દ્રૌપદી-ચીર હરણ અને ડીઝાઈનર સાડી/વસ્ત્રોનું ભવ્ય સેલ !!!

દ્રૌપદી-ચીર હરણ અને ડીઝાઈનર સાડી/વસ્ત્રોનું ભવ્ય સેલ !!!

હસ્તિનાપુરમાં કૌરવોના જુગાર રમવાના નિમંત્રણથી આવેલા પાંડવો વતી જુગ્ટુ રમવાના શોખીન યુધિષ્ઠીર પોતાની જાત સહિત બધા પાંડુ ભાઈઓ અને દ્રૌપદી શુધ્ધાં હારી ચૂકયા હતા.. અને દ્રૌપદીના ચીર હરણ જેવી બિભત્સ ચેષ્ટા દુર્યોધન દુઃશાસન મારફત ભરી રાજસભામાં કરી ચૂકયો હતો. બાદ પાંડ્વો દ્રૌપદી સાથે માત્ર વલ્કલ ધારણ કરી જુગ્ટાની શરત પ્રમાણે વન વનવાસ માટે પ્રસ્થાન કરી ચૂક્યા હતા અને આ બાજુ દ્રૌપદીના શરીર ઉપરથી ધરાર ખેંચીને હરણ કરેલી સાડીઓ ઉપર દુઃશાસન થાકી –હારી ઢ્ગલો થઈ પડ્યો હતો. રાજસભા વિખરાઈ ગઈ હતી. દુર્યોધન  કર્ણ અને બીજા કેટલાક  આ સાડીઓનું શું કરવું તેની વિમાસણમાં મુંઝાયેલા જણાતા હતા. આખરે હાલ તુરત તો સાડીઓ એકઠી કરી એક જગ્યાએ રાખી દેવાની કર્મચારીઓને સુચના આપી સૌ વિખરાયા.

આ બનાવ બન્યાને વર્ષોના વહાણા વીતી ગયા અને સાડીઓ જેમની તેમ હજુ પણ પડી રહી હતી. સાડીઓ કૌરવ પત્નીઓને ભેટ આપવાની વાતનો, તેમની પત્નીઓએ, આવી કોઈની ધરાર ઉતરાવેલી સાડીઓ સ્વીકારવાનો  જબર જસ્ત  વિરોધ કરેલ, તો બજારમાં નવી નવી ફેશનો આવતા સાડીઓ પહેરવાની આધુનિક યુવતીઓ/સ્ત્રીઓએ લગભગ બંધ કરેલ હોઈ, તમામ સાડીઓ જેમની તેમ સાડીઓના શો-રૂમમાં પડેલી હતી.

આ તરફ પાંડ્વોના વનવાસનો સમય પૂરો થવામાં હોઈ અર્જુન અને દ્રૌપદીએ છ્દ્મ વેષ ધારણ કરી હસ્તિનાપુરમાં ચાલી રહેલી ચહલ પહલનો જાત અભ્યાસ કરવાનો નિર્ણય કરી બંને હસ્તિનાપુરની બજારમાં નીકળી પડ્યા. જ્યાં તેઓએ દુઃશાસન અને કર્ણને એક વસ્ત્રોના શો-રૂમમાં વિવિધ જાતના વસ્ત્રો વેંચતા જોયા એટલે બંને તે શો-રૂમમાં ગયા અને જુદી જુદી ડીઝાઈનના રેડી-મેઈડ વસ્ત્રો  દેખાડવા જણાવ્યું. સાથોસાથ એક શો-કેસમાં પડેલી સાડીઓ તરફ ધ્યાન જતાં એ સાડીઓ પણ દેખાડવા અને વેંચવા માટે છે કે કેમ તે પૂછ્યું. જવાબમાં બધાજ કામ અને અન્ય ગ્રાહકોને પણ પડતા મૂકી, પ્રથમ આ સાડીઓ દેખાડવા લાગ્યા. અને બહુ જ વ્યાજબી ભાવે, બધી જ આપી દેવાની છે અને શ્રેષ્ઠ  ડિઝાઈનરે ડિઝાઈન કરી છે, તેવા વખાણ કરી, જો બધી જ ખરીદો તો, જથ્થાબંધના ભાવે આપી દેવા ઓફર કરી !!

અર્જુનને એક બાજુ બોલાવી દ્રૌપદીએ સંતલસ કરી, તમામ સાડી એક સાથે ખરીદવાનો, અત્યંત નીચો ભાવ એમ કહી જણાવ્યો, કે આ ડિઝાઈનો તો બહુ જ જૂની હોય અમને વેચાશે કે કેમ તે વિષે પણ શંકા હોય, જો આપને અમારા ભાવે આપવી હોય, તો અમો ખરીદવા તૈયાર છીએ. દુઃશાસને પણ કર્ણ સાથે મસલત કરી અને સાડીઓથી છેડો ફાડવા અર્જુનની ઓફર સ્વીકારી અને તેઓએ કહેલા ભાવે બધી જ સાડીઓ વેંચી દીધી.

બધી જ સાડીઓ એક સાથે વેંચાઈ ગયાના ખુશ ખબર રાત્રે દુર્યોધનને આપતાં દુર્યોધને ખુશ થઈ બંનેને અભિનંદન આપ્યા અને કહ્યું, કે હવે તમારા બંનેમાં ધંધાની કુશળતા આવી રહેલી જણાય છે !!

આ તરફ અર્જુન અને દ્રૌપદી બધી જ સાડીઓ લઈ પોતાને ઉતારે પહોંચ્યા અને આટલી મોટી સંખ્યામાં સાડીઓ જોઈ યુધિષ્ઠીરે પૂછ્યું કે આટલી સાડીઓ શા માટે ખરીદી તમે બંને જાણૉ છો કે હજુ આપણો પ્રગટ થવાનો સમય પાક્યો નથી અને ત્યારે આ બધી સાડીઓ ક્યાં સાચવશું ?

અર્જુને કહ્યું મોટાભાઈ ચિતા નહિ કરો અમે બધું વિચારીને જ આ સાડીઓ ખરીદી છે અને બહુ ટુંકા સમયમાં જ આ સાડીઓ માટે પડા પડી થશે તમે માત્ર જોયા કરજો !

થોડા દિવસો બાદ હસ્તિનાપુરમાં એક હેંડબીલ મારફત  જાહેરાત ફરતી થઈ, કે ધમાકા સાથે વિવિધ પરિધાનનો એક સેલ ટુંક સમયમાં આવી રહ્યો છે, માટે વિવિધ ડીઝાઈનર સાડીઓ અને અન્ય પરિધાનના વિવિધ ડીઝાઈનર વસ્ત્રોની ખરીદી માટે થોડી રાહ જોવા હસ્તિનાપુરની જનતાને હાર્દિક અપીલ કરવામાં આવી.

વધુમાં જણાવવામાં આવ્યું, કે આંતર રાષ્ટ્રિય ખ્યાતિ પામેલા મી. કનૈયા લાલ દ્વારા ડીઝાઈન કરવામાં આવેલ સાડીઓ ઉપરાંત અનેક વિવિધ જાતના વસ્ત્રોનો સેલ હસ્તિનાપુરમાં આવેલા રમત્-ગમતના મેદાનમાં માત્ર 3 દિવસ માટે જ યોજવામાં આવેલ છે અને ખૂબજ વ્યાજબી ભાવે સ્ટોક ખત્મ કરવાનો છે કારણ કે આયોજકોને ટૂક સમયમાં  વિદેશ  જવાનું હોય સ્ટોક ક્લીયરંસ માટે જ આ સેલ યોજેલ છે.

આ સાડીઓ એવી રીતે ડીઝાઈન કરેલી છે કે પહેરનાર તેની પસંદગી પ્રમાણે પહેરી શક્શે. સાડીને સાડી તરીકે પહેરો કે કુર્તા-સરવાલ બનાવો કે ટોપ અને સ્કર્ટ બનાવી પહેરો તો કપ્તાન કે  નાઈટી કે હાઉસ કોટ પણ અદભુત બનશે અને આપની પ્રતિભામાં ચાર ચાંદ લાગશે ! આ વસ્ત્રોની ડીઝાઈન જાણીતા અને આંતર રાષ્ટ્રિય પ્રખ્યાત ડીઝાઈનરે ડીઝાઈન કરેલા હોય અને એક ડીઝાઈન વાળું વસ્ત્ર માત્ર એક જ નંગ ઉપલબ્ધ હોય અન્ય વિક્રેતાઓની માફક 1 સાથે 1-2 3- કે 5  કે 10  ફ્રી નહિ મળે જેની નોંધ લેશો. આપ જે ખરીદશો તે એક્ષ્ક્લુસીવ બની રહેવાનું છે અને આપની પ્રતિભા અનેક ગણી ઉભરી ઉઠ્શે તેની ખાત્રી રાખશો વગેરે વગેરે !!!

આ સેલ માત્ર 3 દિવસ માટે જ હોય કૌરવોની પત્નીઓ બીજા કોઈ ખરીદી લે તે પહેલા જ સેલમાં પહોંચી સારો માલ હાથ વગો સૌ પ્રથમ કરી લેવા તત્પર બની અને સેલમાંથી પહેલા 2 દિવસમાં જ બધી સાડીઓ તેઓએ જ ખરીદી લીધી એટલે અર્જુન અને દ્રૌપદી સેલનો વિંટલો વાળી પોતાના ઉતારે પહોંચી ગયા અને યુધિષ્ઠીરને બધી વાતથી વાકેફ કર્યા ! આ બધી વાતો સાંભળી તેઓ પણ મંદ મંદ હસ્યા અને કૌરવોની પત્નીઓને બેવકુફ બનાવવા માટે બંનેને અભિનંદન આપ્યા !

આ બાજુ ખરીદેલી સાડીઓ પોત પોતાના પતિઓને દેખાડવા કૌરવોની પત્નીઓ ઉત્સુક બની અને સૌ પ્રથમ દુર્યોધન અને દુઃશાસનની પત્નીઓએ સાડી બતાવી અને કહ્યું કે  જુઓ અમે આંતર રાષ્ટ્રિય ડીઝાઈનરની ડીઝાઈન કરેલી એવા પ્રકારની સાડીઓ ખરીદી લાવ્યા છીએ કે જેમાંથી અમારા ડ્રેસ પણ બનશે અને નાઈટી વગેરે પણ બનાવી શકાય તેવી ડીઝાઈન હોય વિવિધ જાતના અમારા વસ્ત્રો બની શક્શે અને સમાજમાં આપની સાથે આપની પત્નીઓની પ્રતિભા ખીલી ઉઠ્શે !

દુઃશાસને સાડીઓ જોવા માંગી અને જોયા પછી માથું કુટયું અને કહ્યું, કે હે મૂર્ખ શિરોમણિઓૢ, આ એ જ સાડીઓ છે જે મેં દ્રૌપદીના ચીર હરણ કર્યા ત્યારે ખેંચી હતી, અને હજુ થોડા દિવસો પહેલાં જ એક ખરીદનાર અમારી પાસેથી જથ્થાબંધ ભાવે બધી જ સાડીઓ ખરીદી ગયેલો ! આપને અને અમને પણ આ અજાણ્યા ખરીદનાર ચુનો લગાવી ગયા, એટલું જ નહિ અમારી પાસેથી જે ભાવે ખરીદી કરેલી તે કરતાં પણ 10 ઘણાં વધારે ભાવે તમને લોકોને માથામાં મારી ગયા છે ! દુર્યોધનને સંબોધી કહ્યું કે મોટા ભાઈ આ નવા વેપારીઓને પક્ડી મંગાવો જેથી એ કોણ હતા તે ઓળખી શકાય અને પ્રજા સાથે છેતરપીંડી કરનારને સખ્ત સજા પણ કરવી જ રહી !

દુર્યોધને હસતા હસતા કહ્યું કે દુઃશાસન વસ્ત્રો પાછ્ળ સ્ત્રીઓ પાગલ હોય છે તે આપણા સૌનો અનુભવ છે અને આ પાગલ પણાંનો કોઈ વેપારી એક યા બીજા ઓઠા હેઠળ લાભ લે છે એટલે સૌ પહેલા તો આપણે આપણી પત્નીઓને વાળવી રહી ! ઉપરાંત તું ધારે છે તેટલા આ વેપારીઓ મૂર્ખના હોય કે તે સેલ પૂરું થઈ ગયા બાદ પણ ત્યાં બેઠા હોય !!!

Advertisements

22 comments

  1. શ્રી અરવિદભાઈ
    “સેલ”ના દુષણ વિષે સરળ માર્મીક રીતે સમજાવ્યું પરંતુ સ્ત્રી સહજ લાલચ “સેલ”ના પાટીયાને ઝુલતા રાખશે ! કિમત કરતાં ખરીદવાનો આનંદ તે પણ “સસ્તાભાવે” નો કબ્જો મેળવ્યાનો આત્મસંતોષ શોપીંગના મોહને જીવતો રાખે છે.

    Like

  2. સુપર્બ, ખુબ જ સરસ કલ્પનામય સાથે ની સરસ કટાક્ષિકા અને તેમાં પણ અંત તો ખુબ સરસ, કેમકે તેમાં આધુનિક આ યુગમાં સ્ત્રીઓ ની આંધળી ખરીદી કરવાની ઘેલછા સરસ રીતે આપે અભિવ્યકત કરી છે. અભિનંદન!..

    Like

    1. ભાઈશ્રી પ્રવિણ

      આપ મારાં બ્લોગ ઉપર પધાર્યા અને પ્રતિભાવ જણાવ્યો ખૂબ ખૂબ આભાર ! ફરીને પણ અનુકૂળતાએ મુલાકાત લેતા રહેજો અને પ્રતિભાવ પણ જણાવતા રહેશો ! આવજો ! મળતા રહીશું !

      સ-સ્નેહ

      અરવિંદ

      Like

    1. ભાઈ શ્રી સાક્ષર
      આપે બ્લોગની મુલાકાત લીધી અને પ્રતિભાવ પણ જણાવ્યો માટે આભાર ! ફરીને પણ અવાર નવાર મુલાકાત લેતા રહી આપના પ્રતિભાવો જણાવી મને પ્રોત્સાહિત કરતા રહેશો ! આવજો !
      સ-સ્નેહ
      અરવિંદ

      Like

  3. આપની કલ્પના શક્તિને સો સો સલામ. માનવમનની લાક્ષણિકતાઓને સરસ હળવા ભાવમાં સમજાવી દીધી.

    આમ જ સ્વૈરવિહાર કરતા રહો. તમારા મનના વિચાર બહુ જ અસરકારક રીતે સૌને સમજાઈ જશે.

    Like

    1. વડિલ શ્રી સુરેશ ભાઈ
      આપે બ્લોગની મુલાકાત લીધી અને પ્રતિભાવ પણ જણાવ્યો ખૂબ ખૂબ આભાર ! અલબત્ત આપ અવાર નવાર મુલાકાત લેતા રહો છે અને પ્રતિભાવ જણાવી મને પ્રોત્સાહિત પણ કરો જ છો તે રીતે કરતા રહેશો ! ફરીને એક વાર આભાર !
      સ-સ્નેહ
      અરવિંદ

      Like

    1. ભાઈશ્રી જગદીશ
      આપની વાત કદાચ સાચી છે આજે આ સેલ વાળાઓ દુર્યોધન અને દુઃશાસનો સ્ત્રીઓની બેગમાં થી પૈસા રૂપી ચીર હરણ કરી જ રહ્યા છે. આ બંને નામમાં પણ દુર્યો – ધન અને શાસન કરનારાઓ તો દુશાસનો છે જ જે નિઃશક છે ! આભાર પ્રતિબાવ માટે !
      સ-સ્નેહ
      અરવિંદ

      Like

    1. ભાઈ શ્રી તેજસ
      આભાર આપના પ્રતિભાવ માટે ! આપ અવાર નવાર બ્લોગની મુલાકાત લઈ મને પ્રોત્સાહિત કરતા રહો છે તેમ કરતા રહેશો ! ફરી ને આભાર !

      સ-સ્નેહ
      અરવિંદ

      Like

    1. ભાઈશી ચન્દ્રવદન
      આપનો આભાર આપે બ્લોગની મુલાકાત લીધી પ્રતિભાવ પણ જણાવ્યો ! આમ તો આપ અવાર નવાર મુલાકાત લેતા રહો છો તે જ રીતે લેતા રહેજો અને મને પ્રોત્સાહિત કરતા રહેશો ! આભાર !

      સ-સ્નેહ
      અરવિંદ

      Like

    1. ભાઈ શ્રી નટવર
      આભાર આપની મુલાકાત અને પ્રતિભાવ માટે પણ ! આપની વાત તથ્ય વાળી છે આ સેલ વાળા દ્રૌપદીઓને ધૃતરાષ્ટ્ર બનાવી ને જ સેલ દ્વારા પોતાનો રોટલો શેકી લેતા હોય છે ! સેલની માયા જાળ કળિયુગની અદભૂત બલિહારી છે અને જેમાં આપણા જેવા પિલાતા અને પિડાતા રહે છે !

      સ-સ્નેહ
      અરવિંદ

      Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s