શ્રી અન્નાજીકી જીત-દેશકી આમ જનતાકી જીત બની રહી !!!

વ્હાલા મિત્રો અને વડિલો
જણાવતા આનંદ થાય છે કે શ્રી અન્નાજી કે જે જેઓ લોકપાલ બીલ લાવી ભ્રષ્ટાચાર ઉપર અંકુશ લાવવા કડક કાયદાની માંગણી સાથે ચાર દિવસ થયા અનિશ્ચિત ઉપવાસ નવી દિલ્હીના જંતર મંતર ખાતે ઉપર ઉતર્યા હતા અને સમગ્ર દેશમાંથી તેમના ટેકામાં જબર જસ્ત લોકો જુવાળ પેદા થયેલો આથી આખરે કેંદ્રસરકારને તેમની માંગણી સમક્ષ ઝુકી લોકપાલ બીલ ચોમાસુ સત્ર દરમિયાન લાવવાની ખાત્રી આપતા અને તે સંબંધે જે કમિટિ બનાવવાની માંગ હતી તે વિષે સરકારી ગેઝેટમાં નોટિફિકેશન પ્રસિધ્ધ કરતા શ્રી અન્નાજીએ અન્ય સમુદાય કે જે પણ તેમની સાથે ઉપવાસ ઉપર હતો તે સર્વેને લીંબુ પાણી વડે પારણા કરાવેલા અને પોતે પણ એક નાની બાળકીના હ્સ્તે પારણા કરતા આજ રોજ શનિવારના ઉપવાસ રાખવા મારાં બ્લોગ ઉપર મિત્રોને અરજ કરેલી અને સુંદર પ્રતિસાદ પણ મળેલો તો આપ સૌને હવે ઉપવાસ કરવાની આવશ્યકતા હાલ પૂરતી તો રહેતી નથી ભવિષ્યમાં ફરી જરૂરિયાત ઉભી થશે તો આપ સૌનો આવો જ લાગણી અને હુંફ ભર્યો પ્રતિસાદ મળી રહેશે તેવી શ્રધ્ધા સાથે જો કોઈએ પણ ઉપવાસ રાખ્યો હોય તો પારણૂં કરી લેવા વિનંતિ. આ સાથે જે થોડી વિગતો મીડીયા પાસેથી જાણવા મળેલ છે તે આપ સર્વેની જાણ માટે મૂકેલ છે. ફરીને આપા સર્વેને ખૂબ ખૂબ ધન્યવાદ !
સમાધાન વિષે સંક્ષિપ્તમાં માહિતિ આપી છે.
“ભ્રષ્ટાચાર વિરોધી કડક કાયદાની માંગણી સાથે સામાજિક કાર્યકર અણ્ણા હજારે નવીદિલ્હીના જંતર-મંતર ખાતે આમરણાંત ઉપવાસ પર ઉતર્યાં હતા. જેને વ્યાપક જનસમર્થન મળ્યું હતું. આથી, કેન્દ્ર સરકાર ઝુકી છે. વડાપ્રધાન ડૉ. મનમોહન સિંઘે જાહેરાત કરી છે કે, ચોમાસુ સત્ર દરમિયાન લોકપાલ બીલને લાવવામાં આવશે.

દરમિયાન આજે સવારે સ્વામી અગ્નિવેશને સરકારી અધ્યાદેશની નકલ આપવામાં આવી હતી.ત્યારબાદ જંતર-મંતર ખાતે ઉપવાસ રાખનારાં લોકોને પારણાં કરાવવામા આવ્યા હતા. અણ્ણાહજારેએ ખુદ તેમના પારણા કરાવ્યાં હતાં. ત્યારબાદ અણ્ણાએ પારણાં કર્યા હતા. એક બાળકીએ અણ્ણાને પાણી પાયું હતું. આ સમયે ઈશ્વર અલ્લાહ તેરો નામનું ગાન મંચ પરથી કરવામાં આવ્યું હતું. ત્યારબાદ હજારેએ સંબોધન કર્યું હતું. આ સમયેઆરટીઆઈ કાર્યકર્તા અરવિંદ કેજરીવાલ, કિરણ બેદી, મેધા પાટકર અને સ્વામી અગ્નિવેશ મંચપર હાજર હતાં.-
-અણ્ણા હજારેએ અનશન ખોલતાં ખુશી થઈ : ડૉ. મનમોહન સિંઘ

-ચોમાસુ સત્ર દરમિયાન લોકપાલ બીલને લાવવામાં આવશે

વડાપ્રધાને ખુશી વ્યક્ત કરી

વડાપ્રધાન ડૉ. સિંઘના કહેવા પ્રમાણે, અણ્ણા હજારેએ અનશન તોડવાનો નિર્ણય કરતાં તેમને ખુશી થઈ છે. બહાર પાડવામાં આવેલાં નિવેદન પ્રમાણે, ચોમાસુ સત્ર દરમિયાન લોકપાલ બીલ લાવવામાં આવશે. લોકપાલ બીલના ખરડાના આદેશની નકલ લેવા માટે સ્વામી અગ્નિવેશ જંતર-મંતરથી નીકળી ચૂક્યાં છે.

કપિલ સિબ્બલ પાસેથી સ્વામી અગ્નિવેશે આ નકલ મેળવી હતી. હવે, આદેશને સત્તાવાર રીતે બહાર પાડવામાં આવશે. સવારે સાડા દસ વાગ્યે અણ્ણા હજારે અનશન ખોલનારાં છે. તે પહેલાં અણ્ણા હજારે તેમની સાથે ઉપવાસ પર ઉતરેલાં તમામ લોકોને જ્યુસ પાઈને પારણા કરાવશે.

સમિતિ માટે સરકાર સહમત થઈ

ભ્રષ્ટાચાર વિરુદ્ધ શરૂ થયેલી ઝુંબેશના પ્રચંડ દબાણ હેઠળ આવી ગયેલી સરકારે આખરે અણ્ણા હજારેની તમામ માગ સ્વીકારી લીધી છે. એક મજબૂત લોકપાલ વિધેયકનો મુસદ્દો ઘડવા ૧૦ સભ્યોની સંયુક્ત સભ્યોની રચનાનો ઔપચારિક આદેશ બહાર પાડવાના મુદ્દે સંમતિ દર્શાવતા અણ્ણા શનિવારે તેમના ઉપવાસ છોડશે. બંને પક્ષો સંમત થતા આ જાહેરાત કરાઈ હતી.

છેલ્લા ચાર દિવસથી હજારે દ્વારા ચાલી રહેલા આમરણાંત ઉપવાસે સમગ્ર દેશને જગાડી દીધો હતો. વિજય મુદ્રામાં અણ્ણા હજારેએ કહ્યું હતું કે સરકારે તેમની તમામ માગ સ્વીકારી લીધી છે અને તેઓ શનિવારે ૧૦.૩૦ વાગ્યે ઉપવાસનો અંત લાવશે.

શનિવારે ૧૦ વાગ્યે અનશન તોડવાના નિર્ણય અંગે અણ્ણાએ જણાવ્યું હતું કે સરકારે તેમની સ્વીકારેલી માંગ અંગે સવારે આદેશ આવી જાય એટલા માટે આવો નિર્ણય લેવાયો છે. જ્યારે અણ્ણાને એવું પૂછાયું કે શું તેઓ અનશન તોડે પછી જ સરકાર તેમની માગણીઓ સ્વીકારશે તેવી કોઇ શરત મુકાઇ હતી કે કેમ? તો તેના પ્રત્યુત્તરમાં અણ્ણાએ કહ્યું કે જો સરકારે આવી કોઇ શરત મુકી હોત તો તેઓ અનશન તોડવાનો નિર્ણય જ ન લેત.

સરકાર તરફથી વાટાઘાટોનું નેતૃત્વ કરી રહેલા કેન્દ્રીય પ્રધાન કપિલ સિબ્બલે હજારેની જાહેરાતને આવકારીને તેમનો આભાર માન્યો હતો. શનિવારે આદેશ બહાર પાડી દેવાશે ત્યારબાદ હજારે તેમના ઉપવાસ છોડશે. તેમણે આને લોકશાહીનો વિજય ગણાવ્યો હતો. જ્યારે અણ્ણાએ જનતાનો વિજય ગણાવ્યો હતો. સરકાર તરફથી આ વાટાઘાટો માટે કપિલ સિબ્બલ, વીરપ્પા મોઇલી, સલમાન ખુરશીદ હાજર રહ્યા હતા.

જ્યારે અણ્ણા તરફથી સ્વામી અગ્નિવેશ, કિરણ બેદી અને અરિંવદ કેજરીવાલ હાજર રહ્યા હતા. નાણાપ્રધાન પ્રણવ મુખરજી આ સમિતિના ચેરમેન રહેશે. જ્યારે અન્ય સભ્યોમાં કાયદા પ્રધાન વિરપ્પા મોઇલી, ટેલિકોમ પ્રધાન કપિલ સિબ્બલ, ગૃહપ્રધાન પી. ચિદમ્બરમ્ અને જળ સંસાધન પ્રધાન સલમાન ખુરશીદનો સમાવેશ થાય છે. સિવિલ સોસાયટી તરફથી હજારી ઉપરાંત ખ્યાતનામ વકિલો શાંતિ ભૂષણ, પ્રશાંત ભૂષણ, સુપ્રીમ કોર્ટના નિવૃત્ત જજ સંતોષ હેગડે અને આરટીઆઇ ચળવળકાર અરિંવદ કેજરીવાલ હશે. પ્રશાંત ભૂષણ સમિતિના કો-ચેરમેન રહેશે.

સમજુતિ પ્રમાણે સરકાર નવું લોકપાલ બિલ સંસદના આગમી ચોમાસુ સત્રમાં રજુ કરશે. મોઇલી આ સમિતિના કન્વીનર હશે. ૩૦ જુન સુધીમાં મુસદ્દો ઘડવાનું કામ પુરું થઈ જશે ત્યારબાદ તેને કેબિનેટ મંજુરી મટે મોકલાશે. ચોમાસુ સત્ર જુલાઈ મહિનાના પ્રથમ સપ્તાહમાં શરૂ થાય તેમ મનાય છે.

શુક્રવારનો સમગ્ર દિવસ ભારે ગતિવીધીવાળો રહ્યો હતો. વડાપ્રધાન તથા કોંગ્રેસ પ્રમુખ સોનિયા ગાંધી વચ્ચે સતત અનેક બેઠકો યોજાઈ હતી. જોકે બંને પક્ષો ટસના મસ થતા ન હતા. સવારે હજારેએ સરકારની તમામ ઓફર ફગાવી દીધી હતી.

સમિતિમાં કોણ કોણ હશે ?

સિવિલ સોસાયટીના સભ્યો

-અણ્ણા હજારે
-શાંતિ ભૂષણ
-પ્રશાંત ભૂષણ (કો-ચેરમેન)
-ન્યા. સંતોષ હેગડે
-અરિંવદ કેજરીવાલ

સરકારના સભ્યો

-પ્રણવ મુખરજી (ચેરમેન)
-વીરપ્પા મોઇલી
-કપિલ સિબ્બલ
-પી. ચિદમ્બરમ્
-સલમાન ખુરશીદ”
શ્રી અન્નાજીકી જીત-દેશકી આમ જનતાકી જીત બની રહી !!!

શ્રી અન્નાજી આપ આગે બઢો હમ આપકે સાથ હે!!

ઈંકિલાબ જિદાબાદ !!! ભારતમાતાકી જય !!! જય હિન્દ !!!

Advertisements

8 comments

  1. અન્ના હજારેનાં વિજય પાછળ કોંગ્રેસની પોતાની ગરજ છે.. ચાર રાજ્યોની ચુંટણી પતે એટલે જોજો શાશક પક્ષ પોતાનાં અસલી રંગમાં આવી જશે. એવાં એવાં પેંતરા કરશે કે સૌને અંદરો અંદર લડાવીને લોક્પાલ બીલની અભરાઇ પર ચડાવી દેશે!!! તેમ છતાં અન્નાજી તમને સલામ!!!!!

    Like

    1. ભાઈશ્રી મુકેશ
      આપની વાત સાથે હું પણ શુર પુરાવું છું. આપે દર્શાવેલ ભય સીબ્બલના નિવેદનથી સાબિત થઈ રહ્યો છે. હજુ કમિટિની એક પણ મિટિંગ મળી નથી ત્યાં જ સરકાર વતી મુખ્ય વાટાઘાટ કરનારના આવા બેજવાબદાર નિવેદનો આવે તે જ આ સરકારની નિષ્ઠા દર્શાવે છે. અને વડાપ્રધાનશ્રી તો તેના જવાબમાં કહેશે મને કોઈ ખબર નથી મેં કોઈને આવા નિવેદનો કહેવા કહ્યું નથી. વાત પૂરી ! હવે તો તમામ જવાબદાર અધિકારીઓ/સત્તાધીશો માત્ર વડાપ્રધાનના જવાબનું અનુકરણ કરતા થઈ જાય તો આશ્ચર્ય નહિ થવું જોઈએ ! ખેર આપણે સૌ પ્રાર્થના કરીએ કે શ્રી અન્નાજીને સફલતા મળે ! અસ્તુ ! આવજો ! મળતા રહીશું !
      સ-સ્નેહ
      અરવિંદ

      Like

  2. સરસ સમાચાર. જાણીને આનન્દ થયો.
    જો કે, રાજકારણીઓની ૬૦ વર્ષની રીતરસમ જોતાં વિશ્વાસ બેસતો નથી.
    કદાચ આજની આ જોક એમને માટે વધારે યોગ્ય છે !!! –

    http://dhavalrajgeera.wordpress.com/2011/04/11/hundred-dollar-story/

    Like

    1. શ્રી સુરેશભાઈ
      આપની વાત સાથે હું સહમત છું વિશ્વાસતો કદાચ દેશના મોટાભગના લોકોને બેસતો નથી તેમ છતાં આશાનું એક કિરણ પ્રગટ્યું છે ભવિષ્યમાં તેમાંથી કદાચ ચીનગારી પણ પ્રગટી શકે તેવી ભરપુર સંભાવના રહેલી છે. ખેર ! વધારે આ વિષે લકહ્વાનો કોઈ અર્થ નહિ સરે તેમ માનું છું. આપે જે જોક લખી છે તે વાંચી આબેહુબ લાગુ પડે છે. આવજો ! મળતા રહીશું !
      સ-સ્નેહ
      અરવિંદ

      Like

  3. અણ્ણાજીએ પારણા કરતાંની સાથે જ કહ્યું છે કે ખરી લડાઈ તો હવે શરૂ થવાની છે ! લુચ્ચું શિયાળ ક્યારે શું કરી બેસે તે કહેવાય નહીં.

    નવનિર્માણ આંદોલનનો અંત કઈ રીતે આવ્યો હતો તે યાદ આવે છે ?! ઈન્દીરાજીએ ગુજ.ના કેટલાક ‘સારા’ માણસોને દિલ્હી બોલાવીને કશુંક પાઈ દીધું હશે તે વાત આખી ફરી ગઈ !!

    આ જોકે ૨૧મી સદી છે. ઈન્ટરનેટના યુવાનો કોઈને આડા હાલવા નહીં દ્યે એવી આશા.

    Like

    1. શ્રી જુગલકિશોરજી
      આપની તથા ઉપર શ્રી સુરેશભાઈ અને મુકેશભાઈની વાતો લગભગ એક સમાન છે અને હું પણ તેમાં મારો શુર પુરાવું છું.હા મને નવનિર્માણ આંદોલન અને અંત બધુ જ યાદ છે તેમ છતાં આજે સમય બદલાયો હોઈ કંઈક સારી આશા રાખીએ એ સિવાય તો આપણે વધારે કંઈ કરી શકીએ તેમ નથી. ખેર ! આવજો ! મળતા રહીશું !
      સ-સ્નેહ
      અરવિંદ

      Like

  4. અરવિન્દભાઈ,

    અન્ના હઝારે વિષેની પોસ્ટ વાંચી આનંદ થયો.

    એમની ભુખ હળતાલ વિષે મેં મારા બ્લોગ “ચંદ્રપૂકાર” પર પણ પોસ્ટ મુકી છે.

    તમોને તેમજ તમારા મહેમાનો સૌને વાંચવા આમંત્રણ છે.

    આશા છે સરકારની આંખ ખુલે અને “બીલ”નો કાયદો થઈ જાય.

    આવું કંઈ શક્ય થાય તો દેશને લાભ જ છે.

    મારા બ્લોગ પર પોસ્ટ વાંચવા માટેની “લીન્ક” છે>>>>>

    >>>્ચંદ્રવદન

    http://chandrapukar.wordpress.com/2011/04/09/%e0%aa%ad%e0%aa%be%e0%aa%b0%e0%aa%a4%e0%aa%ae%e0%aa%be%e0%aa%a4%e0%aa%be-%e0%aa%b0%e0%aa%a1%e0%ab%87-%e0%aa%9b%e0%ab%87-%e0%aa%95%e0%ab%87%e0%aa%ae-%e0%aa%86%e0%aa%9c%e0%ab%87/
    DR. CHANDRAVADAN MISTRY (Chandrapukar)
    http://www.chandrapukar.wordpress.com
    Arvindbhai, Thanks for your recent visit/comment on my Blog..Please do revisit !

    Like

    1. શ્રી ચંદ્રવદનભાઈ
      આભાર બ્લોગની મુલાકાત અને પ્રતિભાવ માટે પણ ! સમય અને અનુકૂળતાએ આપના બ્લોગની મુલાકાત લેતો જ રહું છું. સાચું કહુ મને કાવ્યોમાં જાજી સમજ નથી એટલે ક્યારેક કાવ્ય વાંચી લીધા બાદ શું પ્રતિભાવ લકહવો તેની સમજ ના પડે એટલે પ્રતિભાવ લખવાનું માંડી વાળવું પડે ! આવજો ! મળતા રહીશું !
      સ-સ્નેહ
      અરવિંદ

      Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s