!!!!! *** રક્ષક બન્યો ભક્ષક *** !!!!! હરિયાણાના પોલીસ વડા રાઠોર

!!!!! *** રક્ષક બન્યો ભક્ષક *** !!!!! હરિયાણાના પોલીસ વડા રાઠોર

!!!!!

કેટલાક સમય થયા તમામ સમાચાર માધ્યમોએ હરિયાણામાં પોલીસ તંત્ર કેટલી હદ સુધીના નરાધમ અને નફ્ફટ અમલદારોથી ભરેલું છે તેનો પર્દા ફાર્શ કરી રહ્યુ છે જે આમ જનતાની આંખ ખોલવા માટે પર્યાપ્ત બની રહેવું જોઈએ ! હરિયાણાના પોલીસ વડાએ આજથી 19 વર્ષ પહેલાં રૂચિકા સાથે ગંદી હરકતો કરવાની કોશિશ્ કરેલી અને તેણી તાબે નહિ થતા રૂચીકા સહિત સમગ્ર પરિવારને એટલી હદે હેરાન પરેશાન કર્યો કે તેના પરિવારે કોઈ છૂપા સ્થળે ચાલ્યા જવાની ફરજ પડી. રૂચીકાના ભાઈ ઉપર અનેક ખોટા આરોપ લગાવી કેદમાં નાખી ઢોર માર મારવામાં આવ્યો તો રૂચીકા જે સ્કૂલમાં અભ્યાસ કરતી હતી તેમાંથી સ્કૂલના સંચાલકો ઉપર દબાણ લાવી કઢાવી મૂકવામાં આવી. રાઠોરની હરક્તો એટલી તો હલકા પ્રકારની હતી કે આખરે તેનાથી થાકી કંટાળી રુચીકાને આત્મહત્યા કરવા મજ્બૂર બનાવી અને તેમ છતાં આ રાજકારણી/સત્તાધીશોએ સમગ્ર રીતે તપાસ કરવાને બદ્લે આ નીચ અને નરાધમ રાક્ષસને બઢતીઓની લ્હાણી કરી અને મેડલો પણ આપ્યા/અપાવ્યા !

@@@ ધન્યવાદ તો રૂચીકાની મિત્ર અને તેના પરિવારને આપવા રહ્યા કે જેઓએ હિમત દાખવી આ નરાધમ રાઠોર સામે મોર્ચો માંડી ખુલ્લો પાડ્યો ! પરિણામે એફાઆઈઆર નોંધાઈ-તપાસ કરવામાં આવી અને રાઠોરને ગુન્હેગાર સાબિત માની છેક 19 વર્ષો બાદ માત્ર છ મહિનાની સજા ફરમાવવામાં આવી ! જે સમગ્ર ભારતીય સમાજની મોટી મજાક બની રહી હોય તેવું જણાય છે !

@@@ આ શરમજનક બનાવમાં એક રાજ્યનો વડો પોલીસ અધિકારી આવી અશ્લિલ અને બિભત્સ હરકત કરવામાં સંડોવાયો છે અને અદાલતે જ્યારે છ માસની સજા ફરમાવી ત્યારે અદાલતના આંગણાંમાં જ મારૂં શું ઉખેડી લીધું તેવા અસભ્ય ઉચ્ચાર સાથે પેશ આવે ત્યારે આવા ઉચ્ચાર કરનાર આ વ્યક્તિ પૂર્ણ પણે નરાધમ્-નફ્ફ્ટ અને નાગી જ હોઈ તે નિઃશંક રીતે પોતે જાતે જ પુરવાર કર્ય
!
@@@ એક વાત તો સૂર્યપ્રકાશ જેવી સ્પષ્ટ છે કે રાજ્યનો પોલીસ વડો આટલી હદે નફ્ફટ થઈ નાગરિકોની વચ્ચે પેશ થઈ શકે તે નિઃસંદેહ દર્શાવે છે કે તેને રાજકીય સત્તાધીશોનું પીઠબળ હોય જ ! ઉપરાંત પોલીસ બેડાના કર્મચારીઓ પણ્ તેની આટલી હદ સુધીની નફ્ફ્ટાઈ ભરી વર્તણુંકથી ડરતા/ભય પામતા હોવા જોઈએ અને તેથી જ મન-કમને નીચેના અમલદારો કે પોલીસ કોંસ્ટેબલોએ તેના બેકાયદા અને અસામાજિક કક્ષાના કૃત્યો કરવામાં સહકાર આપ્યો હોવો જોઈએ !

@@@ એ પણ અસંભવ નથી કે રાજકીય સત્તાધીશો તેમની પોતાની આવી જ કે આથી પણ વિશેષ પ્રકારની નીચ અને હલકી હરકતોનો ઢાંક પીછોડો કરવા આવા રાઠોર જેવા નીશ અને હરામખોર પોલીસ વડાની સહાય લેતા હોય ! અને જો તેની વિરુધ્ધ કોઈ કાર્યવાહી કરવાની કોશિશ કરે તો આ રાઠોર જેવા અમલદારો આ હરકતો જાહેર કરી દેશે તેવી દહેશત નીચે આકરાં પગલાં લેવાને બદલે તેની કિમંત રૂપે પ્રમોશન-બઢતી- આપ્યા કરે અને મેડલો પણ આવી હસ્તીઓ મેળવ્યા કરે !

@@@ 62 વર્ષની સ્વતંત્રતા પછી સામાન્ય જન સમુદાયની રક્ષા અને સલામતીને બદલે આવી વ્યકતિઓ ફાલે-ફૂલે અને ઉચ્ચ હોદાઓ સુધી પહોંચે છતાં તેનો વાળ પણ વાંકો ના થાય તે સત્તાધીશો માટે આવા અમલદારો સાથેની મીલીભગત નિઃશંક પુરવાર કરે છે ! ત્યારે આવા ભ્રષ્ટ રાજકારણીઓ/સત્તાધારીઓ પાસેથી ન્યાયની અપેક્ષા રાખવી તે નરી મૂર્ખાઈ ગણાવી જોઈએ !

@@@ આવા નપૂંસક કાયદાઓ બદલવા જ રહ્યા ! ન્યાય માટે અદાલતનો આશરો લીધા બાદ પણ વર્ષોના વહાણાં વાઈ જાય તે કેવી બેહુદી ન્યાય પ્રક્રિયા ગણાય ! દેશ અને સમાજ માટે આથી વધારે કરૂણ અને શરમજનક શું હોઈ શકે ?

@@@ એક વાત એ પણ સ્પષ્ટ સમજી લેવાની જરૂર છે કે કાયદાપોથીમાં રહેલા કાયદાઓ કે ન્યાયપ્રણાલી વગેરે બદલવા આ રાજકારણીઓ/સત્તાધીશો ઈચ્છ્તા જ નથી કારણ નાગરિકોને ઝ્ડપથી ન્યાય મળે તેવી કોઈ ઈચ્છા આ નરાધમો ધરાવતા નથી. ઉપરાંત તેઓ પોતે આવા નીચ કાર્યોમાં ફસાય અને ખુલ્લા પડે તો કાયદાકીય પ્રક્રિયા વર્ષો સુધી ચલાવી શકાય અને તેવી છટકબારીનો લાભ મેલવી લોકોની યાદદાસ્તમાંથી ભૂસી શકાય !

@@@ રાઠોર જેવા શેતાનો દરેક રાજ્યમાં હોવાની ભરપૂર શકયતાઓ છે. યાદ કરો ! આઈએસઅ અધિકારી રૂપેન બજાજનો કેસ જેમાં કે.પી.એસ.ગીલ જેવા પોલીસ વડાએ એક પાર્ટીમાં રૂપેનને બેસવાની જ્ગ્યાએ ટપલી મારી હતી ! આવો જ એક કેસ રાજસ્થાનના પોલીસ વડા દ્વારા દબાવી દેવાયેલા કેસની ફેર તપાસ કરવાની માંગણી થઈ રહી છે. આગળના આવા જ કિસ્સાઓ યાદ કરીએ તો પ્રિયદર્શિની મટ્ટુનો કેસ, નિતિશ કટારા કેસ, જેસિકા લાલનો કેસ વગેરે . આ કેસની વિગતોમાં અત્રે નહિ જતા માત્ર યાદ કરવાનો જ ઉપક્રમ રાખેલ છે.

@@@ સત્તાધારીઓને તો આવી વિલંબીત ન્યાયપ્રક્રિયા ફાવી ગયેલી છે અને તે કોઈ ઝડપી ક્રિયાઓ શરૂ કરવાના સુધારા કરશે તેવી આશા રાખવી વ્યર્થ હોઈ લોકો માટે એક જ વિકલ્પ બાકી રહે છે. અને તે માટે, થોડા સમય પહેલાં મહારાષ્ટ્રના કોઈ એક ગામમાં આ રાઠોર જેવો શેતાન પેદા થયેલો અને અવાર-નવાર સ્ત્રીઓ ઉપર બળજબરી કરતો રહેલો જે પકડાતા અદાલતમાં હાજર કરવામાં આવેલો અને ત્યારે ભરી અદલતમાં જ તે ગામની સ્ત્રીઓએ સમૂહમાં તેના ઉપર હલ્લો કરી પતાવી દીધેલો. આ ઉદાહરણને આત્મસાત કરવું રહ્યું ! આવા જ પ્રત્યાઘાત જ્યાં જ્યાં આવા રાક્ષસો પેદા થયા હોય ત્યાં અજમાવવામાં નહિ આવે તો અનેક રૂચીકાઓ રાઠોર જેવા અમલદારો કે રાજ્કીય સત્તાધીશો દ્વારા પીંખાતી રહેશે અને આત્મહત્યા કરતી રહેશે !

@@@ આ તબક્કે મને એક હિન્દી ફિલ્મ યાદ આવે છે અલબત્ત નામ ભૂલી ગયો છુ પણ તેમાં ડીમ્પલ કાપડીયા નો જે રોલ છે તેમાં તેણી ઉપર 3 પૈસાદાર મા-બાપના વંઠેલા પુત્રો બળાત્કાર કરે છે અને અદાલત તેમને નિર્દોષ ઠરાવી છોડી મૂકે છે. ત્યાર બાદ ડીમ્પલ મરણીયા બની એક પછી એક ને પકડી પોતાના ડૉક્ટર મિત્રની સહાય વડે ઓપરેશન કરાવી આ ત્રણેને નપૂંસક બનાવી દે છે ! એવો જ એક કિસ્સો થોડા અલગ પ્રકારનો મેં એક ગુજરાતી નવલકથામાં વાંચેલો જેમાં ગુજરાતના બંદરેથી વહાણ દ્વારા વ્યાપાર અર્થે જતા માલસામાન કે વ્યાપારીઓને ચાંચીયાઓ લૂટી લેતા. આમાના કેટલાક પકડાયા અને તેમને ત્યારના મંત્રી સમક્ષ રજૂ કરવામાં આવતા મંત્રીશ્રીએ તેમને રાજના અતિથિ ગણાવી સરસ ખાતર બરદાસ્ત કરવા જણાવતાં લોકોને ખૂબ જ અચંબો થયો હતો. પરંતુ બીજે જ દિવસે લોકોએ જોયું તો આ ચાંચીયાઓ શહેરના માર્ગો ઉપર ઢ્સડાઈને ખસી રહ્યા હતા એક પણ ઉભો થઈ શકે તેવી હાલતમાં નહિ હતો. આમ કેમ થયું ? તપાસ કરતા જણાયું કે મંત્રીશ્રીએ જે સજા કરેલી તેમાં આ લોકોને શરીર ઉપર મસાજ કરવાનું કહેવામાં આવેલું અને આ વિશિષ્ટ જાતની મસાજ ખાસ પ્રકારના અતિથિઓ માટે જ અનામત રહેતી. મસાજ દ્વારા કરોડ રજ્જુના મણકા એટલી હદે છુટા પાડી દેવામાં આવેલા કે કોઈ સ્થિર ઉભો જ ના રહી શકે અને જીવે ત્યાં સુધી ઢસડાઈને જ ખસવું પડે !

@@@ કંઈક આવા જ પ્રકારની સજા આવા રાઠોર જેવા નરાધમ-નફ્ફ્ટ અને નાગા રાક્ષસોને નાગરિકોએ સાથે મળી કરવી રહી ! પૂરું કરું તે પહેલાં રાઠોરને એક સવાલ પૂછવાની લાલચ થાય છે કે જાણવા પ્રમાણે તમારી પૂત્રી પણ રૂચીકા સાથે જ સ્કૂલમાં અભ્યાસ કરતી હતી અને બંને સમવયસ્ક જ હતી ત્યારે તમારા વિકૃત માનસમાં આવી કોઈ ચેષ્ટા તેણી સાથે કરવાની આવેલી જ હોવી જોઈએ અને બાહ્ય રીતે તમે તેવી હરકત રૂચીકા સાથે કરી હતી ! તમારી પૂત્રી સાથે અન્ય કોઈએ આવી હરકત કરી હોત તો તમારો પ્રતિભાવ શું હોત તે પણ જાણવાની લોકોને ઉત્સુકતા રહેશે !

@@@ અતમાં અહિંસા જેની રગે રગમાં વ્યાપી રહી છે તેવા ભારતીય નાગરિકો આટલી હિમત
અને મર્દાનગી દર્શાવી શકસે કે હજુ પણ આવી રૂચીકાઓના બલિદાનો મૂંગા મોઢે સહન કર્યા કરશે ?

Advertisements

11 comments

  1. શ્રી અરવિંદભાઈ
    કમનસીબે રૂચીકાનો કેસ અરૂચીકર હોવા છતાં સમાજની કહેવાતી ઉચ્ચહોદાના અધીકારીગણ ની વિકૃત મનોદશા ખુલ્લી પાડે છે. ઉચ્ચહોદાના અધિકારી-કલેકટર-ડીએસપી-આઈએએસ ઓફિસર્-સચિવ હમેશાં સારા-પ્રમાણીક્-ચારિત્ર્યવાન હોય જ એમ કદાપી માનવું નહિ.સમાજના નાગરિકોની અજ્ઞાનતા-ડરપોકપણા અને લોભ લાલચનો ભરપૂર લાભ ઉઠાવે છે.
    સારી અને ખરાબ વૃતિ-કામના દરેક વ્યક્તિમાં હોય છે.પરંતુ સમાજના નિયમો અને કુટુંબના પરંપરાગત ચારિત્ર્યને કારણે 98% લોકો તેને નિયંત્રણમાં રાખે છે.પરંતુ આવા છાકટા અધિકારીઓ તેના ઉપરી સત્તાધિશોની પોલ જાણીને દામ-દંડથી બચતા રહે છે રાઠોર તેનો અદભુત દાખલો છે.

    મધુકર માંકડ

    Like

  2. * Dimple kapadia film name – Jakhmi Aurat
    * Gov need to review law as and when required or every 5 years they need to add/remove law.
    * In India Vehical accident law was made in 1962 , if person drive and make accidental kill then he/she can give Rs 500 ( in year 1962) and then take bail. this rule was same till Salaman khan was having accident and killed few people. that time he pay Rs. 500 for bail in accidental case.
    * we , people need to vote only those who think about country and country people. instead we are choosing gov. who is having limited knowledge , have crime record, have lots of money and who is helping us to make personal profits. people are now self considered only… never think out of circle.
    * surat gang rape/ ruchika case, kasab case and many more…. people and gov have all evidence but still questing and wasting valuable time and money and efforts.
    * and i think thats why people called India Ram bharose chal raha hai…..

    Like

    1. ભાઈશ્રી

      આપે બ્લોગની મુલાકાત લીધી આભાર. હિન્દી મુવીમેં જોયેલી પણ નામ યાદ આવતું નહિ હતું. આભાર આપે નામ યાદ કરાવી દીધું ! આપે જણાવેલ પ્રતિભાવ સાથે 100% સહમત છું અને મેં મારા અનેક લેખોમાં આ વિષે વારંવાર ઉલ્લેખ કર્યો છે અને કરતો રહુ છું. પરંતુ જે જાડી ચામડીના રાજકારણીઓ અને સત્તાધીશો આપણાં દેશના અબુધ અને અભણ લોકોની અજ્ઞાનતાનો લાભ લઈ માત્ર મત બેંકને દ્રષ્ટિમાં રાખી રાજકારણ ખેલી રહ્યા છે તેનું પરિણામ લાંબા સમયે ફરીને આ દેશમાં 600 કે વધુ રજવાડા ઉભા કરવા તરફ જઈ રહ્યા હોય તેવું લાગ્યા કરે છે.

      આ રાજકારણીઓ અને સત્તાધીશો કે અમલદારોને સુધરવાની ફરજ પાડવા માટે લોકોની જાગૃતિ પૂર્વ શરત બની રહે છે અને તે માટે લોકોને પેલા મહારાષ્ટ્રના ગામે રાહ ચીંધ્યો છે તે અપનાવવો જ રહ્યો. પણ જન સમુદાયને સેંકડો વર્ષ થયા અહિંસાને નામે કાયર અને નમાલા બનાવી દીધા હોય તેવું લાગ્યા કરે છે. એકાદ રાજ્કારણી કે સત્તાધીશ કે અધિકારી લોકોના રોષનો ભોગ બને તો જ તેમની આંખ ખુલશે અને લોકોના હિત કે કલ્યાણ માટે કાર્ય કરવા લાગશે ! એક મહત્ત્વની વાત આવા તમામ રાજકારણીઓ વગેરે મૂળભુત રીતે કાયર અને નમાલા ને બીકણ હોય છે તેઓ ક્યારે ય લોક જુવાળનો સામનો કરવા તૈયાર હોતા નથી. ખેર ! આવજો ! ફરીને આભાર ! મળતા રહીશું !

      સ-સ્નેહ

      અરવિંદ

      Like

    1. શ્રી રમેશભાઈ

      આ સત્તાધીશો પાસે થી 3જી આંખ ખુલવાની રાહ જોયા વગર લોકોએ જ ન્યાય કરવા લાગી જવું જીઈએ અને તે માટે મારાં લેખમાં જ મેં મહારાષ્ટ્રના એક ગામમાં બનેલો બનાવ ટાંકયો છે. 3જી આંખ લોકોએ ખોલવી રહી તો જ આ નફ્ફટ અને બેશરમ રાજકારણીઓ અને સત્તાધીશોની શાન ઠેકાણે આવશે ! અસ્તુ ! ચાલો આવજો ! આભાર ફરી મુલાકાત લેતા રહેશો ! મળતા રહીશું !

      સ-સ્નેહ

      અરવિંદ

      – Arvind Adalja

      Like

  3. જે રાઠોરને જે સરકારે મેડલો આપ્યા હતા એ સરકારનું શું! એને મેડલો આપનાર કમિટિને પણ સજા કરો.
    અરે…! આ (રાક્ષસ)રાઠોર પણ છુટી જશે. જો જો તમે..
    અને આવી તો અનેક રુચિકાનું સુચિમાં નામ ઉમેરાતું રહેશે.
    ગિલસાહેબે તો એક આઈ એસ ઓફિસરની છેડતી કરી હતી. પોલિસ બન્યા એટલે… સમજી જાઓને…!
    સુરતમાં પોલિસ પુત્રોનો બળાત્કાર કેસ હજુ ય ચાલે જ છે. થોડા સમય જેલમાં રહી એઓ ફરી પાછા મહેલમાં આવી જશે.
    મેરા ભારત મહાન…!

    Like

    1. શ્રી નટવર ભાઈ

      આપ બ્લોગ ઉપર પધાર્યા અને પ્રતિભાવ જણાવ્યો આભાર !

      આપની વાત 100 % સાચી છે અને તેમ જ થવું જોઈએ પણ આ નમાલી અને નપૂંસક સરકાર પાસેથી તેવી આશા કે અપેક્ષા રાખવી મુઈ માને ધાવવા જેવું નથી લાગતુ ? જન સમુદાયના હિત અને કલ્યાણ માટેના કાયદાઓ માત્ર કાયદાપોથીમાં શોભાના ગાંઠીયા તરીકે પડ્યા રહે છે તેની અમલવારી કરાવવાની કોઈ ત્રેવડ આ સત્તાધીશો નથી ધરાવતા કે નથી તેવી નિષ્ઠા કે ઈચ્છા ! લોકો જાગૃત નહિ થાય તો મને તો ડર છે કે આવી હરકતો હજુ વધ્યા જ કરશે ! લોકોએ કાયદાઓની પરવા કર્યા વગર સામૂહિક રીતે વિચારતા થઈ જાતેજ આવા તત્ત્વોને સજા કરતા થવું રહ્યું ! આવજો ! મળતા રહીશું !

      સ-સ્નેહ

      અરવિંદ

      Like

  4. વડીલશ્રી,
    આ બાબત માં મેં એક આર્ટીકલ મુકેલો છે,”પુરાણ કાલ થી રોળાતી રુચીકાઓ”.રાઠોર ના ફોટા સાથે.આતો આજથી નહિ જુના કાલ થી ચાલ્યું આવ્યું છે.સવાલ અત્યારે મીડિયા ને શાબાશી આપવામાં આવે છે,પણ આ મીડિયા ૧૯ વરસ સુધી શું કરતુ હતું?મારા તમામ સગાઓ પોલીસ ખાતા માં છે.એટલે મને ખબર છે કે મીડિયા ના માણસો ની સતત હાજરી સનસનાટી ફેલાવે એવા સમાચારો મેળવવા માટે પોલીસ સ્ટેશન માં હોય જ છે.મર્ડર,લુંટ,મારામારી આ બધા ની માહિતી પોલીસ દ્વારા મીડિયા ને મળતી જ હોય છે.રુચીકાએ છેડતી પછી તરત જ આત્મહત્યા નથી કરી.ખુબ સતાવ્યા પછી કરી છે.એટલે મીડિયા ને ખબર જ ના હોય તે માનવામાં આવતું નથી.જો મીડીયાએ તરતજ આ બનાવ બન્યા પછી રુચિકા ને સાથ આપ્યો હોત તો રુચીકાને આત્મહત્યા ના કરવી પડી હોત.પણ મીડિયા એ વખતે રાઠોર ની શેહ માં આવી ગયું હશે.ઇનડાયરેક્ટલી મીડિયા એ રાઠોર ને સાથ આપેલો કહેવાય.રાઠોર ને મેડલો મળ્યા હશે ત્યારે આજ મીડીયાએ રાઠોર ના ગુણગાન ગયા હશે.આજ મીડિયા હવે જાગ્યું છે અને રાઠોર ને સજા અપાવ્યા માટે પોતાની જાતે મેડલ મેળવી રહ્યું છે.ગુનેગારો ને જાહેર માં લટકાવી દેવા જોઈએ,જેથી બીજા કોઈ આવા ગુના કરતા બીવે.પણ રાઠોર સાથે રુચીકાની આત્મહત્યા નું પાપ મીડિયા ને પણ લાગવાનું જ છે.આવા નહિ જાહેર થયેલા કેસ કેટલા હશે?

    Like

    1. ભાઈશ્રી ભુપેન્દ્રસિંહ

      આપની વાત સાચી છે તેમ છતાં જાગ્યા ત્યારથી સવાર ગણી તમામ મીડીયા વાળાઓને અભિનંદન ના પાઠવીએ તો પણ આ કેસને મોડું માડું પણ કવરેજ આપી ખુલ્લા પાડવા બદલ આભાર તો માનવો જ જોઈએ ! આપણાંથી તેમના જેવા અને જેટલા નફ્ફ્ટ અને નગુણા તો નથી જ થવાતું ને ?

      આભાર અને આવજો ! મળતા રહીશું !

      સ-સ્નેહ
      અરવિંદ

      – Arvind Adalja

      Like

    1. શ્રી વિવેક ભાઈ

      આભાર આપે બ્લોગની મુલાકાત લીધી અને પ્રતિભાવ પણ જણાવ્યો ! આપની વાત સાથે હું સપૂર્ણ રીતે સહમત છું ! આવજો ! મળતા રહીશું !

      સ-સ્નેહ

      અરવિંદ

      Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s