*** કરકસરની કસુવાવડ અને મોંઘવારી ઉપર ચાંપતી નજર ! મેરા ભારત મહાન ? ! ?***

*** કરકસરની કસુવાવડ અને મોંઘવારી ઉપર ચાંપતી નજર ! મેરા ભારત મહાન ? ! ?***

*** આજના અખબારોમાં એક સમાચાર વાંચવા મળ્યા, કે હવેથી પ્રધાનોનાં સગાં માટે, હવાઈ મુસાફરી મફત આપવાનું બીલ, સંસદના બંને ગૃહમાં વગર ચર્ચાએ સર્વાનુમતે પસાર કરવામાં આવ્યું છે. આજ સુધી આ લાભ માત્ર સંસદ સભ્યોને જ મળતો હતો તે હવેથી પ્રધાનોને પણ મળતો થશે ! હા, ભાઈ કોના બાપની દીવાળી ?

@@@ આપ સૌને યાદ હશે કે થોડા દિવસો પહેલાં જ શ્રીમતિ સોનીયા ગાંધીએ તમામ સભ્યોને કરકસ્રર કરી ઈકોનોમી ક્લાસમાં મુસાફરી કરવા અને સાદી હોટેલોમાં રહેવા આદેશ આપેલો ! આ આદેશ અનુસાર રાહુલ ગાંધીએ રાજધાની એક્ષપ્રેસમાં મુસાફરી કરવાનું નાટક પણ કરેલું, તો પ્રધાન શશી થરૂરે ઈકોનોમી ક્લાસને ઘેંટા/બકરાનો કલાસ પણ ગણાવેલો. આમ આ ફારસે વિદેશ મંત્રીને 5 સ્ટાર હોટેલ ખાલી કરી સસ્તી હોટેલમાં જવાની ફરજ પડેલી !

@@@ સંસદમાં 300 ઉપરાંત કરોડપતિઓ બીરાજે છે અને બાકીના લાખો પતિ છે ! આ તમામ ગરીબી હેઠળની ( ? ) રેખા નીચે જીવતા ભારતીયો છે. તેમને આવી બધી સગવડતાઓ આ દેશના કરવેરા ભરતા લોકોએ આપવી જ જોઈએ, તો જ આ લોકો દેશની સેવા કરી શકે ! અને તે વાતને ધ્યાને લઈ આ ખરડો સંસદમાં ક્યારે મૂકાયો, -અને અન્ય અનેક ખરડાઓ ચર્ચા માટે બાકી હોવા છતાં- આ ખરડાને વગર ચર્ચા અને વિરોધ વગર ( ચર્ચા માટે બાકી રહેલા ) તમામ ખરડા ઉપર પ્રાથમિકતા આપી પસાર કરી દેવામાં આવ્યો છે જેની જાણ ખરડો પસાર થઈ ગયા પછી જ લોકોને થાય તેની પણ પૂરેપૂરી કાળજી અને તકેદારી આ સત્તાધીશોએ રાખેલી ! (.ભલેને આતંકવાદીઓ ક્યારે અને ક્યાં હુમલા કરી જાય છે તેની માહિતિ ગુપ્તચરો ના આપી શકે !! ) જે હવે રાષ્ટ્રપતિની સહી માટે મોકલવામાં આવશે અને કાયદાનું સ્વરૂપ ધારણ કરશે ! રાષ્ટ્રપતિ પણ તાત્કાલિક મંજૂરીની મહોર મારી દેશે ! અફઝ્લની ફાઈલ ભલેને વર્ષો થયા પડતર રહેલી હોય ! મેરા ભારત મહાન !

@@@ આ તમામ દેશપ્રેમી અને ગરીબ ( ? ) સાંસદો અને પ્રધાનો આવા કાયદાઓ ઝડપથી અને સર્વાનુમતે પસાર કરે છે તે ખૂબ જ સરાહનીય ગણાવું જોઈએ ! અન્ય લોક હિતના કાયદાઓ વર્ષો થયા પસાર થવાની રાહ જોઈ રહ્યા છે પણ ગરીબ ( ? ) સાંસદોના લાભાર્થે આવા કાયદાઓ ઝડપથી પસાર કરવા માટે આવો આપણે સૌ સાથે મળી સાંસદોને અભિનંદન પાઠવીએ ! મેરા ભારત મહાન !!!

@@@ આ હવાઈ મુસાફરીના ખર્ચને પહોંચી વળવા દેશના નાણાં પ્રધાન પર્ક મેળવતા નોકરીયાતો ઉપર પર્કને આવક ગણી નવા કરવેરા નાખવા સક્રિય વિચારી રહ્યા છે અને શક્ય છે કે 2010નાં શરૂ થતા નાણાંકિય વર્ષથી આ કરવેરા ભરવાના રહેશે ! આમેય નાણાંખાતું મોટા મોટા માથાઓ કે જેમના અબજો રૂપિયા કરવેરા ભરવામાં બાકી છે તેમની પાસે તો કડક ઉઘરાણી કરી શકવા સમર્થ નથી જ નથી અને ગરીબની છોરૂ સૌની ભાભીને ન્યાયે નોકરિયાત વર્ગ ઉપર હાવી થાય છે !

*** વધતા ભાવો અને મોંઘવારી ઉપર ચાંપતી નજર !!! ***
@@@ આ ઉપરાંત નાણાં પ્રધાન શ્રી પ્રણવ મુકરજી અને અન્ન પ્રધાન શ્રી શરદ પવારે એક નિવેદન બહાર પાડી જણાવ્યુ છે કે વધતા ભાવો અને મોંઘવારી ઉપર સરકાર ચાંપતી નજર રાખી રહી છે ! ( વડા પ્રધાન શ્રીને તો વિદેશના પ્રવાસોને કારણે આવી ભાવ વધારા કે મોઘવારી જેવા ક્ષુલ્લક પ્રશ્નો વિષે ટિપણી કરવાની ફુરસદ જ નથી ! ) આ નજરનો બજારમાં ખરીદી કરવા જતાં લોકોને અનુભવ થઈ રહ્યો છે કે છે કે ચાંપતી નજર તો ભાવો ઘટી ના જાય કે મોંઘવારી હળવી ના થઈ જાય તે માટે રાખવામાં આવતી હોય તેવું જણાય છે !!! વાહ પ્રધાનો વાહ !!! મેરા ભારત મહાન !!!!

Advertisements

3 comments

  1. શ્રી અરવિંદ ભાઈ
    તમારા વિચાર ઉમદા છે.તેઓ પ્રજાને કરકસરના પાઠ ભણાવે છે.આ પોઝીટીવ લઈને પ્રજા ખોટા ખર્ચ કરે નહિ અને તેમની સત્તા ટકી રહે તેવી તેમની ઈચ્છા છે ચાલ છે. પ્રજા પોતાનો નાગરિક ધર્મ બજાવશે ત્યારે ખરી લોકશાહી આવશે એમ ઈચ્છીએ ! બાકી સામે માથું ભટકાવાથી ઢીમંડુ આપણને થશે ! આમ છતાં વિચારો અને આશાઓને જીવંત રાખીને ફુલાવીએ !

    મધુકર માંકડ

    Like

  2. ભાઈ વિવેક
    આ સાંસદો આમ તો મૂળભુત રીતે રોડ પતિ જ છે પરંતુ આપણાં દેશના અને આપણાં લોકોના કમભાગ્યે આપણાં માથા ઉપર ચડી વાગ્યા છે ! આપે જે માહિતિ લખી છે તે મેં પણ વાંચ્યાનું યાદ આવે છે આપને લીંક મળે તો મને જરૂર જણાવશો મારે હજુ કરકસર ઉપર થોડું વધારે લખવાની ઈચ્છા છે તો તેમાં ઉપયોગી થશે ! આ સાંસદો ખરા અર્થમાં લૂટારા/ચાંચીયા છે અને તેથી જ્યાંથી જે કોઈ ફાયદા/લાભ મળતા હોય તો લઈ લેવો તે જ તેમનો ધર્મ બની ચૂકયો છે. અત્યંત સ્વાર્થી અને નાણાં કે સત્તા મેળવવા પોતાની સગી મા કે પત્નીને પણ વેંચી કાઢે અને જો મૃત્યુ પામી હોય તો તેની લાશ ઉપરથી ચાલ્યા જાય તેટલા હલકા-નપાવટ-નફ્ફ્ટ અને બેશરમ છે. આપે જોયું ભાજપ પોતાના બધા આદર્શો અને સિધ્ધાંતો પડતા મૂકી સીબુ સોરેન સાથે સુવામાં કોઈ ક્ષોભ કે શરમ અનુભવી ? આમ તો કોંગ્રસે પણ તેજ કર્યું હોત પણ સીબુ સોરેને દાદ નહિ દીધી હોય તેમ જણાય છે !
    જે વ્યક્તિ ભાગેડુ જાહેર થયેલ અને અનેક ક્રીમીનલ કેસો જેના ઉપર ચાલી રહ્યા છે તે આપણાં દેશન એક રાજ્ય ઝારખંડના મુખ્ય પ્રધાન બની શકે છે ! આજ રીતે જો પેલો મહામૂર્ખ દાઉદ પાકિસ્તાન નાસી ના ગયો હોત તો આ દેશનો વડોપ્રધાન અચૂક બની શક્યો હોત ! શક્ય છે કે આજે તે મનોમન ભારત છોડી નાસી જવા બદલ પસ્તાઈ રહ્યો હોય ! ખેર ! આ દેશમાં તો આમજ ચાલ્યા કરશે તેમ લાગે છે ! આમ જનતાની ચીંતા શબ્દો દ્વારા પ્રદર્શિત કરી ભારેખમ શબ્દો વાપરવાની જાણે ફેશન થઈ પડી છે. ચાલો ત્યારે આવજો ! મળતા રહીશું !
    સ્-સ્નેહ
    અરવિંદ

    Like

  3. અરવીંદદાદા થોડા દિવસ ઉપર આજતક ઉપર એક રીપોર્ટ આવ્યો હતો કે સંસદ ભવન ના કેન્ટીનમાં પીરસાતા ભોજનનો ભાવ લગભગ પાંચ થી છ વર્શ થી વધ્યોજ નથી…! સંસદ ભવનના કરોડ પતિ સાંસદો મફતના ભાવે ભોજન આરોગે છે આ અંગે થોડા દિવસ પહેલા સંદેશ માં પણ એક લેખ આવ્યો હતો. તેમાં સંસદભવનમાં પીરસાતા ભોજનનું પ્રાઈઝ લીસ્ટ પણ મુકવામાં આવ્યુ હતુ (હાલમાં તે લીન્ક મારી પાસે નથી મળશે એટલે ચોક્કસ તમારી સાથે સેર કરીશ) ત્યાં પ્રાઈઝ લીસ્ટમાં વેજ ભોજન ૧૨ રુપિયા (એક વ્યક્તિના) અને નોનવેજ ૧૯ રુપિયા (એક વ્યક્તિના) તદુપરાંત ઢોંસા ૮ રુપિયા ના હતા. બોલો હવે શું કરવાનું આ કરોડ પતિ સાંસદોનું….

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s