ધાર્મિકતા-ભક્તિ-ભેળસેળ અને ભ્રષ્ટાચાર !!!

ધાર્મિકતા-ભક્તિ-ભેળસેળ અને ભ્રષ્ટાચાર !!!

આપણાં દેશમાં મોટા ભાગના લોકો અત્યંત ધાર્મિક હોવાનું માનવામાં આવે છે. કારણ કે બાળક્ના જન્મથી જ બાળક મોટું થઈ શું કરશે કે શું બનશે તે છ્ઠ્ઠીના દિવસે વિધાતા આવી લેખ લખી જાય છે તેવી એક સામાન્ય ધાર્મિક માન્યતા પ્રચલિત છે.

*** બાળકના નામ કરણ માટે પણ રાશિ જોવડાવી નામ નક્કી કરવામાં આવે છે.

*** આમ જન્મતા સાથે જ ધાર્મિક સંસ્કાર આપવાનું શરૂ થઈ જાય છે. સવારમાં નિત્ય ક્રમથી પરવારી ઘરમાં જ રાખેલાપોત-પોતાના ઈષ્ટ દેવી-દેવતા સમક્ષ ધુપ્-દીવો કરી પ્રાર્થના કે આરતી કરી રોજિંદા કાર્યો શરૂ કરવામાં આવે છે.

*** ધંધાના સ્થળે પહોંચી પ્રવેશ દ્વારમાંથી માથે રજ ચડાવી અંદર પ્રવેશાય છે અને પ્રથમ ત્યાં રાખેલ દેવી-દેવતા સમક્ષ ધુપ-દીવો અને નમન કરી વધુ અને વધુ ધંધામાં તરક્કી થાય તેવી પ્રાર્થના કરી રોજિંદા કાર્યની શરૂઆત કરવામાં આવે છે. જો નોકરીયાત હોય તો તે પણ પ્રવેશ દ્વારની રજ માથે ચડાવી પોતાની ફરજ ચાલુ કરે છે.

*** આ તમામ લોકો ધંધાદારીઓ કે નોકરીયાતો પોતાના સ્થાને પહોંચતા માર્ગમાં વચ્ચમાં જે કોઈ મંદિરો કે અન્ય સ્થાનકો આવતા હોય તે તમામ સમક્ષ માથું નમાવી આશીર્વાદ માગતા રહે છે.

*** કેટલાક પરિવારોમાં સપ્તાહમાં એક વાર એક ટંક જમી એક ટાણું કરવામાં આવે છે તો પખવાડિયે આવતી અગીયારસનો ઉપવાસ પણ રાખવામાં આવે છે. આ બંને દિવસોમાં પેટ ભરીને વિવિધ પ્રકારની ફરાળી વાનગીઓ આરોગવામાં આવે છે. આવા એકટાણાં કે ઉપવાસ કોઈ જ્યોતિષીના કહેવા ઉપર પણ રાખવામાં આવતા હોય છે !

*** ધર્મને નામે યાત્રાના પ્રવાસો અલગ અલગ મંદિરોની મુલાકાતો, પૂનમ ભરવાની બાધા-આખડીઓ રાખવામાં આવે છે. હમણાં જ આ સદીનો પહેલો કુંભ મેળો હરિદ્વારમાં ઉજવાયો અને જેમાં ત્રણ તબક્કામાં કરોડો વ્યક્તિઓએ સ્નાન કરી પાપો ધોયા ! ( પવિત્ર ગંગાને અપવિત્ર કરી ! ) શકય છે કે આવનારા દિવસોમાં સ્વર્ગમાં જેમણે બુકીંગ નહિ કરાવ્યું હોય તેમને મોક્ષ નહિ મળે ! અને જો મોક્ષ મેળવવો જ હશે તો બે નંબરની રકમ ઉપરથી આપવી પડશે !

*** ધર્મને નામે નાના- મોટા મેળાઓ તો અવાર-નવાર થયા જ કરે છે જેમકે ડાકોર, અંબાજી, ગિરનાર, સોમનાથ વગેરે. આ ઉપરાંત પરિક્ર્મા ગિરનારની,પાલીતાણાની વગેરે સ્થળોની દર વર્ષે યોજાય છે. અને જેમાં લાખો ધાર્મિકો ભાગ લેતા રહે છે !

*** દેશભરમાં અનેક સ્થળોએ અલગ અલગ પ્રકારની કથા-વાર્તા અને પ્રવચનો યોજાતા રહે છે અને જેમાં લાખોની માનવ મેદની આ કથા-વાર્તાનું શ્રવણ કરવા ઉમટી પડે છે. કથાકારો ધાર્મિક વાતો દ્વારા ઉપદેશ અને બોધ આપ્યા કરે છે. આ રીતે અનેક પ્રસંગોએ ધાર્મિકતાના સુનામી ઉછળતા રહે છે. હાલ અધિક માસ ચાલુ થતા ભગવાન પરષોત્તમના ભાવ બોલાય છે. આ ઉપરાંત ભાગવત કથા, રામાયણ કથા, ગીતા પ્રવચનો અને હવે તો ગાયમાતા તથા હનુમાન પણ આ કથા વાર્તામાં પ્રવેશી ચૂક્યા છે. સમ્રગ દેશમાં કોઈ ને કોઈ સ્થળે આવી કથાઓ યોજાતી રહે છે અને તેમાં લાખો શ્રોતાઓ વકતા અર્થાત કથાકારો દ્વારા અપાતા ઉપદેશ અને બોધનો લાભ લેતા રહે છે.

*** આ સીવાય યોગાભ્યાસ, ધ્યાન શિબિરો વગેરે યોજાતી રહે છે અને ત્યાં પણ લાખોની સંખ્યામાં માનવ મેદની ઉમટી પડે છે .મોટા ભાગના કોઈ ને કોઈ સંપ્રદાયમાં જોડાઈ કંઠી ધારણ કરી પોતાની અત્યંત ધાર્મિક હોવાની પ્રતિભા ઉભી કરવા સભાન પ્રયાસો કરતા રહે છે અને આવા પ્રયાસોમાં કહેવાતા ગુરૂઓ અનુયાયીની આર્થિક પ્રતિષ્ઠા જોઈ સહાય કરતા રહે છે. અને દાન સ્વરૂપે મોટી રકમ મેળવતા રહે છે.

*** આ ધાર્મિકો એક બીજાને મળે કે છૂટા પડે ત્યારે જયશ્રી કૃષ્ણ, જય સ્વામીનારાયણ, જય યોગેશ્વર, જય જીનેન્દ્ર, નમોઃનારાયણ મહાદેવ હર, જય માતાજીના વગેરે પ્રકારના મોટા અવાજે અભિવાદન કરતા રહે છે. કેટલાક પોતે કયા સંપ્રદાયના અનુયાયી છે તે દર્શાવવા કપાળમાં ટીલા-ટપકા પણ કરતા રહે છે. અરે ! પોતાના ધંધાના નામ અને ચીજ વસ્તુના બ્રાંડ નામ પણ કોઈ ને કોઈ ઈશ્વરના નામ સાથે જોડાયેલ રાખે છે ઉપરાંત પોતાના રહેઠાણના મકાનના નામ પણ ભગવાનને નામે રાખી પોતાની ધાર્મિક હોવાની પ્રતિભા ઉપસાવતા રહે છે.

*** દુનિયા ભરમાં આપણાં દેશના મોટા જનસમુદાયમાં જે ધાર્મિકતા સહજ નજરે ચડે છે તેવી કોઈ દેશમાં દ્રષ્યમાન થતી નથી.

*** જ્યારે વાસ્તવમાં આ રીતે ધાર્મિક હોવાનો ડોળ કરનારા ભક્તિ પણ જાણે પ્રવૃતિ કરતા હોય તે રીતે કરતા રહે છે અને છડે ચોક ભેળ સેળ પણ કરે છે !

*** આ કહેવાતા ધાર્મિકો યાત્રા પ્રવાસમાં કે મેળાઓમાં જતા-આવતા મફત મુસાફરી કરતા અચકાતા નથી એટલું જ નહિ પણ રેલ્વે પ્લેટફોર્મ ઉપરના ખાવા-પીવાના સ્ટોલ ઉપર લૂંટ ચલાવતા પણ હિચકિચાટ નથી અનુભવતા પરંતુ તેમનો જાણે તે અધિકાર હોય તેવું વર્તન કરતા રહે છે ! અને જો કોઈ વિરોધ કરે તો ધોલ-ધપાટ પણ કરી લે છે ! જો કોઈ અમલદાર આવી હિન પ્રવૃતિને કારણે કડક પગલાં લે તો તેની સામે ધાર્મિક લાગણી દુભાવવાના આક્ષેપો કરી બદનામ કરવામાં આવે છે અને આવા તમામ કરતુકો ધર્મને નામે કરવામાં આવે છે !

*** અરે ! ધાર્મિક કથા -વાર્તા દરમિયાન સર્કીટ દ્વારા મફત વિજળી પણ મેળવી લેવાય છે. ખાસ કરીને નવરાત્રિ અને અન્ય તહેવારો દરમિયાન જાહેર સ્થળોએ આનો ઉપયોગ મોટા પાયે થતો રહે છે. અને જો ફરિયાદ થાય અને કોઈ અધિકારી કડક પગલા લેવા વિચારે તો લોકોની ધાર્મિક લાગણી દુભાઈ જતી હોય છે ! અને આંદોલનો કરવામાં આવતા હોય છે. આવું જ પાણી મેળવવા પણ થતું રહે છે. કહેવાતા ધાર્મિક સ્થળોએ કે મંદિરોમાં જે પાણી મેળવાય છે તે તદન મફત મળી રહેવું જોઈએ તેવો આગ્રહ આવા સ્થળોના વડાઓ રાખતા હોય છે પછી ભલે તે સ્થળોની આમદાની લાખો રૂપિયામાં થતી હોય અને સામાન્ય જન સમુદાય પાણી માટે ભલે વલખા મારતો હોય !

*** કહેવાતા ગુરૂઓ અનુયાયીની આર્થિક પ્રતિષ્ઠા જોઈ સહાય કરતા રહે છે. અને દાન સ્વરૂપે મોટી રકમ મેળવતા રહે છે. કે ગુરૂનું કુળ ના પૂછાય તેવું જ કંઈક કેટલાક કહેવાતા ગુરૂઓ અનુયાયીઓની કતલખાનાની કે અન્ય દારૂ કે ડ્ર્ગ્સ જેવી કમાણીમાંથી ,ભેળ સેળની કમાણી, કાળા બજારની કમાણી, કરચોરી દ્વારા બચાવેલ રકમમાંથી દાન મેળવી આશ્રમો કે મંદિરો બંધાવતા રહે છે કહે છે કે સાધુ-સ્વામી મહંત આ તમામ સાધુઓ-સ્વામીઓ-મહંતો અને ગુરૂઓ દાન મેળવતી વખતે દાન આપનારની કમાણીનું કુળ અર્થાત સ્ત્રોત પૂછયા સીવાય રકમ સ્વીકારી લે છે
*** દાન મેળવવા અને પોતાની મહત્વાકાંક્ષા પૂરી કરવા આપણાં સાધુઓ-સ્વામીઓ-મહંતો અને ગુરૂઓ વારંવાર વિદેશના પ્રવાસે જવાનું વધુ પસંદ કરતા થયા છે. અને તેઓને આ ડોલર કે પૌંડની કમાણી દાન આપનારે કઈ અને કેવી પ્રવૃતિમાંથી મેળવી તે જાણવાની આવશ્યકતા જણાતી હોતી નથી. કેટલાક અનુયાયીઓ કે જે સતત આવી કમાણીને કારણે શક્ય છે કે અપરાધભાવ અનુભવતા હોય તે આવા કીર્તિ દાન કરી પોતાના માંહ્યલાને ટપારી સમાજમાં પોતે ધાર્મિક હોવાનો દંભ કરતા રહે છે અને પ્રતિષ્ઠા મેળવતા રહે છે. અને જેને આ સાધુ-સંતો વગેરે બહાલી આપી પોષતા રહે છે !

*** દવાખાના-હોસ્પિટલના નામ ઈશ્વર કે માતાજીના નામ સાથે જોડાયેલા રાખવામાં આવે છે. આજના જ એક સમાચાર પત્રમાં સમાચાર છે કે શ્રીજી બાપા ક્લીનીક ધરાવતા એક ડૉકટરના ક્લીનીકમાંથી અંદાજે એક કરોડ રૂપિયાની એક્ષ્પાયરી તારીખ પૂરી થયા પછીની દવાઓ પકડાઈ છે. આજ રીતે બે દિવસ પહેલાં ટોઁમેટો કેચઅપ બનાવતી ફેકટરી ટેટીમાંથી કેચ બનાવી ટોમેટો કેચ તરીકે છેલ્લા 3 વર્ષ થયા વેચતી હોવાનું ખુલ્યું છે. આ સીવાય કોળામાંથી પણ ટોમેટો કેચઅપ બનાવવામાં આવે છે. એજ રીતે દૂધ ( દૂધ તો બીલકુલ બનાવટી પણ આવે છે), ઘી, મસાલા અને બીજી અનેક ખાધ્ય ચીજોમાં ભેળસેળ થતી રહે છે અને સરકારી ભ્રષ્ટચારી અધિકારીઓ અને પ્રધાનોના આશીર્વાદથી આવી પ્રવૃતિ બે રોક ટોક ચાલ્યા કરે છે ! આવા જ કહેવાતા લોકો પોતાના રહેઠાણના નામ પણ ઈશ્વરના નામ ઉપરથી જ રાખે છે જેથી આ તમામ લોકો ખૂબજ ધાર્મિક છે તેવી પ્રતિષ્ઠા સમાજમાં ફેલાય !

*** ધંધા ઉધ્યોગ વાળાઓ કરચોરી અને ભેળસેળ કરતા રહે છે તો કર્મચારીઓ કામચોરી ! કામના કલાકો દરમિયાન મંદિરમાં દર્શનાર્થે જવું. ધાર્મિક કથા/પ્રવચનો પણ ફરજના કલાકો દરમિયાન સાંભળવા જવાનું ખૂબજ સહજ ગણાય છે !

*** મંદિરોમાં ધુન વગેરે માઈક વિના થઈ શકતી નથી અર્થાત ઘોંઘાટ સામાન્ય બન્યો છે જાણે ઈશ્વર બહેરો ના હોય ! એજ રીતે કેટલાક વિકૃત મનો દશા ધરાવનારા મંદિરના પૂજારીઓ કે ટ્રસ્ટીઓ દર્શનાર્થીઓ મોટી સંખ્યામાં એકઠા થાય બાદ જ મંદિરના દર્શન ખોલતા હોય છે પરિણામે જે ગીર્દી થાય તે મુંબઈની લોકલ ટ્રેનની ગીર્દીને પણ સારી કહેવડાવે અને આ કહેવાતા ઈશ્વરના પૂજારીઓ મનોમન વિકૃત આનંદ માણે ! આમ ગીર્દી અને ગંદકી જાણે મંદિરોના પર્યાય બની ગયા હોય તેવું કેટલાક સ્થળોએ અનુભવાય છે.

ટૂંકમાં મોટાભાગના લોકોની ધાર્મિકતા પોકળ બાહ્યાચાર બની રહી છે અને સમાજમાં એક દંભી પ્રતિભા સ્થાપવાની યુક્તિ માત્ર સીવાય કંઈ જ નથી !

*** આવા કહેવાતા ભક્તો અર્થાત ધાર્મિક જનો પોતાના ધંધા-રોજગારમાં અનેક પ્રકારની ગેરરીતિ અને અનૈતિક પ્રવૃતિ કરતા રહે છે. ખાધ્ય અને પેય ચીજ-વસ્તુઓમાં ભેળસેળ કરતાં પણ અચકાતા નથી અને એવા પદાર્થની ભેળસેળ કરવામાં આવતી રહે છે કે જે માનવીના જીવન સાથે સુધરી ના શકે તેવું કાયમી ધોરણે નુકશાન કરે છે. અરે ! દવા અને ઔષધો ( LIFE SAVING DRUGS ) માં ભેળસેળ કરતા પણ આવા તત્ત્વો અચકાતા નથી એમ છતાં આ લોકો સમાજમાં ધાર્મિક અને ભક્તો તરીફે ઓળખ મેળવી શકે છે. આવા લોકોને છાવરે છે આજ કાલના થયેલા સાધુઓ-સ્વામીઓ-ગુરૂઓ-મહંતો વગેરે ! ભેળ સેળ આ લોકો માટે બહુ જ સામાન્ય વાત ગણવામાં આવે છે. કેટલીક વાર આ ભેળસેળ કરનારા કોઈક કડક અને પ્રમાણિક અમલદાર વડે સકંજામાં આવી જાય તો ધાર્મિક લાગણીને ઉશ્કેરી રાજકિય નેતાઓ ઉપર દબાણ લાવી બદલી કરાવવી કે આવા અમલદારની નોકરી જોખમમાં આવી પડે તેવી રીત-રસમો અજમાવવામાં પોતાની ચાલાકી વાપરે છે અને તેમાં આવા તત્ત્વોને ઈશ્વરનો કોઈ ડર લાગતો નથી !

*** આ રીતે ધાર્મિક હોવાનો ડોળ કરનારા ભક્તિ જાણે પ્રવૃતિ હોય તે રીતે કરતા રહે છે અને છડે ચોક ભેળ સેળ પણ કરે છે અને જો પકડાય તો ભ્રષ્ટાચાર કરાવી છૂટી જાય છે. આમ ધાર્મિકતા-ભક્તિ અને ભેળસેળ અને ભ્રષ્ટાચાર એક જ સીક્કાની બે બાજુ બની ચૂક્યા છે.

આ સામે અન્ય કોઈ પણ દેશમાં બાળકના લેખ લખવા કોઈ વિધાતા આવતી નથી નામ પણ બાળકના જન્મ પહેલાં જ નક્કી કરી નોંધાવી દેવું પડે છે. ભાગ્યે જ કોઈના ઘરામાં દેવી-દેવતાની પૂજા અર્ચના કે ધુપ્-દીવો પ્રગટાવાય છે કે પ્રાથના કરાતી હોય છે. શ્રધ્ધાળુઓ રવિવારે દેવળમાં પ્રાર્થના કરી આવતા હોય છે. તમામનો ઈશ્વર પણ એક જ હોય છે. ધંધાના સ્થળે કે નોકરીના સ્થળે કોઈ દીવા બત્તી કે ધુપ કે પ્રાર્થના કરતા નથી. હા તેઓનું વર્ક કલ્ચર વર્ક ઈઝ વર્શીપ તેમ માને છે અને તમામ લોકો તેમને સોંપવામાં આપેલ કાર્યો દરમિયાન અન્ય કોઈ અંગત કામ કરતા નથી. ત્યાં આઠ કલાકની ફરજ બજાવવાની હોય છે અને મોટે ભાગે આ ફરજ ઉભા ઉભા બજાવવાની રહે છે ! નવાઈની વાત તો એ છે કે આપણે ત્યાંથી વિદેશ ગયેલા લોકો પણ આઠે આઠ કલાકની ફરજ નિષ્ઠા અને ખંતથી બજાવતા નજરે પડે છે . ઉપરાંત કોઈ જગ્યાએ ક્યારે ય ગંદ્કી, ગીર્દી કે ઘોંઘાટ કરવાનું વિચારી પણ શકતા નથી

*** કોઈ પણ ધાર્મિક સ્થળો જેવાકે ચર્ચો ને પાણી કે વિજળી મફત અપાતા નથી કે તેઓ કોઈ મફત મેળવવા માંગણી પણ કરતું નથી .ધાર્મિક લાગણીઓ આપણી જેમ દુભાતી નથી અને તેને કારણે કોઈ તોફાનો પણ થતા નથી

*** આપણાં જેટલા મંદિરો આશ્રમો કે કથા વાર્તા કે ધાર્મિક મેળાઓ થતા હોવાનું જોવા મળતું નથી. આપણાં જેટલી સંખ્યામાં સંપ્રદાયો સાધુઓ-સ્વામીઓ-ગુરૂઓ કે મહંતો પણ જોવા મળતા નથી અને તેમ છતાં સામાન્ય જન સમુદાય આપણી સરખામણીમાં વધારે નીતિવાન, નૈતિક, પ્રમાણિક અને નિખાલસ જોવા મળે છે. ગેરરીતિથી પણ અલિપ્ત જોવા મળે છે. ખાવા-પીવાની કે દવા વગેરેમાં કોઈ ભેળ સેળ થતી હોય તેવું જણાયું નથી. ભ્રષ્ટાચાર પણ ભાગ્યેજ દ્રષ્ટિ ગોચર થાય છે.

ત્યારે મારાં મનમાં એક પ્રશ્ન ઉપસ્થિત થાય છે કે જે કોઈ બાહ્ય રીતે ધાર્મિક હોવાનું દર્શાવે તેઓને તમામ પ્રકારની અનૈતિક પ્રવૃતિ, ગેરરીતિ, અપ્રમાણિકતા, ભેળસેળ અને ભ્રષ્ટાચાર કરવાનો ઈશ્વર તરફથી છૂટો દોર અને પરવાનો મળી રહેતો હશે ? કે પછી વ્યક્તિ કે જે આવી પ્રવૃતિ કરે છે કે કરાવે છે તેનામાં આ ધાર્મિકતા નો બાહ્યાચાર નૈતિક હિમત પૂરી પાડતો હશે અને તેઓને ક્યારે ય કોઈ અપરાધ કરતા હોવાની પ્રતિત્તિ નહિ થતી હોય ?.

Advertisements

18 comments

  1. પિંગબેક: પતન « Rajeshpadaya's Blog
  2. ત્યારે મારાં મનમાં એક પ્રશ્ન ઉપસ્થિત થાય છે કે જે કોઈ બાહ્ય રીતે ધાર્મિક હોવાનું દર્શાવે તેઓને તમામ પ્રકારની અનૈતિક પ્રવૃતિ, ગેરરીતિ, અપ્રમાણિકતા, ભેળસેળ અને ભ્રષ્ટાચાર કરવાનો ઈશ્વર તરફથી છૂટો દોર અને પરવાનો મળી રહેતો હશે ? કે પછી વ્યક્તિ કે જે આવી પ્રવૃતિ કરે છે કે કરાવે છે તેનામાં આ ધાર્મિકતા નો બાહ્યાચાર નૈતિક હિમત પૂરી પાડતો હશે અને તેઓને ક્યારે ય કોઈ અપરાધ કરતા હોવાની પ્રતિત્તિ નહિ થતી હોય ?……..
    >>>>>>>..>>>>>……>>>>>>>……….>>>>>>
    Arvindbhai, Read your Post !
    You had narrated the observations you had made in India…..and then made the comparision with the “attitude” of poeple in overseas….I agree with you to an extent but one can not “generalise” all that is happening in India as “BAD ”
    It can be in India or elsewhere, “selfish, bad intentions” are always BAD. What you see “in the name of the Religion” in India is excessive compared to what happens “concealed”in the Western World…you know of the some of the publicised scams of the Churches in America.
    Those who claim “DIVINITY” are often far away from the “DIVINE”…and those are “true DEVOTEES of the DIVINE” are often “SILENT”
    The “BHAKTI” is from “within” and not “as expressed in SPOKEN or LOUD WORDS”….
    Just my View !
    DR. CHANDRAVADAN MISTRY (Chandrapukar)
    http://www.chandrapukar.wordpress.com
    Arvindbhai…Thanks for your recent visit/comment on Chandrapukar !

    Like

    1. શ્રી ચન્દ્રવદંભાઈ
      આભાર આપની મુલાકાત અને પ્રતિભાવ માટે ! આપની વાત સાચી છે આપણાં દેશમાં જે ચાલે છે તે વિષે મેં લખ્યું છે પણ એક વાત તો સ્પષ્ટ છે કે આપણે ત્યાં જે જન્મથી જ બાળકને માત્ર ધાર્મિક બાહ્યાચાર દ્વારા અને ભાગ્ય ઉપર આધાર રાખતો જે રીતે બનાવી દેવામાં આવે છે તેવું કોઈ દેશમાં થતું હોવાની મને જાણ નથી. પશ્ચિમના દેશોની પ્રગતિ કામ પ્રત્યેનો જે અભિગમ છે અને કઠોર પરિશ્રમ કરે છે તેનું જ પરિણામ છે. ખેર ! આખરે તો માહ્યલો જ સાચી દોરવણી આપી શકે બહારના તો માત્ર કદાચ માર્ગ દેખાડી શકે પણ ચાલવું તો જે તે વ્યક્તિએ જ પડે ! ચાલો આવજો ! મળતા રહીશું !
      સ-સ્નેહ
      અરવિંદ

      Like

  3. અરવિંદભાઈ,

    સરસ એવા ‘Eye Opener’ લેખ બદલ ધન્યવાદ. આપે દર્શાવેલ મર્યાદાઓ લગભગ દરેક ધર્મના અનુયાયીઓને વધતા કે ઓછા અંશે લાગુ પડતી જ હોય છે. બધા જ ધર્મો એ પરમ સત્યને પામવાના વિવિધ માર્ગો છે. અનુયાયીના દિલમાં ધર્મનો અંત:પ્રેવેશ થવો જોઈએ અને એ ન થાય તો ત્યાં ધર્મનો કોઈ દોષ નથી. દરેક ધર્મ જીવન માટેનું સારું સારું જ બતાવે છે, પણ કોણ કેટલું ગ્રહણ કરે છે તેના ઉપર સઘળો આધાર હોય છે. આચરણ વગરનું માત્ર બાહ્ય આચરણ એ એક ગુજરાતી નિબંધકારના શબ્દો “એવાઓ માટે ધર્મ એ વારતહેવારે પહેરવાનાં સારાં લૂગડાંથી વિશેષ કશું જ નથી.” સમાન છે.

    Like

    1. શ્રી વલીભાઈ

      આભાર આપને મુલાકાત અને પ્રતિભાવ માટે ! ફરી પણ અનુકૂળતાએ મુલાકાત લેતા રહેશો ! આપે કહેલી વાત કે ધર્મ એ વાર તહવારે પહેરવાના અને લોકોને દેખાડવાના વસ્ત્રો છે તે વાત સાચી છે. તમામ ધર્મમાં દંભ અને પાખંડ સર્વોચ્ચ સ્થાને બીરાજે છે અને તેને પોષે છે આમ આદમીની અંધશ્રધ્ધા અને કહેવાતા સાધુઓ-સ્વામીઓ-મહંતો-ગુરૂઓ-મુલ્લા અને મૌલવીઓ તેમના સ્થાપિત હિતોના પોષણ માટે આ તર્કટ ચાલ્યા કરે છે અને આપણે સઓ નિરુપાયે મૌન રહી જોયા કરીએ છીએ !

      ચાલો આવજો ! મળતા રહીશું !

      સ-સ્નેહ

      અરવિંદ

      Like

  4. ખરિ વાત છે તમારિ.ખરેખર તો હવે લોકો ધર્મ નુ નામ લૈને ધર્મ ને આધારે અધર્મ કામ કર્તા થૈ ગયા છે.આવા દમ્ભિઓ ને કારને જે લોકો સાચા મન થિ ધર્મ કરે છે તેવા લોકો પન વગોવાઇજ જાય છે બિચાર.મને તો એવા દમ્ભિઓ પર તો ગુસ્સો આવે છે અને એવા લોકો ને અજિ પન માનનારાઓ પર દયા પન અવે છે.
    પન હવે ધીમે ધીમે લોકો પન આ વાત સમજતા થૈજ ગયા છે.જે સારિ વાત છે

    Like

    1. શ્રી મીતુલજી
      આભાર મુલાકાત અને પ્રતિભાવ માટે ! આપની વાત સાચીછે કે સાચા ધાર્મિકો પણ આ દંભીઓના પાપે દંડાતા રહે છે ! મોટાભાગના દંભી અને પાખંડી હોવાને કારણે આમ બનતું રહે છે. જે માટે આપણે નીરુપાય છીએ ! જ્યાં સુધી મોટાભાગના લ્કો અંધશ્રધ્ધામાંથી બહાર નહિ નીકળે ત્યાં સુધી આ દંભી લોકોનું ચાલ્યા કરશે !

      આવજો ! મળતા રહીશું !

      સ-સ્નેહ
      અરવિંદ

      Like

  5. ધાર્મિક હોવાનું દર્શાવી તેઓને તમામ પ્રકારની અનૈતિક પ્રવૃતિ, ગેરરીતિ, અપ્રમાણિકતા, ભેળસેળ અને ભ્રષ્ટાચાર કરવાનો ઈશ્વર તરફથી છૂટો દોર અને પરવાનો મળી રહે …….છે…….!!!

    Like

    1. ભાઈશ્રી શૈલેશ
      આપ બ્લોગ ઉપર આવ્યા પ્રતિભાવ પણ જણાવ્યો આભાર ! ફરી પણ અનુકૂળતાએ મુલાકાત લેતા રહેશો અને પ્રતિભાવ પણ જણાવતા રહેશો તો મને ગમશે અને પ્રોત્સાહન પણ મળશે ! આવજો ! મળતા રહીશું !
      સ-સ્નેહ
      અરવિંદ

      Like

  6. જેવો દેશ એવો વેશ – જે માણસો આપણા દેશમાં બાદશાહી કરતાં તે બીજા દેશમાં મજુરી કરવા લાગે છે. જે લોકો આપણા ધર્મ માં કર્મકાંડ કરતા તે બીજા ધર્મમાં જઈને દાદાગીરી કરવા લાગે છે. જ્યારે સાચુ કહીએ ત્યારે હ્રદયના ચુરે ચુરા થઈ જાય છે. ધાર્મિક ન હોય તે પણ ઉપર લેખમાં આપે જે કહ્યું તે નથી કરતા તેમ ન માની લેવું.

    Like

    1. ભાઈશ્રી અતુલ

      આભાર ! આપની મુલાકાત અને પ્રતિભાવ માટે ! ફરીને પણ અનુકૂળતાએ મુલાકાત લેતા રહેશો ! આવજો ! મળતા રહીશું !

      સ-સ્નેહ

      અરવિંદ

      Like

  7. લેખ મનનીય છે.બાહ્ય આડંબરોને બદલે ખોટું કરતાં આત્મા ડંખે તો

    સંસ્કારી સમાજનો પાયો નંખાય. વાત સારી અને જરૂરી હોવા છતાં,

    આ વાતમાં તમે ચીધેલા પ્રસંગો એક વિભાગને ફોકસ કરતા જણાય છે,

    એક તરફી છે અને બીજા બધા ડાહ્યા ડમરાછે એવી ભાવનાને પોષણ

    આપવું એ પણ એટલું જ ગેરવ્યાજબી છે .તમારો આશય સારો છે અને સૌએ

    વધાવવો જોઈએ.હિન્દુ સંપ્રદાય વિરૂધ્ધ માલમસાલો શોધતા ત્ત્ત્વો ની મુરાદને

    પોષણ આપવામાં હાથો બનવાની સિક્કાની બીજી બાજુથી

    સાવધ થવાની જરૂર છે.

    રમેશ પટેલ(આકાશદીપ)

    સમાયું સૌનું હીત……રમેશ પટેલ(આકાશદીપ)
    Pl find time to visit and comment
    સ્વરચિત અને ગમતીલી ગદ્ય અને પદ્ય રચનાઓ
    http://nabhakashdeep.wordpress.com/

    With regards
    Ramesh Patel

    Like

    1. ભાઈશ્રી રમેશ
      આભાર મુલાકાત અને પ્રતિભાવ માટે ! મારો પ્રયાસ તો એક તટસ્થ રીતે ધાર્મિકતાના આંચળા હેઠળ જે ચાલી રહ્યું છે તેને હાઈ-લાઈટ કરવાનો પ્રયાસ માત્ર છે અને તે નરી વાસ્તવિકતા આપણી સામે છે અને આપણે અનુભવીએ પણ છીએ પણ કોઈની ધાર્મિક લાગણી દુભાઈ જશે તો તેવા ડર સાથે મોટા ભાગના લોકો ચુપ રહેતા હોય છે ! મારી દ્વ્રષ્ટિએ મારી વત એક તરફી લાગતી નથી તેમ છતાં આપને આપનો મત આપવા પૂરી સ્વતંત્રતા છે. હું તો આપની મોલાકાત અને પ્રતિભાવથી ખુશ થયો છું અને ભવિષ્યમાં પણ મુલાકાત લેતા રહી પ્રતિભાવ જણાવતા રહેશો તેવી આશા રાખું છું. ચાલો આવજો ! મળતા રહીશું !
      સ-સ્નેહ
      અરવિંદ

      Like

      1. શ્રી અરવિન્દભાઈ

        સસ્નેહ નમસ્તે.

        આપ ઘણા અનુભવી અને સમાજ,રાજનિતી,નોકરશાહી જેવા અનેક

        વિષયોના અભ્યાસી છો અને આપના લેખમાં હિતોપદેશની ભાવના છે.

        પણ દરેક જગ્યાએ ઘણી સારી બાબતો અને ખોટી બાબતો પણ છે જ.

        સારું ગ્રહણ કરવા માટે તત્પરતા રાખવી જૉઇએ.અહીં ની ઘણી સારી

        બાબતો પરદેશમાં પૈસા ખર્ચતાં પણ નથી મળતી.માનસિક ડિપ્રેસન,

        ડ્રગ અને મીકેનીકલ લાઈફ પછીની ઉણપ પૂરવા આજે વિશ્વની

        નજર ભારત તરફ છે,જોઈએ આપણે થોડાક સુધરીએ તો નિરાશા નહીં સોંપડે.

        રમેશ પટેલ(આકાશદીપ)

        Like

  8. વડીલશ્રી,
    કેવી મહાન સંસ્કૃતિ ને કેવો મહાન દેશ?ચીન માં નકલી દૂધ બનવાનારાને ફાંસીએ ચડાવી દીધો છે.નિત્યાનંદ ની સભા માં મોદી ને અંબાની સહીત ગુણવંત શાહ પણ બેઠેલા.મોદીએ તો શંકરાચાર્ય સાથે સરખાવી પેલી મહાન વિભૂતિ નું અપમાન સુદ્ધાં કરી નાખ્યું.એની સીડી ૧૦૦૦રુપિયા માં મળે છે.આ ધર્મ નથી.આવો ધર્મ હોઈ શકે ખરો?આતો પોઈઝન છે.સાચો ધર્મ તો ક્યાય ખોવાઈ ગયો છે.

    Like

    1. ભાઈશ્રી ભુપેન્દ્રસિંહજી
      આપનો આક્રોશ વ્યાજબી છે. રાજકારણીઓને તો સ્ટેજ અને માઈક મળે પછી વિવેક્બુધ્ધિ ગીરો મૂકી દે છે. આ દેશના કમભાગ્ય છે કે આવા દંભી અને પાખંડીઓથી જ આ દેશ ભર્યો હોય તેવું ક્યારેક લાગે છે ! હવે તો ઈશ્વર પણ ક્યાં અવતાર લેવો તેની દ્વિધા અનુભવતો હશે !
      આવજો ! આભાર ! મલતા રહીશું !
      સ-સ્નેહ
      અરવિંદ

      Like

  9. ભાઈશ્રી રાજેશ

    આપ બ્લોગ ઉપર પધાર્યા અને મારો લેખ પસંદ પડ્યો તે જાણી મને આનંદ થયો ! આપ આપના બ્લોગ ઉપર મૂકવા ઈચ્છોછો તે જાણી આનંદ બેવડાયો ! જરૂર મૂકો મને કોઈ ઈતરાજ નથી ! આપના પ્રતિભાવ માટે આભાર ! આવજો ! મળતા રહીશું !

    સ-સ્નેહ

    અરવિંદ

    Like

  10. ધન્યવાદ સાહેબ, સમાજને એમના પાપ પ્રત્યે જાગ્રુત કરવા અને રાખવા અને મુક્ત કરવા એ આપણા સૌ માનવો નુ કર્તવ્ય છે અને એવુ કરીને હુ પણ પવિત્ર રહી શકુ છુ કેમ કે એક આંગળી ચિંધવાથી ચાર આંગળીઓ મારી તરફ પર વળી જ છે ને, એટલે મને આ લેખ બહુ ગમ્યો છે આપની રજા હોય તો આ લેખને મારા બ્લોગ ઉપર જોડી શકુ ??

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s