@@@@ મંદિરોની સમૃધ્ધિ —– ( 4 ) @@@@

 

                           @@@@ મંદિરોની સમૃધ્ધિ —– ( 4 ) @@@@

આ પહેલાં મારાં બ્લોગ ઉપર મંદિરોની સમૃધ્ધિ વિષે ત્રણ પોષ્ટ મૂકેલી છે જેમાં દિન-પ્રતિ-દિન મંદિરો વધુ અને વધુ સમૃધ્ધ થતા જતા હોવા વિષે વિસ્તૃત રીતે વાત કરેલી છે અને આવનારા દિવસોમાં આપણાં દેશમાં જ મહમદ ગઝની પેદા થવાનો ભય પણ દર્શાવેલો છે.

 મંદિરો બનાવવા, તેને વધુ અને વધુ સોના-રૂપા અને હિરા-જવેરાતથી મઢવાની જાણે સંપ્રદાયો વચ્ચે હોડ શરૂ થઈ છે. અને ભગવાન કે, જેને ગરીબો અને દીન-દુઃખીયાનો બેલી કહેવાય છે તે ધનિકોના વૈભવી ઠાઠ-માઠથી વધુ અને વધુ ઢંકાતો જાય છે.

 સોના-રૂપા, હિરા જવેરાત  અને રોકડ રકમથી ભગવાન એટલી હદે ઢંકાઈ ગયો છે કે તેને પણ બહાર નીકળવું/ફરી પ્રગટ થવું જાણે આકાશ-કુસુમવત બન્યું છે.

 દેશની અંદાજે 28 કરોડથી પણ વધુ પ્રજા ગરીબીની રેખા હેઠળ જીવી રહી છે અને તેમાં ય,  અમર્યાદિત મોંઘવારીનું ચક્ક્રર, આ રાજકારણીઓ/સત્તાધીશોની નીગહેબાની, કૃપા અને આશીર્વાદથી ચાલ્યું છે. તેમાં હવે આ ભીસ માત્ર ગરીબી રેખા હેઠળ જીવતા લોકો પૂરતી મર્યાદિત નહિ રહેતા, મોટા ભાગના મધ્યમવર્ગના લોકો પણ વધુ અને વધુ દિન-પ્રતિ-દિન ભીંસાતા જાય છે .અને તેમની ફરિયાદ રાજકારણીઓ/સત્તાધીશો તો સાંભળતા નથી જ પરંતુ, ધનિક વર્ગે ઈશ્વરને સમૃધ્ધિથી એટલે ઊંડે દાટી દીધો છે કે કોઈની આહ ! કે, નિઃસાસા તેના કાન સુધી ના પહોંચે !

આવા પ્રવર્તમાન સંજોગોમાં એક સમાચાર માધ્યમના જણાવ્યા પ્રમાણે આંધ્રમાં આવેલા તિરૂપતિ મંદિરના વિકાસ માટે દસ હજાર કરોડ રીપીટ દસ હજાર  કરોડ રૂપિયાનો  ખર્ચ કરવાનું નક્કી કરવામાં આવ્યું છે.

તિરૂપતિની  વાર્ષિક આવક અંદાજે છ્સો કરોડથી પણ વધુ થવા જાય છે. 15 ટન રીપીટ 15 ટન જેટલું સોનું જમા પડ્યું છે. દર વર્ષે 50 કરોડ રૂપિયાની આવક માત્ર પ્રસાદના  લાડુના વેંચાણમાંથી ઊભી થાય છે. અને આ લાડુ બનાવવાની પેટંટ મેળવવામાં આવેલી છે કે, જેથી આ જ પ્રકારના લાડુ અન્ય કોઈ બનાવી, વેંચી ના શકે ! આમ લાડુ બનાવવાની રીતને પ્રસાદને નામે મંદિરે ઈજારાશાહી મેળવી લીધી છે. આ ઉપરાંત કપાયેલા વાળના વેંચાણ અને નિકાસ દ્વારા પણ મંદિર મોટી રક્મ દર સાલ મેળવે છે.

કેટલાક સંપ્રદાયો વચ્ચે મંદિરો બાંધવાની હરીફાઈ ચાલે છે. અને આ માટે મેળવાતી રકમ દાન આપનારે ક્યાંથી અને કેવી પ્રવૃતિમાંથી મેળવી છે તેની કોઈ ચકાસણી કરવામાં આવતી નથી અને દેશ-વિદેશમાં મંદિરો ઉભા કરવામાં આવી રહ્યા છે. આવા કેટલાક મંદિરોમાં સવાર-સાંજ, દૈનિક પૂજા કે ઉપાસના કરનાર હોય કે ના હોય, તો પણ પોતાના ( સાધુ-સ્વામી-ગુરૂ-મહંત ) અહંકારના પ્રતિક સમા મંદિરો ઉભા કરવામાં આવે છે.

 આ સાધુ-સ્વામીઓ-ગુરૂઓ અને મહંતો લોકોને ભગવાન દરેક તરફ સમ દ્ર્ષ્ટિ ધરાવે છે તેવું સમજાવતા રહે છે અને તે પોત જ ભગવાનના દરબારમાં જ ગરીબ અને તવંગરના ભેદ પણ રાખે છે. એ વાત તો સર્વ વિદિત છે કે, તિરૂપતિ સહિત અનેક મંદિરોમાં, જો કતારમાં ઉભા રહયા સિવાય,   દર્શનનો લાભ ઝડપથી મેળવવો હોય તો, વધારે રકમ ચૂકવી આ લભ્ય બની શકે છે. ઉપરાંત એ જ રીતે મંદિરમાં ધરવામાં/અર્પણ કરવામાં આવેલી ભેટ સ્વરૂપ રકમની ગણત્રી કરી પ્રસાદનીવાનગી અને  માત્રા નક્કી કરી આપવામાં આવે છે. આમ સ્પષ્ટ રીતે, આ કહેવાતા સમૃધ્ધિથી છલકતા તમામ મંદિરો ઈશ્વરને નામે આધુનિક ધંધો/વ્યવસાય કરનારા ગૃહો બની ચૂક્યા છે ! 

 

આ મંદિરોના ટ્ર્સ્ટીઓ/વહિવટદારો/પૂજારીઓ સાધારણ જન સમુદાયમાં જડબે સલાટ ઘર કરી ગયેલી અંધશ્રધ્ધાનો ભરપૂર લાભ ઉઠાવે છે અને ભગવાનને નામે વેપલો ચલાવે છે. અને આ દેશની ભોળી-અબુધ-અભણ અને અજ્ઞાન પ્રજા ભોગ બની રહી છે. અને જેવી ઈશ્વરની ઈચ્છા- ભગવાન રાખે તેમ રહેવું વગેરે મનોમન સ્વીકારી ભાગ્યને દોષ દેતી સતત પીડાઈ રહી છે !

અંતમાં સ્વામી વિવેકાનંદે તેમના જીવન દરમિયાન બે-ત્રણ વર્ષ સુધી દેશનું પરિભ્રમણ કરેલું અને લોકોની કારમી ગરીબી નજરોનજર જોયા બાદ કન્યાકુમારીની શીલા ઉપર ઊભા રહીને કરેલી ઘોષણા યાદ આવે છે— “હે પ્રભુ ——નથી જોઈતો મારે મોક્ષ  જ્યાંસુધી ભારતની પ્રત્યેક વ્યક્તિ ભરપેટ ભોજન પામતી નથી ત્યાં સુધી હું વારંવાર આ ધરતી પર જન્મ લઉં અને માતૃભૂમિની સેવા કરું

 પરંતુ આ દેશના મોટાભાગના જન સમુદાયના કમ ભાગ્યે દેશની ધુરા હલકા-નરાધમ્-નફ્ફટ-સ્વકેન્દ્રી/સ્વાર્થ લોલુપ લોકોના હાથમાં આવી જતાં ગરીબો વધુ અને વધુ લૂટાતા થયા છે. એક તરફ લૂટે છે આ રાજકારણીઓ/સત્તાધીશો તો, બીજી તરફ થઈ પડેલા કહેવાતા સાધુ-સ્વામીઓ-સંતો-ગુરૂઓ અને મહંતો ઈશ્વરને નામે બેફામ લૂંટ ચલાવી રહ્યા છે. અને ગરીબ બિચારી પ્રજા વધુ અને વધુ પીડાતી/ભીંસાતી રહે છે.

એમ કહેવાય છે કે જો ભુખ્યા/ગરીબનો જઠરાગ્નિ/આતમરામ જાગશે તો લોહિયાળ સમૂળગી ક્રાંતિ થશે ! પણ આ આતમરામ  ક્યારે ય જાગશે ખરો ?

Advertisements

7 comments

  1. આ મંદિરોના ટ્ર્સ્ટીઓ/વહિવટદારો/પૂજારીઓ સાધારણ જન સમુદાયમાં જડબે સલાટ ઘર કરી ગયેલી અંધશ્રધ્ધાનો ભરપૂર લાભ ઉઠાવે છે અને ભગવાનને નામે વેપલો ચલાવે છે. અને આ દેશની ભોળી-અબુધ-અભણ અને અજ્ઞાન પ્રજા ભોગ બની રહી છે. અને જેવી ઈશ્વરની ઈચ્છા- ભગવાન રાખે તેમ રહેવું વગેરે મનોમન સ્વીકારી ભાગ્યને દોષ દેતી સતત પીડાઈ રહી છે !……..
    Arvindbhai….I read you Post. I just selected a paragraph from it….The solution lies there….WE have to educate the Public so that ALL can see GOD in the Poverty & in those who are in need. This also removes the “Andh-Shraddha” of ALL ( both Poor & Rich)….If this is realised, the Mandir Trustees also WILL change their attitude.
    Vivikanand had initiated this “Chalval”…but it seems people in general are forgetting VIVEKANAND too.
    So…we need another Vivekanand to awaken us ALL !
    DR. CHANDRAVADAN MISTRY (Chandrapukar)
    http://www.chandrapukar.wordpress.com

    Arvindbhai …Hope to see you for the Posts on MITRATA

    Like

  2. મંદિરોમાં લોકો ભલે એમની સમ્પત્તિનું પ્રદર્શન કરે, એનો 1% પણ શિક્ષણ માટે ખર્ચે તો સમાજને ઘણું ઉપયોગી કામ થાય.

    Like

  3. એમ કહેવાય છે કે ,
    જો ભુખ્યા/ગરીબનો જઠરાગ્નિ/આતમરામ જાગશે તો ……
    લોહિયાળ સમૂળગી ક્રાંતિ થશે !
    પણ આ આતમરામ ક્યારે ય જાગશે ખરો ?
    We ask our sef loud like this ….
    Hope,One day People in India in Temples the act will change!

    Rajendra Trivedi,M.D.

    P.S. Visit our work
    http://www.bpaindia.org

    Like

  4. મંદિર સંસ્થા ભાંગી ગઈ છે જીર્ણોદ્ધાર માગે છે…મંદિરમા જતો માણસ બદલાવવો જોઇએ..મદિરો ઊચા બનાવવાની કૈ જરુર નથી ઈશ્વર તેમા ગુંગળાય છે તેને બહાર કાઢવો જ રહ્યો…..
    મદિરો કૂટીર જેવા હોવા જોઇએ અને કૂટીર મહેલો જેવિ હોવિ જોઇએ સત્તા લોલુપ સંપતિલોલૂપ સામ્પ્રદાયિકો પોતાનું વર્ચસ્વ જમાવમા અને શોષંણ કરવા કરવા આવા મંદિરો બનાવે છે અને પોતે બની જાય છે કેપીટલાસ્ટીક મૂડીવાદી પૂન્જીપતિ..બસ પછી તો મૂઢ શિષ્યો તેમની પાદ્ય્પૂજામા લાગી જશે અને ભગવાન તો ખોવાય જશે..અરે ભગવાનની મૂર્તિ હટાવી તેમને પોતાની પાઘડીધારી મૂર્તિને મુકી દેતા ક્યા શરમ આવે છે !!!

    Like

  5. આ દેશ ના કરોડો રૂપિયા કમાઈ ચૂકેલા મંદીરો ના વહીવટદારો એ વિરપૂર ના જલારામ બાપા ના મંદીર નો ધડો લેવો જોઈએ કે ત્યાં કોઇ દાન પેટી જ નથી. અને બીજી કોઈ પણ રીતે પણ દાન સ્વિકારવામાં આવતું નથી. છે આવી હિમત કોઈ મંદીર ના વહીવટદારો ની ? આવી હિંમત તો સૌરાષ્ટ્ર અને ગુજરાતી જ કરી શકે.

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s