વિશ્વશાંતિ માટે યજ્ઞ

!! ***** !!  વિશ્વશાંતિ માટે યજ્ઞ અને તે ગાંધી મેદાનમાં  !! ***** !!

આપણો દેશ આવનારા 10 વર્ષોમાં સુપર પાવર થવા જઈ રહ્યો છે અને  21 મી સદીમાં  તો આપણે પ્રવેશી પણ ચૂક્યા છીએ તેમ માનવામાં અને મનાવામાં આવી રહ્યુ છે.બરાબર આ જ ટાંકણે એવા સમાચાર મળી રહ્યા છે કે આવનારા નવેમ્બર માસમાં કોલ્હાપુર શહેરમાં એક યજ્ઞ સમગ્ર વિશ્વની શાંતિ માટે યોજાય રહ્યો છે અને તે પણ ગાંધી મેદાનમાં !!!

+ આ યજ્ઞમાં 108 હવનકુંડ હશે જેમાં 15 હજાર કિલો ઘી,છ હજાર કિલો લાકડાં,પંદર હજાર કિલો તલ અને 11 લાખ કમળનાફૂલ સફિત અન્યઢ્ગલા બંધ સામગ્રી હોમાવાની છે. અત્યાર સુધીમાં ક્યારેય ના થયો હોય તેવો આ યજ્ઞ થશે તેમ કહેવાય છે. આ યજ્ઞમાં 500 પુરોહિતો હોમ્-હવનની વિધિ કરાવશે અને દેશના રાષ્ટ્રપતિ ઉપરાંત એક લાખથી પણ વધુ ભાવિકો લાભ લેશે.

આ યજ્ઞ યોજનારા શક્ય છે કે આપણા દેશમાં તાજેતરમાં જ આવેલા નદીના ભયંકર પુરને કારણે વિસ્થાપિત થયેલા લોકોની વેદના કે વ્યથાથી અજાણ હશે. જ્યારે આપણાં જ દેશના હજારો મનુષ્યો પરિવાર સાથે અનેક પ્રકારની તક્લીફો અને મુશ્કેલી કુદરતી પ્રકોપને કારણે ભોગવી રહ્યા હોય ત્યારે કયા પ્રશ્નને પ્રાથમીકતા આપી લોકોની વેદના ઓછી કરવા વિચારવું જોઈએ ?  તેવો સવાલ પેદા થયા કરે છે.

+  આ યજ્ઞમાટે કેટલાક દાનવીરો પાસેથી ખર્ચને પહોંચી વળવા મોટી રકમના દાન પણ મેળવાયા જ હશે અને ત્યારે દાન સ્વીકારનાર જે પણ આ પ્રકારની આધ્યાત્મિક સંસ્થા કે ટ્ર્સ્ટ હશે તેઓએ આ રકમ ક્યા પ્રકારના ઉધ્યોગ કે વેપાર ધંધામાંથી મેળવાઈ હશે તેની યોગ્ય ચકાસણી પણ કરી જ હશે તેમ માનુ છું. કોઈ પણ ધાર્મિક કે આધ્યાત્મિકતાને નામે થતા આવા યજ્ઞો કે અન્ય પ્રકારની વિધિઓ જો અનીતિ કે ગેરરીતિથી મેળવાયેલ રકમથી કરવામાં આવે તો વિપરીત પરિણામો આવે જ છે અને જે ઉદેશ સાથે આવા વિધિ-વિધાન થયા હોય તે ફળીભૂત ના જ થઈ શકે. માટે આયોજકોની એ નૈતિક જવાબદારી બની રહે છે કે આ બાબત કોઈની પણ શેહ-શરમમાં આવ્યા વગર એક એ પ્રકારનુ સોગંદનામું તમામ દાનવીરો પાસે થી મેળવ વુ જોઈએ કે દાનમાં આપવામાં આવતી રકમ કોઈ પણ પ્રકારની અનીતિ કે ગેર રીતિથી મેળવાયેલી નથી.

+  એક બીજી વાત પણ ગાંધીજીએ કહેલી તે મને યાદ આવે છે કે કોઈ પણ પ્રવૃતિ કરતા પહેલાં સાધન શુધ્ધિ હોવી ખૂબજ જરૂરી ગણાવી જોઈએ. જો સાધન જ શુધ્ધના હોય તો તેના થકી થતી કોઈ પણ પ્રવૃતિનુ પરિણામ ધારવા પ્રમાણે નહિ મળતા કયારેક વિપરીત પણ આવી શકે  અને જે કદાચ નહિ ધારેલુ નુકશાન કરી બેસે

.

+  અલબત્ત હું આ લખી રહ્યો છું ત્યારે ખૂબજ સભાન છું કે આજના આ સમયમાં ગાંધીજી પ્રસ્તુત રહ્યા નથી એટલું જ નહિ પરંતુ માત્ર અને માત્ર બાહ્યાચાર જ સમાજ ઉપર હાવી થઈ ગયેલ છે અને તેથી કરવામાં આવતી આધ્યાત્મિક કે ધાર્મિક પ્રવૃતિ માટે ધન ક્યાંથી અને કેવીરીતે મેળવાય રહ્યું છે તેની કોઈ પરવા કરતું નથી. પરિણામે જ્યારે દાવો કરવામાં આવ્યો હોય તેવું પરિણામ ના મળે એટ્લે ચાલાકીથી કળિયુગને દોષ દઈ લોકોને મુર્ખ બનાવામાં આવે છે અને પડ્દા પાછ્ળ રહેલાઓ પોતાના મોજ્-શોખ માટે કે અન્ય ખર્ચ માટે સહેલાઈ અને સરળતાથી મોટી રકમ ઘર ભેગી કરી શકે છે.

 

+  આ સૂચન ખાસ તો વિપરીત પરિણામો ટાળવા માટે કરેલ છે કારણકે આપણો અનુભવ પણ એવી શાક્ષી પુરાવે છે કે ખોટે રસ્તે મેળવેલું ધન ક્યારેય સારા પરિણામો ના લાવે. ઉપરાંત જે સામગ્રી આ યજ્ઞમાં વપરાવાની છે તેની કિમંત શક્ય છે કે લાખો રુપીયા થશે અને તે કોઈ એક વ્યકતિ અથવા એક જ સંસ્થા ના ઉઠાવી શકે.

+  મારું તો સ્પષ્ટ અને દ્રઢ માનવું છે કે જ્યારે દેશમાં હજારો એવા બાળકો છે કે જેમને 1-2 ઘૂંટ્ડા દૂધ પણ નસીબ થતું નથી ત્યારે 15 હજાર કિલો ઘી અને અન્ય ખાધ્ય ચીજો આ યોજવામાં આવનારા વિશ્વશાંતિ યજ્ઞમાં હોમાય જશે અને ધૂમાડો થઈ જશે. વિશ્વશાંતિ જો યજ્ઞ કરવાથી જ મેળવી શક્ય હોય તો આપણાં દેશમાં પ્રવૃત આતંકવાદ અને નક્શ્લવાદને ખત્મ કરે તેવા યજ્ઞ  કરવાનું આયોજન કરવાનું કેમ કોઈ બીડું નથી ઝ્ડપતું ? કે જેથી અનેક નિર્દોષ લોકોની જાન બચાવી શકાય્.

+  મને યાદ છે કે સ્વામી સચ્ચિદાનંદજી એ એક વાર એવું સૂચન કરેલું કે આપણે ત્યાં મહાદેવને દૂધ ચડાવી પૂજા કરવામાં આવે છે તે જો શક્ય હોય તો પૂરેપૂરી બંધ કરી અને આ દૂધ ગરીબ બાળકો વચ્ચે વહેંચી દેવું જોઈએ  પણ જો શ્રધ્ધાળુને દૂધ ચડાવવું જ હોય તો  ભલે દૂધ ચડાવે પણ આ દૂધને નીકમાં વહી જવા દેવાને બદલે એક કુંડી/વાસણમાં એકઠું કરી રીસાયકલથી શુધ્ધ કરી ગરીબ બાળકોને  પીવા આપવું જોઈએ. આ સૂચન કોઈએ સ્વીકાર્યુ હોય તેમ જાણવામાં આવ્યું નથી. મહાદેવના મંદિરમાં આ દૂધ  જે નીકમાં વહેતું હોય છે તે સ્થળે એટ્લી દુર્ગન્ધ આવતી હોય છે કે કોઈ ત્યાં 1-2 મિનીટ પણ ઉભા ના રહી શકે. પંરતુ આપણી અંધ શ્રધ્ધા એટલી પ્રબળ હોય છે કે ગંદ્કી આપણને તો કોઠે પડી ગઈ છે . આપણાં ઈશ્વરે પણ આનો સ્વીકાર કર્યે જ છૂટ્કો કારણ ભક્તો રાખે તેમ ભગવાને પણ રહેવું પડે છે.

 રખે એમ માનતા કે આ લખનાર બિલકૂલ નાસ્તીક છે. હું ઈશ્વરમાં સંપૂર્ણ શ્રધ્ધા અને વિશ્વાસ ધરવતો હોવા છતાં આવા કાર્યો માટે મેળવવામાં આવતા ધનની તલ:સ્પર્શી તપાસ કર્યા પછી જ સ્વીકાર કરવો જોઈએ એ વાતમાં હું મક્કમ અને દૃઢ્તાથી માનું છું અને સાધન જો શુધ્ધના હોય તો ક્યારે ય ધારેલું ફળ પ્રાપ્ત ના થાય.

 જે મેદાનમાં આ યજ્ઞ યોજાવાનો છે તે મેદાન ગાંધી મેદાન તરીકે ઓળખાય છે તે પણ વિધિની કેવી ક્રુરતા કે કરુણતા છે કે જે ગાંધીએ એમ કહેલુ  કે તમે જે દીવો કરો છો અને તેમાં જે ઘી વાપરો છો તે કોઈ  ગરીબ બાળકના પેટમાં જાય તો કેટલું સારું થાય્ પણ આપણી વિધિ વિધાનની જડ્તા તેમ કરવા ના જ દે તે પણ આપણા સમાજની કરુણતા જ ગણાવી જોઈએ.

10 comments

  1. પ્રિય અરવિંદભાઈ
    તમારું વિશ્વશાંતિ વિશેનું લખાણ વાંચ્યું .
    હું નથી માનતો કે આવા ખર્ચાળ યજ્ઞથી વિશ્વમાં મારા મારી , લોકોના ગલાં (ડોકાં)કાપવાની વૃતિ જે વિશ્વમાં ચાલી રહી છે ,એ એકદમ બંધ થઇ જશે .

    Like

  2. chanabhai vadoliya
    2 may 2013
    aravind bhai sacha chhe.karya ne karan ne sabandh hovo joie, vishvshanti ane yagnane kai sabandh kharo? yagna pachhi vishvana ke deshana kya kya salagata prashno hal thaya?
    te yagnana samrthakoe jaher karavu joiae. baki hetu na sare to aava bhadka bandha karava joiae.

    Like

  3. Shri Arvindbhai,
    Me ap no blog vanchyo saru che pan derek vakhate hindu dharma nij kem tika karo cho, church bandhay che masjid bandhay che derasar bandhay che, gurudwara bandhay che tema to koi boli nathi saktu hindu bolta nathi teno matlab em nathi ke te kamjor che sau pot potani rite dharma pale ema mane nathi lagth ke ama koine vandho hovo joye faqt hindu mandir ane tene vidhi nij kem ninda me tamara ghana lekh vanchya tema faqt ane faqt hindu dharm, sampradayo, tene vidhi onij ninda kari che kayarek possitive pan lakho.

    Like

  4. તમને ખાલી એક શ્રધ્ધાલુંના ઘી ના દીવા સામે વાંધો છે….
    શું સમાજ માં આજે આ જ ખર્ચા ખોટા થાય છે?
    ક્રિકેટ ના નામે ખર્ચાતા કરોડો રૂપિયાનું શું? ક્રિકેટ ના નામ પાછળ કરોડો માનવ કલાકો બગડે છે એનું શું?
    તાકાત હોય તો ખાલી તમારી સોસાયટી ના યુવાનો ને જ સમજાવી જુઓ ક્રિકેટ ના જોવા માટે…..
    મુવી અને પિકચરો પાછળ ખર્ચાતા રૂપિયા નું શું? શું આપે છે આ પિકચરો સમાજ ને…લોકોને સમજાવો ને પિકચરો ના જોવા માટે….કરોડો રૂપિયા બચશે…
    ધનિકોને સમજાવો લગ્ન માં થતા ખર્ચા રોકવા…..આ બધા રૂપિયામાંથી કેટલાયે ગરીબો ના બાળકોને દૂધ તો શું બે ટંક નું જમવાનું મળી જશે….
    અરે લોકો ની વાત જવા દો….તમને એક પ્રશ્ન પૂછું છું…તમારે આ ઉંમરે ઇન્ટર નેટ ની શું જરૂર છે? દર મહીને ઓછામાં ઓછા ૨૫૦ રૂપિયા તો બગાડતા જ હશો ને…એના કરતા ગરીબોને દૂધ પીવાડાવોને એટલામાં….
    તમને એમ થશે કે હું મારા રૂપિયા ખર્ચું છું….તો આ મંદિરો પણ એમના ભાવિકોના શ્રદ્ધા થી ભેટ ધરેલા અને દાન કરેલા રૂપિયા થી જ બને છે…
    તમને એની સામે શું વાંધો છે…અરવિંદભાઈ ના પિતાશ્રી ના તો પૈસા લોકો નથી માંગવા આયા ને…

    Like

    1. ભાઈશ્રી ચેલો
      આભાર આપ બ્લોગ ઉપર પધાર્યા અને પ્રતિભાવો પણ જણાવ્યા. આપના ઉંડા અને ઉંચા જ્ઞાન ( ? ) સાથેજ આપની ઉંડી અને ઉંચી સમજ ( ? ) કાબિલેદાદ જણાઈ ! અને માનશો આપના આ તમામ પ્રતિભાવોએ મને મુક્ત રીતે ખડ ખડાટ હસાવ્યો ! ધન્યવાદ ! ફરીને પણ અનુકૂળતાએ પધારતા રહી આ જ રીતે ખડ ખડાટ હસાવતા રહેશો તેવી અપેક્ષા રાખું કે ?
      સ-સ્નેહ
      અરવિંદ

      Like

  5. આપ કદાચ એમ માનતા હશો કે આપ હવે ઘરડા થયા…
    પણ તમે પણ ક્યારેક જુવાન હતા…એ વખતે આપણે આ બધું કરવાનો વિચાર આવ્યો છે ક્યારેય?
    આવ્યો છે તો શું કર્યું છે એ જણાવશો….
    મને આ બધા વિચારો સામે વાંધો નથી પણ માત્ર ટીકા કરવાવાળા સામે વાંધો છે…
    ઘણીવાર ક્રિકેટ મેચ જોતા લોકોને સાંભળ્યા છે કે ફળના એ આમ બોલિંગ કરવી જોઈએ અને ફળના ને પહેલા મોકલાવો જોઈએ….
    ભાઈઓ આ કોમેન્ટ કરતા પહેલા એ વિચારો કે તમને આમ બોલવાનો કોઈ હક નથી અને તાકાત હોય તો પહેલા ભારતીય ક્રિકેટ ટીમ માં સ્થાન મેળવો અને પછી જે કરવું હોય તે કરો…
    આપ નું આમ જ છે…લોકો જે કરે છે એની માત્ર ટીકા કરવાની…? કોઈની સારી ભાવના તો જુઓ….તમે આજ સુધી કેટલા ગરીબ છોકરાઓને દૂધ પાયું છે ?
    આપના પુત્રી અમેરિકામાં રહે છે એમને કેટલા ગરીબોની મદદ કરી છે ? સારા કામ ની શરૂઆત ઘરમાંથી કરોને ભાઈ સાહેબ..

    Like

  6. અરવિંદભાઈ,
    આપના વિચારો સારા છે. પરંતુ ખાલી બ્લોગ ઉપર લખ્યા કરવાથી શું થશે?
    લોકોને સલાહ આપો છો કે આમ ના કરવું અને તેમ ના કરવું …
    આતંકવાદ ને ખતમ કરે તેવા યજ્ઞ નું બીડું કોઈ ઝડપે તેની રાહ શું કરવા જુઓ છો….
    તમને કોણે ના પાડી છે આ બીડું ઝડપવાની….તમે જ ચાલુ કરો ને….
    આપણે ખાલી લખવું છે અને ચર્ચાઓ જ કરવી છે…એના કરતા લોકો જે કરે છે એ કરવા દો…એની પાછળ એમની ભાવના સારી છે એ જુઓ….
    આયોજકો એ ઘી એમના ઘર માટે નથી માંગ્યું…અને તમારી પાસે લેવા પણ કદાચ નહિ આવ્યા હોય….
    આપ શ્રી ને અપીલ છે કે સારી વાતો ની શરૂઆત આપ શ્રી જ કરો….અન્ય વાંચકોને પણ કહેવાનું કે વિચારો સારા છે પરંતુ ખાલી ચર્ચા કરવાથી કશું જ નહિ થાય…લોકોની ટીકાઓ કરવા કરતા કૈક કરવાનું વિચારો…આપને એમ લાગે છે કે આ ખોટું થાય છે અને સાચું આમ થાય તો સાચું કરવાનું શરુ કરો…જો આપ સાચા હશો તો આપના કામ માં લોકો આપોઆપ ભળશે…
    બ્લોગ પર ટીકાઓ કરવાથી કશું નહિ વળે….

    Like

  7. kaka jo aapda desh mathi koi ne shanti mate no NOBAL aapva no hoy to aa yagya na aayojako ne aapvo joiye kemke tema iswar teni sathe che vah vah vah…..
    Biji 1 vat ke tame aa Blog nu nam Arvind Adalja
    ne badle Aam Aadmi rakhi dyo. karnke tame je lakho cho te lagbhag badha vichare che ne tame amal ma mukyu che tamre WESDNEDAY film jova ni baki hoy to jojo khibaj saras che.nava Blog aapo

    Like

    1. ભાઈ તેજસ આપના પ્રતિભાવ માટે આભાર્ બ્લોગનું નામ બદલવા આપ કહો છો તે વિષે હાલ તો જરૂરી નથી જણાતું બાકી આપણે તો સામન્ય માણ્સો જ છીએ અને રહેવાના વેદનસડે જોયું નથી પણ એના વિષે વાંચ્યું છે અને સામાન્ય મનુષ્ય પણ કાંઈક કરી શકે છે તે ફિલ્માવાયુ છે. તે વિચાર પણ ખૂબજ પ્રશંસા પામ્યો છે અને વધુ અને વધુ લોકોમાં ફેલાય અને સામાન્ય નાગરિકો હિમત પૂર્વક બાહાર આવે તો ઘણું કરી શકાય તેમાં બે મત નથી જ્ આપના પ્રતિભાવ માટે આભાર્
      સ-સ્નેહ
      અરવિંદ

      Like

  8. ખોટા ખર્ચા અને સાચા ખર્ચા અને આવનાર પરિણામ અંગે કોણ જાગૃત છે ? જે લોકો વધારે અશાંત છે -સ્વસ્થ નથી અને વિચલીત છે તેઓ વિશ્વને શાંત અને સ્વસ્થતા માતે યજ્ઞ કરે કે ધૂપ્-દીવા કરે છે તે પોતાની માનસિક શાંતિ માટે છે.વિશ્વ તો એક ક્રમમાં ચાલે છે .ખરૂ કારણ તો માણસના મનમાં છે.

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s