મુબારક ભાગા !………….અબ મનમોહનકી બારી હે !!!

મુબારક ભાગા !………….અબ મનમોહનકી બારી હે !!!

પત્રકારો સાથે દેશના વડાપ્રધાનની વાતચીત ! ગઠ બંધન સરકારને સત્તા ઉપર ટકી રહેવા સમાધાનો કરવા મજ્બુરી હોય છે !!!
ભ્રષ્ટાચારીઓને છોડવામાં નહિ આવે ! હજુ મારે ઘણાં કાર્યો કરવાના હોય રાજીનામું નહિ આપું !!!

શાબાશ સરદારજી ! શાબાશ !!! આપ સરદાર જ છો તે પુરવાર કરી આપ્યું ! સત્તા મહત્ત્વની છે નહિ કે, દેશ કે દેશના લોકો ! દેશનું કે લોકોનું જે થવું હોય તે થાય સત્તા ટકી રહેવી જોઈએ ! સત્તા ટકાવવા અનૈતિક કે અનીતિ કરનારાઓની જાણ હોવા છતાં આંખ આડા કાન કરવાનું તો કોઈ આપની પાસેથી જ શીખે !

દેશના વડાપ્રધાને સ્વીકાર્યું કે ગઠબંધન ધર્મ નિભાવવાને કારણે તેમના હાથ બંધાયેલા હતા અને છે. ટેલીકોમ પ્રધાન રાજા મારી પસંદગી ના હતી. ડીએમકેના દબાણથી પ્રધાન બનાવવા પડેલા. એવું કહેવાય છે કે, વડાપ્રધાનને પ્રધાન પસંદ કરવાનો વિશિષ્ટ અધિકાર છે. અર્થાત IT IS HIS PREROGATIVE. તેમ છ્તાં પ્રધાનમંડળની રચના સમયે જ આ વડાપ્રધાને અન્ય કોઈના દબાણમાં આવી અર્થાત પોતાની ખુરશી/સત્તા જાળવી રાખવા રાજાને પ્રધાન બનાવ્યા. આ પ્રમાણિકતા કહી શકાય ? આવા લાચાર અને કોઈના દબાણ નીચે કાર્યરત વડાપ્રધાન આવતી કાલે ગમે તેવું દેશ વિરોધી કૃત્ય કરનારને પણ પનાહ આપી શકે છે .ગઠબંધન મજબૂરી હોઈ ગમે તેવા સમાધાન કરી શકાય ખરા ? ગઠબંધન પ્રથમ કે દેશ અને દેશના લોકોનું હિત ? અત્રે યાદ આવે છે કે સર્વોચ્ચ અદાલતે ગોદામમોમાં સડી રહેલા અનાજને ગરીબ લોકોને ઓછા ભાવે અથવા મફત વહેંચી દેવા આદેશ આપેલો અને તેના જવાબમાં વડપ્રધાને કહેલું કે નીતિ-વિષયક પ્રશ્નોમાં અદાલતે ચંચુપાત નહિ કરવો જોઈએ, અને ધરાર અનાજ સડી જવા દેવાયું, એ પણ ગઠબંધનની જ મજબુરી હોવી જોઈએ !

આ વડાપ્રધાન નિઃશંક કમજોર જ નહિ પરંતુ બાયલા અને કાયર, ઉપરાંત એક છૂપી મહત્વાકાંક્ષા ધરાવનાર એક નંબરના મીંઢા છે .મોટા સત્તા લાલચુ અને સ્વમાન વિહોણા છે. સત્તા માટે સ્વમાન ગીરો મૂકી શકનાર વડાપ્રધાનનું વ્યક્તિત્વ ખરા સ્વરૂપમાં હવે પ્રગટ થયું છે. એક સ્પષ્ટ શંકા પ્રેરે છે કે તેમની પાછળ કોઈ અન્ય વ્યક્તિ છૂપાયેલી હોવી જોઈએ અને તે તેમની કઠપૂતલીની જેમ તેમને નચાવે છે. અને મનમોહનજી હોંશે હોંશે નાચે છે. ક્યારેક તો એવી દહેશત પણ લાગે છે કે, તેઓ કોઈ વિદેશી સત્તાના એજન્ટ તો નહિ હોય ને ? સોનિયા ઈટાલીના છે હો !

દુનિયાભરના વડાપ્રધાનો કે સરમુખ્ત્યારોએ પણ તેમના જેવા વિધાનો કર્યાનું જાણ્યું નથી. સામાન્ય લોકોના હિત અને કલ્યાણ જાળવવાની આપની બેદરકારી-બેકાળજી કદાચ દુનિયાભરના ઈતિહાસમાં આપનું નામ રોશન ( ? ) કરશે !
નફ્ફ્ટાઈ-નાગાઈ અને નગુણા પણું આજ સુધી લોકોને એમ હતું કે તે તો શરદ પવારનો ઈજારો છે પણ આપે તે માન્યતા ખોટી પાડી અને ગુજરાતીમાં કહેતી છે તેમ જેવો સંગ તેવો રંગ તે ન્યાયે આપે તો શરદ પવારને પણ પાછળ રાખી દીધા અને આ નફ્ફ્ટાઈ-નાગાઈ અને નગુણા પણૂં તો કોઈ આપની પાસે જ શીખે !

આપે એમ કહ્યું કે ભ્રષ્ટાચાર કરનારને છોડવામાં નહિ આવે ! આપની આ વાત આપનો આત્મા પણ નહિ સ્વીકારે તો લોકો તો કેવી રીતે આપની વાત સ્વીકારશે ? કારણ સજા કરવામાં આપને ગઠબંધનનો ધર્મ અર્થાત મજબુરી આ માટે ફરી લાચાર બનાવી છોડી દેવા મજબુર કરશે જ કરશે ! તામિલનાડુમાં આવી રહેલી વિધાન સભાની ચૂંટણીઓ સમયે આપનું અર્થાત કોંગ્રેસ અને ડીએમકેનું જોડાણ અતુટ છે તેવી બંને પક્ષના સુપ્રિમોની જાહેરાતથી આપ અજાણ નહિ જ હો ખરું ને ?

આતંકવાદી હુમલા થાય કે અકસ્માતે લોકોના મૃત્યુ થાય ત્યારે આપ જેવા રાજકારણીઓ ઉંડૂં દુઃખ વ્યકત કરતા રહે છે અને આવા બનાવોને સખ્ત શબ્દોમાં વખોડી કાઢતા રહે છે તેવી જ કંઈક ઔપચારિકતા ગેરરીતિના આવા બનાવો વિષે ઉંડુ દુઃખ વ્યકત કરી જણાવ્યું હોય તેમ જણાય છે. ગેરરીતિ કે ભ્રષ્ટચાર અટકાવવા કે નાબુદ કરવા કોઈ નક્કર કે કઠોર પગલાં લેવાની જાહેરાત કરવામાં પણ કદાચ ગઠ્બંધનની મજબુરી નડી રહી હશે તેમ જણાય છે.

આર્થિક સુધારા વિષે બોલતા આપે જે ગુજરાતના એક મંત્રી વિષેનો ઉલ્લેખ કરી જે આક્ષેપ કર્યો તે આપનું વૈચારિક છીછરાપણૂં અને ભાજપ પ્રત્યેનો પૂર્વ ગ્રહ સ્પષ્ટ દર્શાવે છે. આના પ્રતિભાવમાં ન.મો. એ જણાવ્યું કે, આપે 2011ના વર્ષની મોટી જોક કરી છે તે સચોટ નિદાન છે ! એક વાત એ પણ યાદ રહે કે, જેપીસીની માંગણી માત્ર ભાજપની જ નથી પરંતુ સમગ્ર વિરોધ પક્ષની રહી છે. વળી કોંગ્રેસના નેતાઓ નાણાં પ્રધાન જેવા પ્રણવદા એમ કહેતા રહે કે જેપીસીની રચનાથી કોઈ વિશેષ અર્થ નહિ સરે તો આ માંગણી સ્વીકારી લેવી આપના અને આપના પક્ષના લાભ માટે જ છે તો તે માટે હિચકિચાટ શા માટે ? અમે લોકો તો એમ ધારીએ કે આ માંગણી સ્વીકારવાથી કોંગ્રસ અને અન્ય રાજકારણીઓની પોલ ખુલ્લી જવાનો ભય હોય સ્વીકારવામાં ગલ્લા તલ્લા થઈ રહ્યા છે.

આપના જ એક મંત્રી કહે છે કે સ્પેકટ્ર્મની ફાળવણીમાં રાષ્ટ્રને કોઈ નુકશાન થયું નથી તો રાજાને રાજીનામું કેમ અપાવ્યું ? સીબીઆઈ શા માટે તપાસ કરે છે અને હવે તો બિહાર જેલમાં પણ મોકલી આપ્યા છે તે રાજાને અન્યાય નથી ? આપના આ મંત્રીની રજુઆત પણ ગઠબંધનની મજબુરી છે કે શું ? અને આપે તો સ્વીકાર્યું જ છે કે આપ તો એક લાચાર વડાપ્રધાન છો !

મોંઘવારીના સંદર્ભમાં આપે કહ્યું કે સરકાર પાસે પૂરતા સાધનો નથી આ પહેલાં આપે શરદ પવારના શબ્દો ચોરી જણાવેલ કે, આપ કોઈ જ્યોતિષી નથી અને નાણાં પ્રધાને કહેલું કે તેમની પાસે કોઈ જાદુઈ ચિરાગ નથી ! અર્થાત આપ સૌ સરકારમાં સત્તાધીશો હોવા છતાં નપૂસંક છો તે સામાન્ય જન સમાજને હવે જાણ થઈ ! આપ સર્વે એટલા બેશરમ બની ચૂક્યા છો કે શરમ પણ શરમાય જાય ! આમ તો હાલના રાજકારણીઓ/સત્તાધીશોની ખરી ઓળખ આપવા માટે નવો શબ્દ કોશ સર્જવો પડે તેમ છે.

આપે એમ પણ કહ્યું કે નૈતિક્તાનું ધ્યાન રાખીએ તો દર છ મહિને ચૂંટણી કરવી પડે ! તો ભલે ને કરવી પડે માઈ-બાપ ! આમે ય સરકારી તીજોરી આપ અને આપના પ્રધાનો-અધિકારીઓ બેફામ લૂંટી તો રહ્યા જ છે તો જે રકમ છ મહિને ચૂંટણી માટે ખર્ચાશે તે આ લૂંટ કરતા તો અનેક ગણી ઓછી હોવાની અને તેથી આખરે તો દેશને લાભ જ થવાનો છે ! અને વળી અનૈતિક અને અનીતિવાન લોકોને રૂક જાવ નો એક સંદેશો પણ મળશે !

આપે એમ પણ કહ્યું કે આપને હજુ ઘણાં કાર્યો કરવાના બાકી હોઈ રાજીનામું નહિ આપો ! આ શબ્દો પણ સુચક અને ગર્ભિત સંદેશો આપે છે કે આ દેશને હજુ માત્ર અર્ધા જ ખાડામાં નાખ્યો છે પૂરો નાખી દીધા બાદ ઉપર માટી વાળી પૂરેપૂરો દાટી દીધા બાદ જ સત્તા છોડવાનો આપનો સંકલ્પ હોઈ શકે અને શક્ય છે કે આ પણ ગઠબંધનનો ધર્મ નિભાવવાની મજબુરી જ હોઈ શકે !

આપની આ નીતિ રીતિનું કારણ કદાચ આપની એવી માન્યતા હોઈ શકે કે, આ દેશના લોકો ક્યારે ય સામુહિક રીતે એકતા કેળવી બળવો પુકારે તેવા નથી. અહિંસા અને અન્યાય સહન કરવાની આ દેશના લોકોની અમર્યાદ સહન શક્તિએ આપને આવા બેજવાબદાર અને વડાપ્રધાનની ખુરશીને ના શોભે તેવા ઉચ્ચારણો કરવા લલચાવ્યા હોય તો પણ યાદ રાખજો આ દેશનો ઈતિહાસ આપને ક્યારેય માફ નહિ કરે. આપનું નામ કાળા અક્ષ્રરે ઈતિહાસમાં લખાશે ! વળી આ 21મી સદી છે અને દુનિયામાં જે બની રહ્યું છે તે ઈન્ટર નેટના માધ્યમથી સમગ્ર દેશ અને પરદેશમાં અતિ ઝ્ડપથી ફેલાઈ રહ્યું છે. ઈજીપ્તમાં જે બન્યું તે અહિ પણ બની શકવા સંભવ છે તે ભૂલશો નહિ ! લોક જુવાળ જાગશે જ તે નિઃશંક છે માત્ર સમયનો સવાલ છે. રખે એવા ભ્રમમાં રહેતા કે દેશના લોકોની અમર્યાદ સહન શક્તિ આ 21મી સદીમાં પણ ચાલુ રહેશે ! યાદ રહે કે જ્યારે પણ લોક જુવાળ જાગશે તો તે લોહિયાળ બનશે અને આપને કે સોનિયાજીને દેશ છોડવો પણ શક્ય નહિ રહે ! માટે દિવાલ ઉપર લખાયેલું વાચતા શીખો !

ગાંધીજીએ આપેલ સ્વતંત્રતાની લડત વખતે બ્રિટિશરોને ક્વીટ ઈંડિયા વિષે ના આદેશ આપતા કહેલું કે આ દેશ છોડી જાવ અમોને અમારી હાલત ઉપર છોડી અમારું જે થવું હોય તે ભલે થાય પણ આપ અહિંથી ટળો ! કંઈક એવું જ આવનારા દિવસોમાં ફરી આપને અને આપના માલિક સોનિયાજીને આ દેશના લોકો પાસેથી સાંભળવું ના પડે તે પહેલાં આપ સર્વે ટળો અને અમોને અમારી હાલત ઉપર છોડી દો ! ENOUGH ! ENOUGH ! YOU PLEASE QUIT !

આપ જાણો જ છો કે મુબારક ભાગ ગયા અને હવે શાયદ મનમોહન આપકી બારી હે !

Advertisements

4 comments

  1. આજના વડાપ્રધાન પ્રમાણિક છે,એવી છાપ છે. આમ છતાં તેમણે જવાબદાર વડાપ્રધાન તરીકે દેશ હિતમાં કામ કરવું જોઈએ. પક્ષ કરતાં દેશ વધુ અગત્યનો છે.
    પ્રવીણ શાહ

    Like

    1. ભઈશ્રી પ્રવીણ
      આપ બ્લોગ ઉપર પધાર્યા અને પ્રતિભાવ પણ આપ્યો આભાર ! મીડીયા વાળા વ્યક્તિઓની પ્રચાર દ્વારા ઉભી કરે છે તે મારા અને તમારા જેવા પ્રભાવિત થઈ સ્વીકારી લેતા હોય છે જ્યારે મોટે ભાગે આ માત્ર પ્રચારત્મક જ હોયા છે તે સમય જતા સમજાતું હોય છે. સ્વીકારી લીધું કે મનમોહનસિંઘ પ્રમાણિક છે પણ જે વ્યક્તિમાં સ્વમાન કે સ્વાભિમાન ના હોય તે વ્યક્તિમાં દેશાભિમાન તો ક્યાંથી પ્રગટ થવાનું ? દેશનો વડો જો કોઈનો હાથો બની રહે અને જવાબદારી પૂર્વક ના પગલાં લઈ શકે તો તે દેશ ખાડે જ જાય તે નિઃશંક વાત છે. દેશને જરૂર હોય છે નિર્ભય અને નિર્ણાયત્મક ખરા સમયે નક્કર અને જરૂર પડે તો કઠોર પગલા કોઈની શેહ શરમમાં આવ્યા વગર લઈ શકે તેવા મર્દોની ! મજબુર વડાપ્રધાન ખુરશી તો છોડી શકે ને ? કોંગ્રેસ તેમનો હથિયાર/હાથા તરીકે ઉપયોગ કરી રહી છે તેવું ના સમજી સમજી શકે તેટલી પણ બુધ્ધિ પ્રતિભા મનમોહનસિંઘ ધરાવતા નથી તે હું સ્વીકારવા તૈયાર નથી ! આતો જાગતો મૂતરે છે તેવો ઘાટ છે !

      Like

  2. માફ કરજો અરવિંદભાઈ!

    હું અહિયાં ઈજીપ્તમાં રહું છું. ભલે પાકો ગુજરાતી હોવ પણ આ દેશના નાગરિક તરીકે અને લોકોનો જ એક ભાગ હોવું મને ગર્વ છે. એટલુંજ કહેવું છે કે હોસ્ની મુબારક સાહેબ ક્યારેય ભાગ્યા નથી…એમને બેઈજ્જતીથી હઠાવવામાં આવ્યા છે. ૩૦ વર્ષની પ્રેસીડન્સીમાં એમને જે પણ કર્યું હશે એ તો એ ખુદ જાણે યા ખુદા જાણે. પણ મેં જોયું છે કે તેઓ ક્યારેય એક ભડવીર આર્મી ઓફિસરની છાજે પોતાની જવાબદારીથી વિમુખ થયા નથી અને દેશ માટે પહેલી ફિકર કરી છે. આ તો ‘So called sophisticated social media’ ના જોર હેઠળ એમને જવું પડ્યું છે.

    એજ રીતે મનમોહનસિંગ સાહેબનું પણ એજ મીડિયા એ બેકગ્રાઉન્ડ-બ્રાન્ડિંગ કરીને ઈમેજ બગાડવાની કોશીશ કરતાં રહી છે. બાકી ભારતને આજે આવા એક સજ્જન વડાપ્રધાન મળ્યા હોવાનું ખરું ગર્વ હશે જ. શું ભારતે ગરીબીના ચિત્ર હેઠળ માત્ર વગોવણી લીધી છે?..ના સાહેબ ના…અહિયાં પણ અમને ‘હિંદીઓ’ ને આજે એટલુજ માન મળતું રહ્યું છે. કેમ કે હિન્દુસ્તાન અને હિન્દુસ્તાનીઓ માટે એમને ઘણી સારી લાગણી છે.

    Like

    1. મુર્તુઝાભાઇ,

      હોસ્ની મુબારક 30 વર્ષથી શાસન કરતા હતા. એમ્ના વિશે હુ કઇ જાણતો નથી. પણ જે માણસ આટલા વર્ષ શાસન ચલાવે છે તેને મિડિયા બદનામ કરે એ કઇ મનમા બેસતુ નથી.
      On the contrary, he must have controlled media for 30 years.

      મનમોહનસિઁઘ વ્યક્તિગત રીતે પ્રમાણિક હોઇ શકે પણ એમના રાજમા સ્કેમ કેટલા થયા છે.

      મારા ધ્યાન મુજબ કોઇ પણ મિડિયા ગ્રુપે આટલા બધા સ્કેમ્સ છતા સવાલ કર્યા નથી. એથી આગળ જઇ એમને સજ્જ્ન નેતાનુ સર્ટિફિકેટ આપે છેૢ. માત્ર પ્રજા (જે થોડુ જાણે છે એ) સમજે છે કે આ લોકો બધા ભ્રષ્ટાચારમા પી.એચ.ડી કરેલા છે. મીડીયાવાળાઓને પૈસા મળે છે પ્રજાને બેવકુફ બનાવવા અને પ્રધાનમંત્રિને સજ્જનતાનુ સર્તિફિકેટ અપાવવામા.

      ઘરમા ચોરી થાય અને ચોકીદાર સજ્જન હોય તો પણ જવાબદાર કોણ?

      Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s