હું ખાતો નથી, ખાવા દેતો નથી” – શ્રી નરેંદ્ર મોદી માટે એક પડકાર !!!

હું ખાતો નથી, ખાવા દેતો નથી” – શ્રી નરેંદ્ર મોદી માટે એક પડકાર !!!

સમગ્ર દેશમાં ભ્રષ્ટાચારનો ભોરીંગ નિરંકુશ રીતે ભરડો લઈ રહ્યો છે-અને રોજે રોજ ડુંગળીના પડ એક પછી એક ઉખડી રહ્યા હોય, તેમ નવા નવા ભ્રષ્ટાચારો અને ભ્રષ્ટાચારીઓના નામો પ્રસિધ્ધ થઈ રહ્યા છે જેમ કે, છેલ્લા સમાચાર પ્રમાણે હરિયાણાના મુખ્યપ્રધાન હુડાએ 1700 કરોડ રૂપિયાની જમીન સર્વોચ્ચ અદાલતના આદેશને અવગણીને, કોઈ બિલ્ડરને પાણીને ભાવે વેંચી દીધી, તેવું સમાચાર માધ્યમો કહી રહ્યા છે. બરાબર આજ સમયે ગુજરાત તેના સ્વર્ણિમ ગુજરાતના વર્ષની ઉજવણીના એક ભાગ રૂપે વાઈબ્રંટ ગુજરાત સ્વરૂપે પૂર્ણ કક્ષાએ ખીલી ઉઠ્યું છે.

પ્રસિધ્ધ થયેલા આંકડા પ્રમાણે સ્પષ્ટ જણાય છે કે, ગુજરાતે અનેક અવરોધો વચ્ચે અડીખમ ઉભા રહી શ્રી નરેંદ્ર મોદીના નેતૃત્વ નીચે સ્વર્ણિમ સ્વપ્નને સિધ્ધ કર્યું છે અને 20.83 લાખ કરોડ અર્થાત 450 બિલિયન ડોલરના 7933 જેટલા, 101 દેશો વચ્ચે સમજુતી કરારો કર્યા છે. આ સંમેલનમાં 35000 થી પણ વધારે પ્રતિનિધિઓ હાજર રહેલા. આ તમામ કરારો આવનારા વર્ષોમાં મૂર્તિમંત થાય તો અંદાજે 52 લાખથી પણ વધુ રોજગારીની તકો ઊભી કરશે !

7936 જેટલા સમજુતી કરારો સ્પષ્ટ દર્શાવે છે કે ગુજરાત રોકાણ કરનારાઓ માટે પસંદગીનું સ્થળ/રાજય બની ચૂક્યું છે. અન્ય રાજ્યો પણ ગુજરાતના આ અભિગમની નોંધ લઈ પોતાના રાજ્યોમાં આવા સમારંભો યોજવા વિચારી રહ્યા છે તો કેટલાક શરૂ કરી ચૂકયા છે અર્થાત સમગ્ર દેશને ગુજરાતે વિકાસની દિશામાં સાચો રાહ ચિંધ્યો છે. આવનારા વર્ષોમાં ગુજરાત વિકાસનું એંન્જિન બની રહેવાનું છે જે નિર્વિવાદ જણાય છે. ગુજરાતના આ અભિગમે, જ્યારે યુપીએ સરકારના ભ્રષ્ટાચારના સમાચારો સનસનાટી મચાવી રહ્યા છે ત્યારે એક સુવર્ણ જ્યોત પ્રગટાવી લોકોને હતાશામાંથી બહાર લાવી આશાવાદી બનાવ્યા છે. આટ આટલા ભ્રષ્ટાચારના કિસ્સાઓ બહાર આવ્યા છતાં માત્ર રાજીનામાં લેવા સીવાય કોઈ આકરા પગલાં કેંદ્રમાં બેઠેલા કોંગ્રેસીઓએ આજ સુધી લીધા નથી. તમામ ભ્રષ્ટાચારીઓ ખુલ્લે આમ હરે ફરે છે જ્યારે 25-50 રૂપિયાનો ભ્રષ્ટાચાર કરનાર નોકરી તો ગુમાવે જ છે પણ કેદમાં પણ જાય છે પરિણામે આખો પરિવાર બરબાદ થાય છે. જ્યારે આ ભ્રષ્ટ નેતાઓ કરોડોની સંપત્તિ ભેગી કરી-સત્તા ઉપર ના હોવા છતાં વચેટિયા બની –પોતાની વગથી/પૈસાથી અન્યના કામો કરાવી દેતા નજરે ચડતા રહે છે.

આવા દેશભરમાં ફેલાયેલા ભ્રષ્ટાચારના વિષાણુઓમાંથી ગુજરાત બાકાત હોય તેમ માનવાને કોઈ કારણ નથી. ગુજરાતમાં પણ ભ્રષ્ટ નેતાઓ/અમલદારો/વચેટિયાઓ અસ્તિત્વ ધરાવે જ છે અને તેથી મુખ્ય પ્રધાન શ્રી મોદી અજાણ હોય તેમ માનવાને કોઈ કારણ નથી. અને મોદીજી સામે આવનારા દિવસોમાં આ તત્ત્વોનો ખાત્મો મોટો પડકાર બની રહેવાનો છે.
હવે પછીની લડત શ્રી મોદી સામે “ખાતો નથી, ખાવા દેતો નથી” જેવા સુત્રનો ઉત્તરાર્ધ ભાગ પ્રાથમિકતા બની રહેવો જોઈએ તેમ મારું દ્રઢ માનવુ છે. સાથો સાથ શ્રી મોદીને અનુરોધ પણ છે કે, હવે પછીનો ( TARGET ) લક્ષ્યાંક ગુજરાત ભ્રષ્ટાચાર મુકત બની રહે તે માટેની વ્યુહ રચના તાત્કાલિક યુધ્ધને ધોરણે ઘડી કાઢવાની હોવી જોઈએ અને તેને અમલી બનાવવા કટિબધ્ધ થવું જ જોઈએ.

ભ્રષ્ટાચાર સામે મોરચો મંડાતા જ એક વાત યાદ રાખવી રહી કે આ મોરચા સામે ખાઈ બદેલા રાજકારણી/ સત્તાધીશો/અમલદારો અને વચેટિયાઓ પોતાના સ્થાપિત હિતોના રક્ષણ માટે સાંઠ્ગાંઠ રચશે ! અને આપની અર્થાત મોદીજી સામે આજે પણ અનેક દુશ્મનો તમામ લેવલે ઉભા થયા જ છે-થતા પણ રહેશે અને વધારે સક્રિય બની વધુ આક્રમક થશે. ત્યારે બિલકુલ હાર્યા વગર આપે તો નર્મદના શબ્દોમાં “ડગલું ભર્યું કે ના હઠવું, ના હઠવું” તે આત્મસાત કરી “કમ-વોટ-મે” ના જુસ્સા સાથે આ લડત છેક છેવાડેના કર્મચારી અર્થાત તલાટી/મંત્રી કે પંચાયત વગેરેથી શરૂ કરી રાજ્યના ચીફ સેક્રેટરી અને મુખ્ય પ્રધાન સુધી લઈ જવાની રહેશે ! કારણ સમ્રગ દેશમાં આ રોગ વ્યાપક રીતે ફેલાયેલો છે અને આ ગંદકી દૂર કરી જડમૂળમાંથી ઉખેડવાનો છે. ભ્રષ્ટાચારના મૂળીયા ખૂબ ઊંડા ગયા છે અને તેથી જ આજે તે વટવૃક્ષ બની ચૂકયો છે. તેને મૂળસોતા ઊખેડવાનો છે અને તેથી આ કામગીરી માટે મકક્મ નિર્ધાર, કઠોર પગલાં અને કઠોર પરિશ્રમ અનિવાર્ય બની રહેશે.ગુજરાત જે રીતે વિકાસ સાધી રહ્યું છે તે વિકાસની કુચ આવનારા દિવસોમાં વિના અવરોધે ચાલુ રાખવી હોય તો ગુજરાતને ભ્રષ્ટાચાર મુક્ત બનાવવું જ રહ્યું ! ગુજરાત અન્ય રાજ્યો અને કેંદ્ર સરકાર માટે રોલ મોડેલ બની શકે તેમ છે તેમાં મને કોઈ શંકા નથી.

આ માટે કેટલાક નમ્ર સુચનો આપના ધ્યાન ઉપર મૂકી રહ્યો છું. જો કે, મને વિશ્વાસ છે કે, આપ આથી પણ વધુ સારા પગલાં વિચારી અમલી બનાવી શકો તેવા મકક્મ મનોબળ ધરાવનારા મુખ્ય પ્રધાન છો.

( 1 ) એક સમાચાર પ્રમાણે મહારાષ્ટ્રના નવા મુખ્ય પ્રધાન શ્રી પૃથ્વીરાજ ચવ્હાણે, ઝાડુવાળા અને પટાવાળા સિવાયના, તમામ સરકારી અને અર્ધ સરકારી કર્મચારીઓએ ગત એપ્રીલ માસ સુધીમાં પોતાના નામે તથા પરિવારના નામે અર્થાત મા-બાપ, ભાઈ બહેન, દિકરા-દીકરી, પૂત્ર વધૂ કે જમાઈ વગેરે સહિત જે કાંઈ સ્થાવર અને જંગમ માલ-મિલ્કત ધરાવતા હોય તે જાહેર કરવા આદેશ જારી કર્યો છે. ઉપરાંત ગયા આખા વર્ષ દરમિયાન બે હજાર રૂપિયાથી વધારે રકમનો લાભ મળ્યો હોય તે પણ તેમણે જણાવવો પડશે. આવો આદેશ ગુજરાતમાં પણ જાહેર કરી શકાય અને તેને વાર્ષિક ધોરણે ફરજિયાત બનાવી શકાય. આવો જ આદેશ તમામ રાજકારણીઓ/સત્તાધીશો જેવા કે પંચાયતથી મુખ્ય પ્રધાન સુધી જારી કરી શકાય ! સાથો સાથ આ રીતે મેળવાયેલી માહિતીની આકરી ચકાસણી કરવા અલગથી તંત્ર પણ ગોઠવવું પડે.

( 2 ) સરકાર સમક્ષ અર્થાત તલાટી/મંત્રીથી શરૂ કરી પંચાયતથી માંડી છેક ઉપરના લેવલે સામાન્ય લોકોના રજૂ થતા પ્રશ્નો નિપટાવવા અર્થાત નિકાલ કરવા સમય મર્યાદા નિશ્ચિત કરવી રહી. અને જે કોઈ, આ સમય મર્યાદામાં પોતાને સત્તા હોવા છતાં નિકાલ ના કરે તો, તેવા કિસ્સામાં જે તે કર્મચારીની એકાઉંટેબીલીટી/જવાબદારી નહિ નીભાવવા માટે મોટી રકમના દંડની વસુલાત કરવી જોઈએ અને અન્ય શિસ્તભંગના પગલાં પણ કડક હાથે લેવાવા અનિવાર્ય ગણાવા જોઈએ. ટુંકમાં સામન્ય લોકોના પ્રશ્નો નિપટાવવાની પ્રતિબધ્ધતા મુખ્ય ક્રાઈટેરીયા બની રહેવી જોઈએ.

( 3 ) નોકરીના તથા લંચ સમયનો ચુસ્ત રીતે પાલન કરાવવાની જવાબદારી જે તે ખાતાના ઉપરી અધિકારીની રહેવી જોઈએ અને જો તેમાં બેદરકારી દાખવે તો ડીમોશન સહિત દંડ્ની પણ જોગવાઈ થવી જોઈએ. આ માટે હાજરીપત્રકમાં દરેક કર્મચારીએ ઓફિસે આવવા અર્થાત હાજર થયાનો તથા જવાના અર્થાત છોડવાના ખરા સમયની નોંધ કરવી ફરજિયાત બનાવવી જોઈએ.

( 4 ) દરેક ઉપલા અધિકારીએ નીચેના કર્મચારીને કોઈ પણ ફાઈલ સોંપતી વખતે જ તે ફાઈલ કેટલા સમયમાં નિકાલ કરવાની છે તેની સ્પષ્ટ સુચનાની નોંધ ફાઈલ ઉપર જ દર્શાવવી ફરજિયાત બનાવવી જોઈએ. આવી સમય મર્યાદા અતિ ગુંચવણ વાળા કિસ્સા સિવાય 30 દિવસથી વધારે કોઈ સંજોગોમાં નહિ હોવી જોઈએ

આવનારા દિવસોમાં ગુજરાત ભ્રષ્ટાચાર મુકત બને તેવો પડકાર મોદીજી સામી છાતીએ ઝીલા શકે તેવા સમર્થ છે ત્યારે આવો આપણે સૌ એક સંપ બની પ્રતિબધ્ધ થઈ મુખ્ય મંત્રીના હાથ મજબૂત બનાવીએ અને ગુજરાતને સમગ્ર દેશમાં જ નહિ પણ વિશ્વના ફલક ઉપર એક શાંત અને વિકાસ માટેનું રોલ મોડેલ તરીકે પ્રસ્થાપિત કરી રહીએ !

Advertisements

3 comments

  1. નરેન્દ્ર મોદીના ખાતો નથી ને ખાવા દેતો નથીના દાવા અને ભ્રષ્ટાચાર વિષે તમે લખેલો લેખ ગમ્યો આ વિષે મારા બ્લોગર બ્લોગ પર મેં પણ અંગ્રેજીમાં લેખ લખ્યો હતો. તમને મારા બ્લોગ પર આવવાનું આમંત્રણ છે.

    Like

  2. માનનીય અરવિંદકાકા …. ભ્રશ્ટાચાર માટે આપણો સમાજ જવાબદાર છે … આપણે હંમેશાં પૈસાદારને પુજીએ છીએ .. પરંતુ એ નથી જોતા કે એ પૈસા લાવ્યો કંયાથી …ઇમાનદારી થી નોકરી કરનાર ગોવિંદ આર ખૈરનાર આજે ક્યાંછે ? અને જેનિ સામે આ ભડ ના દિકરાએ બાથોડા ભર્યા એ શરદ પવાર આજે મંત્રિ , ક્રિકેટ બોર્ડ ના ચૈરમૈન બનિ ગયા… હવે કાંદા ના ભાવ ના વધે તો બિજુ થાય શું ?

    અંતે .. best of luck to modi

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s