મચ્છરોની આમ સભા — એક અહેવાલ !!!

લોહી પીના હમારા જન્મ સિધ્ધ હક હૈ !  મચ્છર એકતા જિંદાબાદ !!  લોહી ચૂસકે  બનેંગે હમ આબાદ !!!           

                          મચ્છરોની આમ સભા — એક અહેવાલ !!! 

એક સમાચાર સંસ્થાના જણાવ્યા પ્રમાણે ગુજરાત ભરના મચ્છરોની એક આમ સભાનું આયોજન  મચ્છરોના પાટનગર મચ્છરનગરમાં તાજેતરમાં જ મળી ગયું. આ સભાનો મુખ્ય એજંડા ગુજરાતભરની સુધરાઈ દ્વારા મચ્છરોનો નાશ કરવાની જાહેરાત કરવામાં આવતા પોતાના રક્ષણ માટેના રસ્તાઓ વિચારવા કરવામાં આવેલું. આ સભાને મચ્છરોના વડાપ્રધાન થમબ્લસિંઘે સંબોધતા જણાવેલ કે કોઈક વિદેશી સત્તાએ આપણા દેશના જીવદયા પ્રેમી ભારત વાસીઓને આપણો વિનાશ કરવા ઉશ્કેરી અને પોતાની  વિનાશક દવાઓ વેંચવા એક સુઆયોજિત કાવતરું કર્યાનો અહેવાલ આપણાં જાસુસી ખાતા મારફત મળવામાં છે. આથી આપણાં પ્રજાજનોને સતત સતર્ક અને સભાન રહેવા જણાવવામાં આવે છે. કોઈ પણ ખૂણેથી કોઈ પણ વ્યક્તિને માહિતિ મળે તો તુરતાતુરત ગૃહખાતાના પ્રધાન ચીટકબરમને પહોંચાડવા તાકીદ કરવામાં આવે છે. પ્રથમ પગલા રૂપે રક્ત – રેડ એલર્ટ- પણ જાહેર કરી દેવામાં આવી છે. રક્ત -રેડ -એલ્રર્ટ અર્થાત લોહીનો રંગ પણ લાલ હોય છે તે કહેવાની જરૂર રહેતી નથી. સમજદાર કો ઈશારા કાફી હે !

આ આમ સભાને મચ્છરોની મહારાણી અને સત્ત્તાધારી પક્ષ મોક્રેગસના પ્રમુખ શ્રીમતિ  પોણીયાજી અને યુવરાજ્ શ્રી આઉલજીએ પણ સંબોધી હતી અને તમામ વર્ગના મચ્છરોને તકેદારી રાખવા ભાર પૂર્વક આદેશ આપવામાં આવ્યો હતો !  ખોરાક પ્રધાન શ્રી દરદ પળવારે પોતાના વકતવ્યમાં જણાવ્યું હતુ કે મચ્છરોએ કાચબા છાપ અગરબતીના ધુમાડાને સાંકેતીક સમજી પોતાના રહેઠાણ જેવા કે ગટરો, ઉકરડાઓ, ગંદાપાણીની નીકો વગેરે ત્યજી ઓલ આઉટ  અર્થાત બહાર નીકળી પડી એક બીજાને ગુડ નાઈટની શુભેચ્છાઓ પાઠવી શહેરની ગલી ગલી અને રસ્તાઓ ઉપર તથા બાગ-બગીચાઓમાં આવતા સહેલાણીઓ  અને તેમના રહેઠાણો વગેરેમાં પહોંચી જઈ  પોતાના સુ-મધુર  શાસ્ત્રીય સંગીત ગુન ગુનાવી લાભ આપવા સુચના છે. કાચબા છાપ, ઓલ આઉટ કે ગુડ નાઈટ આમ તો ઉત્પાદકે આપણાં વિનાશ માટે બનાવેલ છે પરંતુ પરમકૃપાળુ પરમાત્માની આપણાં સમાજ ઉપર મીઠી નજર હોય આ ઉત્પાદકો સાથે આપણે સફળતા પૂર્વક વ્યવહાર કરી સમજી લીધું છે. રહી વાત, હીટ કે એવા સ્પ્રે જે આપણાં મોત માટે છાંટવામાં આવે છે તેનાથી ગભરાવાની જરૂર નથી. સંભવ છે કે ક્યારે ક આપણાંમાના કોઈક તેનો ભોગ બની શહીદી વહોરી લે તો તેવા આપણાં ભાઈ-બહેનોની શહીદીને બિરદાવવા  તેમના  સ્ટેચ્યુ બનાવી દેવાની તમામ જવાબદારી આ કંપનીના સીઈઓએ પોતાને શીરે લઈ વચન બધ્ધ થયા છે

હજુ એક નવું જોખમ થોડા સમય થયા આપણાં વિનાશ માટે આપણાં કોઈ હિતશત્રુએ બજારમાં મૂકયું છે અને જે ચાઈનીશ રેકેટ તરીકે ઓળખાય છે. આ રેકેટો ચીનમાંથી દાણચોરીથી આયાત થતા હોવાની પૂરી શક્યતા છે અને તેની તપાસ કરવા સરકારે એક કમિટિ નીમી છે.

સામાન્ય રીતે ચીન આવા હિંસક રેકેટો નિકાસ કરતું નથી કારણ ત્યાં જ તેનો વ્યાપક રૂપે ઉપયોગ મચ્છરો મારવા માટે કરવામાં આવતો રહે છે. આપ સૌ જાણો છો કે ચીની લોકોનો મુખ્ય ખોરાક નોન વેજ છે. ઉંદર અને સાપ પણ આ પ્રજા હોંશે હોંશે આરોગે છે અને તે તૈયાર વાનગી ઉપર આપણે જેમ શાક-દાળ ઉપર ધાણા-ભાજીનો છંટકાવ કરીએ છીએ તેમ આ ચીનાઓ મચ્છરોનો છંટકાવ કરી વાનગી સ્વાદિષ્ટ બનાવે છે.

રેકેટના ઉત્પાદકો સાથે સીધી વાત ચીત કરી સમજાવવાની કોશિશ આપણાં નાણાં પ્રધાન શ્રી ભ્રમત કુકરમીજી તેમની આગામી ચીનની મુલાકત વેળા ગોઠવી કંઈક રસ્તો નીકાળશે તેવી તેઓએ ખાત્રી આપી છે. માટે હે પ્રજા જનો ! થોડો સમય ખમી ખાવ, બધા સારા વાના થઈ રહેશે અને મચ્છર જાતને નેસ્ત-નાબુદ કરવાનું આ દેશના લોકોનું  અભિયાન દીવાસ્વપ્ન સિધ્ધ થશે.

ગુજરાતના વિપક્ષ મોક્રેગસના પ્રતિનિધિ શ્રી સંકટજી ખાધેલાએ તથા  વિપક્ષી મોક્રેગસનાશ્રી બીંદાસ તપેલે અને શ્રીસરજણ દોઢવાડિયાએ પોતાના પ્રવચનોમાં જણાવેલ કે ગુજરાત તો સંતોની ભૂમી છે. મહાત્મા ગાંધીજીએ દુનિયાના તમામ દેશોને અહિંસાનો સંદેશ આપેલ છે. ભગવાન મહાવીર, બુધ્ધ જેવા અહિંસાના ઉપાસકો આ દેશમાં પેદા થયા છે ત્યારે હિંસા કરવા નીકળેલા આ બાજપીઆ દેશના લોકોની  અને વિશેષમાં ગુજરાતીઓની લાગણીઓ ભડકાવી હિંસા ફેલાવી રહ્યા છે તેનાથી ચેતવાની અને તેમની આવી હિંસાની વાતોમાં આવ્યા વગર આપણાં આશ્રય સ્થાનો  ચાલાકીથી, ઝડપથી અને વારંવાર બદલતા રહેવા તાકીદ કરેલી જેથી આવનારા દિવસોમાં બાજપીઆઓની ગુજરાત ભડકે બાળવાની સાઝિશનું ફીંડ્લું વળી જાય અને લોકો મોક્રેગસનો જય જય કાર પોકારે !

રખેને આ બે આખલાઓની લડાઈમાં આપણૉ ઘડો લાડવો થઈ જાય તે કરતાં ચેતતા નર સુખી તે ન્યાયે  આપણી જાણકારી પ્રમાણે આ હિંસક લોકો સામાન્ય રીતે હુમલો કરવા સંધ્યા ટાણાંનો સમય પસાર કરતા હોવાનું નોંધાયું છે તો આપણે તે સમય પહેલાં જ આપણાં રહેઠાણના જાણીતા સ્થળો છોડી જઈ શહેરના તમામ ભાગમાં ગેરીલા પધ્ધ્તિથી ફેલાઈ જઈ પ્રજાના રહેઠાણમાં  જ છૂપાઈ  જવું બહેતર ગણાય ! માટે આવા કપરા સમયમાં આ વ્યુહરચના શ્રેષ્ઠ રહેશે. માટે તમામ મચ્છર ભાઈ-બહેનોને પોતાના જાન માલની સંભાળ રાખવા એક સંપ બની તકેદારી અને ચેતવણી આપવામાં આવે છે. સંપ ત્યાં જંપ અને અહિંસા પરમો ધર્મ ! યાદ રાખશો.

આજની આ આમ સભાનું કામ કાજ પૂરું થયેલુ જાહેર કરતા પહેલાં આવો સૌ સાથે મળી એકી અવાજે આપણાં સંગઠનના સુત્રો પોકારીએ કે જેથી આપણી તાકાતનો અવાજ બુલંદ બની આ સત્તાધીશોના કાન ઉપર જઈ અથડાય અને આપણાં ઉપર હુમલો કરવાની યોજના ઉપર પુનઃવિચાર કરે !

મચ્છર એકતા જિંદાબાદ !!            દુનિયા કે મચ્છરો  એક હો  !!!        જો હમશે ટકરાયેગા –મેલેરીયાપાયેગા !!!!

જો હમશે ટકરાયેગા ઉસે ડેંગ્યુ નહિ છોડેગા ! 

 હર જોર જુલ્મકી ટક્કરમેં ગુન ગુનાકે શોર મચાયેગા/નીદ હરામ કરદેગા  !! 

ચાઈનીશ રેકેટ મુર્દાબાદ !!! એક ધક્કા ઓર દો રેકેટ કો ફેકદો !!!! 

                                    એક ધક્કા ઓર દો મચ્છરદાની નિકાલ દો !!!!!

 લોહી પીના હમારા જન્મ સિધ્ધ હક્ક હૈ ! મચ્છર એકતા જિંદાબાદ જિંદાબાદ!!

                                 લોહી ચૂસકે  બનેગેં હમ આબાદ !!!

Advertisements

4 comments

  1. વાહ!અરવિંદભાઈ

    સરસ કથા પણ આજની પરસ્થિતિને વણી

    આપેપાત્રોના નામની પસંદગી તથા વૈવિધ્યથી ભરી

    રસપ્રદ લેખ દ્વારા સમાજ માટે વિદ્વાતાને છાજે

    એવો અને કટાર લેખકોને પણ એક પ્રતિભાનો

    પરિચય મળે એવો શાનદાર અને જાનદાર

    લેખ લખ્યો છે. વાંચી આનંદ વિભોર થવામાં મજા આવી.

    અભિનંદન

    રમેશ પટેલ(આકાશદીપ)

    Like

  2. A New TWIST to your Post …a mesage to the Public via MOSQUETOES….& the bottom Line is>>>>

    આવો સૌ સાથે મળી એકી અવાજે આપણાં સંગઠનના સુત્રો પોકારીએ કે જેથી આપણી તાકાતનો અવાજ બુલંદ બની આ સત્તાધીશોના કાન ઉપર જઈ અથડાય અને આપણાં ઉપર હુમલો કરવાની યોજના ઉપર પુનઃવિચાર કરે !
    NICE !
    DR. CHANDRAVADAN MISTRY (Chandrapukar)
    http://www.chandrapukar.wordpress.com
    Arvindbhai…Inviting to visit Chandrapukar for New Post on MITRATA !

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s