રમો સ્થાપી/ફેલાવીને લૂંટ ચલાવી જ રહ્યા છે. કદાચ દેશનું એક પણ ગામ કે શહેર એવું નહિ હોય કે જ્યાં રસ્તાની વચ્ચો વચ્ચ આવા નાના-મોટા મંદિરો ના બનાવાયા હોય ! દેશની સર્વોચ્ચ અદાલતે આવા મંદિરો હઠાવવાનો આદેશ આપ્યો હોવા છતાં ધાર્મિક લાગણી દુભાઈ જવાની બીક કે ડરને કારણે કોઈ સરકાર કે સુધરાઈ આવી હિમત દાખવી શકવા સમર્થ નથી.

તાજેતરમાં સત્ય સાંઈ-બાબાના ખજાનાની ચોંકાવનારી માહિતિ બહાર આવી રહી છે તો યોગ ગુરૂ રામદેવની સંપત્તિની વાતો પણ જાહેર થઈ રહી છે. અને આવા તો દેશભરમાં લાખોની સંખ્યામાં ( પૂ.પૂ.પૂ.પૂ. શ્રી.શ્રી.શ્રી.શ્રી. ) સાધુઓ-સ્વામીઓ-મહંતો-ગુરૂઓ-બાવાઓ-બાબાઓ-કથાકારો અને આશ્રમો અને મંદિરો પાસે રહેલી સંપત્તિની ગણત્રી કરવામાં આવે તો સંભવ છે કે આ રકમ સ્વીસ બેંકોમાં રહેલી ભ્રષ્ટાચાર કે બ્લેકમનીની રકમ પણ કરતાં અનેક ગણી વધારે હોઈ શકે !

અંતમાં આ આધુનિક વાલ્મીકીઓને હવે પછી દાન કે ધર્મને નામે આમ જનતા કોઈ રકમ ભેટ ના ધરે ! જો દાન કરવાનું મન થાય તો આજુ-બાજુમાં વસતા કે સ્નેહી કે પરિવારના જરૂરિયાતવાળા સભ્યોને સહાય કરે તો તેનો યથાર્થ ઉપયોગ થયાનો સંતોષ પ્રાપ્ત થશે. ઉપરાંત મને તો શ્રધ્ધા છે કે આવા નિસ્વાર્થ અને નિષ્કામ કર્મથી પરમ કૃપાળુ પરમાત્મા પણ ખુશ થશે !

હે, પ્રભુ ! અમોને આ આધુનિક વાલ્મીકીઓ થી બચાવ !!!

Advertisements

37 comments

  1. —————————————इसलिए साधु एकांत खोजता है, असाधु भीड़ खोजता है,

    ———————–
    साधुता अकेले हो सकती है।

    क्‍योंकि साधुता ऐसा दीया है,

    जो बिन बाती बिन तेल जलता है।

    असाधुता अकेले नहीं हो सकती।

    उसके लिए दूसरों का तेल और बाती

    और सहारा सब कुछ चाहिए।

    असाधुता एक सामाजिक संबंध है।

    साधुता असंगता का नाम है।

    वह कोई संबंध नहीं है,
    वह कोई रिलेशनशिप नहीं है।

    वह तुम्‍हारे अकेले होने का मजा है।

    इसलिए साधु एकांत खोजता है, असाधु भीड़ खोजता है,

    असाधु एकांत में भी चला जाए तो कल्‍पना से भीड़ में होता है।

    साधु भीड़ में भी खड़ा रहे तो भी अकेला होता है।

    क्‍योंकि एक सत्‍य उसे दिखाई पड़ गया है।

    कि जो भी मेरे पास मेरे अकेलेपन में है,

    वहीं मेरी संपदा है।

    जो दूसरे की मौजूदगी से मुझमें होता है,

    वही असत्‍य है, वही माया है।

    वह वास्‍तविक नहीं है।

    Like

  2. અરવિંદજી,

    ભૂપેન્દ્રભાઈના બ્લોગ પર વાંચ્યો હોય તેવો જ લેખ છે .

    “જનતાને સ્વૈચ્છિક( ? ) રીતે દાન આપવા ”
    સ્વેચ્છા નથી તો બળજબરી છે? દાન આપવું તમારી મરજી છે. ટેક્સની જેમ નહિ કે આપવું જ પડશે. નહિ આપો તો બધા પાછળ પડી જશે.

    સ્વામી રામદેવ: એક વાત તો હું કહીશ કે એણે જે કર્યું છે યોગના પ્રચાર અને આયુંર્વેદ માટે, એ કોઈએ નથી કર્યું (નથી કોઈ સરકારે). એને લોકો દાન આપે અને એ યોગ્ય કાર્ય કરે તો વિરોધ શાનો?

    તમે કઈ કરી બતાવો?
    રામદેવ લોકોને ભેગા કરી શકે છે, મરવા માટે તૈયારી દેખાડે છે (એ પણ એક સારા કામ માટે – બ્લેક મની પાછુ લાવવા). તમારું અને બધા વિરોધીઓનું યોગદાન શું?

    જો ગુસ્સો હોય તો સરકાર પર દેખાડો જે મારા/તમારા (જો ટેક્સ ભરતા હો) પૈસાનો ધુમાડો કરે છે, પોતાની તિજોરી ભરે છે.

    બાબા/સાધુનાં સ્વાન્ગમાં ઘણા ધુતારા ફરે છે. આપણે બધાને એક જ રંગ ન આપી શકાય.

    “જો દાન કરવાનું મન થાય તો આજુ-બાજુમાં વસતા કે સ્નેહી કે પરિવારના જરૂરિયાતવાળા સભ્યોને”
    સલાહ સારી છે. આશા છે કે તમે શરૂઆત તો કરી જ હશે.

    જો તમેં ફાઇવ સ્ટાર હોટલમાં જમતા હો અને બધી મનની જરૂરીયાત પૂરી થતી હોય અને તમે હજારો રૂપિયાનું બિલ (સ્વેચ્છાથી) ભરો. પછી એમ કહો કે હોટલમાલિક પાસે અઢળક પૈસા છે?

    લોકોની માનસિક/શારીરિક સમસ્યાઓને કોઈ ઓછી કરે એને લોકો એને સ્વેચ્છાથી દાન આપે જેથી ગરીબોને આ સહાય ઓછે પૈસે કે મફતમાં મળે તો એમાં ખોટું શું?

    સોરી, પણ આપણે બધા બોલવા/લખાવામાં જ બળાપો દેખાડી શકીએ છીએ.
    ગીતા ભલે વાંચીએ પણ મરવામાં ડર લાગે છે,

    Like

    1. ભાઈશ્રી કલ્પેશ
      આભાર મુલાકાત આને પ્રતિભાવ માટે ! મને લાગે છે કે આપે મને સમજવામાં કંઈક ભૂલ કરી છે. હું અન્ના કે રામદેવ જે હેતુ માટે આંદોલન કરી રહ્યા છે તેની વિરૂધ્ધમાં નથી. પરંતુ જ્યારે સત્તા ઉપર બેઠેલા ખાઈ-પીધેલા અત્યંત લુચ્ચા લોકો બેઠા હોય ત્યારે તેમની સામે લડવા માટે આંદોલન શરૂ કર્યા પહેલાં પૂરેપૂરું હોમ વર્ક કરી વ્યુહ ગોઠવવો અનિવાર્ય હોય ! કદાચ તેમાં બંને કાચા પડ્યા છે છતાં એક વાત ચોક્કસ છે કે દેશભરમાં ભ્રષ્ટાચાર અને કાળાં નાણાં વિરૂધ્ધ પવન ઉભો થતાં લોકોમાં કંઈક અંશે જાગૃતિ આવતા વિચારતા થયા છે. હવે બીજા તબક્કામાં બંને પાસે થી વધારે સારી વ્યુહ રચનાની અઅશા રાખીએ કે જેથી આંદોલનનું બાળમરણ ના થાય ! બીજી વાત હું જ્યારે કોઈ સુચન કરું છું તે પહેલા તેની શરૂઆત મારાથી કર્યા બાદ જ અન્યને કરવા સુચવું છું. મારા લેખમા કોઈની ઈર્ષ્યા મેં કરી નથી તેમ છતાં આપને કેમ દેખાઈ તે મારી સમજમાં ઉતરતું નથી. બોલી/લખી બળાપો કહો તો તેમ પણ એક સારા વિચારને વહેતો કરવા કંઈક તો કરવું જ રહ્યું. આપને મારાંથી વિપરીત વિચારવાનીકે મત ધરાવવાની સ્વતંત્રતા છે અને વિચારોમાં સ્પષ્ટતા લાવવા પણ વિપરીત વિચારો જ બીજી રીતે વિચારવાનું ઈંધણ પૂરું પાડતું હોય છે. ખેર ! આવજો ! મળતા રહીશું !
      સ-સ્નેહ
      અરવિંદ

      Like

      1. Arvindji,

        “હું અન્ના કે રામદેવ જે હેતુ માટે આંદોલન કરી રહ્યા છે તેની વિરૂધ્ધમાં નથી. પરંતુ જ્યારે સત્તા ઉપર બેઠેલા ખાઈ-પીધેલા અત્યંત લુચ્ચા લોકો બેઠા હોય ત્યારે તેમની સામે લડવા માટે આંદોલન શરૂ કર્યા પહેલાં પૂરેપૂરું હોમ વર્ક કરી વ્યુહ ગોઠવવો અનિવાર્ય હોય ! કદાચ તેમાં બંને કાચા પડ્યા છે”

        This is a digression from your blog post. Here is what you wrote in your blog post. “હાલમાં જ યોગ ગુરૂ રામદેવની રાજકીય મહત્વાકાંક્ષા તથા અપાર સંપત્તિ વગેરે જાહેર થઈ છે. તો અન્ના સાથે રહેલા સ્વામી અગ્નિવેશ તથા ભાજપમાં થોડા દિવસ પહેલાં જ પુનઃ પ્રવેશેલા ઉમા ભારતી વગેરે પણ આધુનિક વાલ્મીકીની શ્રેણીમાં જ ગણી શકાય !”

        “મારા લેખમા કોઈની ઈર્ષ્યા મેં કરી નથી તેમ છતાં આપને કેમ દેખાઈ તે મારી સમજમાં ઉતરતું નથી”. The above sentence (“હાલમાં જ યોગ ગુરૂ રામદેવની …) is one where I felt it was inappropriate to paint a person with bias. His is not a personal ambition, it is an ambition for the country, as I understand it.

        I am not a follower of any baba. But I feel sad when people make irresponsible blog posts & comments. I ask people who criticize Ramdev, what have they done to raise the voice against corruption? and I feel, the answer to this should help.

        I will say that don’t jump to conclusion that all are liars. Time will tell, who is liar and who is not. People who advice that Ramdev should take X route instead of Y or Z, should try and walk the path themselves.

        What qualification do we have to advice people on what path, they should take? If one is an expert, one should advice Ramdev before it all starts, rather than doing postmortem analysis.

        Our problem is that we feel that we know everything, whereas we know nothing at all.

        Thank you.

        Like

  3. ગુંડાઓના હાથમાં સત્તા છે, આ ગુંડાઓ મુરખા છે, સારા લોકોને ટીયર ગેસથી રોવડાવે છે અને લાઠીઓ મારે છે અને તાંત્રીકોના પગમાં જઈને પડે છે. આ રાજકારણી ગુંડાઓને મારવા માટે છે કોઈ ભગતસિંહ?

    કલમ જેવી તલવારથી માત્ર બળાપો નીકળે – સારા માણસને અહિં સહુથી પહેલાં ખતમ કરી દેવામાં આવે છે. જીવતો હોય તો બોલે ને?

    અહિં લેખ કે પ્રતિભાવ લખનારામાંથી કોની તાકાત છે કે વ્યૂહાત્મક વ્યૂહરચનાથી આ રાજકીય ગુંડારાજને લડત આપી શકે? એક રામદેવ બાબા બોલશે તો તેને લાક્ડીથી ટીપી નાખશે, અણ્ણા બોલશે તો રામદેવવાળી થશે.

    સંગઠનની તાકાત વગર કોઈ સામે લડી શકાય તેમ નથી રહ્યું. સારા માણસો સંગઠીત થઈ નથી શકતાં અને ગુંડાઓ,રાજકારણીઓ, ભ્રષ્ટ અમલદારો, કહેવાતા સાધુ,બાબાઓ,તાંત્રિકો આ બધાં પોતાના સંગઠનો બનાવીને લોકોને સરેઆમ લુંટી રહ્યાં છે.

    અરવિંદભાઈને વ્યથા થઈ તો ચાલો લેખ તો લખ્યો.

    હું તો રામદેવ બાબાની સશસ્ત્ર ૧૧૦૦૦ યોદ્ધાની ટીમ બનાવવાની વાતની સાથે સહમત થાઉ છું.

    Like

    1. ખોટી … આશાએ નહિ જીવવું …. પણ જરૂર પડયે ગોડસે પણ બનવું પડે તો ય જરૂર તો એકાદ તમંચાની જ રહેવાની …. કલમની નહિ.

      અતુલભાઇ, એક મારી અને એક તમારી એમ બે રીવોલ્વોર અને કારતુસ મેળવવા કોનો સંપર્ક કરું ?

      Like

      1. શ્રી અખીલભાઈ,

        મારા કાકા (પપ્પાના મોટા ભાઈ) જામનગરની સૈનિક સ્કુલમાં અંગ્રેજીના શિક્ષક હતાં. હું ૨.૫ વર્ષ જામનગર ભણવા માટે રહ્યો. તે વખતે એક વખત મેં મારા કાકાને એક યુ.પી.ની અજાણી વ્યક્તિ સાથે કશીક ઘુસ પુસ કરતાં અને પૈસા આપતાં જોયા. ત્યારબાદ તપાસ કરતાં ખબર પડી કે તેમણે એક રીવોલ્વર મંગાવવા આ પૈસા ચૂકવ્યાં હતાં. તે વખતે મને આશ્ચર્ય થયું કે મારા કાકા તો શિક્ષક છે તેમને વળી રીવોલ્વર મંગાવવાની શી જરૂર પડી? ત્યારે તેમણે મને કહ્યું દિકરા આ દુનિયામાં સારા માણસોએ જીવવું હોય ને તો યે તાકાતની જરૂર પડે. મારા શિક્ષક હોવાનો કોઈને ડર ન લાગે પણ કેડે રીવોલ્વર ભરાવી હોય ને તો કોઈ આલતું-ફાલતું જેમ તેમ બોલતાં પહેલાં દસ વખત વિચાર કરે. તેઓ ચૂસ્ત ગાંધી વાદી હતાં, ખાદી પહેરતાં પણ જરૂર પડે તો ભડાકો કરતાં અચકાય તેવા નહોતા.

        કાયદેસર રીવોલ્વર પણ મળે અને ગેરકાયદેસર પણ મળે. આપણે જો કાયદેસર રીવોલ્વર ખરીદવી હોય તો લોન લેવી પડે (અથવા તો સ્પોન્સર ગોતવા પડે). તમને શિક્ષણ માટે તો સ્પોન્સર મળી જશે પણ રીવોલ્વર માટે મળશે?

        Like

    2. ભાઈશ્રી અતુલ
      ન્લોગની મુલાકાત અને પ્રતિભાવ માટે આભાર ! આપની સંગઠિત થઈ અવાજ ઉઠાવવાની વાત સાચી હોવા છતાં મુશ્કેલ પણ છે. સંગઠન બનાવવા માટે કમીટેડ અને કન્વીકશન વાળી કોઈ પ્રતિભા પહેલ કરશે તો અનુયાયીઓ ચોક્ક્સ મળશે તેમ મારું માનવું છે. લેખ લખનાર કે પ્રતિભાવ લખનાર ચોકક્સ પણે વિચારોને વહેતા કરી શકે છે. મને યાદ ચે અને જો ભૂલ ના કરતો હોઉ તો ફ્રાન્સમાં જે ક્રાંતિ થયેલી તેમાં લેખકો અને લેખોનો જ મહત્તવનો ફાળો હતો. હતાશ કે નિરાશ થયા વગર વિચારોને વહેતા રાખવા તેમ હું માંતો હોય લખ લખ કર્યા કરું છું કે ક્યારે ક તો કોઈકનો આતમ રાગ જાગશે ને ! ખેર ! આવજો ! મળતા રહીશું !
      સ-સ્નેહ
      અરવિંદ

      Like

  4. એક જ વાક્યમાં કહેવું હોય તો એટલું જ કહેવાય કે અામાં બધો વાંક પ્રજાનો છે.સરકારનો પણ નહિ. કારણકે વોલ્ટરે કહ્યું છે તેમ “જેવી પ્રજા તેવી સરકાર —-તેનાથી જરાયે સારી નહિ” અને તે પ્રમાણે સાધુ-સંતોનો પણ કોઇ વાંક નથી એમ મારું નમ્રતાપૂર્વક માનવું છે.

    Like

    1. શ્રી કિશોરભાઈ
      બ્લોગની મુલાકાત અને પ્રતિભાવ માટે આભાર ! આપની વાત જેવી પ્રજા તેવો રાજા કે સરકાર ! પરંતુ આ અબુધ પ્રજાને કોઈકે ક્યારેક તો જાગૃત કરવી પડશે અને હું તે દીશામાં મારાથી થતા પ્રયાસો કરી રહ્યો છું. સફળ થઈશ કે નહિ તેની પરવા નથી એક વિચાર વહેતો કરું છું. ખેર ! અસ્તુ ! આવજો ! મળતા રહીશું !
      સ-સ્નેહ
      અરવિંદ

      Like

  5. ચાલો પહેલો દોષ લોભીયાઓનો અને જાતે લુંટાવા નીકળ્યા છે તેમનો છે.હવે મોટાભાગની પ્રજા મુરખ છે,અને ઊંઘે છે.પણ કોઈએ તો એમણે જગાડવાની કોશિશ કરવી પડશે કે નહિ?સમાજ એટલે સામુહિક સર્વાઈવલ નો ઉપાય છે.લાખો મુરખાઓ આવા વાલ્મીકીઓને હાથે લુંટાશે એમાં સારા પણ માર્યા જશે.આવા મૂર્ખાઓને જગાડવા પડશે કે નહિ?કે પછી મૂરખાઓનો વાંક કાઢી કાઢી ધુતારાઓને લુંટવા દેવાનું લાયસન્સ આપી દેવાનું છે?શ્રી અરવિંદભાઈ ને મન આવા મુર્ખાઓ માટે દયા ભાવ લાગે છે.માટે જગાડવાની કોશિષ કરતા લાગે છે એમને કોઈ ઈર્ષ્યાભાવ હોય તેવું જણાતું નથી.શ્રી હરનીશભાઈ અને અખિલભાઈની વાત સાચી છે આવા ધુતારાઓને લટકાવી દેવા જોઈએ.હવે સમય આવી ગયો છે.દેશમાં લોહીયાળ ક્રાંતિ નહિ થાય ત્યાં સુધી દેશનું કોઈ ભવિષ્ય નથી.મેં આજ બ્લોગ ઉપર ઘણા સમય પહેલા લખ્યું હતું કે ધુતારા,ભ્રષ્ટાચારી બાવાઓ અને નેતાઓના માથા જુદા પાડવા પડશે.કારણ આ દેશમાં ત્રાસવાદીઓને પણ જીવનદાન આપવામાં આવે છે,અહીં કોઈને મોત મળશે તેનો ભય રહ્યો નથી.અહીં કોઈને ફાંસી મળશે તેનો ભય રહ્યો નથી.અહીં ત્રાસવાદીઓ પણ આરામથી જીવતા હોય ત્યાં દેશના ભ્રષ્ટાચારી નેતાઓ અને ધાર્મિક લુંટારાઓ તો આરામથી જીવે એમાં વિચારવાનું ના હોય.બહુ બહુ તો થોડા દિવસ કોર્ટના ચક્કર અને થોડા દિવસ જેલમાં પછી જલસા.માટે અહીં મોતનો ભય ઉભો કરવો પડશે.બાકી આવું જ ચાલવાનું.
    લોભમુક્તિની વાતો કરવી નકામી છે.આખું ભારત કોઈ ધ્યાન કરવા બેસવાનું નથી.લોભ લીમીટમાં હોય તો આવકાર્ય છે.બાકી સ્વીસ બેન્કો સુધી લોભ પહોચે તો દેશ માટે નુકશાનકારક છે.અરવિંદભાઈ લખે છે તે બરોબર જ છે.એમને જગાડવાનું કામ કરવા દઈએ.

    Like

    1. શ્રી ભુપેંદ્રસિંહજી
      બ્લોગની મુલાકાત અને સુંદર અને પ્રોત્સાહિક પ્રતિભાવ માટે આભાર ! લોહીયાળ ક્રાંતિ અને તે આપણાં દેશમાં ? જે દેશમાં લોકોને અહિંસાના પાઠ સદીઓથી શીખવવામાં આવ્યા છે અને બીજા વિશ્વ યુધ્ધ બાદ બ્રિટન દેવાળીયું ના થયું હોત તો મહાત્મા ગાંધીજીની સત્યાગ્રહની અહિંસક લડતા વડે સ્વતંત્રતા મળી હોત કે તે પણ સવાલ છે. વાતા વાતમાં નસીબને અને ગ્રહોને દોષ દેતો અને બાધા આખડી રાખી ધાર્યા કાર્ય સફળ થતા માનતો આ સમુદાય પાનના ગલ્લે થોડીવાર બાંયો ચડાવી બણગા મારી ઘેર આવી નિરાંતે સુઈ જનારના માહ્યલાને ઢંઢૉળવાનું કામ કરું છૂં જેમાં આપ જેવા મારો ઉત્સાહ બઢાવો છો તે મને નવું જોમ પૂરું પાડે છે. આ કોઈ લોભ કે ઈર્ષ્યામાંથી ઉદભવતો રોષ કે ગુસ્સો નથી તે આપ સમજી શકયા છો તે જાણી આનંદ થયો. ખેર ! આવજો ! મળતા રહીશું !
      સ-સ્નેહ
      અરવિંદ

      Like

  6. ભાઈ શ્રી અખિલ સુતરિયા ના શબ્દે શબ્દ સાથે હું સમંત થઉં છું. હું એક ડગલું અગળ વધીને કહું તો જયાં સુધી પ્રજા આ લાંચિયાઓને વિણી વિણી ને લટકાવી નહીં દે ત્યાં સુધી લોકો વાતોના વડાં ઉતાાર્યા કારશે.

    Like

  7. ભાઈશ્રી અખિલ સુતરિયા સાથે શબ્દે શબ્દ સાથેઅ સંમત થાઉં છું

    મુરબ્બી,

    ચર્ચામાં લીધેલ વિષયનો ઝીણવટપૂર્ણ અભ્યાસ પ્રત્યેક વાકયમાં છલકાય છે તે કરતાં વધારે તમે અનુભવેલી વ્યથાએ મને આ પ્રતિભાવ આપવા પ્રેર્યો છે.

    કોની પાસે કેટલી સંપત્તિ કેમ, ક્યાથી અને કેવી રીતે આવી જેવા સવાલના જવાબ માંગનારા પાસે લાકડાની તલવાર છે અને જવાબ આપનારા એમને ભસતા કૂતરાથી વિશેષ ગણતાં નથી .. લખલૂટ સંપત્તિમાંથી બે ચાર હાડકાં મીડીયાને ચૂસવા નાખી દેવાથી 121 કરોડને મૂરખ બનાવવાનું કામ તેમને હવે ફાવી ગયું છે.

    જો આપણી તબિયત સારી હોય, શરીર મજબૂત હોય, મન મક્કમ હોય તો એકાદ બોમ્બ … ડીસ્કવરી ચેનલ પર એરક્રેશ ઇન્વેસ્ટીગેશન નામના કાર્યક્રમ જોઇને બનાવી લેવાય …

    બાકી … ફેસબૂક હોય, ગુજરાતી નેટલોગ હોય, કે વર્ડપ્રેસ હોય …. ગમે તેટલા જલદ લેખ લખાય પણ સાબિત અને પૂરવાર થયેલી શિક્ષિતોની નપૂ:સકતામાં હવે મર્દાનગી આવવાની કોઇ સંભાવના નથી.

    ખોટી … આશાએ નહિ જીવવું …. પણ જરૂર પડયે ગોડસે પણ બનવું પડે તો ય જરૂર તો એકાદ તમંચાની જ રહેવાની …. કલમની નહિ.

    અસ્તુ.

    Like

    1. શ્રી હરનીશભાઈ
      આપની બ્લોગની મુલાકાત અને પ્રતિભાવ માટે ખૂબ ખૂબ આભાર ! આપની અને અખિલભાઈની વાત સાથે હું 100% છું. એક વાત પૂછું આપે લખ્યું કે “ભાઈશ્રી અખિલ સુતરિયા સાથે શબ્દે શબ્દ સાથેઅ સંમત થાઉં છું” એ ઈરાદા પૂર્વકની ભૂલ છે કે ટાઈપીંગની ? જો કે હું ટાઈપીંગની જ માનુ છું. અખિલભાઈ કહેતા હતા કે આપની તબિયત નાદુરસ્ત છે તો હવે કેમ છો ? આજે બપોરે જ અખિલભાઈ સાથે ફોન ઉપર વાતો થયેલી ત્યારે આપને ખૂબ યાદ કરેલા ! ચાલો આવજો ! મળતા રહીશું !
      સ-સ્નેહ
      અરવિંદ

      Like

  8. એકદમ સાચી વાત છે. થોડા સમય પેહલા એક સંબંધીએ ૭ દિવસની ધાર્મિક કથા રાખેલી, અને અમારે ત્યાં રોજ જવાનું. એક દિવસ સાંજે હું ઓફીસથી પહોચી ત્યારે હજી કથા ચાલુ હતી. મહારાજ બાપ-દીકરી અને તેના વિષે ખુબ સારી વાતો કરતા હતા, ત્યારબાદ તેને કહ્યું કે લગ્ન પાછ્ળ ઘણી લોકો લાખો રૂપિયા ખર્ચે છે તેને બદલે કોઈ સમૂહ લગ્નમા ભેટ આપીને,કોઈ જરૂરિયાતવાળી દીકરીને મદદ કરવી જોય, દેખા-દેખી ન કરવી જોઈ, પૈસાનો સદુપયોગ કરવો જોઈએ. મને થયું ઉભા થઈને કહુકે આપશ્રી પણ કથા વાંચવાના લાખ રૂપિયા લેવાનું બંધ કરો, તમે તો સાદગીની વાત કરો છે તમારે સાદગીથી રેહવું છે તો આટલા ધનનું શું કરશો? ભગવાનના નામે અઢળક પૈસા પોથી પર પણ યજમાન પાસે મુકાવ્યા. જેમ લગ્ન/પાર્ટી થીમબેઝ પર થાય છે તેવી જ થીમબેઝ ભવ્ય કથા કરી.આ ઉપરાંત એક દિવસ ધર્મગુરુને પણ બોલાવ્યા તો તેમને પગે લાગવા, દર્શન કરવા માટે લોકો પડાપડી કરતા હતા, પગે લાગી પૈસા ધરતા હતા અને ધર્મગુરુ પોતાના ફોનમાં બીજી જગ્યાએ આવી જ રીતે હાજર થવાની અપોય્મેટ આપી રહ્યા હતા.

    પડોશમા રેહતા મિત્રની વહુ જે માત્ર-૨૩/૨૪ વર્ષની છે તે એક ધર્મમાં બહુ માને છે, કોઈના ઘરનું ખાવા-પીવાનું નહિ, ફરવા જાયતો પણ ઘરેથી જ લઈને જાય. આ બધુતો હજુ ઠીક છે પણ તેમના ગુરુજી એકવાર બીમાર પડતા ૧૫ દિવસ દવાખાનામાં દાખલ કરેલા ત્યારે તેને તપ કર્યા, માત્ર ૧ જ સમય રોટલી અને દહીં ખાઈને. શું કોઈના આવા તપ કરવાથી કોઈ બચી જવાનું. અરે!અમને તો ડર હતો કે તેને દાખલ ન કરવી પડે.

    એક સહેલી ખાનગી કમ્પનીમાં ખુબ સારા હોદા પર હતી પણ એક દિવસ આ બધું છોડી એક પ.પુ. મહારજની શિષ્ય બની ગઈ અને હવે ત્યાં સેવા કરે છે. When I listen I shocked, that such a intelligent girl can take this kind of decision? But it’s true.

    Like

    1. દર્શનાજી
      બ્લોગની મુલાકાત અને સુંદર પ્રતિભાવ માટે આભાર ! વહેમો-બાધા-આખડીઓ અને સાધુ-સંતોના કહેવાતા ચમત્કારોથી સામાન્ય જન જ નહિ પરંતુ કહેવાતા અને દાવો કરતા ભણેલા અર્થાત ડીગ્રી વાળા લોકો પણ પ્રભાવિત થતા રહે છે અને પોતાની વિવેક બુધ્ધિ ગીરવે મૂકી દેતા જોવા મળે છે જે આપણાં સમાજની વરવી કરૂણતા અને વિટંબણા છે. ખેર ! મારો તો પ્રયાસ લોકોના માહ્લાલાને ઢઢોળવાનો છે સફળ થવાશે કે કેમ તેની કોઈ ચિંતા કર્યા સિવાય આ કાર્ય કર્યા કરું છું જેનો મને કંઈક કર્યાનો આત્મસંતોષ મળે છે. અસ્તુ ! આવજો ! મળતા રહીશું !
      સ-સ્નેહ
      અરવિંદ

      Like

  9. The wealth to “BABA” comes form the public only. these 121 crore ppl are responsible to give that much wealth to these babas. After getting some reasonable Bhaktgan, the politicians attracted, baba uses these political references for acquiring the illegal land and encroachment. And they grow like ‘varta ni rajkumari’

    Either these babas or politicians are made from these 121 ppl.

    Like

    1. ભાઈશ્રી રાજકુમાર
      આભાર બ્લોગની મુલાકાત અને સુંદર પ્રતિભાવ માટે ! ચાલો આવજો ! મળતા રહીશું !
      સ-સ્નેહ
      અરવિંદ

      Like

  10. મુરબ્બી,

    ચર્ચામાં લીધેલ વિષયનો ઝીણવટપૂર્ણ અભ્યાસ પ્રત્યેક વાકયમાં છલકાય છે તે કરતાં વધારે તમે અનુભવેલી વ્યથાએ મને આ પ્રતિભાવ આપવા પ્રેર્યો છે.

    કોની પાસે કેટલી સંપત્તિ કેમ, ક્યાથી અને કેવી રીતે આવી જેવા સવાલના જવાબ માંગનારા પાસે લાકડાની તલવાર છે અને જવાબ આપનારા એમને ભસતા કૂતરાથી વિશેષ ગણતાં નથી .. લખલૂટ સંપત્તિમાંથી બે ચાર હાડકાં મીડીયાને ચૂસવા નાખી દેવાથી 121 કરોડને મૂરખ બનાવવાનું કામ તેમને હવે ફાવી ગયું છે.

    જો આપણી તબિયત સારી હોય, શરીર મજબૂત હોય, મન મક્કમ હોય તો એકાદ બોમ્બ … ડીસ્કવરી ચેનલ પર એરક્રેશ ઇન્વેસ્ટીગેશન નામના કાર્યક્રમ જોઇને બનાવી લેવાય …

    બાકી … ફેસબૂક હોય, ગુજરાતી નેટલોગ હોય, કે વર્ડપ્રેસ હોય …. ગમે તેટલા જલદ લેખ લખાય પણ સાબિત અને પૂરવાર થયેલી શિક્ષિતોની નપૂ:સકતામાં હવે મર્દાનગી આવવાની કોઇ સંભાવના નથી.

    ખોટી … આશાએ નહિ જીવવું …. પણ જરૂર પડયે ગોડસે પણ બનવું પડે તો ય જરૂર તો એકાદ તમંચાની જ રહેવાની …. કલમની નહિ.

    અસ્તુ.

    Like

  11. ઘાટ ઘડિયા પછી નામરૂપ જૂજવાં, અંતે તો હેમનું હેમ હોયે.
    કાઈંક એવું જ છે. હવે વાલ્મીકિમાંથી ફરી વાલિયો નથી બનતો. હેમનુ હેમની જેમ વાલિયો વાલિયો જ રહ્યો!

    Like

    1. શ્રી દીપકભાઈ
      લાંબા સમય બાદ આપની બ્લોગ ઉપર પ્રતિભાવ સાથે મુલાકાત થઈ. આભાર. આપની વાત વાલીયો વાલીયો જ રહ્યો હવે વાલ્મીકી નહિ જ બને શું ? આપ કેમ નિરાશાવાદી સુર નિકાલો છો ? બનશે વાલીયામાંથી વાલ્મીકી અને નહિ તો શ્રી અખિલભાઈ, શ્રી હરનીશભાઈ શ્રી ભુપેંદ્રસિંહજી અને સાથે હું તો ખરો જ જે કાંઈ અમારાથી શકય હશે તે કરી છૂટવા પ્રયાસ કરતા રહેશું. ખેર ! આવજો ! મળતા રહીશું !
      સ-સ્નેહ
      અરવિંદ

      Like

  12. લોભિયા હોય ત્યાં ધૂતારા ભૂખે ન મરે એ સ્વક અનુભવમાંથી આવેલી પીડા છે હવે મુક્તિ, કેવી રીતે???
    જાતે પગમાં કુહાડો માર્યો હોય તો એ ઘા રુઝાય કેવી રીતે અને ક્યારે ???
    પ્રગતિ અને આવશ્યકતામાંથી જન્મેલાં દુષણો-પાશ્ચાત્ય સમાજમાં છે તેમ-સદાકાળ માટે ઘર કરી ગયાં છે.
    એને નાથવાનો નહીં છે ત્યાંથી આગળ વધવા ન દેવાનો યત્ન કરવો જોઈએ. પ્ર્જા પણ તકવાદી છે,ઘેટાંને
    જ્ઞાન ક્યાંથી હોય??

    Like

    1. ભાઈશ્રી હિમાંશુ
      આભાર મુલાકાત અને પ્રતિભાવ માટે ! આપ કહો છો તેમ હું એ દીશામાં થોડો પ્રયત્ન કરું છું. આવજો ! મળતા રહીશું !
      સ-સ્નેહ
      અરવિંદ

      Like

  13. અરે ! આ પ્રશ્ન ફક્ત ભારત માં જ છે એમ નથી,હવે તો પરદેશ માં પણ વાલિયા ની કોઈ કમી નથી,
    નિત નવા ઉભા થતાં મંદિરો માં પણ ધર્મ ના નામે ઉઘાડી લુંટ જ છે,
    ને નીતનવા ઉભા થતાં સમાજ, એની પણ કઈ વાત કવા જેવી નથી ,
    એટલે સફેદ કોલર માં છુપાયેલા શેતાન કયાં નથી,ધર્મ ને સમાજ ના નામે લુંટ ક્યાં નથી,
    પરદેશ માં વસતા એમ સમજે કે ચાલો ધર્મ સચવાશે ને બાળકો ને –
    ભારતીય સંસ્કૃતિ નું જ્ઞાનન મળશે, ને મંદિર માં બેઠેલા એમ વિચારે છે,
    બસ ધર્મ ના નામે થાય એટલો કરો પૈસો ભેગો,
    ના જરૂર છે પૈસા ની સંસ્કૃતિ સાચવવા, પણ સંસ્કૃતિ ના નામે લુંટ ના હોવી જોઈએ,
    અહિયાં એક મંદિર છે, ભગવાન ને પ્લાસ્ટિક ની પ્લેટ માં થાળ પીરસે છે ,એક ભક્તે,
    એની શક્તિ પ્રમાણે સ્ટીલ ના થાળી,વાડકો,ગ્લાસ આપ્યું તો મંદિર નો મહારાજ –
    કહેછે કે ચાંદી નો હોય તો આપો, ત્યારે થયું કે પ્લાસ્ટિક કરતા તો સ્ટીલ સારું છે ,
    ને બીજું એ ધર્મ ના ઠેકેદાર ને એ હક્ક પણ નથી કહેવાનો કે ચાંદી ના આપો.
    એટલે વાલિયા કયાં નથી તે કહેશો,
    વર્ષો પહેલા મારા દાદાના નાટક નું એક ગીત છે,

    દુનિયા પિતાનું ખેતર ફાવે ત્યાં ફરીલો,
    હાથે ચઢ્યું તે પારકું પોતાનું કરી લો …..સીમા દવે

    Like

    1. બહેન સીમા
      બ્લોગની મુલાકાત અને સુંદર પ્રતિભાવ માટે આભાર ! લોકોમાં રહેલી ચમત્કારો અને અંધશ્રધ્ધા દૂર થાય તેવા હેતુ સાથે મારો આક્રોશ વ્યકત કરતો રહુ છું તેવી ધારણા સાથે કે ક્યારે ક કોઈક એકાદ વ્યક્તિ ઉપર કંઈક તો અસર થશે તો મારો પ્રયાસ સફળ થયેલો માનીશ. બાકી તો વર્ષોના આવા સંસ્કાર જીન્સમાં ઉતરી ચૂક્યા છે તે સહેલાઈથી ના જ નીકળી શકે તેમ હું માનું છું. પણ તે માટે પ્રયત્ન નહિ કરવો તે ખોટું ગણાય તેમ પણ માનું છું. અને તેથી આવા લેખો બ્લોગ ઉપર મૂકયા કરું છું. ખેર ! આવજો ! મળતા રહીશું !
      સ-સ્નેહ
      અરવિંદ

      Like

  14. અંતમાં આ આધુનિક વાલ્મીકીઓને હવે પછી દાન કે ધર્મને નામે આમ જનતા કોઈ રકમ ભેટ ના ધરે ! જો દાન કરવાનું મન થાય તો આજુ-બાજુમાં વસતા કે સ્નેહી કે પરિવારના જરૂરિયાતવાળા સભ્યોને સહાય કરે તો તેનો યથાર્થ ઉપયોગ થયાનો સંતોષ પ્રાપ્ત થશે. ઉપરાંત મને તો શ્રધ્ધા છે કે આવા નિસ્વાર્થ અને નિષ્કામ કર્મથી પરમ કૃપાળુ પરમાત્મા પણ ખુશ થશે !

    હે, પ્રભુ ! અમોને આ આધુનિક વાલ્મીકીઓ થી બચાવ !!!

    Arvindbhaim
    I read your Post.
    I read the Responses so far.
    You talk of the Black Money of the Janta.
    You talk of the LARGE Amount of Money by Baba/Sadhu…and Mandiro.
    Shadadbhai linked ALL to LOBH.,,,,may be right, but did not go futher to give the SOLUTION.
    Is there a Solution ?
    Is ther going to a LOKPAAL Act ? Is that the Solution ?Even after the LOKPAAL Bill as a LAW, there will be many to BYPASS the Law.
    Do not hope for VALMKI of the Past to be REBORN…We all have to be VALMIKI from VALIA Avastha.
    Is it possible ?
    It is possible !
    A YUG had WORST times & no hope of the CHANGE..but the CHANGE did come when there were only DISPAIR. Hitlet is gone…Sadam is gone….may be another BUDHDHA or a KRISHNA will be there.
    May the MANDIRO use the WEALTH wisely..That will be the GREATEST SERVICE to HUMANITY…and the DEVTA ( GODS) in the MANDIRO will not the MURTIO but REAL GODS…and the PUJARIO are the REAL DEVOTEES of GOD !
    DR. CHANDRAVADAN MISTRY
    http://www.chandrapukar.wordpress.com
    Arvindbhai See you on my Blog !

    Like

    1. શ્રી ચંદ્રવદનભાઈ
      આભાર બ્લોગની મુલાકાત અને પ્રતિભાવ માટે ! આપની ઉકેલ સુચવવાની વાત વ્યાજબી હોવા છતાં મારી મજબુરી છે કે હું ઉકેલ સુચવી શકું તેટલો કદાચ પુખ્ત નથી. આ સમસ્યા મારા જેવા માટે હિમાલય જેવડી ગણાય. હું તો માત્ર મારાં દિલમાં જે વ્યથા થઈ રહી છે તે અત્રે વ્યકત કરી લોકોની લાગણીને ઢંઢોળવાનો પ્રયાસ કરું છું. સંભવા છે કે સફળતા ના પણ મળે પરંતુ મને આત્મ સંતોષ મળતો રહે છે. અસ્તુ ! આવજો ! મળતા રહી શું !
      સ-સ્નેહ
      અરવિંદ

      Like

  15. આદરણિય અરવિંદકાકા. ખુબજ સરસ લેખ.. જ્યાં સુધિ આ 25000 થી 30000 સંપ્રદાયો ને એક ન કરાય ત્યાં સુધિ આપણે એમજ લૂટાતા રહિશું.

    Like

    1. ભાઈશ્રી નીતિન
      આભાર બ્લોગની મુલાકાત અને પ્રતિભાવ માટે. ફરી પણ અનુકૂળતાએ મુલાકાત લેતા રહેશો. આવજો ! મળતા રહીશું !
      સ-સ્નેહ
      અરવિંદ

      Like

  16. ગઈ કાલે એક ચેનલ પર સમાચાર–ધતીંગ ચાલતું હતું જેમા કહ્યું હતું કે એક મહીના પછી નદીનું પાણી આકાશમાં ચડવાનું છે !! પ્રલય થવાનો છે.

    એમને ક્યાં ખબર છે કે આ ઉંધી પ્રક્રીયા આ દેશમાં ગાંધીના ગયા પછી સવળી પ્રક્રીયા જ ગણાય છે !! નાવમેં નદીયાં ડુબી જાય !

    Like

    1. શ્રી જુગલકિશોરભાઈ
      બ્લોગની મુલાકાત અને પ્રતિભાવ માટે આભાર ! આપની વાત ખરી છે ચેનલ વાળાઓ લોકોના માનસનું સાચી દીશા તરફ ઘડતર કે કેળવવાને બદલે ચમત્કારો અને અંધશ્રધ્ધા કેમ વધતી રહે તેવા વિષયો વધુ અને વધુ દર્શાવતા રહે છે.સંભવ છે કે આ ચેનલો વાળા અને સાધુ-સંતો વગેરેનું પણ સહિયારું ચાલતું હોય ! ખેર ! આવજો ! મળતા રહીશું !
      સ-સ્નેહ
      અરવિંદ

      Like

  17. પ્રિય અરવિંદભાઈ;
    પ્રેમ.
    ઉપરોક્ત વક્તવ્યો બોધમાંથી ઓછા અને ઈર્ષામાંથી વધુ જનમ્યા હોય તેવું લાગે છે. દરેક માણસ પોતાની જે આવડત હોય તે મુજબ ધન કમાય છે. આ પપૂધધૂ તમાર ખિસ્સામાંથી કેટલાં રુપિયા લઈ ગયા? કદાચ નહી જ લઈ ગયા હોય. જેમના ખિસ્સામાંથી લઈ ગયા છે તે બધા લોભિયા લોકોનો વર્ગ છે જે એક યા બીજા સ્વરુપે આવા બાબાઓ પાસે કાંઈક લાભ ખાટવા આવેલાં અને આ બાબાઓએ તેમને ઘાટમાં લીધેલાં છે. તમે રુપિયાના ચાર અડધા ગોતવા નીકળો અને પછી કોઈ ત્રણ અડધા ખોટાં ભટકાડી જાય તો દોષ કોનો? ત્રણ ખોટા ભટકાડે એનો કે રુપિયાના ચાર અડધા લેવા નીકળનારનો? આવા લોભિયા અને મુર્ખાઓ દુનિયાભરના ખુણે ખુણે ફેલાંયેલા છે અને ધુતારાઓ પણ. આ ચક્ર ને કોઈ રોકી નથી શક્યુ. તમે બાબાઓને ફાંસી આપશો તો ધુતારાઓ બીજા રુપો ધારણ કરશે. ધૂતારાના ધંધાને રોકવાનો એકજ ઈલાજ છે લોભમાંથી મુક્તિ. અને લોભ મુક્તિનો એક જ રસ્તો છે ધ્યાન. મારા ગુરુ કહેતાં,”સમસ્યા ચાહે કોઈભી હો ઈલાજ કેવલ એક હી હૈ, ઔર વહ હૈ ધ્યાન.”
    શેષ શુભ.
    પ્રભુશ્રિના આશિષ.
    શરદ.

    Like

    1. શ્રી શરદભાઈ
      બ્લોગની મુલાકાત અને પ્રતિભાવ માટે આભાર ! આપે કહ્યું કે,
      ” ધૂતારાના ધંધાને રોકવાનો એકજ ઈલાજ છે લોભમાંથી મુક્તિ. અને લોભ મુક્તિનો એક જ રસ્તો છે ધ્યાન. મારા ગુરુ કહેતાં,”સમસ્યા ચાહે કોઈભી હો ઈલાજ કેવલ એક હી હૈ, ઔર વહ હૈ ધ્યાન.”
      મને આપની વાત અત્યંત ગુઢ લાગે છે મારી સમજ બહાર જણાય છે. આપને મારી વાતમાં ઈર્ષ્યા જણાય તે વાત કાંઈ હજમ ના હુઈ ! બીજી વાત જો આપના ગુરૂ અને આપ કહો છો તેમ” સમસ્યા ચાહે કોઈ ભી હો ઈલાજ કેવલ એક હી હૈ, ઐર વહ હૈ ધ્યાન ! ” તો આપને અને આપના ગુરૂવર્યને દેશના લોકોને ધ્યાન કરતા શીખવવા કોણ રોકી રહ્યા છે ? માફ કરજો મને લાગે છે કે કદાચ આપને આ પ્રકારના મારા લેખે ધ્યાન ચ્યુત કર્યા છે. આપ દેશની સમસ્યા સુલઝાવવા ધ્યાનસ્થ થઈ જશો અને આવા લેખો તરફ ધ્યાન નહિ આપો તો પણ દેશનું હિત થશે તેમ નથી લાગતું ? અરે, મારા મિત્ર આ દેશના મોટા ભાગના લોકો ધ્યાનસ્થ થઈ ગયા છે તેમના આત્માને ઢંઢૉળવાનો મારો નમ્ર પ્રયાસ છે તેને યોગ્ય સંદર્ભ અને પરિપ્રેક્ષ્યમાં સમજવો રહ્યો. ખેર ! અલબત્ત આ તો સૌ સૌની પોતાની સમજ નો સવાલ છે. ! અસ્તુ !
      ચાલો આવજો ! મળતા રહીશું !
      સ-સ્નેહ
      અરવિંદ

      Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s