લઠ્ઠાકાંડ –vis-à-vis-વિપક્ષ !! સુચન એક નવા અભિગમનું !!!

લઠ્ઠાકાંડ –vis-à-vis-વિપક્ષ !! સુચન એક નવા અભિગમનું !!!

લઠ્ઠાકાંડ પ્રકાશમાં આવ્યા બાદ નવરા-ધાકોળ વિપક્ષને શાસક પક્ષ સામે ઉછાળવા એક મજ્બૂત મુદો મળી ગયો. પરંતુ આ મુદાને જે રીતે ઉછાળવામાં આવી રહ્યો છે, તેમાં નિઃશંક રીતે , ક્યાંય લોક હિત કે કલ્યાણની વાત દ્રષ્ટિગોચર થઈ રહેલી જણાતી નથી. લઠ્ઠાકાંડથી શાસકપક્ષને બદનામ કરવા સિવાય પોતાનું રાજકારણ રમી રહ્યા હોવાની પ્રાથમિક છાપ ઉભી કરે છે. કોઈ અસરકારક નક્કર સકારાત્મક સુચનો સાથે, વિપક્ષે આ મુદાની જોશભેર રજૂઆત કરી હોત, તો લોકમત તેમના અભિગમને બિરદાવી સક્રિય સાથ આપવા આગળ આવત્, તેવી ભરપૂર સક્રિયતાને વિપક્ષે વેડફી નાખી છે. જે વિપક્ષની નેતાગીરીની વૈચારિક અપરિપકવતા અને જૂની પુરાણી વિરોધ કરવાની પધ્ધ્તિ અને રીત ભાત દર્શાવે છે. ક્યારે ક નવો અભિગમ અપનાવી ચીલો ચાતરવો ધાર્યા કરતા વધારે સફળતા અપાવનારો બને છે. અલબત્ત એ માટે નવા વિચારો અને નવી યુક્તિઓ ગહન ચિંતન કરી શોધી કાઢવી રહે ! દેખાવો-સરઘસ-આવેદનપત્રો-પૂતળા બાળવા અને હવે નવો તુક્કો મોક એસેમ્બલી બોલાવી નાટ્યાત્મક રીતે મજાક કરી ધારાસભા જેવા ગૃહના ગૌરવનું હનન કરવું તે જવાબદાર વિપક્ષની સ્પષ્ટ રીતે હતાશા અને અપરિપકવતાનું ધૌત્તક છે !!

ખરેખર જો ગુજરાતના લોકોના હિત અને કલ્યાણની દરકાર વિપક્ષને હૈયે હોત તો, જ્યારે આ લઠ્ઠાકાંડ બહાર આવ્યું ,કે તુરતજ શાસકપક્ષના મુખ્યમંત્રી અને અન્ય મંત્રીઓ સમક્ષ, આવા લઠ્ઠાકાંડ ભવિષ્યમાં ના સર્જાય તે માટે, કઈ જાતના પગલાં લેવા કે વ્યવસ્થા વિચારવી જોઈએ, તે વિષે ચાલો આપણે બંને, વિપક્ષ અને શાસક પક્ષ સાથે મળી સંયુકત રીતે વિચારણા કરવાનું વિપક્ષે આહવાન આપ્યું હોત, તો શાસકપક્ષની આ વિષેની નિષ્ઠા ઉપરાંત સત્તાધીશો-અમલદારો-પોલીસ અને તેના ઉચ્ચ અમલદારોની સાંઠગાંઠ હોત, તો, તેપણ, આપોઆપ બેનકાબ થઈ શકી હોત ! અને આવા અભિગમને સામાન્ય પ્રજાએ દિલથી વધાવી લીધો હોત તેમાં કોઈ બે મત નથી !

દરેક પ્રશ્ને લોકોના હિતમાં હોય અને જો તે વાત શાસક પક્ષ તરફથી કે વાઈસે વર્સા રજૂ કરવામાં આવે તો તે બાબતનો વિરોધ જ કરવો તેવી માનસિકતા બદલવા અને સંયુકત રીતે સ્વીકારવાની ખેલદિલી સ્વતંત્રતાના 62 વર્ષ પછી પણ ના આવે તો આપણી લોકશાહી પુખ્ત થયેલી ગણી ના શકાય !

વિપક્ષના આંદોલનનો હેતુ તો દારૂના અડ્ડા- ભઠ્ઠી અને બૂટલેગરોને ઉપરાંત અન્ય સંડોવાયેલા પોલીસો-અમલદારો અને રાજકારણીઓ-સત્તાધીશોને પકડી સખ્ત સજા કરાવવાનો છે કે બીજો કોઈ HIDDEN હેતુ પણ આની પાછળ છૂપાયેલો છે ? જેવો કે આવા અસમાજિક તત્વો પાસેથી મળતી રકમમાંથી અમારા ભાગનુ શું ? અને તે વિષે સમજણ નહિ થાય ત્યાં સુધી આ આંદોલનો ચાલ્યા કરશે તેવી વ્યુહ રચના અમલમાં મૂકી છેક તળિયા સુધી લઈ જવામાં આવશે ! યાદ રાખો લોકો ભલે વાચાળ નથી થયા પણ ઉંડી સમજ ધરાવતા તો અવશ્ય થયા છે. અને તેથી જ કોઈ પણ આંદોલનોમાં સામાન્ય પ્રજા જોડાવાનું મુનાસીબ માનતી નથી અને દૂર રહે છે પરિણામે મુદા સાચા હોવા છ્તાં આવા આંદોલન જન્-આંદોલન બની શકતા નથી. તમામ રાજકિય પક્ષોએ પ્રજાની આ સમજણની નોંધ લેવાની જરૂર છે જેથી જ્યારે પણ આંદોલનાત્માક વ્યુહ વિચારવામાં આવે ત્યારે સ્વમાન ભેર ક્યારે આવા આંદોલનો ચહેરો બચાવી ( FACE SAVING ) સમેટી લેવાનો વ્યુહ, પણ શરૂ કરવાની સાથે જ નક્કી કરી લેવો રહ્યો !!

અલબત્ત હાલ તો મારી વાત લઠ્ઠાકાંડ પૂરતી મર્યાદિત રાખી તે વિષે પાછા ફરીએ તો વિપક્ષને આવો નવો અભિગમ સ્વીકારવો કેમ નહિ ગમ્યો હોય તેવો પ્રશ્ન, સ્વાભાવિક રીતે, સૌ કોઈને ઉઠે ! શું વિપક્ષને ભય હશે કે પોતાના જ કેટલાક હોદેદારો આવા અસામાજિક તત્વો સાથે સાઠગાંઠ ધરાવી રહ્યા છે ? અથવા મોટા ભાગના તાલુકાથી માંડી રાષ્ટ્ર કક્ષા સુધીના હોદેદારો છાંટો-પાણી કરનારા હશે-અલબત એ વિદેશી જ હોય ! દેશી કે લઠ્ઠો તો ના જ હોય !!

એક વાત તો નક્કી જ છે કે જ્યારે કોઈ પણને આહ્વાન કે પડકારવા જઈએ ત્યારે પૂર્વ શરત સ્વરૂપે આપણે પોતે અને આપણાં અનુયાયીઓ શુધ્ધ્-પ્રામાણિક-નિખાલસ અને બિનભ્રષ્ટાચારી કે લાંચ્-રુશવતથી તો પર, અનિવાર્ય રીતે હોવા જોઈએ ! અને જો આમ હોય તો જ રજૂઆત કરનારનો અવાજ ધારદાર અને બુલંદ બની રહે અને, અને તે અવાજને લોકોનો ટેકો માગ્યા વગર મળી રહે. ઉપરાંત કોઈ સત્તા આવા અવાજને અવગણવાની હિમત ના કરી શકે !

મારા નમ્ર મત પ્રમાણે જ્યારે પણ, કોઈ પણ, પ્રશ્નની રજૂઆત કરવાની આવે ત્યારે, એ પ્રશ્નની પાછળ રહેલ, મૂળભુત હેતુ કે ઉદેશ ભૂલાઈ નહિ જવો જોઈએ ! દારૂ પીવો એ અને બનાવી વેચવો દેશી લઠ્ઠાના સ્વરૂપે કે વિદેશી એ સામાજિક દૂષણ છે અને તેને કારણે અનેક પરિવારો બરબાદ થઈ જાય છે, અને અન્ય પણ, અનેક સામાજિક/કાયદાકિય પ્રશ્નો પણ ઉપસ્થિત થયા કરે છે. જે આખરે કાયદો અને વ્યવસ્થા જાળવવામાં અવરોધ ઉભો કરે છે. અને ક્યારેક પડકાર રૂપ બની રહે છે.

આ દુષણ કદાચ છેક મૂળમાંથી સંપૂર્ણ નેસ્ત-નાબુદ ના કરી શકાય પણ, મહદ અંશે દૂર કરવા શું પગલા લેવા જોઈએ, તે વિચારવાનું અને કઈ જાતના પ્રયાસો હાથ ધરવા જોઈએ તે હેતુ અને ઉદેશ ભૂલી જઈ, આંદોલનાત્મક પગલા ભરી, વિપક્ષ ખોટા માર્ગે ચડી ગયો છે. મારા મતે હજુ પણ મોડું થયુ નથી. જાગ્યા ત્યારથી સવાર ગણી, તમામ આંદોલનાત્મક પગલાં બંધ કરી, શાસક પક્ષ અને સરકારને આહ્વાન આપો કે આવો આપણે સાથે રહી ગુજરાતના લોકોના હિત અને કલ્યાણ માટે વિચારીએ અને આ દારૂના દૈત્યથી સમગ્ર ગુજરાતને મુકત કરી દેશને એક નવો રાહ બતાવીએ ! જે કોઈ નક્કર પગલાં નક્કી કરીએ તેના અમલ માટે વિપક્ષનો સંપૂર્ણ સાથ અને સહકાર આપવાની અમારી બાંહેધારી છે.

આવો ! આપણે એક એવી સંયુકત કમિટી બનાવીએ જે, ગુજરાત ભરના તમામ શહેરો અને ગામડાંની મુલાકાત લે, અને સામાન્ય લોકોને આ દારૂ-લઠ્ઠા- કઈ રીતે અને કેટલું નુકશાન કરે છે તે વિષે સભાન કરી, બૂટલેગરો અને દારૂ ગાળવા વાળાઓને પણ, તેમની સામાજિક જવાબદારીઓ વિષે સભાન કરી, એક નવી હવા સમગ્ર ગુજરાતમાં ઉભી કરી, આપણાં દેશને પણ નવો માર્ગ ચીંધીયે !

જે દર્દ છે તેનું સાચુ નિદાન કરી ને જડ મૂળમાંથી નાબુદ કરવાની, અને જે અંગ સડી ગયું હોય, અને કાપી નાખવું પડે તો, તે રીતે એવા ક્રોનિક તત્વોની વાઢ-કાપમાટે પણ તૈયારી રાખવાની રહેશે !

હાલ વિપક્ષ જે રીતે આ પ્રશ્ન હલ કરવાનો પ્રયાસ કરી રહ્યો છે તેથી કોઈ હેતુ કે ઉદેશ સિધ્ધ થવાની કોઈ સંભાવના જણાતી નથી. એક વાત બહુ જ સ્પ્ષ્ટ રીતે વિપક્ષે સમજી લેવી જોઈએ, કે તેના દ્વારા આપવામાં આવતા પડકારને કે આહ્વાનને જો સરકાર કે શાસક પક્ષ ના સ્વીકારે અને કોઈ બહાના બાજી કરે તો તે પણ તેમના ફાયદામાં જ રહેવાનું છે ! કારણ કે શાસક પક્ષનો અને સરકારનો ઈંનકાર તેમને ઉઘાડા પાડશે ! જે આખરે તો વિપક્ષના લાભમાં જ રહેવાનું છે !

છેલ્લા સમાચાર જાણવા મળે છે તે પ્રમાણે ગુજરાત સરકાર નશાબંધી કાયદામાં સુધારો કરી દારૂ બનાવનાર, વેચનાર, અને હેરાફેરી કરનાર બૂટલેગરોને ફાંસી અથવા આજીવન કેદની સખત સજા કરવા વિધાનસભાના ચાલુ સત્રમાં જ સંશોધન માટે બીલ લાવી રહી છે – ત્યારે એક જવાબદાર વિપક્ષ તરીકે આપને માટે આ સોનેરી તક છે. આપ આ સંશોધનને હ્ર્દય પૂર્વક ટેકો આપી સર્વાનુમતે એકી અવાજે પસાર કરી ગુજરાતની પ્રજાના હિત અને કલ્યાણ માટે આપનો પક્ષ ઉત્તરદાયિત્વ નિભવવા નિષ્ઠા પૂર્વક પ્રતિબધ્ધ છે તે પુરવાર કરી દો !

ઉપરાંત વિપક્ષ તરફથી જ આ ખરડામાં જે કોઈ પોલીસો કે પોલીસ અમલદારો કે રાજકારણીઓ/સત્તાધીશો સંડોવાયેલા પકડાય તેમને નોકરીમાંથી બરતરફી ઉપરાંત સખ્ત કેદની સજા અને વિશેષમાં તેમની અને તેમના પરિવારને નામે રહેલી તમામ માલ્-મિલ્કત જપ્ત કરવાની સત્તા આપતો સુધારો પસાર કરાવવા રજૂ કરી એકી અવાજે પસાર કરાવવા શાસક પક્ષને ફરજ પાડો ! જે તમામ ધારાસભ્યો શાસકપક્ષના કે વિપક્ષના ખરા અર્થમાં ગુજરાતની પ્રજાના હિત અને કલ્યાણ માટે ગંભીર અને પક્ષાપક્ષાથી પર રહી પ્રતિબ્ધ્ધ છે તેપણ નિઃશંક પુરવાર કરશે !

ઉપરાંત આ કાયદાના અમલી કરણ માટે એવા ચેક લીસ્ટ બનાવવા સરકારને ફરજ પાડો કે જેથી આવી કડક જોગવાઈ રખેને મોટી રકમના હપ્તા મેળવવાનું સાધન ના બની રહે ! આ ભય સ્થાન તરફ બંને પક્ષોએ પુખ્ત અને ગંભીરતાથી ચર્ચા-વિચારણા કરી અમલીકરણ વિષે લીકપ્રૂફ સીસ્ટમ ઉભી કરવી અનિવાર્ય ગણાવી જોઈએ નહિ તો આવા કડક કાયદાથી પણ વાસ્તવમાં કોઈ પરિવર્તન નહિ આવી શકે !

પરંતુ યક્ષ પ્રશ્ન તો એ છે કે વિપક્ષના નેતાઓ આવો નવો અભિગમ અપનાવવાની આટલી સમજણ અને પરિપકવતા ધરાવે છે ખરા ?

Advertisements

12 comments

  1. SAHEB AAMA SARKAR K PACHI KOI PAKSHA KARAT VADHU VAK AAPDO CHE KAYDO PALVA NO MARE NE TAMRE HOY CHE SARKAR TO KAI DARU BANAVTI NATHI ANE VECHTI PAN NATHI MATE JARUR PRAJA NE JAGVA NI CHE JO PRAJA NE DARU KE LATHHO PIVO HOY NE MARVU HOY TO TENE MARVA DEVA J JOVE ANE RAHI VAT POLICE ANE BIJA KAYDA NI TO AETO TODAVA MATE J HOY CHE TAME JO JO ATYARE JE KOI PAN PAKDAYA HASHE TE BADHA MODA MA MODA 6MONTH MA PACHA JUNA DHANDHE LAGI JASHE ANE HU NE TAME PAN AA LATTHAKAND NE BHULI NI KAIK NAVI VAT KARTA HASHO. AAJ AAPDI PRAKRUTI CHE,,,,,

    Like

    1. પ્રજા જાગે તો નમાલી સરકાર ભાગે તેમાં કોઈ શંકા નથી. પણ પ્રજાને જગાડે કોણ ? માત્ર કાયદાથી કોઈ પ્રકારના સુધારા ના થઈ શકે. કાયદાનું પાલન ભય વીના કોઈ ના કરે તે મનુષ્ય સ્વભાવ છે ! કડક પાલન કરી શકે તેવી નિષ્ઠાવાન અને કમીટેડ પ્રામાણિક અમલદારોની ટીમ જ આ કરી શકે પણ તે કયાં શોધવા જવી ? લાંચ-રુશવત અને ભ્ર્ષ્ટાચાર તો હવે શિષ્ટાચાર બની ગયો છે. ગાંધીજીને નામે દારૂબંધી રહેવી જોઈએ તેવું કહેનારા નો છુપો ઈરાદો તો હપ્તા ચાલુ રહે તે છે. સામાન્ય લોકોએ આ સમજી લેવાની જરૂર છે. રાજકારણીઓ હંમેશા પોતાના ફાયદાની જ વાતો લોકોના કલ્યાણને નામે કરતા આવ્યા છે અને કરતા રહેવાના છે. આપની વાત સાચી છે આ ક્ષણિક ઉભરો છે અને થોડા દિવસોમાં બીજી કોઈ સનસનાટી ભરી વાત આવશે એટલે બધા જ બધા આ વાત ભૂલી જવાના છે ! નહિ ભૂલે જેમને આ લઠ્ઠાને કારણે પીડા ભોગવવાની આવી પડી છે.

      સ-સ્નેહ
      અરવિદ

      Like

  2. કશું અશક્ય નથી..કાયદાના નિયમ જરુરી છે તો નિયમન પણ જરુરી છે મોટાભાગના પાળે છે જે નથી પાળતા અને તોડવામાં સહાયરુપ છે તેઓ ખુબ નુકશાન કરે છે…યુ.કેમા દારુબંધી નથી પણ નિયમન છે રોડ પર નહિ પીવાય, પીને ગાડી ના ચલાવાય…તો પણ અમુક લોકો તો નિયમ તોડે જ છે પણ તેના પર કાબુ છે અને પોલિસ દંડ પણ કરે છે…રમેશ પટેલની વાત સાચી માણસ બદલાય તો બધુ બદલાય.. નિયમ સચવાય તો બધુ કાબુમાં પણ રખાય..દારુ કરતાં ય લઠ્ઠો ખરાબ કેમ કે માણસ મરી જાય છે..તો દારુની પણ ગુણવત્તા તો રહેવિ જોઈએ..પણ જે લોકો બેફામ રીતે બધુ કરવા લાગે છે તેના માટે તો બધુ જ ખરાબ…એક પાર્ટી બીજીને દોષ આપવા માંડે આ તો પરિસ્થિતીનો ગેરલાભ લેવા માંગે છે..તેમને તો સમસ્યા સાથે કંઈ લેવાદેવા જ નથી..આવા નેતા દેશનું કદી ભલુ ન કરી શકે…

    Like

    1. ભાઈશ્રી દિલીપ

      આપ યુ.કે નો દાખલો આપો છો તેવા અનેક પ્રકારના કડક કાયદાઓ અહિ પણ પ્રવર્તમાન છે જ માત્ર જરૂર છે અસરકારક અમલીકરણની અને કમભાગ્યે કડકાઈ ભરેલો અમલ કરવાની કોઈની નથી ઈચ્છ કે નથી દ્વષ્ટિ ! પોલીસો હેલમેટ કે સીટ્ટ બેલ્ટના બાંધેલ હોય તેવા લોકોને દંડવાનો જે ઉત્સાહ દેખાડે છે તેવો 1% પણ આવા ગંભીર ગુન્હા માટે દેખાળતા નથી હોતા. યુકેમાં કે અન્ય પશ્ચિમ્ના દેશોમાં કાયદાનું કડક અમલીકરણ લોકોને નિયમનમાં રાખે છે અને નિયમો તોડનારા અપવાદ રૂપે હોય છે. કમભાગ્યે અહિ કજે કાયદાનું પાલન કરવા રહે છે તે અનેક રીતે વધારે દંડાતા રહેતા હોય છે. ગુજરાતમાં તો દેશના અન્ય ભાગ કરતાં કાયદા અને વ્યવસ્થા ઘણી સારી ગણાવી શકાય તેમ છે.ખેર ! સભાન રીતે લોક-જાગૃતિનું અભિયાન આવનારા દિવસોમાં અચુક સારું પરિવર્તન લાવશે તેવી આશા સાથે આપનો આભાર.

      સ-સ્નેહ
      અરવિંદ્

      Like

  3. દારુ દૈત્ય છે.પ્રજા નો અમુક વર્ગ ઘર ઘરનો બંધાણી છે.વ્યસન મુક્તિ માટે પાયાથી કામ કરવાની

    જરુરિયાત છે.માનસ બદલાયતો બદી જલદી દૂર થાય.ઈલેક્શનમાં રાજકીય પક્ષો દારુની પરબ માંડેછે.

    બદી સામે જાગૃતતા દાખવવાની સહીયારી જરુરત છે.દોષારોપણ એકબીજા પર કરવાથી વાત સુધરે તેમ નથી.

    પૉલીસ માટે તમારી પોતાની વીકનેશ જ મદદગાર થાય છે.રાજકીય પહેલ કરવાની શ્રી મોદીએ શરુઆત કરી છે.

    મતના ત્રાજવે વિપક્ષો તોલવા મથશે પછી જાય બદી ની વાત ગટરમાં….કોઇકતો ઝઝૂમશે જરુર, ભાઈ આ ગુજરાત છે.

    રમેશ પટેલ(આકાશદીપ)

    Like

    1. ભાઈશ્રી રમેશ
      આપે મારા બ્લોગની મુલાકાત લીધી અને પ્રતિભાવ પણ જણાવ્યો આભાર. આપણે સૌ એવી આશા રાખીએ કે આ બદી વહેલામાં વહેલી ગુજરાતમાંથી વિદાય લે અને શાસક-સરકાર અને વિપક્ષ આનાથી થતી સામાન્ય નાગરિકોની ખાના-ખરાબીથી સભાન બની વધુ અને વધુ સતર્ક બની અસરકારક વહિવટી પગલાં ભરે !

      સ-સ્નેહ
      અરવિંદ

      Like

  4. અરવિંદકાકા,
    નમસ્કાર!
    તમારી એક વાત સાવ સાચી છે કે આ દૂષણ ને જડમૂળ માંથી કાઢી શકાય તેમ નથી, અને ગમે તેવો મજબુત કાયદો હોય છતાં તેનું પાલન કરાવનારા, કાયદા નાં રક્ષક હપ્તાં લઈને કાયદાને વામણો કરી દેવાના! પરંતુ એક જાગૃત નાગરિક તરીકે એટલું જરૂર દયાન રાખવું પડે કે આ દૂષણ ને આપણાં ઘરમાંથી, સગાં-સંબંધી માં કોઈ ને લત લાગી હોય તો તેને બરબાદ થતાં અટકાવીએ કે આગળ વધતાં અટકાવી તિલાંજલી આપીએ. શરૂઆત આપણાંથી થવી જોઈએ!! મેં પણ આ વિશે લેખ લખી નાંખ્યો છે જેની લીંક આ રહીઃ

    http://pravinshrimali.wordpress.com/લટ્ઠાકાંડ પછી, જાગ ઊઠા હૈ ગુજરાત !! પરંતુ આ જુવાળ કાયમ રહેશે ?!
    જો રહે તો ?! તો ગુજરાતની કાયાપલટ થઈ જાય…

    Like

    1. ભાઈશ્રી પ્રવીણ

      આપની વાત કાયદાના રક્ષકો કાયદાને વામણો ના બનાવી દે તે માટે તકેદારી રાખવા અને લીક્પ્રૂફ સીસ્ટમ ઉભી કરવાની જવાબદારી સરકાર અને વિપક્ષ બંનેની છે અને તે વિષે મેં મારા લેખમાં ચેતવણી ઉચ્ચારેલી જ છે. બીજી આપની વાત આપણાં ઘરથી શરૂઆત કરવાની બિલકુલ સાચી છે. આવી હિમાયત કરનારાના વિચાર અને આચાર સરખા નહિ હોય તો કોઈ ઉપર આવી ડાહી ડાહી વાતોની અસર નહિ થાય.
      આભાર આપના પ્રતિભાવ બદલ.

      સ-સ્નેહ
      અરવિંદ

      Like

  5. દારૂનો દૈત્ય એમ મરવાનો નથી. અને ક્યાંક વધારે નિંયત્રણો સજાઓ અને કાયદાઓ પોલિસનો હપ્તો વધારવા માટે યોગ્ય કારણ બનશે અને પોલિસ અને રાજકારણીઓ પોતાના ગજવામાં વધારાની ઉપરની આવક મેળવશે.
    વિરોધ પાર્ટી કોંગ્રેસ પણ કંઈ દૂધે ધોયેલ નથી.
    માફકસરની દારૂબંધી હઠાવવાનો સમય આવી ગયો છે.
    જે રાજ્યમાં અન્યો રાજ્યો કરતાં વધુ દારૂ પીવાતો હોય અને ચોરેને ચકલે મળતો હોય એવી વાંઝણી દારૂબંધી શા કામની

    આ તો ગાધીનુ રાજ્ય એટલે દારૂ તો ન જ વેચાય એવી માન્યતા છોડવી જરૂરી છે ! બાકી નિંયત્રણોને તો લોકો દારૂમાં જ ધોળીને પી જશે.

    Like

    1. ભાઈશ્રી

      આપની વાત સાથે હું મહદ અંશે સહમત છું. આપે જોયું હશે કે મારા લેખમાં પણ એ બાબત ચેતવણી ઉચ્ચારી જ છે. બાકીતો આપણે પ્રયાસો કરીએ અને આ બદી ભવિષ્યમાં બીજા લોકોનો ભોગ ના લે તેમાટે સૌ પોતે જ પોતાની જાતને સમ્જાવે અને પૂરી તકેદારી પૂર્વક વર્તતા થાય તેમ ઈચ્છીએ !

      સ-સ્નેહ

      અરવિંદ

      Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s