“ ભાજપની કાશ્મીર ત્રિરંગા યાત્રા vis-à-vis વામણા અને ડફોળ કોંગ્રેસી વ્યુહબાજો !!!”

“ ભાજપની કાશ્મીર ત્રિરંગા યાત્રા vis-à-vis વામણા અને ડફોળ કોંગ્રેસી વ્યુહબાજો !!!”

ભાજપે કાશ્મીરમાં શ્રી નગરમાં લાલ ચોકમાં 26 જાન્યુઆરી 2011ના પ્રજાસત્તાક દિને ત્રિરંગો ફરકાવવાની લાંબા સમય પહેલાં ઘોષણા કરેલી અને જે સમાચાર તમામ મીડીયાઓએ પ્રસિધ્ધ પણ કરેલા. તેના સંદર્ભે કાશ્મીરના ગાદી પતિ અને રાહુલ ગાંધીના મિત્ર ઓમાર અબ્દુલ્લા દિલ્હી દોડી આવેલા અને દિલ્હી દરબારમાં ગૃહપ્રધાન તથા વડાપ્રધાન સાથે આ સ્થિતિનો સામનો કરવા વ્યુહ વિચારવા વિચાર ગોષ્ઠિ કરેલી. ઓમારે ત્રિરંગો કાશ્મીરમાં ફરકાવવામાં આવશે તો હાલ પ્રવર્તતી શાંતિ જોખમાસે તેવી દહેશત વ્યકત કરેલી. આજ ઓમાર જો કાશ્મીરમાં પાકિસ્તાની ધ્વજ ફરકાવાય તો ક્યારેય ચિંતા કરતા હોવાનું જાણવા મળતું નથી.

કોંગ્રેસે પણ ભાજપની આ ત્રિરંગા યાત્રાને રાજકીય ગણાવેલી અને શાંતિ ના જોખમાય માટે આ ત્રિરંગો ફરકાવવાનો કાર્યક્રમ બંધ રાખવા ભાજપને જણાવેલું. તેમ છતાં ભાજપ પોતાના નિર્ણયમાં અડગ અને મક્ક્મ રહેતા જાહેર કરેલું કે, કાશ્મીર ભારતનો જ એક ભાગ છે અને ત્યાં ત્રિરંગો ફરકાવવો તે કોઈ દેશ વિરુધ્ધની પ્રવૃતિ કે ગુન્હો નથી

આથી ઓમારની વિનંતિથી દેશના ગૃહપ્રધાન તથા વડાપ્રધાનશ્રીએ પણ કાશ્મીરમાં પ્રવર્તતી શાન્તિ ના ડહોળાય તે માટે ભાજપને આ યાત્રા અને ધ્વજ ફરકાવવાનું બંધ રાખવા જણાવેલું. જેનો ભાજપે ઈંકાર કરી પોતાના દ્રઢ નિર્ધાર અને ઈરાદાની જાહેર કરતા કહેલું કે, અમારા દેશમાં અમને અમારો ત્રિરંગો ફરકાવવા કોઈ તાકાત રોકી નહિ શકે અને આ યાત્રા બંગાલમાંથી ચાલુ થયેલ અને તમામ રાજ્યોમાંથી અસંખ્ય સ્વંય સેવકો આ યાત્રામાં જોડાવા ઉમટી પડેલ.

આ યાત્રાળૂઓને રોકવા/અવરોધવા પોલીસ ફોર્સ- અર્ધ લશ્કરી ફોજ અને આખરે ફોજને કાશ્મીર જતા તમામ માર્ગો બંધ કરવા કામે લગાડેલ ! મેરા ભારત મહાન ( ! ? ! )

ભાજપના મુખ્ય નેતાઓની એર પોર્ટ ઉપર જ પ્રથમ અટકાયત કરવામાં આવેલી, અને બાદમાં ધરપકડ કરવામાં આવેલી જે સ્પષ્ટ સાબિત કરે છે કે, કોંગ્રેસના તથા સરકારમાં સર્વોચ્ચ સ્થાને બેઠેલા તમામ નેતાઓ પોણીયા-તાણી કાઢેલા અને કાયર છે !

એક વધુ વાર પુરવાર થયું કે, કોંગ્રેસી વ્યુહબાજો માત્ર વામણાં જ નથી ડફોળ પણ છે. ભાજપની ત્રિરંગા યાત્રાની જાહેરાતની પ્રતિક્રિયામાં વિના વિલંબે તુરત જ જેનો વારંવાર ઉલ્લેખ દેશના ભાવિ વડાપ્રધાન તરીકે કરવામાં આવે છે તેવા રાહુલબાબા કે જે ઓમારના અંગત મિત્ર પણ હોવાનો દાવો કરે છે ( અને રાહુલબાબા સાથેની મૈત્રીના બદલામાં કાશ્મીરના મુખ્ય પ્રધાનની ગાદી દીપાવી રહ્યા છે ‌) રાહુલબાબાની સરદારી નીચે કોંગ્રેસ કાશ્મીરના શ્રી નગરમા ત્રિરંગા સાથે ધ્વજ વંદનનો કાર્યક્રમ યોજી રહી છે તેવી જાહેરાત કરી હોત તો, તે જ ક્ષણે ભાજપાના સઢમાંથી હવા નીકળી જાત !

આમે ય તે રાહુલબાબા દેશના ભાવિ વડાપ્રધાન તરીકે ઓળખવાય રહ્યા જ છે, ત્યારે કાશ્મીરના શ્રી નગરમાં પ્રજાસત્તાક દિને રાહુલજીએ ત્રિરંગો ફરકાવી ધ્વજ વંદન કર્યું અને કરાવ્યું હોત તો, તેમની ભાવિ વડાપ્રધાન હોવાની જાહેરાતને ચાર ચાંદ લાગી ગયા હોત ! અને રાહુલ ગાંધીનો દેશભરમાં જય જય કાર થાત અને આ દેશના વડાપ્રધાન થવા તેઓ લાયક અને યોગ્ય છે તે નિઃશંક પણે આપોઆપ સ્થાપિત થઈ ગયું હોત. જનતા જનાર્દને તેઓને ખભે ચડાવી દેશભરમાં ઘુમાવ્યા હોત !

એક વાત સ્પષ્ટ રીતે, રાહુલબાબા સહિત કોંગ્રસના કહેવાતા ચાણક્યો અને વ્યુહ બાજોએ સમજી લેવાની જરૂર છે કે, માત્ર મુંબઈની લોકલ ટ્રેઈનમાં મુસાફરી કરવાથી કે, ગરીબો ના ઘરે ભોજન કે રાતવાસો કરવાથી કે, આદીવાસીઓની જમીન તેમના આંદોલન બાદ, પર્યાવરણને પ્રદૂષિત કરનારા ઉધ્યોગને ત્યાં ઉધ્યોગ સ્થાપવાની રજા આપવામાં ના આવે અને તેનો યશ રાહુલને ચોપડે જમા કરાવવાથી દેશના વડાપ્રધાન થવાની કાબેલિયત પુરવાર થતી નથી. દીન દુખીયારા તરફ નાટકીય હમદર્દી કે સંવેદના શાબ્દિક રીતે દર્શાવવાથી પણ વડા પ્રધાન થવાની યોગ્યતા સાબિત ના થઈ શકે.

જો ખરા અર્થમાં રાહુલને દીન દુખિયા તરફ સહાનુભુતિ હોત તો કેરાલામાં સાબરીમલના અકસ્માત સમયે કે, જેમાં અંદાજે 110 વ્યક્તિઓના મોત થયેલા અને અનેક ઘાયેલ થયેલા ત્યારે આ જ સમયે રાહુલબાબા સાબરીમલથી માત્ર 70 કીલો મીટરની દૂરી ઉપર કુમારકોમમાં બેંકવોટરમાં કોઈ મિત્રના વિવાહની પાર્ટીમાં માછલી-પરોઠા અને બાસુંદીનું જમણ માણી રહ્યા હતા. આ બનાવ 14 જાન્યુઆરીને શુક્ર્વારને સંક્રાતને દિવસે બનેલો જ્યારે રાહુલબાબા કુમારકોમમાં રવિવાર સુધી રોકાયેલા હોવા છતાં અને આ સમાચાર મળતા જ આ મૃતકો અને ઘાયલ લોકોના સગાં-વહાલાને સાંત્વના/આશ્વાસન આપવા દોડી ગયા હોત પણ આ ગરીબો પ્રત્યે હમદર્દી કે સહાનુભૂતી તો માત્ર રાજકીય માઈલેજ મેળવવા- LEAP SEMPATHY -જ છે તે પુરવાર થયું કારણ કે, દુઃખની વાત તો એ છે કે, આ મિજબાની માણી લીધા બાદ બે દિવસ રોકાવા છતાં પણ તેઓએ તે સ્થળ કે લોકોને મળવા કોઈ દરકાર કરી નહિ હતી.

આ પહેલાં યાદ કરો એ કરૂણ અને ભયાનક દિવસ 26/11 નો મુંબઈ ઉપર થયેલા આતંકવાદીના હુમલાનો ! આ હુમલાના બીજે દિવસે સમગ્ર દેશ એક આઘાત ભરી પીડા અનુભવી આંસુ સારી રહ્યો હતો ત્યારે આપણાં આ યુવરાજશ્રી દિલ્હીથી થોડે જ દૂર એક સ્થળે મિત્રો સાથે પાર્ટી મનાવી રહ્યા હતા. મુંબઈ જઈ ઘાયલોની ખબર-અંતર પૂછવાની કે કોંગ્રેસ સરકારની આવી ભયંકર બેદરકારીનો જવાબ મેળવવાની અગત્ય કરતાં દિલ્હીની પાર્ટી તેમનામાટે અગત્યની બની રહેલી !

રાહુલબાબાના આવા સંવેદન હીન વર્તન છતાં જો કાશ્મીરના શ્રીનગરમાં ત્રિરંગાનું પ્રજાસત્તાક દિને ધ્વજ વંદન કરાવ્યું હોત તો આપણાં દેશના લોકો અતી દયાળુ અને ક્ષમા શીલ હોઈ રાહુલબાબાના લાગણી અને સંવેદનહીન વર્તન ભૂલી માફ કરી દીધા હોત અને ખભે ચડાવી ભાવિ વડાપ્રધાન તરીકે સ્વીકૃતિ આપી દીધી હોત ! સમગ્ર દેશ રાહુલનો જય જય કાર પોકારતો હોત ! તો સામી બાજુ ભાજપને આવનારા 10 વર્ષ સુધી સત્તાના માત્ર સ્વપ્ન જોતો કરી દીધો હોત ! પરંતુ મને કહેવા દો કે, આવા પડકાર જીલવાની હિમત માત્ર ઈંદીરાજીમાં હતી અને મારી યાદ દાસ્ત દગો ના દેતી હોય તો, ગુજરાતના ત્યારના સાંસદ શ્રી પીલુ મોદીએ લોકસભામાં એક વાર કહેલું કે, આ ગૃહમાં જો કોઈ મર્દ હોય તો તે ઈંદીરાજી છે. અને બાજપાઈએ પણ બંગલાદેશના યુધ્ધ બાદ તેણીને દુર્ગા માતાજી કહેલા !

આવું કૌવત કે હિમત રાહુલબાબા ધરાવતા નથી તે ખરા અર્થમાં સાબિત થયું કારણ કે, કાશ્મીરના શ્રી નગરમાં ધ્વજ વંદન કરવાની ના તેઓએ હિમત દાખવી કે ના ભાજપને કરવા દીધું કે નથી વડાપ્રધાનના આવા બેહુદા નિર્ણયની રાહુલબાબાએ કોઈ આલોચના કરી ! આમ દેશનું એક રાજ્ય પ્રજાસત્તાકને દિને ધ્વજ વંદન કર્યા વગરનું રહ્યું. પરંતુ આ માટે નથી કોઈ જાતની શરમ વડાપ્રધાનને કે નથી કાશ્મીરના મુખ્ય પ્રધાનને કે નથી કોંગ્રેસના સર્વે સર્વા સોનીયાજી ને ! ( મેરા ભારત મહાન )

Advertisements

3 comments

  1. આદરણિય અરવિંદ્કાકા ……..રાહુલ વિશે આપનો ઉકળાટ બિલકુલ યોગ્ય છે.. મે અગાઉ લખ્યુ હતુ કે આપણે ગુણ્પુજક નહિ પરંતુ વંશ પુજક હોવાથિ નેહરુવંશ ના વંશજો ને પુજીએછે..અસ્તુ
    રહી વાત તિરંગા યાત્રા નિ તો આવિ યાત્રા થિ ભાજપ જેવા પક્ષો એક મોજુ ઉછાળિ આપિ પોતાનિ રોટલિ શેકિ લેય છે.. આજ ભાજપ પાસે જ્યારે સતા હતિ ત્યારે કાશ્મિર કે પંડિતો કેમ યાદ ના આવ્યા?કલમ ૩૭૦ , અયોધ્યા ,કે જેના થકિ ભાજપે સત્તા મેળવિ હતિ તે સત્તા પર બેસતા કેમ ભુલિ ગયા?
    હું કોન્ગ્રેસ્સનો સમ્ર્થક નથિ જ. પરંતુ આવિ યાત્રાથિ મારા દેશનુ ભલુ થવાનુ નથિ….

    Like

  2. આજ ઓમાર જો કાશ્મીરમાં પાકિસ્તાની ધ્વજ ફરકાવાય તો ક્યારેય ચિંતા કરતા હોવાનું જાણવા મળતું નથી.–>શુ શોટ માર્યો છે અરવિંદકાકા…પણ તદ્દન સત્ય વાત છે હોં

    સરકારમાં સર્વોચ્ચ સ્થાને બેઠેલા તમામ નેતાઓ પોણીયા-તાણી કાઢેલા અને કાયર છે !–> અરે અરવિંદકાકા, આ પ્રજાસત્તાકે તો આ ગજબનો હંગામો થયો.આપણા જ કાશ્મિરમાં આપણે ધ્વજ ના ફરકાવી શકીએ એ વળી કેવું? અને આ સરકાર પણ ચુપ? અને જનતા પણ ચુપ? કેમ આટલી બધી ઠંડી છે પ્રજા એ ખબર નથી પડતી…

    પરંતુ આ માટે નથી કોઈ જાતની શરમ વડાપ્રધાનને કે નથી કાશ્મીરના મુખ્ય પ્રધાનને કે નથી કોંગ્રેસના સર્વે સર્વા સોનીયાજી ને !–> શરમ હોય તો આટલી છેલ્લી કક્ષા સુધી જાય જ નહીં….

    ચોટદાર લેખ….

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s