સુરતના સવાણી પટેલ પરિવારનો 251 દેહદાન માટેના સંકલ્પનો સ્તુત્ય-સરાહનીય અને અનુકરણીય અનોખો ઉત્સવ !

સુરતના સવાણી પટેલ પરિવારનો 251 દેહદાન માટેના સંકલ્પનો સ્તુત્ય-સરાહનીય અને અનુકરણીય અનોખો ઉત્સવ !

જીવતા જીવ આપણે સમાજની સેવા કરીએ તે પ્રશંસનીય છે પણ મૃત્યુબાદ આપણું શરીર, મેડીકલનો અભ્યાસ કરતા વિધ્યાર્થિઓને અભ્યાસ માટે ઉપયોગી થાય; શરીરની રચના અને તેમાં થતા વિવિધ પ્રકારના રોગો અંગે નવા સંશોધન દ્વારા નવી દિશા પણ મળી શકે અને તે માટે વધુ અને વધુ વ્યક્તિઓ નેત્રદાન ઉપરાંત દેહદાન કરવા પણ આગળ આવે તે ખૂબ જ જરૂરી છે. સમય સાથે તાલ મીલાવતા નેત્રદાન કરનારી વ્યક્તિઓ સારી એવી સંખ્યામાં હવે મળતી થઈ છે. જ્યારે હજુ દેહદાન માટે વ્યક્તિ તૈયાર થતા હિચકિચાટ અનુભવે છે. પરિવારના સભ્યો પણ આ માટે કેટલીક વાર અવરોધ ઉભો કરતા જોવા મળે છે. પરિણામે મેડીકલના અભ્યાસ માટે ડેડબોડી અર્થાત મૃતદેહની અછત વર્તાતી હોય છે.

ઉપરાંત આપણાં દેશમાં સામાન્ય રીતે હ્ર્દય બંધ પડયા બાદ જ વ્યક્તિનું મૃત્યુ થયેલું ગણવામાં આવે છે જ્યારે વિદેશમાં બ્રેઈન ડેડ થતાં મૃત્યુ થયેલું ગણાય છે. બ્રેઈન ડેડ થયા બાદ જો તુરત જ મૃતકના કેટલાક અંગો કાઢી લઈ જરૂરિયાત વાળાના શરીરમાં પ્રત્યારોપણ કરવામાં આવે તો તેવી વ્યક્તિને નવજીવન પ્રાપ્ત થઈ શકે. આવા કિસ્સાઓ આપણં દેશમાં અકસ્માત મૃત્યુ થતાં બનતા રહે છે પરંતુ આ વિષે લોકોમાં પૂરી જાગૃતિ કે સમજ નહિ હોવાથી મૃત્કનો અગ્નિ સંસ્કાર કરી નાખવામાં આવતો હોય છે. આ વિષે પણ લોકોમાં જાગૃતિ અને સભાનતા કેળવવી જોઈએ !

દેહદાન વિષે સભાનતા કેળવવા સવાણી પરિવારે સુરતના પાલીતાણાના રાણાપરડા ગામે અનોખો કાર્યક્રમ યોજેલો ત્યારે સવાણી પરિવારના મોભી અને સામાજિક અગ્રણીશ્રી વલ્લભભાઈ સવાણી અને તેના લઘુ બંધુ માવજીભાઈ સવાણીની વતન અને સમાજ પ્રત્યેનું ઋણ અદા કરવાના અને અન્ય વ્યક્તિઓને પ્રેરણા પૂરી પાડવાના આ કાર્યક્ર્મમાં દેહદાનનું મહત્વ સમજાવતા જણાવેલ કે, સવાણી પટેલ પરિવારની ઓછામાં ઓછી 51 વ્યક્તિઓ આ સમારંભ દરમિયાન જ દેહદાન માટે સંકલ્પ કરશે તેવી આશા વ્યકત કરેલી અને તેના પ્રત્યુતરમાં 251 વ્યક્તિઓએ દેહદાન કરવાનો સંકલ્પ જાહેર કર્યો અને આ માટે સમાજને અનોખો રાહ દર્શાવી રહ્યો જે સરાહનીય અને પ્રશંસનીય તો છે જ પણ સૌ માટે અનુકરણીય પણ બની રહેવો જોઈએ !

આ સમારંભમાં નવ તાલુકાના તેમજ 26 ગામના 251 વ્યક્તિઓએ દેહદાન કરવાનો સંકલ્પ કરેલો અને મૃત્યુ પછીની ક્રિયા સ્વરૂપે જીવતું જગતિયું કરીને નવો જ ચીલો પાડીને ઈતિહાસ સર્જ્યો હતો. આ 251 સંકલ્પ કરનારાઓમાં 22થી 80 વર્ષની ઉમરની વ્યક્તિઓનો સમાવેશ થાય છે.આ પ્રકારનું કાર્ય-સંકલ્પ કદાચ સમગ્ર દેશમાં પહેલીવાર થયું છે. સમગ્ર પરિવાર અભિનંદનનો અધિકારી છે.

એકી સાથે 251 વ્યક્તિઓ દેહદાનનો સંકલ્પ કરે તેની નોંધ લીમ્કા બૂક ઓફ રેકોર્ડમાં પણ લેવાય તેવી સંભાવના છે કારણ કે આ સમગ્ર કાર્યક્રમ જ રેકોર્ડ બ્રેક છે.

આ ઉપરાંત આ પ્રસંગે સવાણી પરિવાર અને રાણાપરડા ગામના તમામ જ્ઞાતિના લોકો માટે સામાજિક શૈક્ષણિક અને આરોગ્ય ક્ષેત્રની સહાય અર્થે રૂપિયા પાંચ કરોડના દાનની પણ જાહેરાત કરવામાં આવી હતી.

આ ઉમદા કાર્ય થકી સમાજને નવી દિશા આપવા બદલ અભિનંદન ! આવા પ્રગતિશીલ વિચારો દ્વારા જ સમાજ વ્યવસ્થામાં આમૂલ પરિવર્તન લાવી શકાય ! કહેવાતી અને પોતાને ઉચ્ચ જ્ઞાતિ સમજનારાઓ માટે સવાણી પરિવારનું આ પગલું આ દિશામાં વિચાર કરવા પ્રેરણા આપશે તેમ ધારું છું. ઉપરોક્ત તમામ સંકલ્પો અને નિર્ણયો માત્ર ઉદાહરણીય જ નથી અનુકરણીય પણ છે.

અન્ય જ્ઞાતિઓએ ધડો લેવા જેવા અને સ્વીકારવા જેવા ખાસ કરીને ઉચ્ચવર્ગની જ્ઞાતિ હોવાનો દાવો કરતી અને જે અસંખ્ય વાડાઓમાં માત્ર વ્યક્તિગત અહમના ટકરાવ ને કારણે અને નજીવા વાદ વિવાદને કારણે વિભાજીત થયા જ કરે છે તે સૌએ ફેર વિચારણા કરી એકતા સ્થાપવાની સમયની માંગને સમજવાની. અને સમય સાથે તાલ મીલાવી આવા પ્રગતિશીલ વિચારોનો સંદેશો છેવાડાની વ્યક્તિ સુધી પહોંચાડી સભાનતા કેળવવી જરૂરી ગણાય ! સવાણી પટેલ સમાજને તેમના પ્રગતિશીલ અને પરિવર્તન સમય પહેલાં જ પારખી સ્વીકારનાર સમગ્ર સમાજના હિત અને કલ્યાણ માટે સતત પ્રવૃતિમય રહી સમાજને સાચી ટ્રેક ઉપર દોરી જવા સમાજના મોભી એવા અગ્રણીઓને ખૂબ ખૂબ ધન્યવાદ !!!!

અત્રે મારા સંકલ્પ વિષે જણાવું તો અસ્થાને નહિ ગણાય. મેં મારો દેહદાન માટેનો, તથા આકસ્મિક મૃત્યુ થાય તો, અને ડૉક્ટરના અભિપ્રાય મુજબ બ્રેઈન ડેડ થયું જણાય તો, મારાં શરીરના જે કોઈ અંગ-ઉપાંગો અન્ય કોઈને ઉપયોગી થઈ શકે તેમ હોય તો, તેવી વ્યક્તિને સમર્પિત કરી દેવા અંગેનો સહમતી પત્ર અમારા શહેરમાં આવેલી એમ.પી.શાહ મેડીકલ કોલેજમાં સપ્ટે. 2004માં આપી રાખેલ છે તેમજ આ વિષે મારાં પરિવારના સભ્યોને પણ જાણ કરેલી છે.

અંતમાં એક નાનું એવું સુચન કરવાની લાલચ થાય છે. સવાણી પટેલ સમાજે દેહદાન સાથે અનેક અનુકરણિય સંકલ્પોં કર્યા છે તેની સાથે જો—

( 1 ) જે કોઈ વ્યક્તિ સવાણી પટેલ સમાજની ખાધ્ય કે પેયના ઉધ્યોગમાં પ્રવૃત હોય તે કોઈ પણ સંજોગોમાં આ ખાધ્ય કે પેય ચીજ-વસ્તુમાં કોઈ પ્રકારની ભેળ્-સેળ નહિ કરે અને તોલ-માપમાં પણ છેતરપીંડી નહિ કરે !!!

( 2 ) કોઈ પણ જગ્યાએ –પોતાના ઘર સહિત ક્યાંય પાણીનો કોઈ બગાડ નહિ કરે અને કરતાં હશે તેમને સમજાવી બગાડ અટકાવવા પ્રયત્ંશીલ રહેશે. પોતાની ગંદકી બાજુમાં-પડોશમાં ઠાલવી પોતાનું આંગણું સાફ નહિ રાખે ! પાન કે ગુટકા ખાઈ ગમે ત્યાં રસ્તા ઉપર કે કોઈપણ જ્ગ્યાએ પીચકારીઓ નહિ મારે !! અર્થાત કોઈ પ્રકારની ગંદકી કરશે નહિ અને ગંદકી થતી અટકાવવા સક્રિય રીતે સહયોગ આપશે !!!

( 3 ) સગીર બાળકને વાહન ચલાવવા આપશે નહિ કે લાયસંસ વગર પુખ્ત વયના બાળકોને પણ વાહન ચલાવવા રજા નહિ આપે ! પુખ્ત વયના અને લાયસ્નસ ધરાવનારા બાળકો પણ વાહન-વ્યવ્હારના નિયમોનું પાલન કરતા રહેશે. આ સંકલ્પતો પુખ્તવયના તમામ યુવાનો/યુવતીઓ પાસેથી વ્યક્તિગત લઈ શકાય !!!

ઉપરોક્ત દર્શાવેલ ત્રણ સંકલ્પો દેહદાનના સંકલ્પો સાથે જોડી દેવામાં આવે અને અમલી બનાવવાની નિષ્ઠા પૂર્વક હાકલ કરવામાં અવે તો સોનામાં સુગંધ મલ્યા જેવું થાય અને આ સવાણી પટેલ સમાજ વાસ્તવમાં સમાજના અન્ય ભાગ માટે ખરા અર્થમાં મશાલચી બની રહેશે !!

અંતમાં ફરી ફરી ધન્યવાદ અને સાથે અહિ કરેલા સુચનો વિષે ગંભીરતાથી વિચારવા વિંનતિ !!! અસ્તુ !

Advertisements

4 comments

  1. આદરણીય અરવિંદ કાકા,

    સવાણી પરિવારનું ૨૫૧ સભ્યોના દેહદાન નું પગલું સમગ્ર ભારતમાં એક

    નવીન જાગૃતિ પેદા કરશે અને આ એક ઐતહાસિક ઘટના બનશે.કેમકે એકલ

    દોકલ આવી ઘટના બનતી પણ એક જ મંચ પરથી આવડા મોટા પ્રમાણમાં

    આવો સંકલ્પ થાય તે અંત્યંત આનદના વાત કહેવાય. આપે લેખ દ્વરા આ વાત

    ગુજરાતી બ્લોગરોને મૂકી તે બદલ આપને ધન્યવાદ.

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s