“ દેશમાં માત્ર કસાબ અને અફ્ઝ્લ સુરક્ષિત !!!!! “

“ દેશમાં માત્ર કસાબ અને અફ્ઝ્લ સુરક્ષિત !!!!! “
***એક સમાચાર પ્રમાણે અમિતાભ બચ્ચને પોતાના બલોગમાં લખ્યું છે કે આપણાં દેશમાં સૌથી વધારે સુરક્ષિત કસાબ છે. પરંતુ મને એમ લાગે છે કે અમિતાભ કદાચ અફઝલનું નામ ઉમેરવાનું ભૂલી ગયેલ છે. આ દેશમાં આવા આતંકવાદીઓ અને બાલ ઠાકરે અને રાજ ઠાકરે જેવા અધમ કક્ષાના ઉપરાંત મોટાભાગના રાજકારણીઓ કે જે પોતાના જ કૃત્યોથી સતત ડરતા અને ફફડતા હોય છે તેવા નરાધમોને લોકોના પૈસાથી જ સુરક્ષા પૂરી પાડવામાં આવે છે આ ડરપોક અને નપૂંસકો સામાન્ય લોકોનું શું રક્ષણ કરવાના હતા ?

***સમાચાર ઉમેરે છે કે અમિતાભના આવા મંતવ્યથી મહારાષ્ટ્રના મુખ્ય પ્રધાન ભારે નારાજ થયા છે અને કહ્યું છે કે “કસાબ અત્યંત મહત્વનો આરોપી છે આથી 26/11નો ખટલો પૂરો નહિ થાય ત્યાં સુધી તેની સુરક્ષા કરવાની સરકારની જવાબદારી છે. કસાબની સુરક્ષાનો અર્થ એવો બિલકુલ નથી થતો કે આમ જનતાનું ધ્યાન રાખવામાં આવતું નથી. આમ જનતાની સુરક્ષાની પણ બનતી તકેદારી લેવાઈ રહી છે.”

***મહારાષ્ટ્રના મુખ્ય પ્રધાન અશોક ચવાણની તથા અન્ય પ્રધાનોની હાજરીમાં જ વિધાનસભામાં સમાજવાદી પક્ષના ધારાસભ્ય અબુ આઝમીએ હિન્દીમાં એટલે કે રાષ્ટ્રભાષામાં સોગંદ લીધા ત્યારે મનસેના ચાર ધારાસભ્યોએ એમને ધક્કે ચડાવ્યા અને એક સભ્યએ તો થપ્પ્ડ પણ મારી દીધી અને આમ વિધાનસભાનું વસ્ત્રાહરણ અશોક ચવાણ સહિત બધા પ્રધાનોની શાક્ષીમાં જ થયું. હવે જો ધારાસભ્ય જેવાનું રક્ષણ ધારાગૃહમાં પણ ના થઈ શક્તું હોય તો આમ જનતા તો ભગવાન ભરોસે જ જીવે છે ને ?

*** આતંકવાદીઓના હુમલાથી જેટલા લોકો નથી મર્યા કે જેટલુ માલ મિલકતને નુકસાન નથી થયું કે લોકો નથી મર્યા તેથી અનેક ગણું નુકસાન અને લોકોના મોત આવા નરાધમ થઈ પડેલા બાલ ઠાકરે કે રાજ ઠાકરે જેવા નેતાઓની રાજ્કિય મહત્વાકાંક્ષા સંતોષવા તેમના આંધળા અનુયાયીઓએ તેમના હાથા બની આજ સુધીમાં કરેલી છે અને જેમને સ્પૂન ફીડીંગ કરી કોંગ્રેસ જેવા પક્ષોએ પાળી પોષી ઉછેર્યા છે જે આમ જનતાથી અજાણ્યંઅ નથી.

*** કોઈ કહેશો કે આવા આતંકવાદીઓના હુમલાથી કે આંતરિક પક્ષાપક્ષીમાં એક્-બીજાનું વર્ચસ્વ સાબિત કરવા જ્યારે જ્યારે આવા તોફાનો થયા ત્યારે આ રાજકારણીઓના કોઈ સગા-વહાલા કે પોતે ઠાર થયા છે ? જો આમાના જ કોઈ આવા હુમલા કે તોફાનોમાં મૃત્યુ પામે તો જ્ તેમની સંવેદના જાગે તેટલી જાડી ચામડીના આ આજકાલના થઈ પડેલા રાજકારણીઓ છે જેમાં કોઈ શક નથી.

*** આ દેશના લોકોના દુર્ભાગ્ય કે અફઝલ નિશાન ચૂકી ગયો ! આજ સુધી ફાંસી નહિ દેવા પાછળ તેને આવનારા દિવસોમાં બીજી તક મળી રહેવાની હોય તેવો કદાચ ઈશ્વરી સંકેત તો નહિ હોય ને ?

*** અમિતાભે પોતાના બ્લોગ ઉપર સત્ય લખ્યું તેમાં મુખ્ય પ્રધાન ઉખળી પડ્યા અને ભારે નારાજગી દર્શાવી જે સ્પષ્ટ સાબિત કરે છે કે સત્ય હંમેશા કડવું હોય છે અને જીરવવું તે સહેલું કે સરળ નથી જ નથી.

Advertisements

16 comments

  1. શ્રી અરવિંદભાઈ
    રાજકિયનેતાઓ મુસલમાન કોમના મત માટે થઈને કસાબ અંગે નીવેદન કરે છે. અને દેશ દ્રોહીઓની સુરક્ષાની તરફેણ કરે છે.સામે પક્ષે એક સમાજવાદી મુસલમાન રાષ્ટ્રભાષામાં શપથ લે છે જ્યારે રાષ્ટ્ર ભક્તિ અને રાજ્યભક્તિનો નારો કરનારા ધારાસભ્યો-તેનું રાષ્ટ્રભાષા હેન્દીનો વિરોધ કરીને ધક્કામુકી કરે છે આમ દેશભક્તિના માપદંડ કેવા છે તે સમજાતું નથી !
    મધુકર માંકડ

    Like

  2. Hi ,

    Very true artical and inline with present situation.
    Indian government already spent more then Rs. 3,00,00,000 for kasab security. when whole world saw that kasab is also one of the person for mumbai tragedy why indian gov. is spending time for court , cases, dates and lot of money on him. instead just shoot that felloe in public and spend money for india development and for our security force and give award to security commando.

    i am totally against of this type of cases , spending government ( actually common man money which they are paying to indian gov as a tax for nation security, development for good thing) money.

    Also i would like to say that media is also one of the culprit in this type of cases where they are showing unnecessary things and giving publicity to a person “kasab” which he never deserve it. you know as per report kasab did this thing just for paskitani Rs.(!) 1,00,000.

    now think what we as a indian government doing?

    Like

    1. ભાઈ શ્રી
      આપ બ્લોગ ઉપર મુલાકાત લીધી અને પ્રતિભાવ જણાવ્યો આભાર !
      આપ મારા વિચારો સાથે સહમત છો તે જાણી વિશેષ આનંદ ! આપની વાત મીડીયા વિષેની હું પણ સહમત છું. કસાબને જાણે હીરો હોય તે રીતે મીડીયા પ્રસ્તુત કરતુ રહ્યુ છે ! ભારત સરકાર તો નમાલી અને નપૂસંકોની અને માત્ર મતના રાજકારણમાં ખૂપેલી છે નથી તેને લ્કોની પડી કે નથી પડી દેશની કોઈ ઈમેજની !
      સ-સ્નેહ
      અરવિદ

      Like

  3. રાજનેતાઓ કોઈ પણ પક્ષ ના હોય ભગવા ઝંડા ધારી હોય કે બીજા કોઈએ કશું ઉકાળ્યું નથી.બધા સરખાજ છે.કારગીલ માં આપણી હદ માં ત્રણ ત્રણ માળની બંકરો બની ચુકી હતી.અને પાકિસ્તાની સેના આપણા ઘરમાં જ ઘુસેલી હતી,સંસદ પર હુમલો અને કંદહાર માં સામે જઈને મૂકી આવનારા આ જ ભગવા ધારીઓ નેતા પદે હતા.રાજસૂય યજ્ઞ અને અશ્વમેઘ યજ્ઞો કરી દુનિયા જીતવા નીકળતા એ હિંદુઓ નો હું સમર્થક છું.અહિંસા ફક્ત નિર્દોષ માટે હોય દોષી ને આતતાયી માટે કે ત્રાસવાદી માટે ના હોય.હિદુ કોણ હતા?જેમના ધનુષબાણ અને સુદર્શન ચક્ર અને પરશુ દોષી લોકોને સજા કરવા હમેશા તત્પર હતા,એમના આ હિદુ અનુયાયીઓને આ શું થયું છું. ?કેમ નમાલા થઇ ગયા છે?..આપણે તો અહિંસક આપણે તો અહિંસક ના જ ગાણા હમેશા ધર્મગુરુ ઓ દ્વારા ગવાતા હોય ત્યારે તમે પ્રજા પર એની અસર પડવાનીજ.પ્રજા કાયર બની ચુકી છે.એજ કાયર પ્રજામાંથી નેતાઓ ચૂંટાતા હોય છે એમના માં બહાદુરી ક્યાંથી આવે?કુવા(પ્રજા) માં હોય તો હવાડા(નેતા) માં આવેને?.એક કસાબ ને સાચવવાનો ખર્ચ પણ કેટલો બધો?.બોર્ડર પર લશ્કર હમેશા યુદ્ધ(હિંસા) કરવા તૈયાર છે ત્યારે આપણે અહિંસા ના ગાણા ગાઈ શકીએ છીએ.એક જમાદાર પ્લેટફોર્મ પર મુંબઈ માં ખાલી ખુરશીઓ ફેંકી ને ત્રાસવાદીને ભગાડતા જીવ આપી દે છે,અને હજારો કાયરો ભાગતા હોય.કેટલા બહાદુર અફસરોએ જીવ આપ્યા છે અને તમે એક કસાબ ને ફાંસી ના આપીને પેલા દિવંગત અફસરો ની શું કીમત કરી?ફરી કોઈ અફસર કે પોલીસ આવી રીતે વ્યર્થ જીવ આપવા તૈયાર નહિ થાય.સરકાર અને તેપણ નમાલી કાયર સરકાર ક્યાં સુધી તમારું રક્ષણ કરશે?સ્વરક્ષણ માટેના પણ કાયદા છે.એમ કોઈ ફાંસી નથી ચડાવી દેતું.જોકે આ સરકારોનું ઠેકાણું નહિ કોઈ ત્રાસવાદીને મારો તો બહાદુરીનું પ્રમાણપત્ર આપવાને બદલે મર્ડર ના ચાર્જ માં જેલ માં પણ ધકેલી દે.મુંબઈ માં મરાયા કે બીજા ત્રાસવાદી હુમલામાં મરાયા,એ કોઈ પણ હોય એ દરેક મારા પોતાના મરાયા એવી લાગણી બીજા લોકોને કેમ થતી નથી?ભારતના કોઈ પણ ખૂણા માં ત્રાસવાદ કે બીજા કોઈ વાદ માં મરાય એ બધા મારા પોતાના જ મરાયા એવી લાગણી દરેક ભારતીય ને થવી જોઈએ.હવે જયારે પણ ત્રાસવાદી હુમલો થાય ત્યારે પ્રજા ભાગવાને બદલે સામી થાય અને પીઠ ને બદલે છાતીમાં ગોળી ખાય.ત્યારે જ બહાદુરી પૂર્વક માર્યા ગયેલા મુંબઈ પોલીસ ના જવાનો,અફસરો અને નિર્દોષ નાગરિકોને ને સાચી શ્રદ્ધાંજલિ આપી ગણાશે.વધારે વાંચવું હોય તો મારા બ્લોગ માં છે.

    Like

    1. આ વિષે પણ તમારી લાગણી સાથે મારો સુર પણ મળેલો જ છે. આપણે સાચી દીશાના યાત્રીઓ છીએ અને તેથી જ કદાચ આપણાં વિચારો અદભુત સામ્યતા ધરાવે છે. આપના બ્લોગની લીંક મોકલશો જેથી હું મુલાકાત લઈ શકું ! આપે મુલાકાત લીધી અને પ્રતિભાવો પણ જણાવ્યા તે માટે ખૂબ ખૂબ આભાર ! ફરી મળતા રહીશુ !

      સ-સ્નેહ
      અરવિંદ

      Like

  4. સત્ય હંમેશા કડવું હોય છે અને જીરવવું તે સહેલું કે સરળ નથી જ નથી……
    Arvindbhai…You had raised the issue of “Terrorism”….one form of Terrorism is clear cut based on a Country-sponsered or Religious-miscoception driven…..BUT there is a “concealed terrorism” within the Country& within the Public with “dicontent & misconception of it’s Solution”…..Often the LEADERS ( Religious & Political) are to be blamed for this unfortunate situations.
    Having said what I intened …let me add>>>>What is WITNESSED today will VANISH one day…..A CHANGE is a MUST in the FLOW of TIME..It is the UNIVERSAL LAW of GOD !
    DR. CHANDRAVADAN MISTRY (Chandrapukar)
    http://www.chandrapukar.wordpress.com

    Like

    1. શ્રી ચંન્દ્રવદનભાઈ

      આપ આવનારા દિવસોમાં જરૂર પરિવર્તન આવશે તેવા આશાવાદી છો હું પણ એવું ઈચ્છું કે આપનો આ આશાવાદ સત્ય ઠરે અને એવા દિવસો વહેલા આવે ! પરંતુ કમ્ભાગ્યે આપણાં દેશના સાધુ-સંતોએ લોકોને પ્રારબ્ધવાદી એટેલી હદે બનાવેલા છે કે તે પોતે સમય બદલવા કોઈ પ્રયાસ કરે તેમ નથી ! હું તો આ દેશમાં ક્યારે ય કોઈ ક્રાંતિ થાય તેવું જોતો નથી. છતાં આપનો વિશ્વાસ સાચો ઠરે તેમ જરૂર ઈચ્છું

      ચાલો આવજો ! મળતા રહીશું ! આભાર !

      સ-સ્નેહ

      અરવિંદ

      Like

  5. શ્રી નટવરભાઈના આદર્શતા ભર્યા વિચારો માટે સન્માન છે પણ હું તમારા અમેરિકા બાબતથી થોડું જુદું વિચારું છું.

    ભારતની નમાલી નીતિ થી આજનો વકરેલો આતંકવાદ ,જેને પાછલા બારણે એક એવા તત્ત્વોનો ટેકો છે,

    તે ભારત માટે ઘાતક છે અને છેલ્લે દશકામાં આપણે ભોગવેલું નુકશાન થી આંખો નહીં ઉઘડેતો નવી પેઢીને

    રોવાનું જ રહેશે.

    અમેરિકાના નવ જવાનો જે લોહી રેડૅછે તેની સાચી સમ જ કેળવો,ભલે ભૂતકાળમાં અમેરિકાએ ખૉટી નીતિ

    અખત્યાર કરી આજે સાર વિશ્વના હિત માટે એક થઈ લડવું પડશે,ત્યાં જઈ હુમલા કરવા પડશે,ભારતે પણ

    સીમાડે ફરતા આ આતંકવાદીઓને તેમના અડ્ડાપર જ રોળવા પડશે ,જેમ શ્રીલંકન સરકારે કર્યું.ઓબામા આજે તો સો ટકા

    સાચા લાગે છે,જો સાચો રાહ પકડેતો.

    રમેશ પટેલ(આકાશદીપ)

    Like

  6. આપણા માનવંતા ભારત સરકારના ધર્મ નિરક્ષેપ સરકારમાં બેઠેલા ,અને ગુજરાત માટે

    સદા દ્વેષીલા ના સમાચાર વાંચેલા કે આતંકવાદી છે એટલે ધરાર ગોળીએ ના દેવાય.

    ગુજરાત સરકારે કહેવું જોઈએ આવ ભાઈ મારા નાગરિકોને શહાદત અર્પ પછીની વાત પછી.

    આપણા જવાન મરે, કોઈ માતનો લાલ રોળાય તો તેની માનાં આંસું ના દેખાય.

    પાછા સવાલ કરે કેમ પોલીસને ગોળી ના વાગી અને આપણા હિતેચ્છુઓ જ મર્યા.

    જાગો મારા ભાઈ,પ્રપંચ અને સ્લીપર સેલના ગુના પકડવામાં બહાદૂરી બકો.એક માણસ

    દેશ માટે વાત કરે કે તરત જ હીટ લીસ્ટમાં આવી જાય અને કોઈ પણ ધર્મનો હોય

    બિચારો થઈ મોતને માથે લઈ ફરતો થઈ જાય.તમારા ઉદગારો ફક્ત નફ્ટાઈજ નહીં

    ઘાતક છે.

    અમિતાભના સમાચાર પાછળ આ ભાવનાછે મારી મહારાષ્ટ્ર સરકાર.

    રમેશ પટેલ(આકાશદીપ)

    Like

    1. શ્રી રમેશભાઈ

      આપણં દેશમાં તો આપ કહો છો તેમજ ચાલે છે કારણ એક જ જણાશે કે આવા આતંકવાદી હુમ્લામાં માત્ર અને માત્ર નિર્દોષ લોકોના જ જાન જાય છે ! જો કોઈ રાજકારણીનુ મોત થાય કે તેના સગા-વહાલા દીકરા-દીકરી જેવા કોઈ વધેરાય તો જ આંખ ખુલે તો ખુલે ! મને તો તે માટે પણ શંકા છે ! કોઈ પણને ગુમાવી જો સત્તા ચાલુ રહે તો આ રાજકારણીઓ પોતાની સગી માની લાશ ઉપર થી ચાલ્યા જાય તેટલા બેશરમ અને નફ્ફ્ટ છે. સત્તા મેળવવા ગમે તે સમાધાન કરવા હંમેશા તત્પર અને આતુર રહેનારાઓથી આ દેશના લોકોને કોણ બચાવી શકશે તે હિમાલય જેવડો પ્રશ્ન છે !

      ચાલો આવજો ! આભાર અને મળતા રહીશુ !

      સ-સ્નેહ

      અરવિંદ

      Like

  7. આપની વાતો સાવ સાચી અને આંખો ખોલનારી છે. રાજકારણીઓ તારાજકારણીઓ બની ગયા છે. અને પ્રજાએ નારાજ થઈ એમને ફગાવી દેવા જોઈએ.
    આંતકવાદ કરતાં ધર્મ ઝનુન વધારે ખતરનાક છે. દરેક મુસ્લિમ આતંકવાદી ધર્મ ઝનુની છે. અને ધર્મ એ અફીણ છે એવું કોઈએ કહેલ એ બદલીને ઝહેર છે એમ કહીએ તો ખોટું નહિં. હવે ફરી આ રામ જન્મભુમિ અને બાબરી મસ્જીદનું ભુત ધુણવાનું છે. અને ન જાણે કેટલાય લોકોના ભોગ લેશે.
    ક્યારેક લાગે કે આપણા દેશના નપાવટ રાજકારણીઓ કરતાં આ આતંકવાદીઓ સારા. માફ કરશો મને. પણ રાજકારણીઓ જ આતંકવાદને પોસે છે. પાળે છે પંપાળે છે. એમાં અમારૂં અમેરિકા એક નંબર પર આવે.
    જે ઓબામાને શાંતિનું નોબલ પ્રાઈઝ મળે એ જ હવે અફઘાનિસ્તાનમાં બીજા ૩૦૦૦૦ સૈનિકો મોકલી રહ્યા છે.
    એટલે અફઘાનિસ્તામાં વધારે ઝનુની લડાઈઓ થશે. અને નવા નવા આતંકવાદીઓ પાકશે.
    શાંતિ સ્થાપવા લડાઈ કરાવો. વાહ..!!
    બાલ ઠાકરે ઘરડો થયો પણ ગુલાંટ મારવાનું નથી ભુલતો. તો અડવાણીને હજુ ય વડાપ્રધાનના સ્વપ્ના સતાવે. એવું તો ચાલ્યા જ કરવાનું.

    Like

    1. શ્રી નટવરભાઈ

      આપ મારાં બ્લોગ ઉપર પધાર્યા અને પ્રતિભાવ પણ જણાવ્યો આભાર ! આપ્ની વાત સાથે હું બિલકુલ સહમત છું. આ નપાવટ અને નરાધમ રાજકારણીઓ જ આદેશની કમનસીબી છે અને લોક જાગૃતિ માટે કે લોકો-આંદોલન માટે જન સમુદાય પોતાનિ રોજ બરોજ્ની પરિવારનું ગુજરાન કેમ પૂરુ કરવું તે પળોજણનાંથી ફુરસદ મેળવી શકતા નથી અને વધારામાં આપણાં દેશના મોટા ભાગના લોકો પ્રાબ્ધ્વાદી હોય નસીબને દોઢ દઈ બધુ સહન કર્યે જાય છે અને તેથી આ રાજકારણીઓને ઘી-કેળાં જમવા મળ્યા કરે છે! ખેર !

      આવજો ! મળતા રહીશું !

      સ-સ્નેહ

      અરવિંદ

      Like

  8. ha satya kadvu hoy che..pan bolvu jaruri hatu ? A.B ni tabiyat bagde che hajaro hath duaa mate upar uthe che..e shu aapdu gar chalaavva aave che.na .pan A.B aapda bharat ni shaan che.. ane jemnu kam te je kare..shu kam koina kam ma dakhal andaji karvani..koi emne puche to ke aishvarya na aatla loko sathe prem hatu to pan tame abhishek sathe parnavi shu kam? are e emno vishay che..emni marji che..ane badha ma pot potani akkal che yaar..shu kam koina kam ma mathu marvanu. aapde koi aantakvadi ne fasi daiye to loko kaheshe ke jo sabut mitavva aa kam karyu..jo emne chodi de to kaheshe ke le chodi didho..ane have jivto rakhyo che to kem jivto rakhyo che… em pucho ne ke aa bharat ma aavya kevi rite , bulet proof jeket khovani kevi rite.. raj thakrey ni aatli dadagiri kevi rite chalavi levay che..aava savalo karo..
    pan mota matha moti vato..java dyo..kai boline matlab nathi .. athdaine pachu aavshe..
    mane A.B mate bahu j man che..

    Like

    1. નીતાજી
      આપ અમિતાભના ફેન છો તેથી એવું કેમ માનો છો કે સત્ય વાત પણ ઉચ્ચારવી નહિ જોઈએ. હું તો દ્રઢ રીતે માનું છું કે આવી સેલીબ્રીટીએ લીડ લઈ આગળ આવી લોકોની સલામતી માટે જબર જસ્ત આંદોલન છેડી લોક મત કેળવવો જોઈએ અને આ નરાધમ રાજકારણીઓને અપાતી તમામ સુરક્ષા પાછી ખેંચી લેવાની સરકારને ફરજ પાડવી જોઈએ ! ખેર !
      આપ મારાં બ્લોગ ઉપર આવ્યા અને પ્રતિભાવ પણ જણાવ્યો આભાર ! આવજો ! ફરી મળતા રહીશુ !
      સ-સ્નેહ
      અરવિંદ

      Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s