***** દીકરા મોટો થા એટલે પરણાવીશું હો ! *****

***** દીકરા મોટો થા એટલે પરણાવીશું હો ! *****

$$$$$ “HE REIGNS BUT DOES NOT RULE “ $$$$$

એક બાળકે કોઈને પરણવા જતા જોઈ પોતાના પિતાશ્રીને કહ્યું કે મારે પરણવું છે ! જવાબમાં પિતાએ કહ્યું કે તું મોટો થા એટલે પરણાવીશું !

આપણાં વડાપ્રધાનશ્રી પણ મોંઘવારી ઘટાડવા માટે આવા જ વાયદા કરતા રહે છે. આમ તો ગુજરતીમાં આવા વાયદાઓને અગત્સ્યના વાયદા કહેવાય છે કે જે ક્યારે ય પાળવાના હોતા નથી.

યુપીએ સરકાર ફરીને સત્તા ઉપર આવી ત્યારે શ્રી મનમોહન સિંઘે કહેલુ કે મોંઘવારી 100 દિવસમાં ઘટાડી દેવામાં આવશે ! તેમ છતાં આજે 450 દિવસ પૂરા થવા છતાં મોંઘવારી ઘટવાનું નામ લેતી નથી ઉલ્ટાની નિરંકુંશ રીતે રાતે ના વધે તેટલી દિવસે, અને દિવસે ના વધે તેટલી રાતે, વધ્યે જાય છે. આથી લોકોનો વિરોધ, હાલાકી અને બે છેડા ભેગા કરવામાં પડતી મુશ્કેલીથી ગીનાય રોષ પણ બેકાબુ બની રહ્યો છે તે જોઈ શ્રી મનમોહનસિંઘ ફરી ઉચ્ચાર્યા કે ડીસેમ્બર સુધીમાં મોંઘવારી અર્થાત ફુગાવો ઘટવાની આશા છે !

સરકારના નાણાં મંત્રીએ કહ્યું કે મારી પાસે અલાદીનનો જાદુઈ ચિરાગ નથી કે હું મોઘવારી અંકુશમાં લઈ શકું ! અન્ન પ્રધાને કહ્યું કે હું જ્યોતિષ નથી કે મોંઘવારી ક્યારે ઘટશે તેની અગાહી કરી શકું !

મોંઘવારી નામનો રાક્ષસ સામાન્ય જનતાને ભરખી રહ્યો છે ત્યારે આ નફ્ફટ નેતાઓ પોતાના પગારો અને અન્ય સવલતો છ ગણી વધારવામાં રચ્યા-પચ્યા છે. વડાપ્રધાન શ્રી લાચાર છે ! બિચારા છે ! કારણ તેમની હાલત બ્રિટનની રાણી જેવી છે ! બ્રિટનમાં કહેવાય છે કે HE/SHE REIGNS BUT DOES NOT RULE અને આપણાં માટે તો બ્રિટન કે અમેરીકા મા-બાપ જ ગણાયને ! માટે આપણાં વડાપ્રધાનશ્રી આબેહુબ તે સુત્રનું આપણે ત્યાં અનુકરણ કરી રહ્યા છે.

આમ આદમીને દિન પ્રતિ દિન વધુ અને વધુ પરેશાન કરી રહી છે આ મોંઘવારી ! મારો પોતાનો એક અનુભવ અત્રે જણાવું તો અપ્રસ્તુત નહિ ગણાય. થોડા દિવસ પહેલાં હું શાક-ભાજી લેવા ગયેલો ત્યારે શાક લેતા મેં ટમેટાં લેવા માટે એક ટમેટું હાથમાં લઈ ભાવ પૂછ્તા મને શાક વાળાએ કહ્યું ભાવ બાવ પછી તમે ટમેટાને અડક્યા અને હાથમાં પણ લીધું એટલે તેના 2 (બે ) રૂપિયા તો ચૂકવવા જ પડશે ! કીલોના 60/- સાઠ રૂપિયા ભાવ છે અને હાથમાં લેતા ચીપાઈ જવાની દહેશત રહે છે તેથી હાથમાં લેવાની મનાઈ કરી છે. આપણાં એક પણ રાજકારણીઓ કે સત્તાધીશો ક્યારે ય બજારમાં શાક-ભાજી કે અન્ય ખાધા-ખોરાકની ચીજ-વસ્તુ ખરીદવા ગયા છે ખરા કે તેમને મોંઘવારી કઈ બલા છે તે ખબર/સમજ પડે ?

વડાપ્રધાનશ્રી નિષ્ણાત અર્થશાસ્ત્રી હોવાનું સાંભળવામાં/સંભળાવવામાં આવતુ રહ્યું છે. અને તેમ છતાં મોંઘવારી કાબુ બહાર જઈ રહી છે અને ફરીને વાયદો કરવામાં આવે છે કે ડીસેમ્બર સુધીમાં મોંઘવારી ઘટવા લાગશે ! કઈ સાલનો ડીસેમ્બર તે વિષે કોઈ ફોળ પાડવામાં આવતી નથી.

તેમ છતાં 2010નો ડીસેમ્બર આપણે સમજીએ તો પણ કદાચીત મોંઘવારી થોડી ઘટે તો તે કોઈ વડાપ્રધાનની નીતિને કારણે ઘટશે તેમ માનવાને કોઈ કારણ નથી. પરંતુ કુદરત જે રીતે સમયસર વરસાદ લાવે છે અને ખેડુતો પરસેવો પાડી મહેનત કરી વાવણી કરશે અને પાકની બરાબર માવજત કરશે જેથી નવો પાક બજારમાં આવતા ભાવો આપોઆપ ઘટવા તરફ રહેવાની શક્યતાઓને આ રાજકારણીઓ જાણે તેમના પ્રયાસોથી ભાવો ઘટયા તેવો યશ લેવાની નફ્ફટાઈ કરવાની સંભાવના છે !

મહત્ત્વની વાત તો એ છે કે વડાપ્રધાનશ્રી મોંઘવારી ઘટશે તેમ કહેવાને બદલે ફુગાવો ઘટશે તેમ નિવેદન કરે છે જે શબ્દો બહુ જ અગત્યના અને સમજવા જરૂરી છે. ફુગાવાના આંકડા સરકારી ખાતાઓ જાહેર કરે છે અને તે ગણવામાં બજારમાં પ્રવર્તતા જથ્થાબંધ ચીજ-વસ્તુના ભાવો ગણતરીમાં લેવામાં આવતા હોય છે જ્યારે ગ્રાહક વસ્તુઓની ખરીદી છૂટક કરે છે ! ઉપરાંત ફુગાવાની ગણત્રી કરવામાં આંકડાશાસ્ત્રનો આશરો લેવામાં આવે છે. આ આંકડાશાસ્ત્રને અંગ્રેજીમાં સ્ટેસ્ટીક્સ કહેવાય છે ! અને તેને માટે એક કહેતી પણ છે કે લાઈ ( ખોટું ) લાયર ( વધુ ખોટું ) અને સ્ટેસ્ટીક્સ અર્થાત આંકડાશાસ્ત્ર ! વડાપ્રધાનશ્રી આ આંકડાશાસ્ત્ર પ્રમાણે ગણત્રી કરાવી ફુગાવાના આંકડા જાહેર કરશે અને તે રીતે ફુગાવો ઘટ્યાનો જશ લેવા ચેષ્ટા કરશે જ્યારે વાસ્તવમાં ભાવો વધ્યા હશે ! આ પહેલાં થોડા મહિનાઓ પહેલાં જ આ નિષ્ણાત અર્થશાસ્ત્રીના દેશમાં ફુગાવાનો દર ઘટતો જતો હતો ત્યારે પણ ભાવો વધ્યે જતા હતા ! ફુગાવો ઘટે અને ભાવો વધે તેવી યુનિક અર્થવ્યવસ્થા આપણાં દેશ સીવાય કોઈ દેશમાં પ્રવર્તતી નહિ હોય ! મેરા ભારત મહાન !!!

આ ભાવ વધારાએ 1998માં એક માત્ર ડુંગળીના ભાવો વધેલા અને જેણે ભાજપની દિલ્હીની અને રાજસ્થાનની ગાદી ગુમાવેલી એ ઈતિહાસનું પુનરાવર્તન થાય તો નવાઈ નહિ લાગે !

વડાપ્રધાને ફુગાવો ઘટશે તેવી માત્ર આશા વ્યકત કરી છે કોઈ ખાત્રી આપી નથી. કારણ તેમને પોતાના લશ્કર ઉપર જ વિશ્વાસ નથી ! તેમના લશ્કરમાં રહેલા ખેરખાંઓ જેવા કે સર્વશ્રી શરદ પવાર પ્રણવદા ચીદમ્બરમ મમતા બેનરજી મુરલી દેવરા અને અન્યો કાંઈ ને કાંઈ ગતકડાં કરી આ લાચાર ( ? ) વડાપ્રધાનની મજબુરીનો બરાબર લાભ ઉઠાવે છે. વાસ્તવમાં આમ આદમી સમજી ચુક્યો છે કે આ વડાપ્રધાન માત્ર અંગુઠો છે. તેમનું કોઈ કક્ષાએ કશું ઉપજતું નથી. નથી મંત્રી મંડળમાં કોઈ પણ પ્રશ્ને એક વાક્યતા ! કે નથી માહોંમાંહ્ય લડતા/એક બીજાને ઉતારી પાડતા મંત્રીઓને નિવેદનો કરતા રોક લગાવી શકતા ! જેમને જે ઠીક લાગે તેવા બેફામ નિવેદનો ફટકાર્યા કરે છે ! જે દેશના હિતને, દેશની એકતાને, જબર જસ્ત નુકશાન કરી રહ્યું છે.

કહેવાય છે કે શ્રી મનમોહનશિંઘ એક સજ્જન-સરળ અને સીધા ઈંસાન છે ! હશે ! બનવા જોગ છે ! મારી દ્રષ્ટિએ તેઓ શ્રી સૌ પ્રથમ એક બ્યુરોક્રેટ છે અને બાકીનું બધું તે પછી ! બ્યુરોક્રેટ સરકારી કચેરી કે કોઈ બેંકના ચેરમેન કે સીઈઓ તરીકે સરસ કામગીરી કરી શકે પરંતુ જો કીડી ઉપર લાડુ મૂકી દેવામાં આવે તો કીડી હરી ફરી શકવાનું તો એક બાજુ રહે પણ ગુંગણામણ અનુભવી કદાચ બેહોશ બને કે મૃત્યુ પણ પામે ! વળી હાલના આપણાં દેશના રાજકારણમાં કોઈ સજ્જન ખાનદાન સરળ કે પ્રામાણિક વ્યક્તિ વડાપ્રધાનની ખુરશી સુધી પહોંચી શકે ખરી ? હું તો માનવા તૈયાર નથી ! આપ સૌ માનો છો ?

મનમોહનસિંઘ છૂપી મહત્વાકાંક્ષા ધરાવનાર એક વ્યક્તિ છે જે પોતાનું નામ ભારતના ઈતિહાસમાં કાયમ માટે લખાય તેમ અભિલાષા સેવી રહ્યા હોવાનું હું મકકમતાથી માનું છું કારણ નહિ તો કોઈ પણ વ્યક્તિ સહેજ પણ પોતાના સ્વમાન-સન્માન અને સ્વાભિમાન ધરાવતી હોય તે એક દિવસ પણ આવી મજબુરી/લાચારી સહન ના કરે ! ખરેખર જો ઈતિહાસમાં અમર થવું જ હોય તો આ જ ક્ષણે વડાપ્ર્ધાનની ખુરશી ઉપરથી ઉતરી જવું જોઈએ ! નહિ તો પણ ઈતિહાસમાં નામ તો લખાશે જ પણ અકસ્માતે થઈ ગયેલા અને પેલા શેકસપીયરે કહ્યું છે તેમ કે કોઈક નેતા જન્મ છે તો કોઈક ને નેતા બનાવવામાં આવે છે તો કોઈક ઉપર નેતાગીરી લાદવામાં આવે છે અને મનમોહનસિંઘ લાદેલી નેતાગીરીની કક્ષામાં આવે છે.

આજ સુધીમાં માનમોહનસિંઘ સત્તા ઉપર બેઠા હોવા છતાં શાસન કરી શકવાની કોઈ ક્ષમતા કે હેસિયત દર્શાવી શક્યા નથી તે હવે કોઈથી છૂપું રહ્યુ નથી. એક પણ મંત્રીમંડળના સાથીદારની જીભ ઉપર અંકુશ કે લગામ લગાવી શકયા નથી. કમનસીબ છે આ દેશના કે આવા તદન પ્રભાવહીન વડાપ્રધાન્ દેશના સર્વોચ્ચ સ્થાને બીરાજી રહ્યા છે અને તેથી જ અમેરીકાના પ્રમુખ ઓબામા જી10ની સભામાં એમ કહે કે મનમોહંસિંઘ બોલે છે ત્યારે દુનિયા સાંભળે છે જેને આપણે પેલો ફુલણજી દેડકો પોતાના વખાણ( ? ) સાંભળી ફુલે અને મોટેથી ડ્રાઉ ડ્રાઉ કરે તેમ સરદારજી પણ ફુલ્યા કરે છે. અને ઓબામાની મૂળ વાતતો અમેરીકાના હિતોની ભારતમાં રક્ષા કરવાની કે ભારતના આ ફુલણજીઓ પાસેથી કોઈ એવા કરારો કરાવી લેવાની “અમૂલ” બ્રાંડ યુક્તિ છે તે સમજી શકે તેવી ક્ષમતા ધરાવતા નથી !

આપણાં દેશમાં 77% અર્થાત 83,60,00,000./- ત્ર્યાંસી કરોડ અને સાઠ લાખ માણસો રોજના 20/- માત્ર વીસ રૂપિયા કરતાં ઓછાં પામે છે જ્યારે 30.00.00.000/- ત્રીસ કરોડ લોકો ગરીબી રેખા નીચે જીવે છે. આ આંકડા સરકાર દ્વારા પ્રસિધ્દ્ધ થયેલા છે.

દેશમાં લાખો ટન અનાજ ખુલ્લામાં પડ્યું રહે છે અને સડી જાય છે. લગભગ 80.000/- એંસી હજાર ટન અનાજ સડી ગયું છે જે એક અંદાજ મુજબ ઓછામાં ઓછા 20 વીસ કરોડ લોકોને એક વર્ષ સુધી આપી શકાય તેટલો જથ્થો થવા જાય છે. આ 80.000/- ટન અનાજ સડી ગયાનો અહેવાલ કેન્દ્રના સબંધિત પ્રધાનનો જ છે અને તેની બરાબર નીચે બીજા અહેવાલમાં સર્વોચ્ચ અદાલતને એમ કહેતાં ટાંકવામાં આવીછે કે” આ દેશમાં અન્નના એક દાણાનો બગાડ પણ ગુના સમાન છે.” ત્યારે શરદ પવાર જેવા બેજવાબદાર –બેશરમ અને નફ્ફ્ટ અન્ન પ્રધાન આંકડાશાસ્ત્રની સહાય લઈ નિવેદન કરે છે કે કુલ પુરવઠાના માત્ર 3% ટકા અનાજ સડી ગયું છે અને મીડીયા વાળા કારણ વગરની રડા રોળ કરે છે. જોઈ આંકડાશાસ્ત્રની કમાલ ! જે અનાજ 20 કરોડ લોકોની એક વર્ષ સુધી ભુખ ભાંગી શકે તેને માત્ર 3% ગણાવી તદન નજીવો પુરવઠો ગણાવવામાં શરદપવારની ચાલાકી ખુલ્લી પડે છે.

સોનીયા ગાંધીએ એક નિવેદનમાં કહ્યું કે “પેટ્રોલ્-ડીઝલ-ગેસ અને કેરોસીંનના ભાવ વધારવા જરૂરી હતું. અને સામાજિક ક્ષેત્રની યોજનાઓ માટે નાણાં ઉભા કરવા મહત્વનું હતું. ભાવ વધારો કોઈ દિવસ કોઈને ગમતો ના હોય પણ આવું ઘણાં કારણોસર કરવું પડે છે જેમાંથી એક કારણ સામાજિક ક્ષેત્રની યોજનાઓ માટે નાણાંની ઉપલબ્ધતા વધારવાની જરૂર હતી.”

આ સામે ઓક્ટોબર 2010માં દિલ્હીમાં યોજાનારી કોમનવેલ્થ ગેમ્સનો જે ખર્ચનો અંદાજ 655 છસો પચાવન કરોડ ગણવામાં આવ્યો હતો તે આજની તારીખે વધીને 11449/- અગીયાર હજાર ચારસો ઓગણપચાસ કરોડ પહોંચી ગયો છે. અને તેમાં થયેલા અને થઈ રહેલા ભ્રષ્ટાચારની બદબુથી માત્ર દિલ્હી શહેર જ નહિ પણ આખો દેશ ગંધાઈ રહ્યો છે.

એક મીડીયાના જણાવ્યા અનુસાર આ કોમનવેલ્થ ગેમ્સઅંગેનો ગોટાળો રૂપિયા 35.000/- પાંત્રીસ કરોડ સુધીનો છે અને જેમાં 749 કરોડ રૂપિયા જેવડી રકમ કે જે દલિતોના વિકાસ માટે અનામત હતી તે પણ ખર્ચી નાખવામાં આવી છેઆ વિષે હોબાળો/દેકારો થતા આ કોમનવેલ્થ ગેમ્સ માટેની તૈયારી કરનાર જવાબદાર પ્રધાન શ્રી કલમાડીએ ગોટાળાની તપાસ કરવા એક કમિટિ બનાવી હોવાના સમાચાર મળે છે જાણે દૂધ ભરેલા વાસણ સામે બિલાડીને ઉભાડી દીધી !

આવા સંજોગોમાં સોનીયાજીની વાત કોણ માનવાનું છે ? સામાજિક ક્ષેત્રની કોઈ યોજના માટે નહિ પણ આ કોમનવેલ્થને નામે “કોમન વેલ્થ” ઉભી કરવા ભાવ વધારવામાં આવી રહ્યા હોય તેવી શક્યતાઓ વધુ જણાય છે !

આ ઉપરાંત સ્વીસ બેંકમાં આપણાં દેશના 70.00.000/- અર્થાત સીત્તેર લાખ કરોડ રૂપિયા જમા પડ્યા છે તેમ સ્વીસ બેંકોએ ભારત સરકારને જણાવ્યું છે. આ રકમ પાછી મેળવી શકાય તો દેશનુ વિદેશી દેણું 13 તેર વખત ભરપાઈ થઈ શકે. આ રકમનું વ્યાજ ગણતાં દેશના રાષ્ટ્રિય બજેટ જેટલી રકમ થવા જાય ! એક પણ પૈસાનો કરવેરો નાગરિકોએ ભરાવાનો આવે નહિ પરંતુ દેશના અંદાજે 45 કરોડ ગરીબોને એક એક લાખ રૂપિયા આપી શકાય ! આવી માહિતી અમેરીકી સરકારે પૂરી પાડવા સ્વીસ સરકાર અને બેંકોને ફરજ પાડેલી તે યાદ આપવાની જરૂર છે ?

બ્રિટન કે જ્યાં હમણાં જ નવી સરકાર આરૂઢ થઈ છે ત્યાં કરકસરના પગલાં લેવા શરૂ કરી પ્રધાનો અને સાંસદોના પગાર અને ભથ્થાઓ ઘટાડવામાં આવી રહ્યા છે જ્યારે આપણે ત્યાં કરકસરના પગલાં લેવાની જાહેરાતનું પ્રધાન મંડળના સભ્યોએ જ કેવી ઠેકડી ઉડાડી હતી તે જાહેર છે અને હવે તેવી વાત કરવાની હિમત સોનીયાજી પણ કરી શકતા નથી. ઉલ્ટાનું આપણે ત્યાં સંસદમાં 70% સાંસદો કરોડપતિઓ છે અને બાકીના લાખોપતિઓ હોવા છતાં પોતાના પગાર અને ભથ્થાં આઠ ગણાં વધારવાની દરખાસ્ત સંસદમાં પસાર થવાની છે અને આ દલા તરવાડીઓ એકી અવાજે પસાર કરવાના છે જેની જાણ પણ પસાર થઈ ગયા બાદ જ લોકો અને મીડીયાને થશે ! આ કરોડપતિઓ અને લાખોપતિઓ હોવા છતાં વૃતિથી ભિખારી કરતાં પણ ઉતરતી કક્ષા ધરાવે છે.

આવા સંજોગોમાં મનમોહંસિંઘમાં સ્વમાન-સન્માન અને સ્વાભિમાનનો એક અંશ પણ હોય તો એક ક્ષણનો પણ વિલંબ કર્યા સિવાય હોદો ત્યજી દેવો જોઈએ બાકીતો ગુજરાતીમાં કહેતી છે કે બાળક કોઈના લગ્ન જોઈ કજીયા કરે તો કહેવાનું કે મોટો થા એટલે તારા લગ્ન કરીશું હો !!!

બીજી વાર સત્તા મેળવ્યા પછી પ્રથમ 100 દિવસમાં મોંઘવારી ઘટાડવાના બણંગા ફૂકેલા અને 450 દિવસ સત્તા ભોગવ્યા બાદ હવે ડીસેમ્બર સુધીમાં ફુગાવો ઘટશે તેવા તારા દિવસના પ્રકાશમાં લોકોને દેખાડી રહ્યા છે ! જે આબેહુબ દીકરા મોટો થા લગ્ન કરી દેશું તેનું પ્રતિબિંબ સીવાઈ કંઈ નથી !

ટૂંકમાં મનમોહંસિંઘ RAIGNS BUT DOES NOT RULE ની બ્રિટિશ કહેતી સાર્થક કરી રહ્યા છે ! શાસન કરવા કોઈ ક્ષમતા ધરાવતા જણાતા નથી.

મોંઘવારી સીવાય નક્સ્લવાદ આતંકવાદ અને કાશ્મીરના પ્રશ્ને પણ અનિર્ણાયકતાના પ્રતિક છે. આ ત્રણ પ્રશ્નો વિષે તો અલગ અલગ લખવું પડે અહિ આ મુદાઓ પ્રસ્તુત નથી પણ તેથી દેશ માટે મહત્વના નથી તેમ રખે માની લેતા !

Advertisements

17 comments

    1. શ્રી વિનયભાઈ
      આપે મારું ધ્યાન દોર્યું તે માટે આભાર ! મેં ભાઈ તેજસની આ ભૂલ પ્રત્યે ધ્યાન દોર્યું છે અને બ્લોગ લખનારના નામનો ઉલ્લેખ કરવા જણાવ્યું છે. આમ તો વિવેક એ ગણાય કે લેખ મૂકતા પહેલાં જ જે તે બ્લોગરની પરવાનગી મેળવી લેવી જોઈએ ! ખેર ! આમ જોઈએ તો બ્લોગર અને તેપણ મારાં જેવા સામાન્ય વાચકનો ઈરાદો તો વધુ અને વધુ લોકો વાંચે તે જ હોય છે તેમ છતાં વિવેક નહિ ચૂકવો જોઈએ તેવું હું દ્રધતાથી માનું છું ! ફરીને આભાર ! આવજો !
      સ-સ્નેહ
      અરવિંદ

      Like

  1. ચૂંટણી વખતે કહેવામાં આવ્યું હતું કે મનમોહનસિંહ નબળા વડાપ્રધાન છે. પરંતુ લોકોએ તેમને ખોબલે ખોબલે મત આપ્યા. હવે ભોગવો મત આપવાના ફળ. અડવાણીને મત આપ્યા હોત તો પરિસ્થિતિમાં બહુ કઈ ફર્ક પડ્યો ન હોત. અંતે તો હેમનું હેમ.

    Like

    1. ભાઈ વિજય
      આપની વાત સાચી છે તમામે તમામ રાજકારણીઓ/સત્તાધારીઓ એક જ બ્લડ ગ્રુપ ધરાવનારા છે. તાજા સમાચાર અનુસાર શરદ પવારે કહ્યું જ ને કે ગરીબોને મફત અનાજ આપી ના શકાય ! મતલબ ભલે અનાજ સડી જાય ફેંકી દેવું કે બાળી નાખવું પડે તે મંજૂર પણ માનવીને મોઢે નહિ જ જવા દેવાય ! આભાર આપની મુલાકાત અને પ્રતિભાવ માટે ! આવજો ! મળતા રહીશું !
      સ-સ્નેહ
      અરવિંદ

      Like

  2. મા. શ્રી અરવિન્દભાઈ

    રાજકારણીઓના વાયદા પાળવા માટે નથી હોતા, ફક્ત આપવા માટે હોય છે આ ખબર હોવી જોઈએ અને પ્રજાઓને “આપે” એમા જ સંતોષ માનવો જોઈએ.

    ૬૪ વર્ષમાં એકજ એવો ઠરાવ છે જે પાંચ જ મિનીટમાં એક પણ વિરોધ વિના પ્રજાના ચૂંટાએલા પ્રતિનિધિઓ પાસ કરતા હોય એ વાત ગવરૌવ લેવા જેવી બાબત છે !!!

    પ્રજાની ફરજ બને કે દુનિયાંની જીનિયશ બૂકમાં નોંધણી કરવે. મફતમાં રાજા બનાય છે ??? યાર.

    ઉપરથી તમે આવું અમળાયલું અમળાયલું વાંકુ વાકું લખો એન. આર. આઈ. તરીકે વિરોધ કરૂં છું.

    અને હા હવે પછી “અગતસ્યના વાયદા ” શબ્દ પ્રયોગ આપણે કરવા નહિ એક તો પાંચ હજાર વર્ષ જુનો અને એમાં નેતાશ્રીનું અપમાન છે.

    હવેથી ” નેતાજીના વાયદા “શબ્દ પ્રયોગ કેવો લાગે તમને ??? આથી ગુજરાતી ભાષાને એક નવો રૂઢી-પ્રયોગ મળશે. વિપક્ષ નામના ચમચાઓ સહમત નાહિં થાય. સમજી શકાય.
    અસ્તુ.

    Like

    1. શ્રી પોપટભાઈ

      આપની મુલાકાત અને પ્રતિભાવો માટે ખૂબ ખૂબ આભાર ! આપની વાત સાથે હું સુર પુરાવુ છું. આપણે ગમે તેટલી ખરબ કે ગંદી ભાષા વાપરી આ રાજકારણીઓ/સત્તાધીશોને વખોડી એ પણ તે સર્વે એટલા તો નફ્ફટ છે કે કોઈ અસર થવાની નથી. માત્ર કોઈક એવો આગેવાન જન્મે અને દેશને સાચી દીશા તરફ લઈ જઈ શકે તો જ દેશવાસીઓ આ લોકોથી બચી શકે તેમ છે !
      આઆખેર !

      આવજો ! મળતા રહીશું !

      સ-સ્નેહ

      અરવિંદ

      Like

  3. Tamara article nu vivechan karanara loko mane chhe ke praja jagi nathi… hu aa vat samaji nathi shakti…
    praja e koi navu prani nathi pan aa halat ma jivvani mehant karanara badha chhie.

    Loko ne gale fanso aapi ne latkavela chhe tevi halat ma jive chhe.
    e.g. Jem manas khulla medan ma hoy ane hava darek disha thi aave to kai disha ne same hava ne rokva ado hath deva jay?

    Aa badhu charcha karava nu majanu lage chhe pan..rasto kya chhe?
    Man Mohan khurshi per thi utare to pachhi shu?…….

    Like

  4. Bhav vadharo ne fugavo koi ek hath ni vat nathi..

    Globalization ane dollar no bhav jota mane em lage chhe ke badha ek sarakha bhav aapie chhie. Hu America ma dollara aapu tem tame India ma tela ja rupiya aapo chho. Kharu jota to ame vadhare paisa chukavie chhie.
    Tomato 1LB = 88 cents (this week only)nahiter dollar hoy chhe

    The main thing is bhav vadhe teni sathe majuri karnara ni majuri vadhi chhe?

    “Maro Bhart Mahan” Garibo nu lohi chusava ma pan hamesha mahan rahelo chhe evu hu joi shaki chhu.

    Like

    1. ગીતાજી

      આપની વાત સાથે સહમત થવા છતાં અહિ જે ભાવ છે તે આજની આ સીઝનમાં ટમેટા કે દુધી વગેરે મોંઘામાં મોઘા 8 કે 10 રૂપિયે કેજી હોવા જોઈએ આ અમારો દર વર્ષનો અનુભવ છે. રાજકારણીઓ/સત્તાધીશો ક્યારે ય બજારમાં કોઈ ચીજ વસ્તુ લેવા જતા હોતા નથી તેથી ભાવ ક્યારે સસ્તા અને મોંઘા થાય તેનું કોઈ વ્યવહારીક જ્ઞાન કે માહિતી હોતી નથી.આ કહેવાતા નાણાં પ્રધાન કે અર્થશાસ્ત્રી પુસ્તકો વાંચી અર્થ શાસ્ત્ર સમજ્નારા છે કોઈને લોકોની યાતના તેના પગારો વિષે ચિંતા હોતી નથી. કોમંવેલ્થ ગેમની અંદર કરોડો રૂપિયાનોં કૌભાંડ બહાર આવી રહ્યું છે ઉપરાંત આવા તો અનેક કરોડો નહિ પણ અબજો રૂપિયાના કૌંભાંડ આચરી આ લોકો દેશને રીત સર લૂંટી રહ્યા છે તેની વેદના અને આક્રોશ વ્યકત થાય છે. સામન્ય નાગરિક બિચારો-બાપડો બની જીવન નિર્વાહ કરી રહ્યો છે ! ખેર ! આવજો ! મળતા રહીશું !

      સ-સ્નેહ

      અરવિંદ

      Like

  5. અરવિંદ કાકા સરસ…એક જ લેખ માં આટલા બધા તીક્ષ્ણ હથિયારોનો સરકાર સામે મારો ચલાવ્યો…..ખુબ જ ધન્યવાદ…
    ભારતના પ્રધાનમંત્રી લાચાર અને મજબૂર હશે પરંતુ એમની વિશ્વસનીયતા પર શંકા કારી શકાય તેમ નથી….કારણકે આજે ભારતે જે વિકાસ અને પ્રગતિ સાધી છે તે ડૉ.મનમોહનસિંહના પ્રતાપેજ. બાકીના પ્રોબ્લેમ્સ તો દરેક સરકાર વખતે થતા જ હોય છે….નવું કશુજ નથી…અને ભારતની પ્રજા પણ અવે તો આ બધા પ્રોબ્લેમથી ટેવાઈ ગઈ છે…..જ્યાં પ્રજાજ કઈ ના બોલે કે ન વિરોધ કરે….ત્યાં સરકાર પણ કસુ કરવાને બદલે ફક્ત તમાશો જોયા કરે છે…..

    Like

    1. ભાઈશ્રી યશ
      આભાર મુલાકાત અને પ્રતિભાવ માટે ! આપની વાત સાથે કે દેશનો વિકાસ મનમોહનસિંઘને કારણેથયો છે કે થઈ રહ્યો છે તે વિષે હું સહમત નથી ! દેશનો વિકાસ દેશમાં પડેલી ઉધ્યોગપતિઓની ટેલંટ અને દિર્ઘ દ્રષ્ટિનું પરિણામ ગણાવી શકાય ! સંભવ છે કે તેઓએ પોતાના ઉધ્યોગની તરક્કી માટે આ ભ્રષ્ટાચારી પ્રધાનો પાસે તેમના લાભમાં પરિણમે તેવી નીતિઓ ઘડાવી હોય ! પરંતુ જે વડાપ્રધાનનું પાંચીયું પણ ઉપજતું નથી તે દેશનો વિકાસ શું કરી શકે ? ઈતિહાસે નબળા વડાપ્રધાનો જોયા છે પણ આવા લાચાર અને બિચારા વડાપ્રધાન તો આ એક જ અને અનન્ય છે ! લોકો ટેવાયા નથી પરંતુ મજબુર બન્યા છે કારણ અન્યાય સામે મોંઘવારી સામે લોકો સાથે ઉભા રહી લડત ચલાવે તેવો કોઈ નેતા નજીકના ભવિષ્યમાં દ્રષ્ટિગોચર થતો નથી ! ઉપરાંત આમ આદમી પોતાના બે છેડા ભેગા કરવામાં એટલો ગુંચવાયેલો રહે છે કે રોજ બ રોજના પરિવારમાં ઉભા થતા પ્રશ્નો તેને મુંજવી રહ્યા છે જે તેની મજબુરી બની ગઈ છે ! તમામ લોકોને આક્રોશ દિલમાં એતમ બોમ્બ જેવો ભર્યો છે પણ વ્યકત કરવા કોઈ પ્લેટફોર્મ મળતું નથી ! અસ્તુ !

      ફરીને આભાર ! આવજો ! મળતા રહીશું !
      સ-સ્નેહ
      અરવિંદ

      Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s