ઓબામા ભલે આવે, મોદીને કેમ રોકો છો ?

વ્હાલા મિત્રો અને વડિલો

દિવ્ય ભાસ્કરમાં 26/10/2010ને મંગળવારના રોજ લબ્ધ પ્રતિષ્ઠિત અને વરિષ્ઠ કોલોમીસ્ટ શ્રી કાંતિ ભટ્ટ દ્વારા લખાયેલો અને પ્રસિધ્ધ થયેલો લેખ અહિ મારાં બ્લોગ ઉપર આપ સૌને રસ પડશે તેમ ધારી મૂકેલ છે. આ લેખમાં શ્રી કાંતિભાઈએ જગત જમાદાર અમેરિકાની માનવ હત્યા કરનારા એક દેશ તરીકે ઓળખ આપી છે. આ દેશે ઈરાકમાં જે કાળો કેર વર્તાવ્યો છે તેની માહિતિ આપતા કહ્યું છે કે ગુજરાતમાં તો 2002માં અંદાજે 2000 આસપાસ હત્યા થયેલી જ્યારે ઈરાકમાં તદન ખોટા આક્ષેપ સાથે અમેરિકાએ હુમલો કરી જે અમાનવીય રીતે નિર્દોષ ઈરાકી નાગરિકોની અરે નાના નાના બાળકોની જે ક્રુરતાથી હત્યા કરી છે તે કદાચ હિટલરને પણ સારો કહેવડાવે તેવી રીત સ્પષ્ટ દેખાય છે ! આ અમેરિકાના પ્રમુખ ઓબામા આપણાં દેશની મુલાકાતે આવે છે ત્યારે તેઓને ગુજરાતનો માહોલ વિકાસ અને સલામતિ વિષે જાણવા ગુજરાતની રૂબરૂ મુલાકાત લેવી જ રહી તેવો આગ્રહ કરવામાં આવે છે. આ અમાનવીય હત્યારાઓને મોદી અમેરીકાની મુલાકાત સામે વાંધો છે જે તેમનું કદરૂપુ સ્વરૂપ પ્રગટ કરી રહ્યું છે. આપ સૌ શ્રી કાંતિભાઈના મત સાથે સહમત થશો તેમ ધારી તેમના અને દિવ્યભાસ્કરના સૌજન્ય સાભાર સાથે આ લેખ પ્રષિધ્દ્ધ કરી રહ્યો છું. શ્રી કાંતિભાઈને આ મુલાકાત ટાંકણે આવો સુંદર લેખ મૂકવા માટે લાખ લાખ અભિનંદન સાથે દિવ્યભાસ્કરને પણ ધન્યવાદ !
સ-સ્નેહ
અરવિંદ

ઓબામા ભલે આવે, મોદીને કેમ રોકો છો ?

અમેરિકામાં મુસ્લિમોને શંકાની નજરે જોવાય છે તેની સામે ઓબામાને કહેવું જોઈએ

થોમસ ફુલર નામના મેડિકલની ઉચ્ચ ડિગ્રી લેનારે ૧૭૩૨માં કહેલું કે ઘઉંના એક એક દાણાની જ ગૂણી બને છે અને ખળાના ઢગલામાંથી ગૂણી બને છે. પણ ગુજરાતમાં શું છે? દિવ્ય ભાસ્કરના તંત્રીએ રવિવારના લેખમાં પૂછ્યું ‘શું કોંગ્રેસને જનાધાર છે?’ અરે કોંગ્રેસ શું ભારતીય જનતા પક્ષ પણ ગુજરાતમાં નિરાધાર છે. કબૂલ કે નરેન્દ્ર મોદી કોંગ્રેસના નેગેટવિઝને કારણે ‘પોપ્યુલર’ છે પણ જાણે તે માત્ર એકલા જ સત્તાધીશ છે. ખળાના એક એક દાણાથી ગોદામ ભરાય તેમ એક એક દાણાથી મુખ્યપ્રધાનપદ મળે. ડો. ફેનેલોન નામના વિદ્વાને કહેલું કે ‘સિગ્યુલારિટી ઈઝ ડેન્જરસ’ એક જ માણસ ઉપર-એક જ પર્સનાલિટી ઉપર ચાલતું તંત્ર એ માનવી પોતાને માટેય ખતરનાક છે. આ પિષ્ટપેષણ શું કામ કરું છું?

નરેન્દ્ર મોદીની ફેવરમાં લખવા માટે. શું કામ? અમેરિકન પ્રમુખ બરાક ઓબામા ભારત પધારે છે ત્યારે અમેરિકા વસતા ગુજરાતી, દિલ્હી અને મુંબઈમાં વસતા ગુજરાતીઓ જ નહીં ગુજરાત પ્રતિષ્ઠિત બિઝનેસમેનો જેની આજે દુનિયામાં વધુ વગ ચાલે છે તેમાંથી કોઈએ પ્રશ્ન ઉઠાવ્યો કે ભારતના લગભગ એક નંબરની આર્થિક પ્રગતિવાળા ગુજરાત રાજ્યના મુખ્યપ્રધાન માટે અમેરિકાના દરવાજા શું કામ બંધ છે? મોદી કેમ લાયક નથી?

બધા પાસે જવાબ છે પણ જવાબ તદ્દન બનાવટી છે કે ‘અમદાવાદમાં તેમણે ગોધરા પછી ૨૦૦૦ મુસ્લિમોની કતલ સામે મોદીએ આંખ મિચામણા કર્યા.’ ઓહ માય ગોડ! આ કતલમાં તો ભારત કે ગુજરાત કે અમદાવાદ કરતાં અમેરિકા વધુ હોશિયાર અને ખતરનાક છે. બરાક ઓબામા જ્યારે ભારત આવે છે ત્યારે કેમ મુસ્લિમો અને હિન્દુઓ ભેગા થઈને આજે એક એક અમેરિકન મુસ્લિમોને શંકાની નજરે જોવાય છે એ માટે કહેવા તૈયાર નથી? ઈંગ્લેંડમાં મુસ્લિમો અપરાધભાવથી જીવે છે.

આવું અમદાવાદમાં છે? લંડનના ‘ઇન્ડિપેન્ડન્ટ’ના જાગરુક પત્રકારો એમીલી ડુગાન, નીના લાખાણી, ડેવિડ રેન્ડાલ, વિક્ટોરિયા રિચાર્ડઝ અને રાશેલ શિલ્ડઝ જેવી મહિલાઓએ અમેરિકાએ ઈરાકી સ્ત્રી-પુરુષો અને બાળકો ઉપર જે અત્યાચારો કર્યા છે. તેની લંડનના દૈનિક ‘ઇન્ડિપેન્ડન્ટ’માં રવિવાર, તા. ૨૪-૧૦-૧૦ના રોજ છ-છ પાનાં ભરીને લાંબી કરુણ કથા છાપી છે. તેની સામે ગોધરા-અમદાવાદ માત્ર છમકલું ગણાય. અમેરિકાએ દોઢ લાખ ઈરાકીની કતલ કરી તેનો રિપોર્ટ આપનારા બ્રિટિશ ડો. ડેવિડ કેલીનું અપહરણ કરીને ૨૦૦૪માં ઝેર આપી મારી નખાય છે.

લગભગ ૩૯૧૮૩૨ જેટલા ડોકયુમેન્ટ તપાસીને આ મહિલા પત્રકારોએ તારણ કાઢ્યું છે કે અમેરિકન લશ્કરી ખાતાને જેને રોજ રોજ ઈરાકમાં ત્રાસ ગુજરતા તેનો અમેરિકન સોલ્જરો રિપોર્ટ મોકલતા તે તપાસતા લાગ્યું કે અમેરિકા અને ઈંગ્લેંડનો સંયુક્ત હુમલો જે સદ્દામ હુસેન અણુશસ્ત્રો વિકસાવે છે તે બહાને થયો તેમાં ખાસ્સા ૧૦૯૦૩૨ એટલે કે એક લાખ ઉપર ઈરાકી-ઈરાની અને ભારતના સૈનિકો અને નાગરિકો મર્યા છે.

નવેસર ગણતરી કરતાં બીજા પંદરહજાર બાળકો સ્ત્રીઓનાં મરણો દેખાયાં છે. તો? જે ૧૫૦૦-૨૦૦૦નાં મરણ માટે નરેન્દ્ર મોદીને અમેરિકા વિઝા ન આપવાનો ઘોર અન્યાય થાય છે તે દેશ તરફથી તો કુલ્લે આજ સુધીમાં (૨૦૦૩થી ૨૦૧૦ સુધીમાં) દોઢ લાખ ઈરાકીની કતલ થઈ છે, તેમાં ૮૦ ટકા સ્ત્રી-પુરુષો-બાળકો છે. આ તમામ કતલ પ્રમુખ જ્યોર્જ બુશ અને ઈંગ્લેંડના બદનામ વડાપ્રધાન ટોની બ્લેરની સંયુક્ત ખાટકીગીરીથી થઈ છે તેનો ભાર ઓબામા ઉપાડે છે. આ ભારને થોડો હળવો કરવા તેમણે ગુજરાતની મુલાકાત લેવી જોઈએ. ગુજરાતને સાવ રેઢું ન મૂકો.

જો અમેરિકન ત્રાસ અંગેનો રિપોર્ટ વાંચો તો આરબ કે મુસ્લિમ હો તો જ નહીં પણ માનવતાવાદી હો તો આંખમાં લોહીનાં આંસુ આવી જાય. અમેરિકન લશ્કરે ઈરાકી કે મુસ્લિમ સોલ્જરોને ત્રાસ આપવા નવા નવા ટેક્નોલોજિકલ અને દેશી રસ્તા અજમાવ્યા. ડોકયુમેન્ટ કહે છે કે યુવાન સોલ્જરોએ બગદાદ અને ગામડાંમાં જઈને જે કોઈ સામો થાય તેને નેતરની સોટીથી મારવા માંડેલા. ઘણા ઉપર તો કેરોસીન કે પેટ્રોલ છાંટીને ઊભા ઊભા બાળી દેવાયા હતા. મારવાના ખાસ ચામડાના કોરડા બનાવેલા, એટલી હદ સુધી કે નેતરની સોટી કે કોરડા મારતા મારતા તૂટી જાય તો વીજળીના કેબલો તોડીને કે બિલ્ડિંગોના સિળયા લઈને કે આખાના આખા થાંભલા ઉખેડીને બબ્બે ત્રણ અમેરિકન સોલ્જરો ઈરાકીને મારવા માંડેલા.

આ તમામ વાત ડોકયુમેન્ટને આધારે છે. બ્રિટિશ સોલ્જરોને ઈરાકી નાગરિક પર શંકા પડે તો ઘરમાંથી ઢસડીને બહાર લાવે પછી ગામના અવાડામાં તેનું માથું જબરજસ્તી બોળીને તેને મૂંઝવીને મારી નાખવા પ્રયાસ કરે. થાકી જાય એટલે ડોકું મૂકે. પણ ભડ ઈરાકી મર્યો ન હોય તેથી અમેરિકન ખીજાય. પછી તેની પૂંઠમાં વીજળીના ઝટકા અપાય.

અમેરિકન ડોક્ટરો જે બગદાદને મોરચે ગયેલા. તેણે કમાવાની ટ્રીક ગોતી કાઢી. ઈરાકી સ્ત્રીઓ મોરચે લડવા ગઈ તે બીમાર પડી. સ્ત્રીઓ આમેય બીમાર પડે તો હોસ્પિટલમાં જઈ ન શકે તેવો અલકાયદાનાં ઝનૂની ઈસ્લામીઓનો ફતવો છે. આવી રીતે હોસ્પિટલમાં દાખલ થયેલી સ્ત્રીઓનું લિસ્ટ અમેરિકન ડોક્ટરો પૈસા બનાવવા ‘અલકાયદા’ને વેચતા હતા! તમે કલ્પના કરી શકો કે પૈસા માટે અમેરિકનો કેટલા હરામજાદા-હરામખોર થઈ શકે? અને વળી ડોક્ટરો! ઘણી વખત એવું બનતું કે ઈરાકી સ્ત્રીને આપઘાતી બોમ્બ કમરે બાંધીને અમેરિકન લશ્કરી કેમ્પ પર ખાબકવાનું હોય, તેમાંથી જો બચી જાય તો તે મુસ્લિમ સ્ત્રીનું આવી બને! અરે હજી તો બદતમીઝીની ઘણી વાતો બાકી છે.

અમેરિકા સામે લડનારા ઈરાકી સોલ્જરોનાં કેમ્પમાં નાનાં બાળકો જે અપંગ હોય તેને માટે અનાથાલયવાળાને અમેરિકન સોલ્જરો ઊંઠા ભણાવે કે આમે ય આ બાળકો મરવાના તો છે જ એટલે ઈરાકને સદ્દામથી બચાવવા બાળકની કમરે બોમ્બ બાંધીને તેને ઈરાકી છાવણીમાં જીવતા બોમ્બ રૂપે ફેંકાતા. આ પ્રકારે રોજ ૩૦ જેટલાં બાળકોને બલિ બનાવતા. હજી બદતમીઝી જોઈ લો. આ બાળકો ઈરાકી સોલ્જરો પર આપઘાતી હુમલો કરે તેના મરણ પછી અમેરિકન સોલ્જરો એવા બનાવટી પુરાવા વળગાડે જેથી લાગે કે અલકાયદાએ બાળકોને બલિ બનાવ્યાં છે. ‘બ્લેક વોટર’ નામની એક સિકયોરિટી કંપનીને લડવા માટે ભાડે રખાયેલી. આ કંપનીએ ઉપર મુજબની કતલ કરવામાંથી ૧.૫ અબજ ડોલર એટલે કે લગભગ ત્યારના ચલણના ભાવે R ૭૫૦૦ કરોડની કમાણી કરેલી! અને એ કંપનીના શેરહોલ્ડરોને ડિવિડંડ મળતા ઈસુને પ્રાર્થના કરે છે કે ઈરાકનું યુદ્ધ લાંબું ચાલે!!!

આસપાસ, કાન્તી ભટ્ટ

Advertisements

2 comments

  1. અમેરિકા મોદીને રોકી શકે છે કારણ કે અમેરિકામાં મુસ્લિમ

    લોબી મોટી છે ભારતીય લોકોનું ચલણ ઓછુ છે,મુસ્લિમ લોકોના

    અવાઝના લીધે મોદીના વિઝા રદ થયા હતા,મોદી એક રાજ્યના

    પ્રતિનિધિ છે તેઓને એક દેશની સરકાર રોકી સકે જયારે ઓબામા

    અમેરિકા જેવા મોટા રાષ્ટ્રના પ્રતિનિધિ છે તેઓને કોઈ દેશ રોકી

    શકે નહિ ,મોદી ભારતના વડાપ્રધાન બનશે ત્યારે અમેરિકા તેઓને

    આમત્રણ આપશે!! અમેરિકામાં વસતા ગુજરાતી લોકો મોદી માટે

    મોટા સુરે આવાઝ ઉઠાવે તો કોઈ રસ્તો નિકળે ત્યાં સુધી રાહ

    જોવી રહી .

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s