વડોદરાનું ઈએમઈ ( E M E ) મંદિર-ઈસ્કોન ( I S C O N ) મંદિર અને આકોટા ગાર્ડન !!!

વડોદરાનું ઈએમઈ ( E M E ) મંદિર-ઈસ્કોન ( I S C O N ) મંદિર અને આકોટા ગાર્ડન !!!

થોડા દિવસ થયા વડોદરા આવેલ છું ત્યારે ગઈકાલે સહ પરિવાર ઉપરોક્ત મંદિરની મુલાકાત લેવાનો અનાયાસે જ અવસર સાંપડેલો. આ ઈએમઈ મંદિર અતિ સુંદર અને રમણીય વાતાવરણ ધરાવે છે. મન-તન અને બદન ખુશ થઈ જાય અને તેના પરિસરમાં પ્રવેશતા જ વ્યક્તિ ને સંમોહિત કરીદે તેવું સુંદર રીતે આયોજન બધ્ધ આ મંદિર વડોદરાની એક આગવી પહેચાન બની રહે છે. દક્ષિણા મૂર્તિ ભગવાનની અહિ સર્વ ધર્મ સમભાવ સાથે સ્થાપના કરવામાં આવી છે ઉપરાંત સફાઈ અને સ્વચ્છ્તા વૃક્ષો તથા ફૂલ ઝાડની આંખને ઉડીને વળગે તેવી સાચવણી કરવામાં આવી રહી છે. અન્ય મંદિરોએ ધડો લેવા જેવું વાતાવરણ ઉભું કરવામાં અહિના વ્યવસ્થાપકો સફળ રહ્યા છે અને તે માટે તેઓ સર્વે અભિનંદનને પાત્ર છે.

સામાન્ય રીતે દર્શનાર્થીઓ મંદિરે મનની શાંતિ મેળવવા જતા હોય છે. ભગવાનની મૂર્તિ સન્મુખ દર્શન કરવાનો મોકો તો કદાચ 2-3 મિનિટથી વધારે કોઈ મંદિરમાં મળતો હોતો નથી તેમ છતાં મંદિરનું પવિત્ર અને શાંત વાતાવરણ દર્શનાર્થીઓના મન ઉપર હાવી થઈ તેને તનાવ મુકત બનાવવા સમર્થ બની રહેવું જોઈએ પણ આવું વાતાવરણ ભાગ્યેજ કોઈ મંદિરમાં ઉપલબ્ધ બને છે.

આ ઈએમઈ મંદિરમાં આવી તમામ સંભાવના તેના પરિસરમાં પ્રવેશતા જ અનુભવાય છે પરંતુ મારે અત્યંત દુઃખ સાથે લખવું પડે છે કે મારો અનુભવ આથી વીપરીત રહ્યો. પરિસરનું વાતાવરણ અગાઉ કહ્યું તેમ અદભુત સુંદર અને રમણીય અનુભવાયું પરંતુ મંદિરના ગર્ભ દ્વારમાં પ્રવેશતા જ આ વાતાવરણનો કબજો માઈકમાં જોર શોરથી ગવાતી અને પડઘાતી આરતી/પ્રાર્થનાએ લઈ લીધો. શોર બકોર અને માત્ર ઘોંઘાટ પેદા કરનારી આવી માઈકની પ્રથા શા માટે શરૂ કરવામાં આવતી હશે તે મારી સમજ બહારની વાત છે. શું આરતી કે પ્રાર્થના માઈક વગર સુ-મધુર સ્વરથી ગાઈ નહિ શકાતી હોય ? કે આપણી આ આરતી/પ્રાર્થના માઈકના અવાજ વગર ગવાય તો ભગવાનને સંભળાતી નહિ હોય ? કે પછી આપણે કેટલા ધાર્મિક છીએ તે દર્શાવવા/જાહેરાત કરવા આવી પ્રથા શરૂ કરવામાં આવી હશે ?

કોઈ કથા-પ્રવચન- વ્યાખ્યાન દરમિયાન શ્રોતાઓ મોટી સંખ્યામાં હોય તો વક્તા-કથાકારોરનો અવાજ દૂર સુધી પહોંચાડવા આ માઈકની વ્યવસ્થા યોગ્ય ગણાય પણ મંદિરના ગર્ભદ્વારમાં અલ્પ સંખ્યામાં દર્શનાર્થીઓ ઉપસ્થિત હોય ત્યાં પૂરા વોલ્યુમથી માઈક દ્વારા આરતી/પ્રાર્થના કરવી કેટલી વ્યાજબી ગણાય ? વર્ષો પહેલાં જ્યારે માઈકની ઉપલબ્ધિ નહિ હતી ત્યારે પણ આરતી/પ્રાર્થના તો થતી જ હતી તો શું ત્યારે ભગવાન આપણી આ આરતી/પ્રાર્થના નહિ સાંભળતા હોય ?

આવો જ અનુભવ થોડા સમય પહેલાં ઈસકોનના મંદિરમાં થયેલો ત્યાં પણ માત્ર અલ્પ સંખ્યામાં ઉપસ્થિત દર્શનાર્થીઓ હોવા છતાં ધુન અને આરતી/પ્રાર્થના માઈક સાથે ફુલ વોલ્યુમથી મંદિરનું શાંત અને સંમોહિત કરી દે તેવું વાતાવરણ ઘોંઘાટીયું બનાવી દેવામાં આવી રહ્યું હતું અને દર્શનાર્થીઓને સતત ખલેલ પહોંચાડવામાં આવી રહી હતી. આ બંને મંદિરના ટ્ર્સ્ટીઓ/વ્યવસ્થાપકો આ વિષે નવેસરથી વિચારી માઈક દ્વારા ફેલાતા ઘૉઘાટનું પ્રદુષણ નિવારવા યોગ્ય કાર્ય વાહી કરશે તેવી અભ્યર્થના !!

આકોટા ગાર્ડન

આ બાગ વડોદરા નગર પાલિકા હસ્તક છે. બાગ સુંદર હોવા છતાં નિયમિત રીતે સાફસુફ થતો હોવાનું પ્રથમ દ્રષ્ટિએ જ જણાતું નથી. કચરાના ઢગલાઓ દિવસો સુધી જેમ ના તેમ પડ્યા રહે છે અને ગંદકી ફેલાવે છે. આ બાગ જ કદાચ વડોદરામાં મચ્છરોનું ઉછેર કેન્દ્ર હોય તેવું જણાય છે. લોન ઉપર ઉગી નીકળેલુ બીન ઉપયોગી ઘાસ વઢાવાની રાહે વધુ અને વધુ ફાલી-ફુલી રહ્યું છે. ચાલવાની સ્ટ્ર્રીપ્સ ( પડથાર ) ઉપર ખરેલા પાંડદાઓ વડે ખીલેલ સેવાળની ચીકાસ કદાચ કોઈ વરિષ્ઠ નાગરિક કે કોઈ મહિલા લપસી પડે અને હાડકાં ભાંગે તેની રાહમાં હોય તેવી સંભાવના જણાય છે. આ ઉપરાંત આ બાગ વહેલી સવારથી જ ચાલનારાઓ માટે ખુલ્લે છે જે મોડી રાત સુધી ખુલ્લો રહે છે. મારા અનુભવ અને બાગમાં વડોદરામાંના રોકાણ દરમિયાન સાંજના ચાલવા જવાનો નિયમિત ઉપક્રમ હોય છે. આવા ચાલવા આવનારાઓમાં માટી સંખ્યામાં વરિષ્ઠ નાગરિકો પુરૂષો અને મહિલાઓ હોવા છતાં આટલા વિશાળ બાગમાં જગ્યા ઉપલબ્ધ હોવા છતાં હળવા થવા કોઈ ટૉઈલેટ કે મુતરડી જેવી વ્યવસ્થા આજ સુધી ઉભી થઈ શકી નથી શકય છે કે આ પ્રાથમિક જરૂરિયાતની આવશ્યકતા નગરપાલિકાના સુત્રધારોને જરૂરી નહિ લાગતી હોય અથવા આવી દ્રષ્ટિ જ નહિ ધરાવતા હોય !

પુરૂષો ઝાડની ઓથ કે દિવાલની ઓથે હળવા થતા નજરે પડે ત્યારે મહિલાઓ માટે કેટલી ક્ષોભ જનક સ્થિતિ ઉભી થતી હશે તેવું કોઈ ક્યારે ય વિચારી શકે છે ખરું ? ઉપરાંત મહિલાઓને હળવા થવા ઝાડની કે દિવાલની ઓથની સુવિધા કેટલી ક્ષોભ અને શરમજનક પરિસ્થિતિ ઉભી કરે તે આ સુત્રધારોએ ક્યારેય વિચાર્યું હશે ખરું ?

આ બાગમાં જ જાણવા મળ્યા પ્રમાણે આકોટા વરિષ્ઠ નાગરિક મંડળ કાર્યરત છે જેઓ એ આ પ્રાથમિક સુવિધાઓ ઉભી કરવા નગરપાલિકા સમક્ષ રજૂઆત કરી છે તેમ જાણવા મળેલ છે આ રજૂઆત કર્યા લાંબો સમય થવા છતાં આજ સુધી આ દિશામાં કોઈ નક્કર કાર્યવાહી નગરપાલિકા દ્વારા હાથ ધરાઈ હોય તેવું જાણવા મળતું નથી તે દુર્ભાગ્ય પૂર્ણ છે. હાલ નગરપાલિકાની ચૂંટણીઓ આવી રહી છે ત્યારે આકોટાના વિસ્તારમાંથી ચૂંટણીના ઉમેદવારો પાસે આ વિસ્તારના નાગરિકોએ લેખિત ખાત્રી મેળવવી જોઈએ કે ચૂંટાયા બાદ સૌ પ્રથમ પ્રાથમિકતા આકોટા ગાર્ડનમાં પુરૂષો અને મહિલાઓ માટે ટોયલેટની સુવિધા ઉભી કરવા માટે પોતાની તમામ શક્તિ કામે લગાડશે અને જો તેમાં નિષ્ફળ જશે તો મતદારો તેઓને રાજીનામા દેવા ફરજ પાડશે !

Advertisements

6 comments

  1. ભાઈ રૂપેન
    અલબત્ત મેં પૂ.મોટાના આશ્રમની મુલાકાત લીધી નથી પરંતુ તે વિષે સાંભળ્યું અને વાંચ્યુ છે અને એક વાર મુલાકાત લેવાની ઈચ્છા પણ છે પણ સંજોગો તે માટે ક્યારે અનુકૂળ થશે તે જાણતો નથી. મારી ઈશ્વરના ધામની જે કલ્પના છે તે સાફ-સ્વચ્છ અને પવિત્ર વાતાવરણ ધરાવતુ હોવું જોઈએ. કોઈ પણ પ્રકારની ગંદકી-ઘૉઘાટ અને ગીર્દીથી મુકત હોઈ તેવા આજ સુધીમાં અનેક મંદિરોની કુતૂહલ વૃતિથી મુલાકાત લીધી છે તેમાં મને શ્રેષ્ઠ કલકત્તામાં આવેલ બેલુર મઠ – પોંડિચરીનો અરવિંદ આશ્રમ અને કન્યા કુમારી ઉપર આવેલ વિવેકાનંદ રોક ખરા અર્થમાં પવિત્ર વાતાવરણ ધરાવતા જણાયા છે. અલબત્ત આ સ્થળોની મુલાકાતો પણ ઘણાં વર્ષો પહેલાં લીધી હોઈ આજે ત્યાં પણ કેવું વાતારણ હશે તે ખબર નથી. પણ મારાં ધારવા મુજબ ત્યાં હજુ પવિત્ર વાતા વરણ જળવાઈ રહ્યું હશે તેમ માનું છું. ખેર !
    સ-સ્નેહ
    અરવિંદ

    Like

    1. Dear Geeta
      Thx for the visit of my Blog as well as the comment. Ya, I am sending the copy of the Article to all the 3 concern for necessery action on their part.However I am afraid wheather these concern will like my such gesture and take any action to change the system. I also afraid the garden authorities will not initiate any action to construct the Public Toilet for man n woman in the garadan or remove the garbeg from it as all of them are used to live along with such Dirtyness and as such no 1 from authorities feel there is any garbeg in the garden. So far as public toilet is concern no 1 from the authorities facing any problem and hence they do not bother for general public. It is nothing else then the mentality prevailing in the mind of general public too .
      Once again thx for the visit. See u again.

      with love
      arvind

      Like

  2. અરવિંદકાકા અમદાવાદ આવો તો ઇસ્કોન મંદિર , તિરુપતિ બાલાજી મંદિર , જગન્નાથ મંદિર , અક્ષરધામ મંદિર ની મુલાકાત લેશો . ફોરેનના મંદિરો જેવો નહિ પણ વડોદરા કરતા કદાચ અમદાવાદમાં તમને સારો અને ભક્તિમય અનુભવ થશે તેવી આશા .

    Like

    1. ભાઈશ્રી રુપેન
      આપનો આભાર મુલાકાત અને પ્રતિભાવ માટે ! આપે જણાવેલા તમામ મંદિરોની મુલાકાત લીધેલ છે અલબત્ત તેને લાંબો સમય થયો હોઈ આજે ત્યાં પણ કેવો મહોલ છે તે જાણ નથી. મંદિર જો તેના ખરા અર્થમાં ઈશ્વરનું ધામ ગણાતું હોય તો તે ગંદકી-ઘોંઘાટ અને ગીર્દીથી મુકત રાખવાની અને તેવીજ જાળવણી હંમેશ માટે રાખવાની ફરજ/ઉત્ત્રદાયિત્વ મંદિરોના ટ્ર્સ્ટિઓ/વ્યવસ્થાપકોનુ બને છે. દર્શનાર્થી ત્યાં પોતાની તમામ ચિંતા-તાણ્-તકલીફો અને મુશ્કેલી ભૂલવા શાંતિ ઝંખતો આવતો હોય છે ત્યારે કોઈ પણ ને ભગવાનની આરતી/પ્રાર્થના માઈકના માથું ફાડી નાખે તેવા અવાજથી જે ખલેલ પહોંચે છે તે માત્ર ધાર્મિકતાની લાગણી દુભાવાય જશે અને અન્ય લોકો તેને નાસ્તિક ગણી કાઢશે તેવા ડરથી જાહેરમાં વ્યકત કરતો નથી અને મનોમન દુભાતો શાંતિથી સ્થળ છોડી દે છે. મોટા ભાગના મંદિરો ગંદકી-ઘોંઘાટ અને ગીર્દીના પર્યાય બની રહ્યા છે. આવા સ્થળોએ જો દર્શનાર્થીને જવાનો કંટાળો કે નાપસંદ હોય તો તેવા મંદિરોમાં ઈશ્વર કેવી રીતે રહેતો હશે ?
      દર્શનાર્થીઓએ આ ત્રણેય દુષ્ણો સામે અવાજ ઉઠાવતા થવું જોઈએ તેવું નથી લાગતું ? ખેર ! આવજો ! મળતા રહીશું !
      સ-સ્નેહ
      અરવિંદ

      Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s