આઈ એસ ઓ….. મંદિરો માટે !!! ગંદકી- ગીર્દી-ઘોંઘાટનો ખાત્મો ???

 

                                    આઈ એસ ઓ….. મંદિરો માટે !!!

                                  

                                           ગંદકી- ગીર્દી-ઘોંઘાટનો ખાત્મો ???

ભારતીય લોકોએ હરખાવા જેવા સમાચાર મળી રહ્યા છે. દક્ષિણ ભારતના કેટલાક મંદિરોએ આંતરરાષ્ટ્રિય માન્ય એવું આઈ એસ ઓ (I S O ) સર્ટીફીકેટ મેળવવાનું નક્કી કર્યું છે. વાચકને થશે કે  આ આઈ એસ ઓ ( I S O ) કઈ બલાનું નામ છે ?  જેનું પૂરુ નામ છે- International Standard Organization  જેનું હેડ ક્વાટર જીનીવામાં છે અને અંદાજે  157 દેશો તેના સભ્યો છે.  

આ સર્ટિફીકેટ મેળવવા માટે,   દુનિયાભરમાંથી  આઈ એસ ઓ ( I S O ) સમક્ષ અરજીઓ આવતી રહેતી હોય છે. અને જે કોઈ વ્યાપાર-ઉધ્યોગ ગૃહો અને ઓફિસો આઈ એસ ઓએ નક્કી કરેલી . પાયાની મૂળભુત સવલતો ધરાવતા હોય તેવા યુનીટોને આઈ એ સો ( I S O )ના અધિકારીઓ  દ્વારા  ચકાસણી કર્યા બાદ, સર્ટીફીકેટ આપવામાં આવે છે. જેમાં સફાઈ અર્થાત સ્વચ્છતા ચોખ્ખાઈ પ્રાથમિક અને મુખ્ય ગણાય છે.આવા સર્ટીફીકેટ મેળવનારની પ્રતિષ્ઠા વધી જાય છે અને તેની કક્ષા આંતરરાષ્ટ્રિય કક્ષાની સમકક્ષ ગણાતી થાય છે.

આ જાતના સર્ટીફેકેટ માટે આપણાં દેશમાં  સૌ પ્રથમ સોફ્ટ્વેર કંપનીઓને વિદેશના ઓર્ડરો મેળવવા આવશ્યક ગણવામાં આવતું. ધીમે ધીમે તેનો વ્યાપ વધતો ચાલ્યો અને કોરપોરેટ ઓફિસો પણ આઈ એસ ઓ મેળવવા લાગી અને આ ઓફિસો વિશિષ્ટ અને આગવું રૂપ ધારણ કરવા લાગી.

આપણાં મંદિરો ગંદકી-ગીર્દી અને ઘોંઘાટથી ખદબદતા હોય ખૂબ જ વગોવાઈ ગયા છે અને તે છાપ દૂર કરવા દક્ષિણના મંદિરોએ આઈ એસ ઓ ( I S O ) મેળવવાની પહેલ કરી છે, જે ખૂબ જ આવકારદાયી છે. અન્ય મંદિરોના ટ્ર્સ્ટિઓ/વહિવટદારો/પૂજારીઓ એ આમાંથી પ્રેરણા મેળવી તમામ મંદિરો માટે આઈ એસ ઓ ( I S O ) મેળવવા પ્રયાસ શરૂ કરવા જોઈએ,  જેથી દર્શનાર્થીઓ ગંદ્કી-ગીર્દી અને ઘોંઘાટથી બચી શાંતિથી ઈશ્વરના દર્શનનો લાભ લઈ શકે અને અવાર નવાર બનતા ધક્કા મુક્કીના બનાવોનું પુનરાવર્તન ના થાય અને તો આ કારણે થતી જાન હાનિ પણ બંધ થાય્.

એક સમાચાર પ્રમાણે આપણાં દેશના કેટલાક દક્ષિણ ભારતના મંદિરો આ સર્ટીફીકેટ મેળવવા કટિબધ્ધ થયા છે. અને જો સફળતા પૂર્વક મેળવી- -જાળવી પણ શકશે તો હવે પછીના સમયમાં મંદિરો પણ કોરપોરેટ ઓફિસો જેવું લૂક ધારણ કરશે તેવી સંભાવના છે.

સામાન્ય રીતે આપણાં મંદિરો ગંદકી-ગીર્દી અને ઘોંઘાટના પર્યાય સમાન બની રહ્યા છે. દર્શનાર્થીઓએ પણ આ વિષે મંદિરોના ટ્ર્સ્ટીઓ/વહિવટદારો પાસે અવાજ ઉઠાવી યોગ્ય સવલતો/વ્યવસ્થા કરવા દબાણ  કર્યાનું જાણમાં નથી.  જાણે ગંદકી-ગીર્દી અને ઘોંઘાટ સહજ જીવન શૈલી ના બની રહી હોય !. અલબત્ત કેટલાક જૈન મંદિરો – સ્વામીનારાયણ મંદિરોમાં અદભુત સ્વચ્છતા જળવાતી રહે છે. ઉપરાંત ગુરૂદ્વારામાં પણ ચોખ્ખાઈ આંખને ઉડીને વળગે તેવી જળવાતી રહે છે.

કોઈક સંપ્રદાયોમાં ભક્તો કાર સેવા પણ આપતા રહે છે. જેમાં ધનિકો પણ જોડાતા હોય છે. જુતા.ચપ્પ્લ યોગ્ય રીતે દર્શનાર્થીઓને અડચણ ના થાય તેમ ગોઠવવા-કચરો કાઢવો વગેરે સ્વયં સ્ફૂરણાથી કરતા રહે છે. એવું જ સ્વાધ્યાય  પરિવાર જેવા સંગઠનમાં જ્યાં લાખ ઉપરાંત ભક્તો એકઠા થતા હોવા છતાં તેમના વિખરાઈ ગયા બાદ કોઈ જાતનો કચરો કે ગંદકી દ્રષ્ટિગોચર થતી નથી.

જ્યારે રામાયણ કથા-ભાગવત કથા કે, અન્ય પ્રકારની કથામાં સર્વશ્રી મોરારીબાપૂ-રમેશઓઝા કે ઈંદિરા બેટીજી કે અન્ય તેવી જ પ્રતિભાશાળી હસ્તીઓ વ્યાખ્યાન/કથા કરતા હોવા છતાં કથા સમય દરમિયાન અને બાદમાં પણ સમિયાણા સહિત ચો-તરફ ગંદકીના અને કચરાના થર જામ્યા રહે છે. આ થર આ કથાકારોને પણ નજરે પડતા રહે છે છતાં આ વિષે કોઈ કથાકારોએ ક્યારે ય શ્રોતાઓને ગંદકી કે કચરો નહિ કરવા ગંભીરતાથી આદેશ આપ્યો હોય તેવું જાણમાં નથી. હા,  સંભવ છે કે કથા દરમિયાન બોધ અપાયો હશે ! પણ જો શ્રોતાઓ ગંદકી કે કચરો કરે તો તે તરફ આંખ આડા કાન કરી લેવામાં આવતા રહે છે 

આપણો અનુભવ છે કે વ્યાખ્યાન/કથા કરનાર પ્રતિભાઓનો સામાન્ય જનસમુદાય ઉપર જબર જસ્ત પ્રભાવ રહ્યો છે, તો તેનો લાભ લઈ આ વ્યાખ્યાનકર્તાઓ/કથાકારો કથા શ્રવણ કરવા આવનાર શ્રોતાઓ પાસે  સમિયાણા કે આજુબાજુ કોઈ પણ સ્થળોએ, ઉપરાંત પોતાના અર્થાત શ્રોતાના ઘર અને આજુબાજુમાં પણ, કચરો કે ગંદકી નહિ કરીએ તેવા ઈશ્વરને નામે સોંગદ લેવડાવવા જોઈએ અને તેવા શપથ પત્રમાં સહી કર્યા બાદ જ સમિયાણામાં પ્રવેશ મળે તેવી વ્યવસ્થા આયોજક પાસે કરાવવી જોઈએ તેવું મારું દ્રધ માનવું છે

મંદિરો એ શ્રધ્ધા/આસ્થાના સ્થળો છે.શક્ય છે કે દર્શનાર્થીઓને કોઈ બાહ્યાચારો અપનાવવામાં રસ ના પણ હોઈ શકે ! પણ તેથી મંદિરોને મૂળભુત સવલતો જેવી કે ગંદકી-ગીર્દી અને ઘોંઘાટથી ભરી દેવા તે ક્યાંનો ન્યાય ? 

ટ્ર્ષ્ટિઓ/વહિવટદારો પણ મંદિર અને તેના પરિસરની લગભગ દરરોજ મુલાકાએ જતા હોય છે, ત્યારે તેઓએ પોતાના જડ વલણો ત્યાગી આધુનિક સવલતો ગોઠવી , દર્શનાર્થીઓને સહેલાઈ અને સરળતાથી ઈશ્વરનું દર્શન કરી શકે તેવી વ્યવસ્થા ગોઠવવી જ જોઈએ. આ વહિવટદારો /પૂજારીઓને ગંદકી અને ગીર્દી તથા ઘોંઘાટ કોઠે પડી ગયા હશે ?  ક્યારે ય તેમના આતમરામને ખલેલ નહિ પડતી હોય ?  આવા વાતાવરણમાં ઈશ્વર રહી શકે ખરો ?  તેવો પ્રશ્ન કોઈ દર્શનાર્થીના મનમાં ઉભો નહિ થતો હોય ?

 મંદિર અને તેના પરિસરનું વાતાવરણ/પર્યાવરણ દર્શનાર્થીના પ્રવેશ સાથે જ તેના મન અને તન ઉપર હાવી થઈ જવું જોઈએ ! દર્શનાર્થીને પોતે કોઈ પવિત્ર ભૂમિ અને સ્થળે આવી પહોચ્યો છે તેવો અહેસાસ માત્ર આવા વાતાવરણથી જો કરાવી શકાય તો તે ઈશ્વરની સાક્ષાત પ્રાપ્તી થયાની અનુભૂતિ કરી શકશે !

 

 ખેર ! જાગ્યા ત્યારથી સવાર ! દક્ષિણ ભારતના ચેન્નાઈ શહેરના ત્રણ મંદિરોએ આઈ એસ ઓ ( I S O ) સર્ટીફીકેટ મેળવવા પહેલ કરવાનું જાણવામાં આવતા –અન્ય મંદિરો પણ ધીમે ધીમે જોડાશે તેવી આશા રાખવી વધુ પડતી નહિ ગણાય તેમ ધારું છું ! અને આવનારા દિવસોમાં આપણાં મંદિરોમાંથી ત્રણેય દુષણો ગંદકી-ગીર્દી અને ઘોંઘાટ દૂર થઈ એક ભાવભીનું પવિત્ર વાતાવરણ પેદા થશે !

આ માટે મંદિરોના પૂજારીઓ/ટ્ર્ષ્ટિઓ/વહિવટદારો પોતાના જડ વિચારો માટે હઠાગ્રહી બની અવરોધો પેદા નહિ કરે તેવી અપેક્ષા રાખવી રહી ! અને મંદિરમાં બીરાજેલ ભગવાન આ સૌને સદબુધ્ધિ આપે તેવી પ્રાર્થના !

આપણાં દેશની આ કેવી વિટંબણા અને કરૂણતા છે કે મંદિરોમાં ગંદકી-ગીર્દી અને  ઘોંઘાટ નહિ હોવો જોઈએ તેવા વિચારનું અનુકરણ પણ, -પશ્ચિમના દેશોની સંસ્કૃતિ અને સંસ્કારની વેધક ટીકા કરનારાઓને- સ્વીકારવાની ફરજ પડે છે અને તેમની પાસેથી જ તે સબબનું સર્ટીફીકેટ મેળવવા અરજ કરવી પડે છે.

 ખેર ! જેનો અંત સારો તેનું સૌ સારું ! તે કહેતી પ્રમાણે દક્ષિણ ભારતના ચેન્ન્નાઈ શહેરના જે ત્રણ મંદિરો આ પહેલ કરી રહ્યા છે તેના ટૃસ્ટીઓ/વહિવટદારો /પૂજારીઓને લાખ લાખ ધન્યવાદ ! અને આ આઈ એસ ઓ   ( I S O ) ના વિજાણુઓ દેશના તમામ મંદિરોમાં ઝડપથી પહોચી ફેલાય  તેવી પરમ કૃપાળુ પરમાત્માને ચાલો આપણે સૌ સાથે મળી પ્રાર્થના કરીએ ! અસ્તુ !

 

Advertisements

3 comments

  1. આ સર્ટીફીકેટ એ નર્યુ તૂત છે અને ધોળીયાઓ એ પૈસા કમાવાનો રસ્તો ગોતી લીધો છે, મે એવી ઘણી કંપની જોઈ છે જે માત્ર ને માત્ર સર્ટીફીકેટ મેળવવા માટે થોડો ટાઈમ ફેરફાર કરે પછી જૈસે થે. એકવખત સર્ટીફીકેટ આવી ગયા પછી કોઇ જોવા નથી આવતું. રહી વાત મંદીરો ની તો કરોડો રૂપિયા કમાતા મંદીરો જો સ્વચ્છતા અને વ્યવસ્થા ના રાખી શકતા હોય તો વાંક જે તે મંદીર ના વહીવટદારો નો છે. જે મંદીરો સ્વચ્છતા અને વહીવટ સારો રાખે છે તેને કોઈ સર્ટીફીકેટ ની જરૂર નથી.

    Like

  2. ખેર ! જાગ્યા ત્યારથી સવાર ! દક્ષિણ ભારતના ચેન્નાઈ શહેરના ત્રણ મંદિરોએ આઈ એસ ઓ ( I S O ) સર્ટીફીકેટ મેળવવા પહેલ કરવાનું જાણવામાં આવતા –અન્ય મંદિરો પણ ધીમે ધીમે જોડાશે તેવી આશા રાખવી વધુ પડતી નહિ ગણાય તેમ ધારું છું ! અને આવનારા દિવસોમાં આપણાં મંદિરોમાંથી ત્રણેય દુષણો ગંદકી-ગીર્દી અને ઘોંઘાટ દૂર થઈ એક ભાવભીનું પવિત્ર વાતાવરણ પેદા થશે !

    good News .one step in right direction.

    Ramesh Patel(Aakashdeep)

    Like

  3. ખેર ! જેનો અંત સારો તેનું સૌ સારું ! તે કહેતી પ્રમાણે દક્ષિણ ભારતના ચેન્ન્નાઈ શહેરના જે ત્રણ મંદિરો આ પહેલ કરી રહ્યા છે તેના ટૃસ્ટીઓ/વહિવટદારો /પૂજારીઓને લાખ લાખ ધન્યવાદ ! અને આ આઈ એસ ઓ ( I S O ) ના વિજાણુઓ દેશના તમામ મંદિરોમાં ઝડપથી પહોચી ફેલાય તેવી પરમ કૃપાળુ પરમાત્માને ચાલો આપણે સૌ સાથે મળી પ્રાર્થના કરીએ ! અસ્તુ !
    It is new to mf this Certificate (I.S.O. )……If that Certificate brings the “Shanti, Cleaniness ” to our Mandirs..I am for it. But if that Cerificate is only a “show/pride” & then the Mandir is back to the “business as usual ” then I must say there can be better way ……But then what to do ? Firstly, the Mandir Management MUST feel the need of these Changes….then all in the Management take the matter SERIOUSLY & implement the needed Changes. So, the Certificate is not needed ( but welcone if obtained)…..Second important thing is the “Education of the Public” …..Our Religious Leaders can play a very important role in this…The Management of the Mandirs can also play an important Role in educating the Public….And, on top of these measures, the Government of India can make this Change possible with some Regulations of how the Mandirs can be kept clean & possibly the “silence” observed as a respect to others praying…..Just my thoughts !
    DR. CHANDRAVADAN MISTRY (Chandrapukar)
    http://www.chandrapukar.wordpress.com
    Arvindbhai…Thanks for your recent visit/cooments for Mitrata Posts !

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s