જોઈએ છે એક મર્દ !!! રાહુલ ગાંધી આપ મર્દાનગી પુરવાર કરી શકશો ??? !!! ???

જોઈએ છે એક મર્દ !!!
રાહુલ ગાંધી આપ મર્દાનગી પુરવાર કરી શકશો ??? !!! ???

ભોપાલ ગેસ કાંડ માટે તલઃસ્પર્શી તપાસ કરવા વડાપ્રધાનશ્રીએ શ્રી ચીદમ્બરમના વડપણ હેઠળ પ્રધાનોના એક જુથની રચના કરેલી તે જુથે તેમનો અહેવાલ વડાપ્રધાનશ્રીને સુપ્રત કરી દીધાના સમાચાર મળે છે. આ અહેવાલ ઉપર આખરી નિર્ણય આ માસની 25 તારીખના મળનારી પ્રધાનમંડળની બેઠકમાં વિશદ ચર્ચા વિચારણા કર્યા બાદ લેવામાં આવશે તેમ પણ કહેવાયું છે.

આ અહેવાલમાં જણાવ્યા પ્રમાણે મૃતકોના વારસોને રૂ!.10/- દસ લાખનું વળતર ચૂકવવા તથા પીડિતોને રૂ!.5/- પાંચ લાખનું વળતર ચૂકવવા ભ્લામણ કરી છે તેમ સમાચાર માધ્યમો જણાવે છે.

સરકારશ્રીના દાવા પ્રમાણે મૃતકોની સંખ્યા 5295 જેટલી છે જ્યારે વાસ્તવમાં આ સંખ્યા 15000/- પંદર હજારથી વધારે છે. ઝેરી ગેસને કારણે 5,60,000/- પાંચ લાખ સાઠ હજાર લોકોને અસર પહોંચી હતી. જેમાંથી 37000/- સાડત્રીસ હજારને કાયમી ખોડ ખાંપણ રહેલી છે. જ્યારે બાકીનાઓને મામુલી ઈજા પહોંચી હતી તેમ આ અહેવાલ જણાવે છે. શ્રી ચીદમ્બરમે ગેસ હોનારતને કારણે હજારો લોકોને ઈજા પહોંચી હતી અને આ તમામ પીડિતો પ્રત્યે કેન્દ્ર સરકાર સહાનુભૂતી ધરાવે છે તેમ વધુમાં જણાવ્યું છે.

આ અહેવાલ પ્રમાણે ગેસ પીડિતો માટે જાહેર થયેલ પેકેજ રૂ!.1300/- એક હજાર ત્રણસો કરોડનું થવા જાય છે. અલબત્ત આ રકમ ક્યાંથી આવશે તે વિષે ચીદમ્બરમે રહસ્યમય મૌન સેવ્યું જણાય છે. અને તેથી એમ માનવાને કારણ રહે છે કે આ નાણાં આ દેશના લોકોએ ચૂકવેલા કરવેરામાંથી અર્થાત સરકારની તીજોરીમાંથી ફાળવવાના રહેશે ! આ નાણાં યુનીયન કાર્બાઈડ પાસેથી મેળવાશે કે કેમ તે વિષે અહેવાલમાં કોઈ ઉલ્લેખ જણાતો નથી.

હે ! ભારત વાસીઓ જાગો ! આ સત્તાધીશો બિલકુલ નપુંસક અને કાયર છે. આ દેશના લોકોના જીવનની કીડી-મકોડાથી વધુ કોઈ કિમત નથી. હજારોની સંખ્યામાં લોકો મોતને ભેટયા હોવા છતાં એક પણ નેતામાં એવું પાણી નથી કે ઉંચે અવાજે યુનિયન કાર્બાઈડ કે અમેરીકી સરકાર સાથે વાત કરી શકે ! અને વળતર માટે રકમ માંગી શકે કે એંડરસનના પ્રત્યાર્પણની ભારપૂર્વક માંગણી કરી શકે !

લોકોનો રોષ-ગુસ્સો અને આક્રોશ ઠંડો પાડવા અને આ બર્બર બનાવને ભૂલવાડી દેવા 25 વર્ષ બાદ રૂ!.દસ લાખનું નગણ્ય અર્થાત ભૂખડી બારસ જેટલી રકમ નુકસાન પેટે ચૂકવવા ભલામણ કરે છે અને તે રકમ પણ ક્યાંથી મેળવાશે અને કેટલા સમયમાં આ રકમનું ચૂકવણું કરવામાં આવ્શે તે વિષે કોઈ સ્પષ્ટતા કરવામાં આવી હોય તેમ જણાતું નથી.

ઉપરાંત આ દેશના લોકો તે પણ જાણે છે કે આ દસ લાખ કે પાંચ લાખની રકમ પીડિતો સુધી ક્યારેય પહોંચવાની નથી. વચેટીયાઓ જ આ નાણાં જમી જવાના છે. તાજેતરમાં જ દિલ્હીની વડી અદાલતે એવું નીરિક્ષણ કરેલું કે સરકારના તમામ ખતાઓમાં 90% કર્મચારીઓ ભ્રષ્ટ છે જે ખુબ જ સુચક છે અને અહીં દર્શાવેલ દહેશતમાં તથ્ય છે તે પુરવાર કરે છે.

આવા સંજોગોમાં કોઈ પોતાની ખરી મર્દાનગી દર્શાવી શકે તેવા આગેવાનની ક્યારેય નહિ હતી તેવી જરૂર આજે છે

ઉત્તર પ્રદેશમાં છાસ વારે ગરીબ દલિતને ત્યાં ભોજન આરોગતા કે રાત વાસો કરતા કે મુંબઈમાં લોક્લ ટ્રૈનમાં મુસાફરી કરતા રાહુલ ગાંધી આપ, જો આ દેશના લોકો પ્રત્યે, લોકોના હિત અને કલ્યાણ માટે, ખરા અર્થમાં કમીટેડ અર્થાત પ્રતિબધ્ધ હો, તો અને આજ સુધી કરેલું પ્રદર્શન દેખાડો ના હોય, તો આવો મર્દાનગી દેખાડવાનો અને પુરવાર કરવાનો અમૂલ્ય અવસર સાંપડ્યો છે તે તકનો લાભ લઈ ભેદી મૌન તોડી મેદાનમાં આવો અને જે કોઈ આ વિનાશક ગેસ કૌભાંડમાં તથા એંડરસનને ભગાડી મૂકવા માટે જવાબદાર હોય તે તમામને લોકો સમક્ષ ખુલ્લા પાડો અને આપની વડાપ્રધાન થવાની કાબેલિયત પુરવાર કરો ! આ જબર જસ્ત પડકારને સામી છાતીએ જીલ્લી આપનામાં લોક નેતા થવાનું ખમીર છે તે સાબિત કરી આપો !

આ તબક્કે આપના પ્રપિતામહ શ્રી નહેરૂએ આપની દાદી ઉપર લખેલા એક પત્રમાં કહ્યું હતું તે વર્ષો પહેલાં વાંચેલુ તે યાદ આવતા અત્રે જણાવું છું તેમણે લખેલુ કે પરિવાર માટે વ્યક્તિનું, સમાજ/લોક હિત માટે પરિવારનું, અને દેશ/સામુહિક હિત કે કલ્યાણ માટે સમાજનું, બલિદાન આપનાર જ સાચા અર્થમાં દેશનો નેતા કે આગેવાન બની શકે ! આપશ્રી એ આ વિધાન વાંચ્યું છે ? અને વાંચ્યું હોય તો સમજ્યા છો ?

હે ! ભારત વર્ષના યુવાનો ! આપ માટે એક વિશિષ્ટ અપીલ છે કે જો રાહુલ ગાંધી આ ગેસ કૌભાંડ અંગે આગેવાની લઈ મૃતકો અને પીડિતોને અમેરીકી કંપની પાસેથી યોગ્ય અને વ્યાજબી વળતર અપાવી શકવા સમર્થ બને અને એંડરસનને અત્રે બોલાવી સજા અપાવી શકે તો આંખ મીંચી તેમની પાછળ તેમના ટેકામાં ઉભા રહેજો અને જાનફેસાની કરી ખપી જવું પડે તો પણ પીછે હઠ નહિ કરશો !

પરંતુ જો તે આ કાર્યમાં ઉણા ઉતરે અને મૃતકો કે પીડિતો માટે કશું જ નહિ કરવા, મૌન જાળવી, તમાશો જોયા કરે તો માની લેજો કે મોટી મોટી ડંફાસો મારનાર આ યુવરાજ પણ થઈ પડેલા અન્ય નેતાઓની જમાત માહ્યલા એક નંગ છે અને તેથી વિશેષ કશું નથી ! તેમનાથી ચેતતા રહેશો ! કારણ કે આપ સૌ નવયુવાનો નો ઉપયોગ માત્ર અને માત્ર સત્તા મેળવવા અને આવા ગેરકૃત્યો ઉપર ઢાંક પીછોડો કરવા માટે થઈ રહ્યો હશે અને થતો રહેશે !! સાથોસાથ એ પણ સિધ્ધ થઈ જશે કે રાહુલને વારસાગત ગાદી મેળવવા સીવાય લોકો માટે ખરા અર્થમાં કોઈ કાર્ય કરવાની ઈચ્છા કે ધગશ નથી ! હા, પોતાને કોઈ આંચ ના આવે તેવી સલામત રીતે પ્રચાર કરવા/કરાવવામાં જ માત્ર અને માત્ર રસ છે. કોઈ નકકર ભુમિકા ભજવી હોદો મેળવવા પ્રયાસ કરવામાં કોઈ રસ કે તૈયારી નથી

દાદીમાએ તો સ્ત્રી હોવા છતાં મર્દાનગી પુરવાર કરી અમેરીકાની ધમકીની પરવા કર્યા વગર બંગ્લા દેશનો જન્મ કરાવ્યો તેવી મર્દાનગી દેખાડવાનો અને પુરવાર કરવાની આ વેળા છે ! તેની શેખી મારનારા આ યુવરાજ જો આ તબક્કે ભોપાલના લોકોના હિત અને કલ્યાણ માટે આગેવાની લઈ દાદીમાની હરોળમાં ઉભા ના રહે તો તેઓ પણ અન્ય નામર્દ-નપાવટ-નપુંસક અને હરામખોર નેતાઓની હરોળના જ છે જે આપો આપ સિધ્ધ થઈ જશે !

આ ઉપરાંત ભોપાલ ખાતેના પ્લાંટમાંથી ઝેરી કચરો સાફ કરવા મધ્યપ્રદેશ સરકાર દ્વારા પ્રયાસો હાથ ધરાવવા અને જેમાં કેન્દ્ર સરકાર સહયોગ કરશે તેવી ભલામણ સાથે આ કામ માટે રૂ!.300/- ત્રણસો કરોડ ફાળવવામાં આવે તેવી ભલામણ કરવામાં આવી છે. જ્યારે આ ઝેરી કચરો સાફ કરવાની જવાબદારી યુનિયન કાર્બાઈડ અને નવી કંપની ડાનની હોવા છતાં આ દેશના લોકોના ભંડોળમાંથી વાપરવામાં આવશે ! કહો અને કહેતા રહો મેરા ભારત મહાન !!!

ચેતવણી
ભારતવાસીઓ જાગો અને જાગતા રહેજો કારણ બહુ નજીકના ભવિષ્યમાં જ આવી જ મોતની અન્ય ભઠ્ઠીઓ પણ આ દેશમાં આવી રહી છે અને થોડા સમયમાં જ કાર્યરત થવાની છે. આપ સૌને યાદ હશે કે આપણી સરકારે અમેરીકા સાથે અણુભઠ્ઠીઓ આપવાનો કરાર/સમજુતી કરી છે અને તે અનુસંધાને અમેરીકામાં બંધ પડેલી અને ભંગાર થઈ ગયેલી આ અણુ ભઠ્ઠીઓ આ દેશમાં તેનું ઉત્પાદન કરવા આવી રહી છે અને જેને માટે આપણાં વડાપ્રધાને લાલ જાજમ પાથરી સ્વાગત કરવાની તૈયારી કરી છે અને તે સંબંધે એક બીલ ન્યુક્લીયર લાયાબીલીટી બીલ લોકસભામાં પાસ થવા પડેલું છે

જે બીલની કેટલીક શરતો પ્રમાણે જો ભોપાલ જેવું ગેસ ગળતર થાય કે કોઈ અકસ્માત થાય અને જે કાંઈ જાન હાનિ કે અન્ય પ્રકારનું નુકસાન થાય તો અમેરીકી કંપની કે અમેરીકી સરકાર કોઈ જાતનું વળતર આપવા જવાબદાર નહિ રહે ! આવા મૃત્યુની કે નુકસાનની જવાબદારી ભારત સરકાર અને લોકોની રહેશે ! માટે આવનારા વર્ષોમાં હવે પછી હજારોની સંખ્યામાં નહિ પરંતુ એક સાથે લાખોની સંખ્યામાં આ દેશમાં મૃત્યુ થાય તો નવાઈ નહિ ગણાય !

જ્યારે આ વિષે સમાચારો જાણવા મળે છે ત્યારે ક્યારે ક એવો વિચાર આવી જાય છે કે આ દેશના ડાબેરીઓના વિરોધની વાતમાં કંઈક તથ્ય તો જરૂર હતું !

આમે ય બીજી રીતે જોઈએ તો સરકાર હંમેશા વસ્તી વધતી જતી હોય વસ્તી વધતી અટકાવવા પરિવાર નિયોજન કરવા પ્રચાર કર્યા કરે છે પણ ધાર્યું પરિણામ મળતું ના હોય શક્ય છે કે આ અણુભઠ્ઠી જેવો સામુહિક મૃત્યુનો સીલ સીલો ગોઠવી દેવાનું કોઈના શેતાની મગજની ઉપજ હોય ! અને આમે ય મરવાનું તો સામાન્ય જન સમુદાયના ભાગ્યમાં જ લખાયું હોય છે ને ? કોઈ સત્તાધીશો કે રાજકારણીઓના અંગત સગા-વહાલા કે સંબધીઓ કે તેઓ પોતે ક્યારે ય આવા સામુહિક મોતમાં હોમાયા હોવાનું સાંભળ્યું છે ખરું ?

અંતમા ફરી એક વાર આવો આપણે સૌ એકી સાથે સામુહહિક રીતે પોકાર નાખી પૂછીએ કે રાહુલ ગાંધી સાંભળો છો ???